1 Dikgosi 12–13; 17–22

O ka tlhalosa jang phoso e Kgosi Rehoboame, morwa wa ga Solomone, a e dirileng mo 1 Dikgosi 12:1–14? Ke mokgwa o fe o o tshwanang le wa ga Keresete yo o ka bong o thusitse Rehoboame go boloka bogosi jwa gagwe? (bona temana 7; Mathaio 20:25–28; Mosia 2:10–21). O ka dirisa jang mekgwa e jaaka moeteledipele—gongwe mo pitsong ya Kereke kgotsa jaaka moeteledipele wa botshelo jwa gago?

Moperofeti Elija o kopile motlholagadi go mo neela dijo le metsi pele a a ja ene le morwa wa gagwe yo o tshwerweng ke tlala. Ke eng a ka dira seo? Kopo ya ga Elija e ka bonwa e le tshegofatso ya lelwapa le lennye le. Ba ne ba tlhoka ditshegofatso tsa Morena, mme go ntsha setlhabelo go tlisa ditshegofatso—go akaretsa tshegofatso ya tumelo e e nonofileng.

Jaaka o bala 1 Dikgosi 17:8–16, akanya fela o ne o le motlholagadi yo. Ke eng se se go kgatlhang ka ene? Le gone o ka dira nankolo ya maitshenkelo a a tlhokang tumelo mo go Jeso Keresete (ka sekai, bona For the Strength of Youth: A Guide to Making Choices [2022]). O ithuta eng go tswa mo motlholagading yo ka go diragatsa tumelo?

Ditiro tsa ga Elisha mo 1 Dikgosi 19:19–21 di tshwana jang le ditiro tsa motlholagadi?

Akanya ka ga ditlhabelo tse o di dirileng go sala Mmoloki morago. Ke eng se 1 Dikgosi 17:8–16; 19:19–21 e se go rutang ka ga ditlhabelo tse? Kitso ya gago ka ga Mmoloki e go thusa jang fa a go kopa go dira ditlhabelo? O go segofaditse jang?

Le gone bona Mathaio 4:18–22; 6:25–33; Luke 4:24–26; “Elijah and the Widow of Zarephath” (setshwantsho sa motshikinyego), Motlobo wa Efangele; “When Faith Endures,” Hymns, no. 128.

10:13

Baiseraele ba tshwanetse ba ne ba ikutlwa ba na le lebaka le le molemo la go obamela Baale, yo a neng a itsege jaaka modimo wa matsubutsubu le pula. Morago ga dingwaga tse tharo tsa leuba, ba ne ba tlhoka pula thata. Mme go obamela Baale go ne go amogelwa mo setšhabeng le go rotloediwa ke kgosi le mohumagadi. Jaaka o bala 1 Dikgosi 18, akanya ka gore ke eng fa mongwe mo motlheng wa rona a ka tswa a sa dire tshwetso ka go sala Morena moraga. Mo kgaolong e, o akanya gore Morena o ne a leka go ruta eng ka ga Ene? Ke maitemogelo a fe a a go thusitseng go itlama go sala Mmoloki morago?

Bona le gone D. Todd Christofferson, “Choice and Commitment” (worldwide devotional for young adults, Jan. 12, 2020), Motlobo wa Efangele.

Ka maswabi, dikgakgamatso mo Thabeng ya Karemele ga di a dira thomo ya ga Elija motlhofo. Tota e bile, botshelo jwa gagwe bo ne bo le mo diphatseng, mme o ne a tshwanelwa ke go iphitlha mo logageng kwa nageng. Fa a le koo, a lwantshana le bodutu le go kgobega marapo, o ne a nna le maitemogelo le Morena a a neng a farologane thata le maitemogelo a kwa Thabeng ya Karemele. Maitemogelo a ga Elija mo 1 Dikgosi 19:1–18 a go ruta eng ka ga ka fa Morena a buisanang le wena mo dinakong tsa gago tsa letlhoko?

