2 సమూయేలు 11–12; 1 రాజులు 3; 6–9; 11

కొన్నిసార్లు తమ విశ్వాసంలో బలంగా ఉన్న వ్యక్తులను మనము చూస్తాము మరియు వారు శోధన ద్వారా ప్రభావితం కాలేదని మనము అనుకుంటాము. 2 సమూయేలు 11లో వర్ణించబడిన దావీదు యొక్క విషాదకరమైన ఎంపికలు అది నిజం కాదని స్పష్టంగా చూపిస్తున్నాయి. అతడి అనుభవాలనుండి మీరు నేర్చుకోగల పాఠాలను పరిగణించండి. ఇటువంటి ప్రశ్నలు 2 సమూయేలు 11–12ను అధ్యయనము చేయడానికి మీకు సహాయపడవచ్చు:

• దావీదు చేసిన ఏ ఎంపికలు అతడిని మిక్కిలి పాపకరమైన మార్గములో నడిపించాయి? బదులుగా అతడు ఏ నీతిగల ఎంపికలు చేసియుండవచ్చు?

  

  4:15

  వీడియోలను ఉపయోగించుట. వీడియోలు లేఖనాల నుండి వృత్తాంతాలను దృశ్యమానం చేయడంలో మీకు సహాయపడగలవు మరియు అవి మీకు ఎలా వర్తిస్తాయో పరిగణించండి. బోధనను మరియు అభ్యాసాన్ని మెరుగుపరచడానికి మీరు వాటిని ఎలా ఉపయోగించవచ్చో పరిగణించండి.

• ప్రత్యర్థి మిమ్మల్ని పాపపు మార్గాల్లోకి నడిపించడానికి ఎలా ప్రయత్నిస్తున్నాడు? ఆధ్యాత్మికంగా సురక్షితంగా ఉండేందుకు మీరిప్పుడు ఏ ఎంపికలు చేయవచ్చు?

• 2 సమూయేలు 12:1–6లో నాతాను కథకు దావీదు స్పందనను గమనించండి. దావీదు తనను తాను ఎలా చూసుకున్నాడనే దాని గురించి అతని స్పందన ఏమి సూచిస్తుంది? మిమ్మల్ని మీరు మరింత ఖచ్చితంగా చూసుకోవడానికి మీకు సహాయపడేందుకు ప్రభువు ఏమి చేసారు?

• 2 సమూయేలు 11–12లోని సంఘటనలను మీరు ఒక్క వాక్యపు హెచ్చరికలో ఎలా సంగ్రహిస్తారు?

దావీదు యొక్క చెడు ఎంపికల గురించి చదవడం అశ్లీలత మరియు లైంగిక పాపం యొక్క ప్రమాదాల గురించి మీరు తెలుసుకోవడానికి దారితీయగలదు. దీనికి మంచి వనరు యౌవనుల బలము కొరకు: ఎంపికలు చేయుటకు ఒక మార్గదర్శి, ముఖ్యంగా “ఈ క్షణంలో ఏమి చేయాలి” మరియు “మీ శరీరం పవిత్రమైనది” (పేజీలు 21–28) అనే విభాగాలు. బహుశా మంచి ఎంపికలు చేయడంలో దావీదు‌కు సహాయపడే సలహా కోసం మీరు ఆ వనరులో చూడవచ్చు. లేదా మీరు దావీదు ప్రభువు వద్దకు తిరిగి రావడానికి సహాయపడే దాని కోసం చూస్తూ, “యేసు క్రీస్తు మీకు సహాయం చేస్తారు” (6–9 పేజీలు) చదవవచ్చు.

2 నీఫై 28:20–24; యులిసెస్ సోవారెస్, “ప్రతి తలంపులో క్రీస్తును వెదకుము,” లియహోనా, నవ. 2020, 82–85 కూడా చూడండి.

2:36

“నేను నీకు దేని నిచ్చుట నీకిష్టము” (1 రాజులు 3:5), అని ప్రభువు మిమ్మల్ని అడిగిన యెడల, మీరు దేనిని అడుగుతారు? సొలొమోను యొక్క మనవి గురించి మిమ్మల్ని ఏది ఆకట్టుకుంటుంది? “మంచి చెడుల మధ్య వివేచించుటకు”, “వివేకముగల హృదయము” (9వ వచనము) ఎందుకు విలువైన వరమో ధ్యానించండి. ఈ వరమును వెదకడానికి మీరేమి చేయగలరు?

మొరోనై 7:12-19 కూడా చూడండి.

1 రాజులు 6–7లో మీరు ప్రభువు కోసం సొలొమోను నిర్మించిన పవిత్రమైన మందిరం గురించి వివరణాత్మక వర్ణనను కనుగొంటారు. వివరాలు ప్రాచీన ఇశ్రాయేలీయులకు ఉన్నంత ముఖ్యమైనవిగా మీకు అనిపించకపోవచ్చు. అయితే ఈ అధ్యాయాలను చదవడం వల్ల ప్రభువు మందిరాన్ని కలిగి ఉండడం వారికి ఎంత ప్రాముఖ్యమైనదో మీకు అర్థమవుతుంది. అది మీకెందుకు ముఖ్యమైనది?

