1 AMakhosi 12–13; 17–22

Ungalichaza kanjani iphutha iNkosi uRehobowamu, indodana kaSolomoni, eyalenza Ku 1 AMakhosi 12:1–14? Yiziphi izici ezifana nezikaKristu ezazingamsiza uRehobowamu asindise umbuso wakhe na? (bheka ivesi 7; NgokukaMathewu 20:25–28; Mosiya 2:10–21). Ungazisebenzisa kanjani lezi zici njengomholi—kungaba sobizweni lwaseBandleni noma njengomholi wempilo yakho?

Umphrofethi u-Eliya wacela umfelokazi ukuba amnike ukudla namanzi ngaphambi kokuzondla yena nendodana yakhe elambile. Wayezokwenzelani lokhu na? Isicelo sika-Eliya singabonakala njengesibusiso kulomndeni omncane. Babezidinga izibusiso zeNkosi, futhi ukunikela kuletha izibusiso—kubandakanya nesibusiso sokholo oluqinile.

Njengoba ufunda ku 1 AMakhosi 17:18–16, zicabange uyilomfelokazi. Ngabe yikuphi okukuhlaba umxhwele ngaye? Ungahle futhi wenze uhlu lwezinto ongazikhetha ezidinga ukholo kuJesu Kristu (izibonelo, bheka encwadini For the Strength of Youth: A Guide to Making Choices [2022]). Yini oyifundayo kulomfelokazi ngokusebenzisa ukholo?

Ngabe izenzo zika-Elisha ku 1 AMakhosi 19:19–21 zifana kanjani nezenzo zomfelokazi ?

Cabanga ngeminikelo osuyenzile ukulandela uMsindisi. Ngabe incwadi 1 AMakhosi 17:8–16; 19:19–21 isifundisani ngaleminikelo na? Lukusiza kanjani ulwazi lwakho ngoMsindisi lapho Ekucela ukuba wenze umnikelo? Ukubusise kanjani?

Bheka futhi NgokukaMathewu 4:18–22.; 6:25–33; NgokukaLuka 4:24–26; “Elijah and the Widow of Zarephath” (ividiyo), Umtapo Wolwazi lweVangeli; “When Faith Endures,“ Amaculo, inombolo 128.

10:13

Abakwa-Israyeli kungenzeka ukuthi babenomuzwa wokuthi banezizathu ezizwakalayo zokukhonza uBali, owayaziwa ngokuthi ngunkulunkulu wesivunguvungu nemvula. Emva kweminyaka emithathu yesomiso, babeyidinga imvula sekuphele ithemba. Futhi ukukhonza uBali kwakwemukelekile emphakathini futhi kwavunyelwa yinkosi nendlovukazi. Njengoba ufunda 1 AMakhosi 18, cabanga ngokuthi kungani umuntu ezikhathini zethu angase abe namathizethize ngokulandela iNkosi. Kulesi sahluko, ucabanga ukuthi yini iNkosi eyayizama ukuyifundisa Ngayo? Ngabe yikuphi odlule kukho okukusize ukuba uzibophezele ekulandeleni uMsindisi?

Bheka futhi u D. Todd Christofferson, “Choice and Commitment” (worldwide devotional for young adults, ngoJanuwari 12, 2020), UMtapo woLwazi lweVangeli.

Ngokudabukisayo, isimangaliso eNtabeni iKarmeli asizange senze ubuthunywa buka Eliya bube lula. Eqinisweni, impilo yakhe yayisengozini, futhi kwadingeka acashe emgedeni ehlane. Lapho, elwa nesizungu nokudangala, okwenzeka kuye neNkosi kwakuhluke kakhulu kunalokho okwenzeka eNtabeni iKarmeli. Kukufundisani adlula kukho u-Eliya ku 1 AMakhosi 19:1–18 ngendlela iNkosi exhumana ngayo nawe ngezikhathi zakho zokweswela?

