2 ነገሥት 16–25

አብዛኞቻችን እምነታችንን የሚፈታተኑ ገጠመኞች አሉን። ለሕዝቅያስና ለሕዝቡ፣ የአሦር ሠራዊት ወደ ኢየሩሳሌም በቀረበ ጊዜ ከእነዚህ ፈተናዎች አንዱ ደረሰባቸው። እናንተ 2 ነገሥት 18–19ን ስታነቡ፣ በዚያ ጊዜ እናንተ በኢየሩሳሌም እንደምትኖሩ አድርጋችሁ አስቡ። ለምሳሌ በ2 ነገሥት 18፡28–37፣ 19:10–13 የአሦራውያንን ስድብ በምትሰሙበት ጊዜ ምን ይሰማችሁ ነበር? ምን ታደርጉ ነበር? አሦራውያን እስራኤላውያን በጌታ እንዳይታመኑ ያደረጓቸውን ምክንያቶች ዛሬ ላይ ሰይጣን እምነታችንን እንድንጠራጠር ከሚሰጠን ምክንያቶች ጋር አወዳድሩ። እንዲሁም የአሦራውያንን ምክንያቶች እናንተ በጌታ ከምታምኑበት ምክንያት ጋር ማነፃፀር ትችላላችሁ።

በዚህ ሁኔታ ውስጥ ሕዝቅያስ ካደረገው ድርጊት ምን ትማራላችሁ? (2 ነገሥት 19፥1–7፣ 14–19ን ይመልከቱ)። ጌታ እንዴት ምላሽ ሰጠ? (2 ነገሥት 19፥35–37ን ይመልከቱ)። ሕዝቅያስ ታማኝ ሆኖ የቀጠለው ለምን ይመስላችኋል? (2 ነገሥት 18፡5–7 ይመልከቱ)። በአስቸጋሪ ጊዜያት ጌታ እንዴት እንደደገፋችሁ አሰላስሉ። በእሱ ላይ ያላችሁን እምነት ለመጨመር ምን ለማድረግ መነሳሳት ይሰማችኋል?

የፕሬዘዳንት ጄፍሪ አር. የሆላንድ መልእክት “Fear Not: Believe Only!” (ሊያሆና፣ ግንቦት 2022፣ 34–36) ለፍርሃት ወይም ለጥርጣሬ የሚሆን ጠቃሚ ምክር አለው። እንደ “Let Us All Press On” (መዝሙሮች፣ ቁ. 243) ያለ መዝሙር አበረታታች መልዕክት ሊኖረው ይችላል። በእነዚህ መገልገያዎች ውስጥ እናንተን የሚረዳችሁ ምን ታገኛላችሁ?

እንዲሁም 2 ዜና 31–32፤ 3 ኔፊ 3–4፤ ዮርግ ክሌቢንጋት፣ “Valiant Discipleship in the Latter Days,” ሊያሆና ግንቦት 2022፣ 107–10 ይመልከቱ።

የአሦር ንጉሥ ሰናክሬም ሠራዊቱ ኢየሩሳሌምን እንደሚቆጣጠር የሚያምንበት በቂ ምክንያት ነበረው (2 ነገሥት 17፤ 18፡33–34፤ 19፡11–13 ተመልከቱ)። ጌታ ግን ስለ ሰናክሬም በነቢዩ በኢሳይያስ በኩል የሚተላለፍ መልእክት ነበረው። በ2 ነገሥት 19፡20–34 ውስጥ ተመዝግቧል። በጌታ መልእክት ውስጥ በጌታ እና በእቅዱ ላይ እንድትታመኑ የሚያደርጋችሁን ምን እውነቶችን ታገኛላችሁ?

አንድ መንፈሳዊ ነገር እንደጎደላችሁ ተሰምቷችሁ ያውቃል? ምናልባት ከእግዚአብሔር ጋር ያላችሁ ግንኙነት ይበልጥ ጠንካራ መሆን እንደሚችል ተስምቷችሁ ይሆናል። ወደ እርሱ ለመመለስ ምን ረዳችሁ? 2 ነገሥት 21–23ን ስታነቡ እነዚህን ጥያቄዎች አሰላስሉ በንጉሥ ምናሴ መሪነት የይሁዳ መንግሥት ከጌታ እንዴት እንደራቀ (2 ነገሥት 21ን ተመልከቱ) እና ንጉስ ኢዮስያስ ራሳቸውን ወደ እርሱ እንዲመልሱ እንዴት እንደረዳቸው 2 ነገሥት 22–23። ኢዮስያስና ሕዝቡ እንዴትና ለምን ተለወጡ? (2 ነገሥት 22፡8–11፤ 23፡1–6፣ 21፣ 24 ይመልከቱ)።

ፕሬዘደንት ስፔንሰር ደብሊው ኪምቦል የንጉሥ ኢዮስያስን ታሪክ “በቅዱሳት መጻህፍት ውስጥ ካሉት ምርጥ ታሪኮች አንዱ” ብለው ጠርተውታል (የቤተክርስትያን ፕሬዘዳንቶች ትምህርቶች፡ ስፔንሰር ደብሊው ኪምቦል [2006]፣ 62)። ስለ ንጉስ ኢዮስያስ የተናገረውን የፕሬዘዳንት ኪምባልን ቃል አንብቡ (ገጽ 62–64)። ቅዱስ ቃሉ በእናንተ ውስጥ “[በኃይል ሲሠራ]” ያጋጠማችሁን ነገር ማሰብ ትችላላችሁ። እንደዚህ አይነት ተጨማሪ ልምዶችን ለማግኘት ምን ማድረግ ትችላላችሁ?

