2 ዜና 14–20፤ 26፤ 30

አሳ የይሁዳ ንጉሥ በነበረበት ጊዜ ዛሬ ላይ ልክ እንደሁላች ብዙ ፈተናዎች አጋጥመውት ነበር። ያጋጠሙትን ፈተናዎች በምታነቡበት ጊዜ እምነት የጣለበትን እና በጊዜ ሂደት እንዴት ያ እንደተለወጠ አስተውሉ።

አንዳንድ ጊዜ በጌታ መታመን ለምን እናቆማለን? ከአሳ ሕይወት ሌላ ምን ትማራላችሁ?

እንዲሁም ሽማግሌ ዲ“Our Relationship with God [ከእግዚአብሔር ጋር ያለን ግንኙነት]” (ሊያሆና፣ ግንቦት 2022 (እ.አ.አ)፣ 78–80) ይመልከቱ።

ነቢዩ ሚክያስ ነገሥታቱ ኢዮሣፍጥና አክዓብ ከሶርያ ጋር ባደረጉት ጦርነት ድል እንደሚቀዳጁ እንዲተነብይ ብዙ ግፊት ሳይደረግበት አልቀረም። ያንን ግፊት የሚያሳይ ማስረጃ በ2 ዜና 18፡1–12 ውስጥ ፈልጉ። በቁጥር 13-27 ላይ ስለ ሚክያስ ድፍረት እና ቁርጠኝነት ምን ማረጋገጫ ታገኛላችሁ? (በቁጥር 14 ላይ ሚክያስ የስላቅ ምላሽ እንደሰጠ አስተውሉ፤ ትክክለኛው መልሱ ቁጥር 16 ላይ ነው።) የሚክያስ ቃል በቁጥር 28-34 ላይ የተፈጸመው እንዴት ነው?

ሚክያስ ያጋጠመውን ዓይነት ተጽዕኖ ሊያጋጥሟችሁ የሚችልባቸው አንዳንድ ሁኔታዎች የትኞቹ ናቸው? ለጌታ እና ለአስተምሮቱ ለመቆም ድፍረት የሚሰጣችሁ ምንድን ነው?

2 ዜና 20፡1–12ን ስታነቡ፣ ብዙ አሕዛብ ይሁዳን ለማጥቃት በመጡ ጊዜ ንጉሥ ኢዮሣፍጥ ያደረገውን ተመልከቱ። በሚያጋጥሟችሁ አስቸጋሪ ሁኔታዎች ውስጥ የእሱን ድርጊቶች እንዴት ተግባራዊ ማድረግ ትችላላችሁ?

ለኢዮሣፍጥ ጸሎት የጌታ ምላሽ በቁጥር 14-17 ይገኛል። በአስቸጋሪ ጊዜያት እናንተን ወይም የምታውቁትን ሰው የሚያጽናኑ የትኞችን ሀረጎች ማግኘት ትችላላችሁ?

በማግስቱ የኢየሩሳሌም ሰዎች የጠላትን ጦር ለመገናኘት ወጡ። 2 ዜና 20:20 ን ስታነቡ፣ ኢዮሣፍጥ ለኢየሩሳሌም ሕዝብ የሰጣቸውን መልእክት ፈልጉ። የተናገራቸው ቃላት የተፈጸሙት እንዴት ነው? (ቁጥር 22-23 ይመልከቱ)። እግዚአብሔር በእርሱ በማመናችሁ እና ነቢያቱን በመከተላችሁ እንዴት ባርኳችኋል?

ፕሬዘደንት ራስል ኤም. ኔልሰን እንዲህ ብለዋል፡ “የእኔ ተሞክሮ አንዴ ከነቢዩ መግለጫዎች ኋላ የጥያቄ ምልክቶችን ማስቀመጥ አቁማችሁ በምትኩ ቃለ አጋኖ ስታስቀምጡ እንዲሁም ስታደርጉት፣ በረከቶቹ እንደሚፈሱ ነው። ‘ነቢዩ እንደ ነብይ የሚናገረው መቼ ነው፣ የማይናገረውስ መቼ ነው ?’ ብዬ ራሴን አልጠይቅም። የእኔ ፍላጎት፣ ‘እንዴት እሱን መምሰል እችላለሁ?’ የሚል ነው” (በሌይን ጆንሰን፣ “Russell M. Nelson: A Study in Obedience,” ኢንዛይን 1982፣ 24)።

ትምህርት እና ቃል ኪዳኖች 21፡4–6፤ “A Secure Anchor (ቪዲዮ)፣ የወንጌል ላይብረሪ፤ “Make inspired choices,” ለወጣቶች ጥንካሬ፡ ምርጫ የማድረግ መመሪያ (2022)፣ 4–5።

3:37

እንደሌሎች የይሁዳ ነገሥታት ሁሉ፣ የዖዝያን መንግሥት በታላቅ ክንዋኔዎች የጀመረ ቢሆንም በአሳዛኝ ሁኔታ ተጠናቋል። ይህንን መሰል ነገር በ2 ዜናዎች 26 ውስጥ ፈልጉ። የዖዝያን ሕይወት የተለወጠበት ጊዜ መቼ ነበር ትላላችሁ?

ቁጥር 16-23ን ስታነቡ በዚህ ጊዜ በቤተመቅደስ ውስጥ ካህናት ብቻ እንዲያጥኑ የተፈቀደላቸው መሆኑን አስታውሱ። ንጉሥ ዖዝያን እግዚአብሔርን ያልታዘዘው ለምን ይመስላችኋል? ከዚህ አሳዛኝ ሁኔታ ምን ትማራላችሁ?

