OoKumkani II 2–7

Imimangaliso isibonisa amandla kaThixo. Ingasinceda ukuba soyise ubunzima bokuphila emhlabeni—njengomhlaba ongumqwebedu odinga amanzi acocekileyo (bona OoKumkani II 2:19–22) okanye izembe elilahlekileyo elifuna ukufunyanwa (bona OoKumkani II 6:4–7). Kodwa okona kubalulekileyo, imimangaliso inokusibuyisela eNkosini. Njengoko ufunda OoKumkani II 2–6, cingisisa ngokwenza uluhlu lwemimangaliso oyifumanayo, kwaye ucingisise ngezifundo zokomoya ozifundayo komnye nomnye.

Unokuthelekisa kananjalo imimangaliso eyenziwa ngu-Elisha nemimangaliso eyenziwa nguYesu Krestu (bona OoKumkani II 4:8–37 kunye no Luka 7:11–16; OoKumkani II 4:42–44 kunye no Yohane 6:1–13; OoKumkani II 5:1–15 kunye no Luka 17:11–19). Le mimangaliso ikufundisa ntoni ngoMsindisi nabaprofeti baKhe?

Bona kananjalo 2 Nifayi 26:12–13; 27:23; Moronayi 7:35–37; icandelo “Funa kwaye ulindele imimangaliso” ku Russell M. Nelson, “Amandla oMfutho woMoya,” Liyahona, UCanzibe 2022, 99–100.

INkosi yaphefumlela u-Elisha ukuba aprofete ngezinto ezaziza kwenzeka—ngokuqhelekileyo, izinto ezazibonakala zingenakwenzeka. Njengoko ufunda OoKumkani II 4:8–17; 7:1–16, cinga ngendlela osabela ngayo kwilizwi leNkosi ngabaprofeti baYo namhlanje. Ziziphi iimfundiso, iziprofeto, nezithembiso okhe waziva kubaprofeti abaphilayo? Wenza ntoni ukwenza ngokholo kumazwi abo?

Bona kananjalo 3 Nifayi 29:6; IMfundiso neMinqophiso 1:37–38.

Njengoko ufunda OoKumkani II 5, cinga ngokuthelekisa iqhenqa likaNahaman nengxaki yokomoya ojamelene nayo.

Ngaba kukho umntu ofana “nentombazana esisicakakazi” ebomini bakho, okukhuthazayo ukuba ufune isikhokelo malunga nomcelimngeni wakho kubaprofeti beNkosi? (bona imiqolo 2–3, 13).

Yintoni iNkosi ekumemelayo ukuba uyenze enokubonakala ilula kakhulu—efana “nokuhlamba, uhlambuluke”? (umqolo 13). Yintoni enokuthintela ekwamkeleni izimemo zaYo ezilula?

Unokukubonisa njani ukuthobeka njengoNahaman?

Qaphela indlela amava kaNahaman awachaphazela ngayo ukholo lwakhe kuThixo kaSirayeli (bona umqolo 15 Yintoni onokuyifunda koku?

Bona kananjalo ULuka 4:27; UPetros I 5:5–7; Alma 37:3–7; Etere 12:27.

14:30

Njengoko uzama ukulandela uKrestu, ngaba wakha waziva njengomkhonzi oselula ka-Elisha—wodlulwe ngenani yaye usoyika? Khawube nomfanekiso ukwindawo yakhe njengoko ufunda OoKumkani II 6:8–23. Eli bali liyitshintsha njani indlela ocinga ngayo noziva ngayo malunga nezilingo zakho, uxanduva lwakho, okanye iinzame zakho zokuphila ivangeli?

Njengoko ucingisisa, cinga ngamazwi kaMongameli Henry B. Eyring: “Njengokufana nesa sicaka sika-Elisha, kukhona abaninzi ngakuwe kunabo ubabona bechasene nawe. Abanye abakunye nawe abaya kubonakala emehlweni akho enyama. INkosi iya kukuthwala kwaye ngamanye amaxesha iya kukwenza oko ngokubiza abanye ukuba beme nawe” (“O Ye That Embark,” Liahona, EyeNkanga. 2008, 58).

Cinga ngokwenza uludwe “lwabo bakunye [nawe]” (umqolo 16)—abantu uThixo ababeke ebomini bakho ukuze bakuxhase. Ungamcela Yena ukuba akuncede ubazi ngokuvula amehlo akho omoya. Yena mhlawumbi kananjalo ukubeke kubomi babanye ukuba ubanceda bona. Ninokomelezana nize nixhase njani komnye nomnye?

