1 Kiin̄ Ro 12–13; 17–22

Ekōjkan am̧ naaj kōmeļeļeik bōd eo Kiin̄ Rihoboam, nejin Solomon, eaar kōm̧m̧ane ilo 1 Kiin̄ Ro 12:1–14? Ta jinōkjej ko an Kraist me remaron̄ kar jipan̄ Rihoboam kōjparok aelōn̄ in kiin̄ eo an? (lale eoon 7; Matu 20:25–28; Mosaia 2:10–21). Ekōjkan am̧ maron̄ kōjerbal jinōkjej kein āinwōt juon ritōl—mekarta ilo juon kūr an Kabun̄ in ak āinwōt juon ritōl ilo mour eo am̧ make?

Rikanaan Ilaija ear kajjitōk ippān juon kōrā emej pāleen n̄an leļo̧k n̄an e m̧ōn̄ā im dān m̧okta jān an naajdik e make im ļaddik eo nejin ekole. Etke ear kōm̧m̧ane menin? Kajjitōk eo an Ilaija maron̄ kalimjōke āinwōt juon kōjeraam̧m̧an n̄an baam̧le jidikdik in. Raar aikuji kōjeraam̧m̧an ko an Irooj, im kaarmejet ej boktok kōjeraam̧m̧an ko—ekoba kōjeraam̧m̧an eo an kajoorļo̧k ilo tōmak.

Ilo am̧ riiti 1 Kiin̄ Ro 17:8–16, ļōmņak ke enkar kwe kōrā in emej pāleen. Ta eo kwoj im̧we kake e? Kwomaron̄ kōm̧m̧ane juon laajrak in kāālet ko me rej aikuj tōmak ilo Jisōs Kraist (n̄an waanjon̄ak, lale N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko [2022]). Ta eo kwoj ekkatak jān kōrā in emej pāleen kōn kōjerbal tōmak.

Elmen an m̧akutkut ko an Ilaija ilo 1 Kiin̄ Ro 19:19–21 āinwōt m̧akutkut ko an kōrā eo emej pāleen?

Ļōmņak kōn mennin kaarmejet ko kwaar kōm̧m̧ani n̄an ļoor Rilo̧mo̧o̧r. Ta eo 1 Kiin̄ Ro 17:8–16; 19:19–21 ej katakin eok kōn mennin kaarmejet kein? Ekōjkan an jeļā eo am̧ kōn Rilo̧mo̧o̧r jipan̄ eok n̄e E ej kajjitōk bwe kwon kōm̧m̧ani kaarmejet ko? Ewi wāween An kar kōjeraam̧m̧an eok?

Bar lale Matu 4:18–22; 6:25–33; Luk 4:24–26; “Elijah and the Widow of Zarephath” (pija in alooj), Gospel Library; “When Faith Endures,” Hymns, no. 128.

10:13

Ri Israel ro remaron̄ kar en̄jake ke ewōr un ko rem̧m̧an n̄an kabun̄-jar n̄an Baal, eo jeļā kake āinwōt anij in ļan̄ im wōt. Ālkin jilu iiō in n̄ūta, raar lukkun aikuj wōt. Im aer kabun̄ n̄an Baal kar kōmālimi ilo jukjuk in pād eo aer im kiin̄ im lerooj eo raar rie. Ilo am̧ riiti 1 Kiin̄ Ro 18, ļōmņak kōn ektke juon armej ilo raan kein ad emaron̄ jaje en kāālet ta kōn ļoor Irooj. Ilo jebta in, ta eo kwoj ļōmņak Irooj ekar kajjieon̄ kōm̧m̧ane n̄an katakin kōn E make? Ta en̄jake ko ewōr ippam̧ n̄an kallim̧ur in ļoor Rilo̧mo̧o̧r eo?

Bar lale D. Todd Christofferson, “Choice and Commitment” (worldwide devotional for young adults, Jan. 12, 2020), Gospel Library.

Būrōm̧ōj bwe kabwilōn̄lōn̄ ko ioon Mount Carmel raar jab kōm̧m̧an bwe en pidodoļo̧k mijen eo an Ilaija. Ilo m̧o̧ol, mour eo an ear pād ilo kauwōtata, im e kar aikuj kitileek ilo juon ron̄ ilo āne jem̧dan. Ijo, en̄taan ilo ajimakeke im ebbweer, ekar wōr juon an en̄jake ippān Irooj me eaar eoktak jān en̄jake eo ioon Mount Carmel. Ta en̄jake eo an Ilaija ilo 1 Kiin̄ Ro 19:1–18 rej katakin eok kōn wāween an Irooj leto letak meļeļe n̄an eok ilo iien aikuj ko am̧?

