1 రాజులు 12–13; 17–22

1 రాజులు 12:1–14లో సొలొమోను కుమారుడైన రెహబాము రాజు చేసిన తప్పును మీరెలా వివరిస్తారు? రెహబాము తన రాజ్యాన్ని కాపాడుకోవడానికి క్రీస్తువంటి ఏ లక్షణాలు సహాయపడగలిగియుండేవి? (7వ వచనము; మత్తయి 20:25–28; మోషైయ 2:10–21 చూడండి). ఒక సంఘ పిలుపు‌లో అయినా లేదా మీ స్వంత జీవితానికి నాయకుడిగా అయినా—మీరు ఈ లక్షణాలను ఒక నాయకుడిగా ఎలా ఉపయోగించగలరు?

ఆకలితోనున్న ఆమె కుమారుడు మరియు ఆమె తినడానికి ముందు అతనికి ఆహారము, నీరు ఇవ్వమని సారెపతులోని విధవరాలిని ఏలీయా ప్రవక్త అడిగాడు. ఆయన ఎందుకు అలా చేసి ఉండవచ్చు? ఏలీయా అభ్యర్థన ఈ చిన్న కుటుంబానికి ఒక దీవెనగా కూడా చూడబడవచ్చు. వారికి ప్రభువు యొక్క దీవెనలు అవసరము మరియు బలమైన విశ్వాసము యొక్క దీవెనతో పాటు—త్యాగము తరచు దీవెనలను తెస్తుంది.

1 రాజులు 17:8–16ను మీరు చదివినప్పుడు, మీరే ఆ విధవరాలు అయినట్లు ఊహించండి. ఆమె గురించి మిమ్మల్ని ఏది ఆకట్టుకుంటుంది? యేసు క్రీస్తు నందు విశ్వాసం అవసరమైన ఎంపికల జాబితాను కూడా మీరు చేయవచ్చు (ఉదాహరణల కొరకు, యౌవనుల బలము కొరకు: ఎంపికలు చేయుటకు ఒక మార్గదర్శి [2022] చూడండి). విశ్వాసాన్ని అభ్యసించడం గురించి ఈ విధవరాలి నుండి మీరేమి నేర్చుకుంటారు?

1 రాజులు 19:19–21లో ఏలీయా చర్యలు ఏ విధంగా విధవరాలి చర్యలను పోలియున్నాయి?

రక్షకుడిని అనుసరించడానికి మీరు చేసిన త్యాగాల గురించి ఆలోచించండి. ఈ త్యాగాల గురించి 1 రాజులు 17:8–16; 19:19–21 మీకేమి బోధిస్తుంది? త్యాగాలు చేయమని ఆయన మిమ్మల్ని అడిగినప్పుడు, రక్షకుని గురించిన మీ జ్ఞానం మీకెలా సహాయం చేస్తుంది? ఆయన మిమ్మల్ని ఎలా దీవించారు?

మత్తయి 4:18–22; 6:25–33; లూకా 4:24–26 కూడా చూడండి.

10:13

తుఫానులకు, వర్షాలకు దేవుడుగా పిలువబడే బయలును ఆరాధించడానికి తమకు మంచి కారణాలు ఉన్నాయని ఇశ్రాయేలీయులు భావించి ఉండవచ్చు. మూడేళ్ళ కరువు తరువాత వారికి వానలు చాలా అవసరమయ్యాయి. బయలు ఆరాధన సామాజికంగా అంగీకరించబడింది మరియు రాజు, రాణిల చేత ఆమోదించబడింది. 1 రాజులు 18ని మీరు చదివినప్పుడు, మన కాలంలో ఎవరైనా ప్రభువును అనుసరించడం గురించి ఎందుకు అనిశ్చితంగా ఉండవచ్చో ఆలోచించండి. ఈ అధ్యాయములో, ప్రభువు తన గురించి ఏమి బోధించడానికి ప్రయత్నిస్తున్నారని మీరు అనుకుంటున్నారు? రక్షకుడిని అనుసరించడానికి నిబద్ధులైయుండేందుకు ఏ అనుభవాలు మీకు సహాయపడ్డాయి?

దురదృష్టవశాత్తు, కర్మెలు పర్వతంపై జరిగిన అద్భుతం ఏలీయా నియమితకార్యాన్ని సులభతరం చేయలేదు. నిజానికి, అతని ప్రాణం ప్రమాదంలో ఉంది మరియు అతను అరణ్యంలో ఒక గుహలో దాక్కోవలసి వచ్చింది. అక్కడ ఒంటరితనము మరియు నిరాశతో శ్రమపడుతూ అతడు ప్రభువుతో ఒక అనుభవాన్ని కలిగియున్నాడు, అది కర్మెలు పర్వతంపై జరిగిన దానికంటే చాలా భిన్నమైనది. మీకు అవసరమైన సమయాల్లో ప్రభువు మీతో ఎలా సంభాషిస్తారనే దాని గురించి 1 రాజులు 19:1–18లో ఏలీయా అనుభవము మీకేమి బోధిస్తుంది?

ప్రభువు మీతో మాట్లాడినట్లు మీరు భావించే సమయాల గురించి ఆలోచించండి. ఆయన మీతో సంభాషించే విధానాన్ని మీరు ఎలా వివరిస్తారు? ఆత్మ యొక్క స్వరాన్ని వివరించడానికి “నిశ్చలమైన” మరియు “చిన్న” అనే పదాలు ఎందుకు మంచి మార్గాలు? హీలమన్ 5:30; సిద్ధాంతము మరియు నిబంధనలు 6:22–23; 11:12–14 లో మీరు కనుగొన్న ఇతర పదాలేవి? మరింత తరచుగా ప్రభువు యొక్క నడిపింపును పొందడానికి మీరేమి చేయాలి?

