1 Хаад 12–13; 17–22

1 Хаад 12:1–14 дээр Соломоны хүү Рехобоам хааны гаргасан алдааг та хэрхэн дүрслэх вэ? Христийнхтэй адил ямар зан чанар Рехобоамд хаанчлалаа аврахад нь тусалж болох байсан бэ? (7-р шүлгийг; мөн Матай 20:25–28; Мозая 2:10–21-ийг үзнэ үү). Сүмийн дуудлагад ч бай, өөрийн амьдралд ч бай та эдгээр зан чанарыг удирдагчийн хувиар хэрхэн ашиглаж болох вэ?

Эш үзүүлэгч Елиа нэгэн бэлэвсэн эмэгтэйгээс өлссөн хүүтэйгээ хооллохоосоо өмнө өөрт нь идэх юм, ус авчирч өгөхийг хүсэв. Тэр яагаад ийн үйлдсэн юм бэ? Елиагийн хүсэлтийг энэ жижигхэн гэр бүлд зориулсан адислал гэж харж болно. Тэдэнд Их Эзэний адислал хэрэгтэй байсан ба золиос нь адислалыг, тэр дундаа илүү их итгэлийн адислалыг авчирдаг.

Та 1 Хаад 17:8–16-г уншихдаа өөрийгөө энэ бэлэвсэн эмэгтэй гэж төсөөл. Түүний юу танд гүн сэтгэгдэл төрүүлсэн бэ? Та нар мөн Есүс Христэд итгэх итгэлийг шаарддаг сонголтуудыг жагсааж бичиж болно (Жишээ болгож Өсвөр үеийнхний бат бөх байдлын төлөө: Сонголт хийхэд туслах хөтөч [2022]-ыг үзнэ үү). Та нар итгэлээ хөгжүүлэх талаар энэ бэлэвсэн эмэгтэйгээс юу сурч мэдсэн бэ?

1 Хаад 19:19–21 дэх Елишагийн үйлдэл бэлэвсэн эмэгтэйн үйлдэлтэй юугаараа адилхан байна вэ?

Аврагчийг дагахын тулд хийж байсан золиослолуудынхаа талаар бод. 1 Хаад 17:8–16; 19:19–21 нь эдгээр золиослолын талаар та нарт юу зааж байна вэ? Аврагчийн талаарх мэдлэг тань Түүнийг биднээс золиос гаргахыг хүсэх үед танд хэрхэн тусалдаг вэ? Тэр таныг хэрхэн адисалсан бэ?

Матай 4:18–22; 6:25–33; Лук 4:24–26 болон “Elijah and the Widow of Zarephath” (видео)-г Gospel Library; “Итгэл байвал” дууллыг Дуулал, 61-ээс үзнэ үү.

10:13

Израилчууд шуурга, борооны бурхан гэгддэг Баалд мөргөх хүндтэй шалтгаантай гэж бодсон байж болох юм. Гурван жилийн ган гачгийн дараа тэдэнд бороо маш их хэрэгтэй байлаа. Баалыг шүтэх нь олонд зөвшөөрөгдсөн зүйл байсан ба хаан, хатан хоёр ч урамшуулан дэмжиж байв. Та нар 1 Хаад 18-ыг уншихдаа өнөө үеийн хүмүүс яагаад Их Эзэнийг дагахдаа шийдэмгий бус байгаа талаар бодож үз. Энэ бүлэгт Их Эзэн Өөрийнхөө тухай юу заах гэж хичээж байна гэж та бодож байна вэ? Танд Аврагчийг дагах амлалт өгөхөд ямар туршлагууд тусалж байсан бэ?

Мөн Gospel Library-аас Д.Тодд Кристоффэрсоны “Сонголт ба амлалт” (Залуучуудад зориулсан дэлхий даяарх онцгой цугларалт, 2020 оны 1 сарын 12) захиасыг үзнэ үү.

Харамсалтай нь Кармел уулан дээрх гайхамшиг Елиагийн даалгаврыг амар хялбар болгоогүй юм. Үнэндээ түүний амь насанд аюул заналхийлж, тэр цөлийн агуйд нуугдах хэрэгтэй болов. Тэр тэнд ганцаардаж, сэтгэлээр унасан ба Кармел уулан дээр болсноос тэс өөр үйл явдал Их Эзэн, тэр хоёрын хооронд болдог. 1 Хаад 19:1–18 дээрх Елиад тохиолдсон үйл явдал хэрэгтэй үед Их Эзэн тантай хэрхэн холбогддог талаар юу зааж байна вэ?

