2 Dikgosi 2–7

Dikgakgamatso di re supetsa thata ya Modimo. Di ka re thusa go fenya mathata a loso—jaaka lefatshe le le senang sepe le le tlhokang metsi a a phepa (bona 2 Dikgosi 2:19–22) kgotsa selepe se se latlhegileng se se tlhokang go bonwa (bona 2 Dikgosi 6:4–7). Mme sa botlhokwa le go feta, dikgakgamatso di ka re busetsa kwa Moreneng. Fa o ntse o bala 2 Dikgosi 2–6, akanyetsa go kwala dinankolo tsa dikgakgamatso tse o di bonang, mme o akanye ka dithuto tsa semowa tse o di ithutang mo go nngwe le nngwe ya tsone.

O ka nna gape wa tshwantshanya dikgakgamatso tse Elisha a di dirileng le dikgakgamatso tse Jeso Keresete a di dirileng (bona 2 Dikgosi 4:8–37 le Luke 7:11–16; 2 Dikgosi 4:42–44 le Johane 6:1–13; 2 Dikgosi 5:1–15 le Luke 17:11–19). Dikgakgamatso tse di go ruta eng ka ga Mmoloki le baperofeti ba Gagwe?

Bona gape 2 Nifae 26:12–13; 27:23; Moronae 7:35–37; kgaolo “Seek and expect miracles” in Russell M. Nelson, “The Power of Spiritual Momentum,” Liahona, Motsheganong 2022, 99–100.

Morena o ne a tlhotlheletsa Elisha go perofesa ka dilo tse di tlaa tlang—gantsi, dilo tse di neng di lebega di ka se diragale. Fa o bala 2 Dikgosi 4:8–17; 7:1–16, akanya ka fa o tsibogelang lefoko la Morena ka baperofeti ba Gagwe gompieno Ke dithuto dife, diperofeso, kgotsa ditsholofetso tse o di utlwileng go tswa mo baperofeting ba ba tshelang? O dira eng go dira ka tumelo mo mafokong a bone?

Bona gape 3 Nifae 29:6; Dithuto le Dikgolagano 1:37–38; “Teachings of Presidents” collection, Motlobo wa Efangele.

Fa o ntse o bala 2 Dikgosi 5, akanyetsa go bapisa lepero la ga Naamane le kgwetlho ya semowa e o lebaneng le yone.

A go na le mongwe yo o tshwanang le “setshwarwana” mo botshelong jwa gago, yo o go rotloetsang go batla kaelo ka ga kgwetlho ya gago mo baperofeting ba Morena? (bona ditemana 2–3, 13).

Ke eng se Morena a go laletsang go se dira se se ka lebegang se le bonolo thata—jaaka “tlhapa, mme o ntlafale”? (temana 13). Ke eng se se ka tswang se go thibela go amogela ditaletso tsa Gagwe tse di motlhofo?

O ka supa jang boikokobetso jaaka Naamane?

Ela tlhoko ka fa maitemogelo a ga Naamane a amileng tumelo ya gagwe mo Modimong wa Iseraele ka teng (bona temana 15). O ithutang eng mo go se?

Bona le gone Luke 4:27; 1 Petere 5:5–7; Alema 37:3–7; Ethere 12:27; L. Whitney Clayton, “Whatsoever He Saith unto You, Do It,” Liahona, May 2017, 97–99; “Naaman and Elisha” (setshwantsho sa motshikinyego), Motlobo wa Efangele.

14:30

Fa o ntse o leka go sala morago Keresete, a o kile wa ikutlwa jaaka motlhanka yo mmotlana wa ga Elisha—o fetwa ka palo e bile o tshogile? Akanya o ne o le mo boemong jwa gagwe fa o ntse o bala 2 Dikgosi 6:8–23. Polelo ena e fetola jang tsela e o akanyang le go ikutlwa ka yone ka diteko tsa gago, maikarabelo a gago, kgotsa maiteko a gago a go tshela efangele?

Fa o ntse o akanya, akanya ka mafoko a ga Poresidente Henry B. Eyring: “Jaaka motlhanka yoo wa ga Elisha, go na le ba le bantsi ba ba nang le wena go feta ba o ka ba bonang ba le kgatlhanong le wena. Bangwe ba ba nang le wena ba tlaa bo ba sa bonale mo matlhong a gago a a swang. Morena o tla go rwala mme ka dinako tse dingwe o tla dira jalo ka go bitsa ba bangwe go ema le wena” (“O Ye That Embark,” Liahona, Ngwanatsele. 2008, 58).

Akanyetsa go dira lenaane la “ba ba nang le [wena]” (temana 16)—batho ba Modimo a ba beileng mo botshelong jwa gago go go ema nokeng. O ka nna wa Mo kopa go go thusa go di lemoga ka go bula matlho a gago a semowa. Gongwe gape o go beile mo matshelong a batho ba bangwe gore o ba thuse. Lo ka nonotshana jang le go tshegetsana?