Ļōmņake iien ko me kwar en̄jake an Irooj kōnono n̄an kwe? Elmen am̧ maron̄ kōmeļeļeik wāween An kōnono ippam̧? Etke naan ko “ejja” im “edik” ej juōn jōkjōk eo ejejjet n̄an kōmeļeļeik Jetōb eo? Ta naan ko jet kwoj loi ilo Hiļamōn 5:30; Katak im Bujen Ko 6:22–23; 11:12–14? Ta eo kwoj aikuj in kōm̧m̧ane n̄an ekutkutļo̧k am̧ tōl jān Irooj?

Bar lale Sam Ko 46:10.

• N̄an jipan̄ ajri ro nejum̧ ekkatak bwebwenato in tōmak ko ilo 1 Kiin̄ Ro 17, kwomaron̄ kwaļo̧k pija ko an kein katak remaron̄ loi im jibwi n̄an kōmeļeļeik bwebwenato ko, āinwōt bao ko, pilawā, ak juon ļaddik. Ilo am̧ jiron̄ ajri ro nejum̧ kōn bwebwenato kein, karuwanene er n̄an kappukot pija ak kein katak ko jibwe im loi me rej ekkeijel ippān kajjojo bwebwenato. “Rikanaan Ilaija” (ilo Bwebwenato ko jān Kallim̧ur M̧okta, 121–24) emaron̄ jipan̄ eok jiron̄ bwebwenato kein. Ta eo kajjojo bwebwenao kein rej katakin kōj kōn kwaļo̧k tōmak ilo Jisōs Kraist?

  

  1:58

• Jipan̄ ajri ro nejum̧ ļōmņak kōn wāween ko remaron̄ kwaļo̧k tōmak eo aer ilo Jisōs Kraist. Al juon al ippāer kōn tōmak, āinwōt “I Have Faith in the Lord, Jesus Christ” (Gospel Library), im kwaļo̧k n̄an doon ta ko komij katak kōn tōmak jān al eo.

• Bōlen ajri ro nejum̧ remaron̄ jin̄aik juon pija in ta eo Irooj ear kajjitōk bwe kōrā eo emej pāleen en leļo̧k n̄an Ilaija (lale 1 Kiin̄ Ro 17:12–13) im ta eo kōrā eo emej pāleen ear bōke jān an kar kōm̧m̧ane (lale 1 Kiin̄ Ro 17:15–16). (Bar lale peij in m̧akūtkūt eo an wiik in.) Remaron̄ bar kappok pijaan armej ro jet ro raar kaarmejete juon men raar kōņaan n̄an juon men em̧m̧anļo̧k. Karuwanene ajri ro n̄an kappok pija ilo Bok In Gospel Pija ak Itok, Ļoor Eō. Ta eo Irooj ej kajjitōk bwe jen kaarmejete? Elmen An kōjeraam̧m̧an kōj?

• Ilo ami riiti 1 Kiin̄ Ro 18:17–39 ippān doon, ajri ro nejum̧ remaron̄ kāālet juon eoon im jin̄aik pija in ta eo ej kōmeļeļeiki. Innām remaroj kōjerbal pija ko n̄an jiron̄ bwebewnato eo ilo naan ko aer make. Bar lale “Ilaija im Pris ro jān Baal,” ilo Bwebwenato ko jān Kallim̧ur M̧okta, 125–28.)

  

  2:17

• Jipan̄ ajri ro ļōmņaki jekjek ko me remaron̄ aikuji in kāālet bwe ren ļoor Jisōs Kraist ak jaab. Bōlen remaron̄ jin̄aik pijaier make aer kōm̧m̧an kāālet jim̧we. Kwaļo̧k n̄an doon ta etke kom̧ij kāālet n̄an ļoor Jisōs.

• Ilo am̧ kōmeļeļe ilo tukadu 1 Kiin̄ Ro 19:9–12, karuwanene ajri ro n̄an kōm̧m̧ane m̧akutkut ko rej pinej jenkwan kōto ekajoor, m̧akutkut in laļ, im kijeek. Innām karuwanene er n̄an jijōt ilo aer ba ippān doon, juon ainikien elur, “ālikin kijeek eo, juon ainikien e dik im e mera” (eoon 12). (Bar lale “Irooj Ej Kōnono n̄an Ilaija,” ilo Bwebwenato ko jān Kallim̧ur M̧okta, 129–31.) Jiron̄ ajri ro nejum̧ kōn iien ko kwar en̄jake ainikien Jetōb Kwojarjar elur, emera.

  

  1:48

• Al ilo mera juon al kōn Jetōb, āinwōt “The Still Small Voice” (Children’s Songbook, 106–7). Ta eo emaron̄ kōm̧ad kōj jān kile Jetōb? Ta eo emaron̄ jipan̄ kōj ron̄jake E?