Tlhatlhanya dinako tse o ikutlwileng gore Morena o buile le wena. O ka tlhalosa jang tsela e A buisanang le wena ka teng? Ke eng mafoko “kokobetseng” le “lesesane” e le ditsela tse di molemo go tlhalosa lentswe la Mowa? Ke mafoko a fe a mangwe a o a bonang mo Helamane 5:30; Dithuto le Dikgolagano 6:22–23; 11:12–14? O tlhoka go dira eng go amogela kaelo ya Morena gantsi thata?

Bona le gone Pesalema 46:10.

• Go thusa bana ba gago go ithuta dipolelo tsa tumelo mo 1 Dikgosi 17, o ka ba bontsha ditshwantsho kgotsa didirisiwa go supa dipolelo, jaaka dinonyane, borotho, kgotsa mosimane. Jaaka o bolelela bana ba gago dipolelo tse, ba laletse go batla setshwantsho kgotsa sedirisiwa se se tsamaelanang le polelo e nngwe le e nngwe. “Elijah the Prophet” (mo Old Testament Stories, 121–24) e ka go thusa go bolela dipolelo tse. Polelo e nngwe le e nngwe e re ruta eng ka go supa tumelo mo go Jeso Keresete?

  

  1:58

• Thusa bana ba gago go akanya ka ditsela tse ba ka supang tumelo ya bone mo go Jeso Keresete. Opela le bone pina ka ga tumelo, jaaka “I Have Faith in the Lord, Jesus Christ [Ke Na Le Tumelo Mo Go Morena, Jeso Keresete]” (Motlobo wa Efangele), mme lo abelane ka bo lona se lo se ithutang ka ga tumelo go tswa mo pineng.

• Gongwe bana ba gago ba ka tshwantsha setshwantsho sa se Morena a se kopileng motlholagadi go se neela Elija (bona 1 Dikgosi 17:12–13) le se motlholagadi a se amogetseng mo poelong (bona 1 Dikgosi 17:15–16). (Bona le gone tsebe ya tiragatso ya beke e.) Gape ba ka batla ditshwantsho tsa batho ba bangwe ba ba neng ba neeela sengwe se ba neng ba se batla gore ba bone sengwe se se botoka. Laletsa bana ba gago go batla ditshwantsho mo Gospel Art Book kgotsa Tlayang, Ntshala Morago. Morena o re kopa re ntshe eng setlhabelo? O re segofatsa jang?

• Jaaka lo bala 1 Dikgosi 18:17–39 mmogo, bana ba gago ba ka tlhopha temana le go tshwantsha setshwantsho se e se tlhalosang. Ba ka dirisa setshwantsho sa bone go bolela polelo ka mafoko a bone. (Bona le gone “Elijah and the Priests of Baal,” mo Old Testament Stories, 125–28.)

  

  2:17

• Thusa bana ba gago go akanya ka diemo tse ba ka tlhokang go tsaya tswetso gore a ba sale Jeso Keresete morago kgotsa ba seka ba mo sala morago. Gongwe ba ka itshwantsha ba dira tshwetso e e siameng. Abelanang ka bo lona gore ke eng lo itlhophela go sala Jeso morago.

• Jaaka o soboka 1 Dikgosi 19:9–12, laletsa bana ba gago go dira ditiro go emeladiphefo tse di maatla, thoromo ya lefatshe, le molelo. Ke gone ba laletse go nna ba kokobetse jaaka lo bua mmogo le re, ka lentswe le le kwa tlase, “morago ga molelo ga nna lentswe le lesesane le le kokobetseng” (temana 12). (Bona le gone “The Lord Speaks to Elijah,” mo Old Testament Stories, 129–31.) Bolelela bana ba gago ka dinako tse o itemogetseng lentswe le lesesane le le kokobetseng la Mowa o o Boitshepo.

  

  1:48

• Ka tidimalo opela pina ka ga Mowa, jaaka “The Still Small Voice” (Children’s Songbook, 106–7). Ke eng se se ka re kgoreletsang go lemoga Mowa? Ke eng se se ka re thusang go Mo utlwa?