కీర్తనలు 46:10 కూడా చూడండి.

• 1 రాజులు 17లోని విశ్వాసపూరితమైన కథలను నేర్చుకోవడంలో మీ పిల్లలకు సహాయపడడానికి, మీరు కథలను వివరించడానికి పక్షులు, రొట్టె లేదా బాలుడు వంటి చిత్రాలను లేదా వస్తువులను వారికి చూపించవచ్చు. మీరు ఈ కథలను మీ పిల్లలకు చెప్పేటప్పుడు, ప్రతి కథకు సంబంధించిన చిత్రాన్ని లేదా వస్తువును కనుగొనడానికి వారిని ఆహ్వానించండి. “ప్రవక్తయైన ఏలీయా” (పాత నిబంధన కథలు, 121–24లో) ఈ కథలను చెప్పడంలో మీకు సహాయం చేస్తుంది. యేసు క్రీస్తుపై విశ్వాసం చూపించడం గురించి ప్రతి కథ మనకు ఏమి బోధిస్తుంది?

  

  1:58

• యేసు క్రీస్తుపై తమ విశ్వాసాన్ని చూపించగల మార్గాల గురించి ఆలోచించడంలో మీ పిల్లలకు సహాయం చేయండి. వారితో కలిసి విశ్వాసం గురించి పాట పాడండి, ఉదాహరణకు “I Have Faith in the Lord, Jesus Christ [నాకు ప్రభువైన యేసు క్రీస్తుపై విశ్వాసం ఉంది]” (Gospel Library) మరియు పాట నుండి విశ్వాసం గురించి మీరు నేర్చుకున్న వాటిని ఒకరితో ఒకరు పంచుకోండి.

• ఏలీయాకు ఏమి ఇవ్వమని ప్రభువు విధవరాలిని అడిగారు (1 రాజులు 17:12–13 చూడండి) మరియు దానికి ప్రతిఫలంగా ఆ విధవరాలు ఏమి పొందింది (1 రాజులు 17:15–16 చూడండి) అనేదాని చిత్రాన్ని బహుశా మీ పిల్లలు చిత్రించగలరు. (ఈ వారపు ప్రోత్సాహకార్యక్రమ పేజీ కూడా చూడండి.) మంచి దాని కోసం వారు కోరుకున్నదాన్ని వదులుకున్న ఇతర వ్యక్తుల చిత్రాల కోసం కూడా వారు చూడవచ్చు. Gospel Art Book [సువార్త కళా పుస్తకము] లేదా రండి, నన్ను అనుసరించండి లో చిత్రాలను కనుగొనమని మీ పిల్లలను ఆహ్వానించండి. దేనిని త్యాగం చేయమని ప్రభువు మనల్ని కోరుతున్నారు? ఆయన మనల్ని ఎలా దీవిస్తారు?

• మీరు 1 రాజులు 18:17-39 కలిసి చదువుతున్నప్పుడు, మీ పిల్లలు ఒక వచనం ఎంచుకుని, అది వివరించే చిత్రాన్ని గీయవచ్చు. వారి స్వంత మాటలలో కథను చెప్పడానికి వారు తమ చిత్రాలను ఉపయోగించవచ్చు. (పాత నిబంధన కథలు, 125–28లో “ఏలీయా మరియు బయలు యాజకులు” కూడా చూడండి.)

  

  2:17

• మీ పిల్లలు యేసు క్రీస్తును అనుసరించాలా వద్దా అని నిర్ణయించుకోవాల్సిన పరిస్థితుల గురించి ఆలోచించడంలో వారికి సహాయపడండి. బహుశా వారు సరైన ఎంపిక చేస్తున్నట్లుగా తమ స్వంత చిత్రాలను గీయవచ్చు. మీరు యేసును అనుసరించడానికి ఎందుకు ఎంచుకున్నారో ఒకరితో ఒకరు పంచుకోండి.

• మీరు 1 రాజులు 19:9–12 యొక్క సారాంశం చెప్తున్నప్పుడు, బలమైన గాలి, భూకంపం మరియు అగ్నిని సూచించే అభినయాలను చేయడానికి మీ పిల్లలను ఆహ్వానించండి. ఆ తర్వాత, “మెరుపు ఆగిపోగా మిక్కిలి నిమ్మళముగా మాటలాడు ఒక స్వరము” (12వ వచనము) అని నిశ్శబ్ద స్వరంతో మీరు కలిసి చెప్తున్నప్పుడు కదలకుండా కూర్చోమని వారిని ఆహ్వానించండి. (పాత నిబంధన కథలు, 129– 31లో “ప్రభువు ఏలీయాతో మాట్లాడును” కూడా చూడండి.) పరిశుద్ధాత్మ యొక్క మిక్కిలి నిమ్మళముగా మాటలాడు స్వరమును మీరు అనుభవించిన సమయాల గురించి మీ పిల్లలకు చెప్పండి.

  

  1:48

• ఆత్మను గుర్తించకుండా మనల్ని ఏది కలవరపెడుతుంది? ఆయన మాట వినడానికి మనకు ఏది సహాయం చేస్తుంది?