በተጨማሪም “Be Thou Humble,” መዝሙሮች፣ ቁጥር 130 ይመልከቱ።

በ2 ዜና 30፣ ሕዝቅያስ የይሁዳ ንጉሥ ነበር። ተቀናቃኙን የእስራኤል መንግሥት እስራኤላውያን ለብዙ ዓመታት ሊያደርጉት ያልቻሉትን ፋሲካ ለማክበር በኢየሩሳሌም እንዲሰበሰቡ ጋበዘ (ቁጥር 1-12 ይመልከቱ)። በይሁዳ የሚገኙ እስራኤላውያን እንግዶችም ሆነ ጋባዦቻቸው ባደረጉት ግብዣና ስለተቀበሉበት መንገድ ምን አስደንቃችኋል?

በጣም ረጅም ጊዜ ሆኖት ስለነበረ ወደ ኢየሩሳሌም የመጡ አንዳንድ ጎብኚዎች በፋሲካ በዓል እንዴት እንደሚሳተፉ በዝርዝር አያውቁም ነበር። 2 ዜና 30፡18–27ን ስታነቡ ከሕዝቅያስ ምላሽ እና መልሱ ካስከተለው ውጤት ምን ትማራላችሁ?

በተጨማሪም ራስል ኤም. ኔልሰን፣ “አስታራቂዎች ይፈለጋሉ፣” ሊያሆና፣ ግንቦት 2023 (እ.አ.አ.)፣ 98 ይመልከቱ።

• በጌታ የመታመንን ሃሳብ ለማስተዋወቅ፣ ዝናብ በሚዘንብበት ጊዜ እንደ ጃንጥላ ወይም ጃኬት ያለ እንዳያረጥባችሁ የምታምኑትን ነገር ለልጆቻችሁ ልታሳዩ ትችላላችሁ። እነዚህን ነገሮች ለምን ማመን እንደምንችል እንዲናገሩ አድርጉ። ከዚያም ያንን በጌታ ላይ ካለን እምነት ጋር እንዲያወዳድሩ እርዷቸው። እርሱ መንፈሳዊ ደህንነት እንዲሰጠን ለምን እንተማመንበታለን?

• ንጉሥ አሳ እና ንጉሥ ኢዮሣፍጥ በጌታ በመታመን ለችግሮች እንዴት ምላሽ እንደሰጡ እንዲያውቁ ልጆቻችሁን መርዳት ትችላላችሁ (2 ዜና 14፡11፤ 20፡3–5፣ 12 ተመልከቱ)። ጌታን እንደምታምኑት ማሳየት የምትችሉበትን መንገድ እርስ በርሳችሁ ተነጋገሩ።

• የዚህ ሳምንት የአክቲቪቲ ገጽ ልጆቻችሁ የኢዮሣፍጥን ጸሎት ታሪክ እና የጌታን መልስ እንዲረዱ ሊያግዛቸው ይችላል። እናንተ እና ልጆቻችሁ እግዚአብሔር ጸሎታችሁን የሰማበትን እና የመለሰበትን ጊዜ ማካፈል ትችላላችሁ። መልሶቹ እናንተ ባልጠበቃችሁት መንገድ ወይም ጊዜ የመጡበትን ጊዜ ለማካተት አስቡ። እንደ “I Pray in Faith” (የልጆች መዝሙር መጽሐፍ፣ 14) ያለ የጸሎት መዝሙር የልጆቻችሁን እምነት ለመገንባት ሊረዳ ይችላል።

• ስለ ትዕቢት አደገኛነት ለመማር ልጆቻችሁ በብሎኮች ወይም በትንሽ ኩባያዎች ግንብ መገንባት ይችላሉ። እያንዳንዱን ብሎክ ወይም ኩባያ ግንቡ ላይ ሲያስቀምጡ ከ2 ዜና 26፡3–15 ላይ ከሚገኘው የዖዝያን ስኬቶች መካከል አንዱን እንዲለዩ እርዳቸው። ግንቡን ከጨረሱ በኋላ ዖዝያን እንዴት ረጅም እና ጠንካራ አድርጎ ሊያቆየው እንደሚችል ከልጆቻችሁ ጋር ተወያዩ። እንዲወድቅ ሊያደርገው የሚችለው ምንድን ነው? ከዚያም ቁጥር 16ን ስታነቡ፣ “ለጥፋት ል[ባችን] ታበየ” ምን ማለት እንደሆነ መናገር ትችላላችሁ። በቁጥር 16-23 ላይ በዖዝያን ላይ የሆነውን ለልጆቻችሁ አካፍሉ። የገነቡትን ግንብ እንዲያፈርሱ አድርጓቸው። ትሑት ለመሆን ምን ማድረግ እንደምንችል ተነጋገሩ።

• ከላይ ያለው ሥዕል የሚያሳየው ሕዝቅያስ ከእስራኤል መንግሥት የይሁዳን ጎረቤቶች ፋሲካ እንዲያከብሩ የጋበዘበትን ጊዜ ነው። ይህን ምስል ከልጆቻችሁ ጋር በመመልከት 2 ዜና 30፡18–19ን ማንበብ ትችላላችሁ፣ ይህም አንዳንድ እንግዶች በሙሴ ህግ መሰረት ራሳቸውን እንዳላጠቡ ይገልጻል። ሕዝቅያስ ምን አደረገ? ይህ እንግዶቹ ምን እንዲሰማቸው ሊያደርግ ይችላል? ልጆቻችሁ ከሌሎች ጋር ባላቸው ግንኙነት ሕዝቅያስን እንዴት መምሰል እንደሚችሉ እንዲያስቡ እርዷቸው።