እንዲሁም አልማ 31፡5፤ “Josiah and the Book of the Law” (ቪዲዮ)፣ የወንጌል ላይብረሪ።

12:25

በ2 ነገሥት 23፡3 ላይ ኢዮስያስ ስለገባው ቃል ኪዳን የሚያስደንቃችሁ ምንድን ነው? ምዕራፍ 23ን ማንበብ ስትቀጥሉ፣ ኢዮስያስ ለጌታ ያለውን ቁርጠኝነት ለማሳየት ምን እንዳደረገ አስተውሉ (በተጨማሪም በዚህ ንድፍ መጨረሻ ላይ ያለውን ሥዕል ተመልከቱ)። ለእርሱ ያላችሁን ቁርጠኝነት እንዴት ማሳየት ትችላላችሁ?

• በ2 ነገሥት 18፡3፣ 5–6 ልጆቻችሁ ሕዝቅያስን ጥሩ ንጉሥ ያደረገውን እንዲያውቁ እርዷቸው። ከዚያም 2 ነገሥት 19፡14–19ን አብራችሁ ስታነቡ፣ በጌታ እንደሚታመን እንዴት እንዳሳየ ማወቅ ይችላሉ። የኢየሱስን ምስል በማሳየት ለምን እርሱን እንደምናምነው መናገር ትችላላችሁ። በጌታ እንደምንታመን ማሳየት የምንችለው እንዴት ነው?

• በ2 ነገሥት 22፡1 ላይ ኢዮስያስ ሲነግሥ ዕድሜው ስንት እንደነበር ልጆቻችሁ እንዲያውቁ እርዷቸው። ስለ ኢዮስያስ በቁጥር 2 ላይ ምን እንማራለን? ጌታን መከተል እና ወደ “ቀኝም ግራም” አለማለትን የሚያሳይ አክቲቪቲ አስቡ።

• በ2 ነገሥት 22፥3–7 ውስጥ የተገለጹት ሠራተኞች “የታመኑ [ስለነበሩ]” ቤተመቅደሱን እንደገና ለመገንባት በሚውለው ገንዘብ እምነት ተጥሎባቸው ነበር (ቁጥር 7)። እነዚህን ጥቅሶች ካነበባችሁ በኋላ፣ እናንተ እና ልጆቻችሁ ስለምትታመኑባቸው ነገሮች ማውራት ትችላላችሁ። በእነዚህ ጥቅሶች ውስጥ እንደ ተጠቀሱት ሰራተኞቹ እምነት የሚጣልብን ለመሆን እንዴት እንችላለን?

• በ2 ነገሥት 22-23 ውስጥ ያለውን የንጉሥ ኢዮስያስን ታሪክ ለማስተዋወቅ፣ የቅዱሳት መጻህፍትን ቅጂ በክፍል ውስጥ መደበቅ ትችላላችሁ። ልጆቻችሁ እንዲፈልጉት ጋብዟቸው። ከዚያም ከኢዮስያስ ቄሶች አንዱ ቅዱሳት መጻህፍትን በቤተመቅደስ ውስጥ ባገኘ ጊዜ የሆነውን ማካፈል ትችላላችሁ (2 ነገሥት 22፡8–11 ይመልከቱ፤ እንዲሁም “ንጉሥ ኢዮስያስ”ን በየብሉይ ኪዳን ታሪኮች፣ 148–49 ይመልከቱ)። ቅዱሳት መጻህፍት ባይኖሩን ኖሮ በእኛ ላይ ምን ሊሆን ይችል ነበር? ዛሬ ቅዱሳት መጻህፍት ለእኛ በመኖራቸው ለምን እንደምትደሰቱ እርስ በርሳችሁ ተነጋገሩ።

  

  1:36

• 2 ነገሥት 23፡2–3ን ካነበባችሁ በኋላ፣ እናንተ እና ልጆቻችሁ “እግዚአብሄርን ተከት[ላችሁ] [እንድትሄዱ]” ስላነሳሷችሁ ቅዱሳት መጻሕፍት ማውራት ትችላላችሁ (ቁጥር 3)። እንዲሁም ስለ ቅዱሳት መጻህፍት እንደ“Search, Ponder, and Pray” (የልጆች የመዝሙር መጽሐፍ፣ 109) አይነት መዝሙር መዘመር ትችላላችሁ።

• ኢዮስያስ እና ህዝቡ የእግዚአብሔርን ትእዛዛት በተማሩ ጊዜ፣ እነርሱን ለመኖር ቃል ኪዳን ገብተው ነበር። ስለዚህ ነገር 2 ነገሥት 23፡1–3ን ከልጆቻችሁ ጋር አንብቡ እንዲሁም ህዝቡ ስለጌታ ትእዛዛት ያላቸውን ስሜት የሚያሳዩ ቃላትን ወይም ሀረጎችን እንዲያገኙ እርዷቸው። ልጆቻችሁ ቆመው “ቃል ኪዳን ገቡ” ምን ማለት እንደሆነ ሊናገሩ ይችላሉ። ከዚያም ባሉበት በመራመድ “እግዚአብሄርን ተከት[ሎ] መሄድ]” ምን ማለት እንደሆነ መነጋገር ይችላሉ። በመቀጠል፣ እጃቸውን በልባቸው ላይ በማድረግ ቃል ኪዳኖቻችንን “በፍፁም ል[ባችን]” መጠበቅ የምንችልባቸውን መንገዶች ሊጠቁሙ ይችላሉ።