O utlwile leng tshegetso e Morena a e tlhalosang mo Dithuto le Dikgolagano 84:88?

Gape o ka nna wa ithuta molaetsa wa ga Kgaitsadi Michelle D. Craig o o reng “Eyes to See” (Liahona, Ngwanatsele 2020, 15–17). Ipotse jaana, “Modimo o batla gore ke bone eng?”

Fa a bua ka kgang e e mo go 2 Dikgosi 6:8–23, Mogolwane Ronald A. Rasband o ne a re: “Re ka nna ra nna le dikara tsa molelo tse di rometsweng kgotsa ra se nne le tsone go fedisa poifo ya rona le go fenya mewa e e maswe ya rona, mme thuto e tlhamaletse. Morena o na le rona, o a re akanyetsa, le go re segofatsa ka ditsela tse Ene fela a ka di dirang. Thapelo e ka bitsa maatla le tshenolo e re e tlhokang go tsepamisa dikakanyo tsa rona mo go Jeso Keresete le setlhabelo sa Gagwe sa tefetso. Morena o ne a itse gore ka dinako tse dingwe re tlaa utlwa poifo. Ke ikutlwile jalo le nna mme le wena. … Mo Kerekeng e re ka tswa re le mmalwa ka palo ka tsela e lefatshe le balang tlhotlheletso ka yone, mme fa re bula matlho a rona a semowa, ‘ba ba nang le rona ba feta ba ba nang le bone’ [2 Dikgosi 6:16]” (“Be Not Troubled,” Liahona, Nov. 2018, 18, 19). O ka dirisa mafoko ano jang go thusa motho yo o ikutlwang a tlhobaela kgotsa a boifa?

Bona le gone “Dearest Children, God Is Near You,” Hymns, no. 96.

• Fa o sena go thusa bana ba gago go tlhaloganya gore kgakgamatso ke eng, ba kope go kwala nankolo ya dikai tse dintsi tsa dikgakgamatso ka fa ba ka kgonang ka teng. Ditshwantsho mo Gospel Art Book kgotsa Tlayang, Ntshalang Morago di ka thusa. Go tswa foo ba ka batla dikgakgamatso mo 2 Dikgosi 4:1–7, 14–17, 32–35, 38–44. Dikgakgamatso tse di ruta eng ka Rara wa Legodimo?

• Wena le bana ba gago le ka bua ka fa Modimo a supileng lorato lwa Gagwe ka teng ka dikgakgamatso. Gape lo ka opela mmogo pina e e tshwanang le “God’s Gracious Love” (Motlobo wa Efangele).

• Thusa bana ba gago go ithuta polelo e e mo 2 Dikgosi 5:1–3, 9–14. Akanyetsa go dirisa “Elisha Heals Naaman” (mo Old Testament Stories, 134–37) kgotsa setshwantsho sa ga Naamane mo tshobokong ya beke e. Ke ka ntlha ya efe Naamane a ne a sa batle go tlhapa mo Nokeng ya Jorotane, le ntswa Elisha a buile gore se se tlaa fodisa bolwetsi jwa gagwe? Naamane o ne a segofadiwa jang fa a sala morago ditaelo tsa ga Elisha? Le ka abelana maitemogelo a fa lo obamela Morena, le fa le ne le sa netefatse gore le batla go dira jalo.”

  

  1:52

• Gape o ka nna wa gatelela 2 Dikgosi 5:13, koo batlhanka ba ga Naamane ba neng ba mo thusa go dira tshwetso ya go obamela moperofeti Elisha teng. Bana ba gago go tswa foo ba ka bua ka ga ditsela tse ba ka thusang ditsala tsa bone kgotsa maloko a lelwapa go reetsa le go obamela moperofeti.

• Wena le bana ba gago lo ne lo ka akanya lo dikologilwe ke mophato o o nang le ditšhaka, dipitse le dikara tsa ntwa. Lo tlaa ikutlwa jang? Lo ka dira eng? Bana ba gago go tswa foo ba ka tswala matlho fa o ntse o ba balela 2 Dikgosi 6:16–17 . (Bona gape “Elisha and the Lord’s Army,” mo Old Testament Stories, 138–39, kgotsa setshwantsho se se kwa bokhutlong jwa tshoboko e.) Fa o fitlha mo mafokong a a reng “bula matlho a gagwe” (temana 17), kopa bana go bula matlho. Bua ka se motlhanka a se boneng. Abelana le bana ba gago ditsela tse o kileng wa ikutlwa gore Morena o ne a na le wena ka nako ya dikgwetlho tsa gago, le fa go ne go lebega e kete o nosi.

  

  1:9