Ruth; 1 Samuel 1–7

Uwem ɔsɔŋ ye ebekpa ke eyo ekededi. Edi ini emi ebe Ruth akpade, ndaha esie ama enehede ɔsɔŋ. Ke edu-uwem mbon Israel kini oro, ŋwan emi minyeneke ebe mme nditɔ irenowo inyeneke unen ke inyene ye ata esisit usuŋ ndinyene se anamde ndida ndu uwem. Nte mbufo okotde mbuk eke Ruth, fiɔk nte Jehovah ɔkɔŋwɔŋɔde ndiɔk-iso esin ke edidiɔŋ. Nso ŋkpɔ ke mbufo okut abaŋa Ruth emi ekpekemede ediŋwam enye? Didie ke Boaz akafak Ruth osio ke idiɔk ndaha esie? (se Ruth 4:4–10). Didie ke Ruth ye Boaz mbiba ebiet Jesus Christ?

Se ŋko “Be Still, My Soul,” Hymns, no. 124.

Ndusuk mbufo ama enyene akwa ntak-urua, nte Ruth ye Naomi ekenyenede (se Ruth 1:1–5). Mme ekeme-ndidi, nte Hannah, mbufo ama oyom edidiɔŋ eke mbufo mubɔhɔ kaŋa (se 1 Samuel 1:1–10). Didie ke iban emi ekewut mbuɔtidem mmɔ ke Abasi? Nso ŋkpɔ ke mbufo ekpep oto mme uwutŋkpɔ emi?

Ke akpanikɔ, idihe kpukpru owo emi ebɔŋde-akam eyom eyen esibɔ eyen kiet, inyuŋ idihe kpukpru owo emi ŋwan mme ebe akpade esifiak edɔ-ndɔ. Edi kpukpru owo emi ewɔŋɔde ebine Andinyaŋa esibɔ uŋwam ye ndausuŋ Esie. Kere-baŋa nte mbufo eke dibuɔtde-idem ye Jehovah (Ruth 2:12) ke mme ini afanikɔŋ fo.

Se ŋko Amy A. Wright, “Abide the Day in Christ,” Liahona, Nov. 2023, 9–11.

Ini emi mme asua edide-ekɔŋ, nditɔ Israel ekenehede ekere ke edinyene ekebe ediomi eyekpeme mmɔ. Nte mbufo okotde 1 Samuel 46, kere baŋa ntak oro mikinamke utom. (Fiɔk ŋko ke baŋa ndiɔi edinam eke nditɔ irenowo Eli, emi ekenamde utom nte mme oku ke tabernacle, ke 1 Samuel 2:12–25.) Nso ŋkpɔ ke mbufo ekere ke Abasi okodomo edikpep ikɔt Esie? Nso ŋkpɔ ke mbufo ekpep oto se ikitibede inɔ mbon Philistine ke ema ekemum ark oro? (se mme ibuot-ŋwed 5–6). Nso ŋkpɔ ke mbufo ekpep oto ukeme Israel ke edifiak nnyene ukpeme Jehovah ke 1 Samuel 7?

Ekeme-ndidi mbufo emenyene ifiɔk oto ke edikot uto itoro eke Hannah ke 1 Samuel 2:1–10. Nso ŋkpɔ ke mbufo okut ke ikɔ esie emi ekpeke-ŋwamde nditɔ iren Eli ye ofuri nditɔ Israel?

Ndusuk ini, mbufo emekeme edikere nte Samuel, emi okopde uyo Jehovah edi ikifiɔk-ke uyo oro. Ukem nte kpukpru nnyin, Samuel akana nte ekpep nte edifiɔkde uyo Jehovah. Nte mbufo okotde 1 Samuel 3, nso ŋkpɔ ke ekpep oto ekpri eyeneren emi kabaŋa edikop nyuŋ nam uyo Jehovah? Ekeme-ndidi mbufo ŋko omoduŋɔ mme ndadian itie ŋwed Abasi emi onyuŋ anam ibat ndausuŋ emi ekemede ediŋwam owo edifiɔk uyo Jehovah: 1 Kings 19:11–12; Luke 24:15–32; 3 Nephi 11:3–7; Doctrine ye Covenants 6:22–23; 8:2–3; 9:7–9.

