1 Bakonzi 12–13; 17–22

Lolende nini bokoki kolimbola mbeba Mokonzi Rehoboam, mwana ya Salomo, basalaki kati na 1 Bakonzi 12:1–14? Bizaleli lokola ya Klisto ekokaki kosalisa Rehoboam abikisa bokonzi na ye? (botala molongo 7; Matai 20:25–28; Mosiya 2:10–21). Lolenge nini bokoki kosalela bizalela oyo lokola mokambi—ata na libyangi ya Eklezia to lokola mokambi ya bomoi na bino moko?

Profeta Eliya asengaki mwasi moko apesa ye bilei mpe mayi yambo ya komileisa yemei mpe mwana na ye ya mobali oyo azalaki na nzala. Mpo na nini Ye asalaki yango? Bosenga ya Eliya ekokaki komonana lokola lipamboli ya libota na ye ya moke. Bazalaki na mposa ya lipamboli ya Nkolo, mpe likabo ememaka mapamboli—kobakisa lipamboli ya bondimi makasi koleka.

Ntango bozali kotanga 1 Bakonzi 17:8–16, bomitya na esika ya mwasi oyo akufela mobali. Nini etuti bino etalia ye? Bokoki lisusu kosala molongo ya maponi oyo esengaka bondimi (mpo na ndakisa, botala Mpo na Bokasi ya Bilenge: Mokambi mpo na Kosala Maponi [2022]). Boyekoli nini uta na mwasi oyo akufela mobali etali kosalela bondimi?

Lolenge nini ezali misala ya Eliya kati na 1 Bakonzi 19:19–21 ekokani na misala ya mwasi akufela mobali?

Bokanisa oyo etali mabonza oyo bosali mpo na kolanda Mobikisi. Nini 1 Bakonzi 17:8–16; 19:19–21 eteyi bino etali ya mabonza oyo? Lolenge nini boyebi na bino ya mobikisi esalisaka bino ntango Asengaki bino bobonzela? Lolenge nini Apambolaki bino?

Botala lisusu Matai 4:18–22; 6:25–33; Luka 4:24–26; “Elijah and the Widow of Zarephath” (video), Biblioteke ya Nsango Malamu; “When Faith Endures,” Hymns, no. 45.

10:13

Bayisalaele bakanisaki ete bazalaki na matomba malamu ya kosambela Baala, oyo ayebanaki lokola nzambe ya mipepe makasi mpe ya mbula. Nsima ya mibu misato ya kozanga mvula, bazalaki na mposa ya mvula na bozangi elikya. Mpe bokumbameli Baala endimamaki na bato mpe ekumisamaki na mokonzi mpe mwasi ya mokonzi. Ntango bozali kotanga 1 Bakonzi 18, bokanisa oyo etali mpo na nini moto moko kati na mikolo na biso akoki kozanga mokano na oyo etali kolanda Nkolo. Na mokapo oyo, nini bokanisi Nkolo azalaki komeka koteya oyo etali Yemei? Boyebi nini esalisaki bino bomipesa na kolanda Mobikisi?

Botala lisusu D. Todd Christofferson, “Boponi mpe Bomipesi” (losambo ya mokili mobimba mpo na bilenge mikolo, sanza ya yambo 12, 2020), Biblioteke ya Nsango Malamu.

Na mawa, likamwisi na Ngomba Karmele ekomisaki etinda ya Eliya pete te. Nzokande, bomoi na ye ekomaki na likama, mpe asengelaki kobatama na nse ya mabele kati na esobe. Kuna, kobundaka na kozala ye moko mpe kolemba nzoto, azwaki likambo moko elongo na Nkolo oyo ekesanaki mpenza na likambo oyo akutanaki na yango na Ngomba Karmele. Nini likambo ya Eliya kati na 1 Bakonzi 19:1–18 eteyi bino oyo etali lolenge Nkolo asololaka na bino na bantango na bino ya bosenga?