Zindla ngezikhathi lapho uzwa sengathi iNkosi ikhulumile nawe. Ungayichaza kanjani indlela Akhuluma ngayo nawe? Kungani amagama athi “elihashazayo” nelithi “elincane” eyizindlela ezinhle zokuchaza izwi likaMoya na? Yimaphi amanye amagama owatholayo ku Helamani 5:30; IMfundiso neziVumelwano 6:22–23; 11:12–14? Ngabe yikuphi okudingeka ukwenze ukuze uthole ukuholwa yiNkosi kaningi na?

Bheka futhi AmaHubo 46:10.

• Ukusiza abantwana bakho ukuba bafunde ngezindaba zokholo ku 1 AMakhosi 17, ungabakhombisa izithombe noma izinto ukuchasisa lezo zindaba, njengezinyoni, isinkwa, noma umfana. Njengoba uxoxela abantwana bakho lezi zindaba, bameme ukuba bathole isithombe noma into ehambisana nendaba ngayinye. “U-Eliya umPhrofethi“ (e Zindabeni Testamente Elidala, 121–24) angakusiza uxoxe lezi zindaba. Isifundisani indaba ngayinye ngokukhombisa ukholo kuJesu Kristu?

  

  1:58

• Siza abantwana bakho ukuba bacabange ngezindlela abangakhombisa ngazo ukholo kuJesu Kristu. Cula nabo iculo elimayelana nokholo, njengelithi “I Have faith in the Lord, Jesus Christ“ (uMtapo Wolwazi lweVangeli), bese nabelana ngokuthi nifundani ngokholo eculweni.

• Mhlawumbe abantwana bakho bangadweba isithombe salokho iNkosi eyacela umfelokazi ukuba akunike u-Eliya (bheka 1 AMakhosi 17:12–13) nalokho umfelokazi akuthola njengembuyiselo (bheka 1 AMakhosi 17:15–16). (Bheka futhi ikhasi lomsebenzi laleli sonto.) Bangafuna futhi izithombe zabanye abantu abadela okuthile ababekufuna ukuze bazuze okungcono. Mema abantwana bakho ukuba bathole izithombe kwi Gospel Art Book (Incwadi Yobuciko beVangeli) noma ku Wozani, Ngilandeleni. Isicela ukuba sinikele ngani iNkosi? Usibusisa kanjani?

• Njengoba nifunda ndawonye ku 1 AMakhosi 18:17–39 abantwana bakho bangacaphuma ivesi bese bedweba isithombe esilichazayo. Bangasebenzisa izithombe zabo ukuxoxa indaba ngawabo amagama. (Bheka futhi “U-Eliya nabaPhristi bakaBalil,” ku Izindaba zeTestamente eliDala, 125–28.)

  

  2:17

• Siza abantwana bakho bacabange ngezimo lapho bengase badingeke khona ukuba bathathe isinqumo sokuthi bazomlandela yini uJesu Kristu noma cha. Mhlawumbe bangadweba izithombe zabo benza ukukhetha okulungile. Yabelanani omunye nomunye ngokuthi kungani nikhetha ukulandela uJesu.

• Njengoba ufingqa 1 AMakhosi 19:9–12, mema abantwana bakho ukuba benze izenzo ezimele umoya onamandla, ukuzamazama komhlaba, nomlilo. Bese ubamema ukuba bahlale bathule njengoba nisho ndawonye, ngezwi elithule, “emva komlilo izwi elincane elihashazyo” (ivesi 12). (Bheka futhi “INkosi Ikhuluma no-Eliya,” encwadini Izindaba zeTestamente eliDala, 129–31.) Tshela abantwana bakho ngezikhathi lapho sewake walizwa khona izwi elihashazayo, elincane lika Moya oNgcwele.

  

  1:48

• ­– Ngabe yikuphi okungasithikameza ukuba siwuqonde uMoya? Yikuphi okungasisiza siMuzwe na?