Их Эзэн тантай ярьж байгааг мэдэрсэн үеийнхээ талаар тунгаан бод. Түүний тантай харилцах арга замыг та хэрхэн дүрслэх вэ? “Намуухан,” “хүнгэнэх” гэдэг үг нь яагаад Сүнсний дуу хоолойг дүрслэхэд тохиромжтой үг вэ? Хиламан 5:30; Сургаал ба Гэрээнүүд 6:22–23; 11:12–14-өөс та өөр ямар үгсийг олж мэдсэн бэ? Их Эзэний удирдамжийг ойр ойрхон хүлээн авахын тулд та юу хийх хэрэгтэй вэ?

Мөн Дуулал 46:10-ыг үзнэ үү.

• Хүүхдүүддээ 1 Хаад 17 дээрх итгэлийн түүхүүдийг сурч мэдэхэд нь туслахын тулд та тэдэнд шувуу, талх, хөвгүүн зэрэг түүхийг дүрслэх зураг эсвэл эд зүйлсийг үзүүлж болно. Та эдгээр түүхийг хүүхдүүддээ ярьж өгөхдөө түүхийг дагалдах зураг эсвэл эд зүйлийг олоход тэднийг урь. Эдгээр түүхийг ярьж өгөхөд “Бошиглогч Елиа” (Хуучин Гэрээний түүхүүд, 121–124) түүх танд тусална. Түүх бүр бидэнд Есүс Христэд итгэх итгэлээ харуулах талаар юу зааж байна вэ?

  

  1:58

• Есүс Христэд итгэх итгэлээ харуулж болох арга замуудын талаар бодоход нь хүүхдүүддээ тусал. Тэдэнтэй хамт итгэлийн тухай “I Have Faith in the Lord, Jesus Christ” (Gospel Library) зэрэг дууг дуулж, уг дуунаас итгэлийн тухай сурч мэдсэн зүйлээ нэг нэгэнтэйгээ хуваалц.

• Их Эзэн бэлэвсэн эмэгтэйгээс Елиад юу өгөхийг хүссэнийг (1 Хаад 17:12–13-ыг үзнэ үү) мөн бэлэвсэн эмэгтэй хариуд нь юу хүлээн авсныг хүүхдүүд тань дүрслэн зурж болох юм (1 Хаад 17:15–16-г үзнэ үү). (Мөн энэ долоо хоногийн үйл ажиллагааны хуудсыг үзнэ үү.) Тэд бас ямар нэг зүйлийн төлөө хүссэн зүйлээ орхисон бусад хүний зургийг хайж олж болно. Сайн мэдээний зургийн цуглуулга эсвэл Ирээд, Намайг дага гарын авлагаас зургуудыг олоход хүүхдүүдийг урь. Их Эзэн биднээс юу золиослохыг хүсдэг вэ? Тэр биднийг хэрхэн адисалдаг вэ?

• Та нар 1 Хаад 18:17–39-ийг хамтдаа унших үед хүүхдүүд тань нэг шүлгийг сонгож аваад, уг шүлгийн дүрсэлж байгаа зүйлийг зурж болно. Тэд зурсан зургаа ашиглан уг түүхийг өөрийн үгээр ярьж болно. (Мөн Хуучин Гэрээний түүхүүд дэх Елиа ба Баалын тахилчид хэмээх түүхийг 125–128-аас үзнэ үү.)

  

  2:17

• Есүс Христийг дагах уу, үгүй юү гэдгээ шийдэх хэрэгцээ гарч болох нөхцөл байдлын талаар бодоход хүүхдүүддээ тусал. Магадгүй тэд зөв сонголт хийж байгаа өөрсдийнхөө зургийг зурж болох юм. Яагаад Есүсийг дагахаар шийдсэнээ бие биетэйгээ хуваалц.

• 1 Хаад 19:9–12-ыг нэгтгэн дүгнэхдээ хүчтэй салхи, газар хөдлөлт, галыг төлөөлж үйлдлүүд хийхийг хүүхдүүдээс хүс. Тэгээд хамтдаа намуухан дуу хоолойгоор “гал гарсны дараа намуухан хүнгэнэх дуу гарлаа” (12-р шүлэг) хэмээн хэлэх үедээ хөдлөхгүй суухад тэднийг урь. (Мөн Хуучин Гэрээний түүхүүд дэх Их Эзэн Елиад хандан ярив хэмээх түүхийг 129–131-ээс үзнэ үү.) Ариун Сүнсний намуухан, хүнгэнэх дууг мэдэрч байсан үеийнхээ талаар хүүхдүүдэд хэл.

  

  1:48

• “Намуун зөөлөн дуу” (Хүүхдийн дууны ном, 148) гэх мэт Сүнсний тухай дууг намуухан дуул. Сүнсийг ялган танихад бидэнд юу саад болж болох вэ? Түүнийг сонсоход бидэнд юу тусалж чадах вэ?