Ke mme ini efen, mbufo emekeme edikere ete ke ema eberi mme ikpa-enyɔŋ ndien ke Abasi iyomke edineme nneme ye mbufo. President Russell M. Nelson ete, “Nte Abasi enehede oyom editiŋ-ikɔ nnɔ fi? Iŋ!” (“Revelation for the Church, Revelation for Our Lives,” Liahona, May 2018, 93–96). Nte mbufo okotde etop eke President Nelson, nso ŋkpɔ ke mbufo okut emi ɔdɔŋde fi ndikop nyuŋ nam uyo Jehovah? Nso ke President Nelson okoot fi ete anam, ndien ewe edidiɔŋ ke enye ɔŋwɔŋɔ abaŋa? Mbufo emekeme ŋko edikut mme ikoot ye edidiɔŋ emi ekeŋwɔŋɔde ke “Esaŋa ke uŋwana Abasi” (Enɔde ke Nsɔŋɔnda eke Iwaad: Ndausuŋ ke Ndinam Mbumek, 16–20). Kere-baŋa edimek ŋkpɔ kiet emi mbufo ekemede ndinam ndi “kɔri ndaha-ukeme ŋkpɔAbasi fo man ɔbɔ eriyarare.”

• Nte mbufo abuanade ye nditɔ mbufo mbuk Ruth (mbufo emekeme edikama “Ruth ye Naomi” ke Mme Mbuk eke Akani Testament, 100–103), kot mmɔ ete emenede ubɔk mmɔ ke enyɔŋ kpukpru ini emi mmɔ ekopde edinam mfɔnido ke mbuk oro. Mmɔ ekeme ŋko edibuana ee mmɔ ekerede kini mbon efen efɔnde-ido ye mmɔ, mme kini mmɔ efɔnde-ido ye mbon efen. Didie ke Andinyaŋa ekefɔn-ido ye nnyin? Didie ke nnyin ikeme editiene uwutŋkpɔ Esie? (se “Mfɔnido Ɔtɔŋɔ ye Ami,” Ŋwed-ikwɔ eke Nditɔ-ŋwɔŋ, 145).

  

  2:0

• Mme mbuk Ruth ye Hannah ekeme edidɔŋ nditɔ mbufo edinyene mbuɔtidem ke mkpɔsɔŋ ini. Kere-baŋa ndiŋwam mmɔ nam mmem-mmem ŋwed-ndise emi ibuot edide Idomo, Edinam, Edidiɔŋ. Ekem mbufo emekeme edikot ɔtɔkiet Ruth 1:3–5, 8, 16; 2:1–3, 8–12; 4:13–17; 1 Samuel 1:1–18 enyuŋ ewet ke idak ibuot oro se mmɔ ekutde ke mme ufaŋ-ŋwed emi. Didie ke Ruth ye Hannah ewut mbuɔtidem ke Jehovah? Mbufo ye nditɔ mbufo emekeme ndien edibuana mme uwutŋkpɔ nte Jehovah ɔkɔdiɔŋde mbufo ke mkpɔsɔŋ ini.

• Man ekpep abaŋa Hannah, nditɔ mbufo ekeme edikot 1 Samuel 1:1–18 mme “Hannah” ke Mme Mbuk eke Akani Testament (104–5) mme ese “Mbuɔtidem eke Hannah” (video, Gospel Library). Oro ekeme edidi ŋkpɔ-mbre ke nditop ball nnɔ eyen-ɔwɔŋ nyuŋ ŋkot mmɔ ete etiŋ ubak etop oro mbemiso ediyak ball oro enɔ owo efen. Nso ŋkpɔ ke nnyin ikpep kabaŋa akam ito uwutŋkpɔ Hannah?

  

  1:15

  

  3:9

• Ndusuk mmem-mmem edinam-mbre ekeme ediŋwam nditɔ mbufo ndikpep nto ifiɔk-ukpep emi Samuel ekenyenede ye eriyarare. Eyen kiet ekeme edinam nte idi Samuel, ndien eyen efen ekeme edinam nte idi Eli ke nte mbufo okotde 1 Samuel 3:1–10 (se ŋko “Samuel the Prophet” ke Mme Mbuk eke Akani Testament, 106–9, mme ke ndise-vidio “Samuel ye Eli,” Gospel Library). Nso ŋkpɔ ke nnyin ikpep ito Samuel kabaŋa nte idikopde uyo Jehovah? Didie ke nnyin iwut ke nnyin imiduak ndikop kini Jehovah etiŋde-ikɔ ɔnɔ nnyin?

  

  2:10

  

  1:58

• Bup nditɔ mbufo nte mmɔ edinamde aŋwaŋa owo kiet ke nte Jehovah esitiŋde-ikɔ ɔnɔ mmɔ. Mbufo emekeme ediŋwam mmɔ ndiyom ibɔrɔ ke Doctrine ye Covenants 6:22–23; 8:2–3; 9:7–9.