Bomanyola bangonga oyo boyokaki ete Nkolo alobaki na bino. Lolenge nini bokoki kolimbola lolenge asololaka na bino? Mpo na nini maloba “kimya” mpe “moke” ezali lolenge malamu ya kolimbola mongongo ya Molimo? Maloba mosusu nini bozwi kati na Elamani 5:30; Malongi mpe Mayokani 6:22–23; 11:12–14? Nini bosengeli kosala mpo na kozwa bokambami ya Nkolo mbala mingi?

Botala lisusu Nzembo 46:10.

• Mpo na kosalisa bana na bino bayekola masolo ya bondimi kati na 1 Bakonzi 17, bokoki kolakisa bango bililingi to biloko mpo na komonisa masolo yango, lokola bandeke, mampa, to mwana mobali. Ntango boyebisi bana na bino masolo oyo, bobengisa bango bazwa elilingingi to eloko oyo ebalani na lisolo moko moko. “Eliya Profeta” (kati na Masolo ya Kondimana na Kala, 121–24) ekoki kosalisa bino kobeta masolo oyo. Nini lisolo moko na moko eteyi biso na oyo etali kolakisa bondimi kati na Yesu Klisto?

  

  1:58

• Bosalisa bana na bino bakanisa ndenge bakoki kolakisa bondimi na bango kati na Yesu Klisto. Boyemba elongo na bango loyembo oyo etali bondimi, lokola “I Have Faith in the Lord, Jesus Christ” (Biblioteke ya Nsango Malamu), mpe bokabola elongo moko na mosusu nini boyekoli oyo etali bondimi uta na loyembo.

• Mbala mosusu bana na bino bakoki koyema elilingi moko ya maye Nkolo asengaki mwasi akufela mobali apesa na Eliya (botala 1 Bakonzi 17:12–13) mpe nini mwasi akufela mobali azwaki na nsima (botala 1 Bakonzi 17:15–16). (Botala lokasa ya milulu ya poso oyo.) Bakoki lisusu koluka bililingi ya bato mosusu oyo basundolaki eloko balingaki mpo na eloko oyo eleki motuya. Bobengisa bana na bino bazwa bililingi kati na Gospel Art Book [Buku ya Bilili ya Nsango Malamu] to Yaka, Landa Ngai. Mpo na nini Nkolo alingi biso tobonzela? Lolenge nini Apambolaka biso?

• Ntango bozali kotanga 1 Bakonzi 18:17–39 elongo, bana na bino bakoki kozwa molongo mpe koyema elilingi ya nini ezali kolimbola. Bakoki kosalela bililingi na bango mpo na kobeta lisolo na maloba na bango moko. (Botala lisusu “Eliya mpe Banganganzambe ya Baala,” kati na Masolo ya Kondimana na Kala, 125–28.)

  

  2:17

• Bosalisa bana na bino bakanisa makambo oyo bakoki kozala na mposa ya kozwa mokano ya kolanda Yesu Klisto to te. Ntango mosusu bakoki koyema bililingi ya bango moko kosalaka maponi malamu. Bokabola moko na mosusu mpo na nini boponi kolanda Yesu.

• Ntango bozali koloba na mokuse 1 Bakonzi 19:9–12, bobengisa bana na bino basala misala mpo na komonisa mopepe makasi, koningana ya mabele, mpe moto. Nsima bobengisa bango bafanda kimya ntango bozali koloba elongo, na mongongo kimya ya moke, “nsima ya moto ya mongongo moke ya kimya” (molongo 12). (Botala lisusu “Nkolo Alobaki na Eliya,” kati na Masolo ya Kondimana na Kala, 129–31.) Boyebisa bana na bino oyo etali bangonga oyo boyokaki mongongo ya kimya, moke ya Molimo Mosantu.

  

  1:48

• Na kimya boyemba loyembo etali Molimo, lokola “The Still Small Voice” (Children’s Songbook106–7). Nini ekoki kobungisa mayele na biso mpo na koyeba Molimo? Nini ekoki kosalisa biso koyoka Ye?