2 USamuweli 11–12; 1 AMakhosi 3; 6–9; 11

Ngezinye izikhathi sibheka abantu ababonakala sengathi baqinile okholweni lwabo, bese sithatha ngokuthi abathinteki esilingweni. Izinqumo ezibuhlungu zaDavide zichazwe ku 2 USamuweli 11 kubonisa ngokucaca ukuthi lokhu akunjalo. Cabanga ngokuthi yiziphi izifundo ongazifunda kulokhu okwenzeka kuye. Imibuzo efana nalena ingakusiza ufunde 2 USamuweli 11–12:

• Ngabe yiziphi izinqumo uDavide azithatha ezamuholela endleleni eya ngokuya igcwale isono na? Yiziphi izinqumo ezingcwele ayengazithatha okungcono? (Bheka futhi ividiyo ethi “To Look Upon,” Umtapo Wolwazi lweVangeli.)

  

  4:15

  Ukusebenzisa imboniso eqoshiwe. Amavidiyo angakusiza ubone ngeso lengqondo imilando kwimibhalo engcwele futhi ucabange ukuthi kusebenza kanjani kuwe. Cabanga ukuthi ungawasebenzisa kanjani ukuze uthuthukise ukufundisa kanye nokufunda. Isibonelo, ngesikhathi nibuka “To Look Upon” (Umtapo Wolwazi lweVangeli), cabanga ngokumisa ividiyo ezikhathini ezahluka hlukene ukuze nizindle noma nixoxe ngeminye yemibuzo ephakanyisiwe kulomsebenzi.

• Ngabe isitha sizama kanjani ukukuholela ezindleleni zesono? Yiziphi izinqumo ongazithatha manje ukuze uhlale uphephile ngokomoya?

• Qapha ukusabela kukaDavide kwindaba kaNathani ku 2 USamuweli 12:1–6. Lokhu kusabela kuphakamisani ngokuthi wayezibona enjani yena uDavide? Ngabe yikuphi asekwenzile uNkulunkulu ukukusiza uzibone njengoba unjalo?

• Ungazifingqa kanjani lezi zehlakalo ku 2 Samuweli 11–12 emshweni owodwa wokuxwayisa na?

Ukufunda ngezinqumo zikaDavide ezingalungileyo kungakuholela ekubeni ufunde ngobungozi bokubuka izithombe ezingcolile kanye nesono zocansi. Insiza elungileyo kwalokhu i-For the Strength of Youth: A Guide for Making Choices, ikakhulukazi isigaba esinesihloko esithi “What to do in the moment” kanye “Your body is sacred” (amakhasi 21–28). Mhlawumbe ubungabheka kuleyo nsiza ukuthola iseluleko ebesingasiza uDavide ukuba enze izinqumo ezingcono. Noma ungafunda “Jesus Christ will help you” (amakhasi 6–9), ubheke into ebengasiza uDavide ukuba abuyele eNkosini.

–

Bheka futhi u2 Nefi 28:20–24; u-Ulisses Soares, “Seek Christ in Every Thought,” iLiyahona, ngoNovemba 2020, 82–85; “Taking Charge of Technology,” Umtapo Wolwazi lweVangeli; “Watch Your Step” (ividiyo), Umtapo Wolwazi lweVangeli.

2:36

Uma iNkosi ingathi kuwe, “Cela lokhu othanda ukuba ngikunike khona” (1 AMakhosi 3: 5), ungacelani na? Yikuphi okukuhlaba umxhwele ngesicelo sikaSolomoni? Cabanga ngokuthi kungani “inhliziyo elalelayo” ukuba “uhlukanise okuhle nokubi” (evesini 9) iyisipho esiyigugu. Ungenzani ukufuna lesisipho?

Bheka futhi ku Moroni 7:12–19.

Ku 1 AMakhosi 6–7 uzothola incazelo ephelele yendlu engcwele uSolomoni ayakhela iNkosi. Imininingwane kungenzeka ibukeke ingabalulekile kuwe ngendlela eyayibaluleke ku-Israyeli wasendulo. Kodwa ukufunda lezi zahluko kungase kukunike umqondo wokuthi kwakubaluleke kangakanani kubo ukuba nendlu yeNkosi. Kungani kubalulekile kuwe?