Ukhe wayiva nini inkxaso iNkosi eyichazayo kwi Mfundiso neMinqophiso 84:88–13?

#&160; Zibuze, “Yintoni uThixo afuna ndiyibone?”

Ebhekisa kwibali kubo OoKumkani II 6:8–23, uMdala uRonald A. Rasband wathi: “Sisenokuba okanye singabi nazo iinqwelo zomlilo ezithunyelwe ukukhupha uloyiko lwethu kwaye soyise iidemoni zethu, kodwa isifundo sicacile. INkosi ikunye nathi, iyasicinga kwaye iyasisikelela ngeendlela ezinokwenziwa yiYo kuphela. Umthandazo ungahlisa amandla nesityhilelo esisidingayo ukuze sijolise iingcinga zethu kuYesu Krestu nakwidini laKhe lokuhlawulela. INkosi ibisazi ukuba ngamanye amaxesha siza kuva uloyiko. Bendikho nam nawe ngokunjalo. … Kweli Bandla sisenokuba mbalwa ngokwenani ngendlela ihlabathi elibala ngayo ifuthe, kodwa xa sivula amehlo ethu wokomoya, “baninzi abangakuthi, ngaphezu kwabangakubo [OoKumkani II 6:16]” (“Be Not Troubled,” Liahona, EyeNkanga. 2018, 18, 19) Ungawasebenzisa njani la mazwi ukunceda umntu oziva enexhala okanye owoyikayo?

#&160;

• Emva kokunceda abantwana bakho baqonde ukuba yintoni ummangaliso, bameme ukuba badwelise imizekelo emininzi yemimangaliso kangangoko banako. Imifanekiso ekuyo Incwadi yoMsebenzi woBugcisa beVangeli okanye Yizani, Nindilandele zinokunceda. Emva koko banokukhangela imimangaliso kubo OoKumkani II 4:1–7, 14–17, 32–35, 38–44. Le mimangaliso ifundisa ntoni ngoBawo waseZulwini?

• Wena nabantwana bakho ningathetha ngendlela uThixo alubonise ngayo uthando lwaKhe ngemimangaliso. #&160;

• Nceda abantwana bakho bafunde ibali kubo OoKumkani II 5:1–3, 9–14. Cinga ngokusebenzisa “U-Elisha Uphilisa uNahaman” (kuwo Amabali eTastement eNdala, 134–37) okanye umfanekiso kaNahaman kulwandlalo lwale veki. Kwakutheni ukuze uNahaman angafuni ukuhlamba kuMlambo iYordan, nangona u‑Elisha wayethe oko kwakuya kuphilisa isifo sakhe? Wasikelelwa njani uNahaman xa wathobela imiyalelo ka-Elisha? Ninokwabelana omnye nomnye ngamava xa nithobela iNkosi, naxa ningaqinisekanga ukuba niyafuna.

  

  1:52

• Usenokugxininisa kananjalo OoKumkani II 5:13, apho abakhonzi bakaNahaman bamnceda ukuba enze isigqibo sokuthobela umprofeti u‑Elisha. Abantwana bakho banokuthetha ngeendlela abanokuthi bancede ngazo abahlobo babo okanye amalungu osapho lwabo ukuba bamamele kwaye bathobele umprofeti.

• Wena nabantwana bakho ninokubanomfanekiso-ngqondweni ningqongwe ngumkhosi onamakrele, amahashe, neenqwelo zokulwa. Ungaziva njani? Ungenza ntoni? Abantwana bakho banokuvala amehlo ngelixa ufunda OoKumkani II 6:16–17 kubo. (Bona kananjalo “UElisha kunye noMkhosi weNkosi,” kuwo Amabali eTestamente eNdala, 138–39, okanye umfanekiso osekupheleni kolu lwandlalo). Xa ufika kumagama athi “vula amehlo akhe” (umqolo 17), cela abantwana ukuba bavule amehlo abo. Thetha ngento eyabonwa ngumkhonzi. Yabelana nabantwana bakho ngeendlela ozive ngayo ukuba iNkosi ibinawe ngexesha lemingeni yakho, naxa kwakubonakala ngathi wawuwedwa.

  

  1:9