సొలొమోను దేవాలయంలోని వివిధ భాగాలు దేనిని సూచిస్తాయో మీరు ధ్యానించవచ్చు. ఉదాహరణకు, 1 రాజులు 6:35లోని కెరూబులు, చెట్లు మరియు పువ్వులు దేనిని సూచిస్తాయో పరిగణించండి. (ఆదికాండము 3:24 కూడా చూడండి.)

8వ అధ్యాయం దేవాలయాన్ని పూర్తి చేసిన తర్వాత సొలొమోను ప్రార్థనను నమోదు చేస్తుంది (22–61 వచనములు చూడండి). సొలొమోను కోరిన ఆశీర్వాదాల జాబితాను రూపొందించడాన్ని పరిగణించండి. ఈ దీవెనల గురించి మిమ్మల్ని ఏది ఆకట్టుకుంటుంది? (2 రాజులు 6:11–13; 9:1–9 లోనున్న ప్రభువు యొక్క వాగ్దానాలను కూడా గమనించండి.) మీరు ప్రభువు మందిరానికి వెళ్లి ఉంటే, అక్కడ ఆరాధించడంలో మీ అనుభవాల గురించి ఆలోచించండి. దేవాలయ నిబంధనలను పాటించడం ప్రభువు యొక్క ఆశీర్వాదాలను పొందడంలో మీకు ఎలా సహాయపడింది?

సిద్ధాంతము మరియు నిబంధనలు 109; హెన్రీ బి. ఐరింగ్, “దేవాలయాన్ని చూడడం నాకిష్టం,” లియహోనా, మే 2021, 28–31 కూడా చూడండి.

“మీ హృదయము … యెహోవా విషయమై సర్వసిద్ధముగా నుండునుగాక” అనగా అర్థమేమిటి? (1 రాజులు 8:61). పరిపూర్ణంగా ఉన్న మన చర్యల నుండి అది భిన్నంగా ఉందా? అయితే ఎలా? 1 రాజులు 11:1–11 చదవండి మరియు సొలొమోను హృదయం గురించి ప్రభువు ఏమి చెప్పారో గమనించండి. మీ హృదయాన్ని ప్రభువు నుండి దూరంగా “ఇతర దేవుళ్ళ” వైపు మళ్లించగల ప్రభావాలు మీ జీవితంలో ఉన్నాయా అని మీరు ఆలోచించవచ్చు.

• 2 సమూయేలు 11లోని కథను మీ పిల్లలకు చెప్పడానికి పాత నిబంధన కథలు, 117–20 లోని “దావీదు మహారాజు” మీకు సహాయపడగలదు. దావీదు చేసిన తప్పు ఎంపికలను గుర్తించమని మీరు మీ పిల్లలను అడగవచ్చు మరియు బదులుగా అతను చేయగలిగే మంచి ఎంపికలను సూచించవచ్చు. మనం శోధించబడినప్పుడు సరైన ఎంపిక చేసుకోవడంలో మనకు సహాయపడగలిగేలా మనం చేయగలిగే కొన్ని విషయాలు ఏవి?

  

  2:11

• దావీదు విషాదకరమైన పాపాలను గూర్చి చదవడం అశ్లీలత యొక్క ప్రమాదాలను చర్చించడానికి మంచి అవకాశముగా ఉండవచ్చు. వారు అశ్లీల చిత్రాలను ఎదుర్కొన్నప్పుడు, వారు ఏమి చేస్తారో అనే దాని గురించి ఒక ప్రణాళిక చేయడానికి మీ పిల్లలకు సహాయపడండి.

  

  5:46

• మీరు మరియు మీ పిల్లలు 1 రాజులు 8లో దేవాలయ ప్రతిష్ఠాపన గురించి తెలుసుకున్నప్పుడు, ఈ వారపు నమూనాలో దేవాలయాల చిత్రాలను చూడవచ్చు. వారు చిత్రాలలో చూసే వివరాల గురించి మీ పిల్లల్ని మాట్లాడనివ్వండి. మీరు 57–58 వచనములను నొక్కి చెప్పవచ్చు. “[యెహోవా] మార్గములన్నిటిని అనుసరించి నడుచుకొందుము” అనగా అర్థమేమిటి? (1 రాజులు 8:58). మీ పిల్లలు వారు చెప్పే ప్రతి సమాధానానికి ఒక అడుగు వేయవచ్చు.

• దేవాలయంలో మీరు చేసే నిబంధనలను పాటించడం ప్రభువు యొక్క మార్గాల్లో నడవడానికి మీకెలా సహాయపడుతుందో మీ పిల్లలకు చెప్పండి. ఈ నిబంధనలు ఏమిటో మీరు వారికి చెప్పవచ్చు (ప్రధాన చేతిపుస్తకము, 27.2, సువార్త గ్రంథాలయము చూడండి).

• సొలొమోను భార్యలు అతనిని ఎలా ప్రభావితం చేశారనే దాని గురించి చదవడం “ఇతర దేవుళ్ళ” ఉదాహరణల గురించి లేదా జనులు ప్రభువుకు బదులుగా ఆరాధించే లేదా ఇష్టపడే విషయాల గురించి సంభాషణకు దారితీయవచ్చు. మన జీవితంలో అన్నిటికంటే ఎక్కువగా ఆయనను ప్రేమిస్తున్నామని మనమెలా చూపిస్తాము?