Ungase uzindle ngokuthi izingxenye ezihlukahlukene zethempeli likaSolomoni zingase zifanekiseni. Isibonelo, cabanga ngokuthi amakherubi, izihlahla, kanye nezimbali ku 1 AMakhosi 6:35 zingamelani. (Bheka futhi ku Genesisi 3:24.)

Isahluko 8 siqopha umkhuleko kaSolomoni ngesikhathi eqeda ithempeli (bheka amavesi 22–61). Cabanga ngokwenza uhla lwezibusiso uSolomoni azicela. Yikona kuphi okukuhlaba umxhwele ngalezi zibusiso? (Qaphela futhi izithembiso zeNkosi ku 2 AMakhosi 6:11–13; 9:1–9.) Uma usuke waya endlini yeNkosi, cabanga ngokwenzeka nange mizwa yakho lapho ukhonza khona. Ngabe ukugcina izivumelwano zasethempelini kukusize kanjani ukuthola izibusiso zeNkosi?

Bheka futhi ku IMfundiso neziVumelwano 109; uHenry B. Eyring, “I Love to See the Temple,” iLiyahona, ngoMeyi 2021, 28–31.

Kusho ukuthini ukuthi “vumela inhliziyo yakho … iphelele eNkosini”? (1 AMakhosi 8:61). Ngabe lokhu kuhlukile kunokuba izenzo zethu zibe ngokupheleleyo na? Kanjani? Funda 1 AMakhosi 11:1–11, futhi uqhapele ukuthi ngabe iNkosi yathini mayelana nenhliziyo kaSolomoni. Ungase uzindle ukuthi akhona yini amathonya empilweni yakho angaphendula inhliziyo yakho eNkosini futhi aye “kwabanye onkulunkulu.”

• “INkosi uDavide” eziNdabeni zeTestamente Elidala, 117–20, kungakusiza ukutshela abantwana bakho indaba eku-2 AMakhosi 11. Ungase ucele izingane zakho ukuthi zikhombe izinqumo ezingalungile uDavide azenza futhi uphakamise izinqumo ezinhle abengazenza esikhundleni salezo. Yiziphi izinto esingazenza ngesikhathi silingwa ezingasisiza ukuba sithathe isinqumo esilungile.

  

  2:11

• Ukufunda ngeshwa lezono zikaDavide eziyimigilingwane kungaba yithuba elihle lokuxoxa ngobungozi bokubuka izithombe ezingcolile. Ividiyo ethi “What Should I Do When I See Pornography?” (Umtapo Wolwazi Lwevangeli) unesiqondiso esiwusizo. Siza abantwana bakho ukuthi bakhe isu ngalokho abazokwenza uma behlangana nezithombe ezingcolile.

  

  5:46

• Ngesikhathi wena kanye nabantwana bakho nifunda ngokubusiswa kwethempeli ku 1 AMakhosi 8, ningabuka izithombe zamathempeli ohlakeni lwaleli sonto. Vumela abantwana bakho babelane ngeminingwane abayibonayo ezithombeni. Ungagcizelela amavesi 57–58. Ngabe kusho ukuthini “ukuhamba ngezindlela [zeNkosi] kuko konke”? (1 AMakhosi 8:58). Mhlawumbe abantwana bakho bangathatha isinyathelo ngempendulo abayinikayo ngayinye.

• Tshela abantwana bakho ukuthi ukugcina izivumelwano ozenzayo ethempelini kukusiza kanjani ukuthi uhambe ezindleleni zeNkosi. Ungase ubatshele ukuthi ziyini lezivumelwano (bheka General Handbook, 27.2, Umtapo Wolwazi lweVangeli). –

• Ukufunda ngendlela amakhosikazi kaSolomoni amthonya ngayo kungaholela engxoxweni ngezibonelo “zabanye onkulunkulu”—noma izinto ezikhonzwayo noma ezithandwa abantu esikhundleni seNkosi. Sikhombisa kanjani ukuthi siyaMthanda ngaphezu kwazo zonke izinto ezimpilweni zethu?