1 Uea 12–13; 17–22

Ko na kanga ni kabwarabwara te kaairua are e karaoia te Uea Reoboam, natin Toromon, n 1 Uea 12:1–14? Tera anuan maiun Kiristo aika a kona ni buoka Reoboam n kamanoa abana? (taraa kibu 7; Mataio 20:25–28; Motiaea 2:10–21). Ko na kanga ni kabonganai anuan maiu aikai ngkai te tia kairiiri ngkoe—n weteam n te Ekaretia ke ngkai te tia kaira oin maium?

E tua te burabeti Eria nakon te aine ae mate buuna bwa e na anganna te amwarake ao te ran i mwain ae amwarake ma natina ae bora ni baki. Bukin tera e karaoa anne? Ana bubuti Eria aio e kona n nooraki bwa te kakabwaia ibukin te utu ae uarereke aio. A kainnanoa ana kakabwaia te Uea, ao te angakarea a uoti kakabwaia—ni ikotaki ma te kakabwaia ni kakorakoraa te onimaki.

Ngkana ko wareka 1 Uea 17: 8–16, iangoia bwa aongkoa ngkoe te aine ae mate buuna aio. Tera ae anaa nanom iroun neienne? Ko kona ni karaoa rinanin taian rinerine ake a kainnanoa te onimaki iroun Iesu Kristo (ibukin katooto, taraa Ibukin Kakorakoraia Kairake: Te Kairi ibukin Karaoan Rinerine [2022]). Tera ae ko reiakinna mairoun te aine ae mate buuna aio ibukin taekan kammwakuran te onimaki?

A kanga n ti te arona ana mwakuri Eria n 1 Uea 19:19–21 ma ana mwakuri te aine ae mate buuna?

Iangoi aron anganano ake ko karaoi n iriira te Tia Kamaiu. Tera ae a reireia 1 Uea 17:8–16; 19:19–21 nakoim ibukin mwakuri n anga nano aikai? E kanga aron am atatai iroun te Tia Kamaiu ni buokiko ngkana E tuangko bwa ko na karaoi mwakuri n anganano? E kanga Ngaia ni kakabwaiako?

Taraa naba Mataio 4:18–22; 6:25–33; Ruka 4:24–26; “Elijah and the Widow of Zarephath” (witeo), Gospel Library; “When Faith Endures,” Anene n Taromauri, no. 128.

10:13

A na bae n tia n namakinna tibun Iteraera bwa iai irouia bukina bwa a na tataroa Baara, are e ataaki bwa Atuan taian angibuaka ao te karau. I mwiin teniua te ririki n mwautakataka, a rangi ni kainnanoa te ran ni waekoa. Ao taromaurian Baara e a bon kariaiakaki mairoun te uea ni mwaane ao te uea n aine. Ngkana ko wareka 1 Uea 18, iangoa aron temanna bwa bukin tera e kona n kangaanga iriiran te Uea irouna. I nanon te mwakoro aei, tera ae kataia te Uea n reireia i Bukina? Tera taneiai are a tia ni buokiko n kinaa ao n iriira te Tia Kamaiu?

Taraa naba D. Todd Christofferson, “Choice and Commitment” (worldwide devotional for young adults, Jan. 12, 2020), Gospel Library.

Ma te kananokawaki, te kakai i aon te Maunga Karemera e aki kabebetea teutana ana mwakuri Eria. Ma, e mena maiuna n te kangaanga, ao e riai ni karaba n te nangananga n te rereua. Ikekei, e taonaki n te rawawata n tii ngaia ao te bwarannano, iai arona ma te Uea ae e rangi ni kaokoro ma are e riki n te Maunga are Karemera. Tera te bwai ae rinanona Eria inanon 1 Uea 19:1–18 ae reiakiniko bwa e kanga te Uea n reitaki ma ngkoe inanon am tai ni kainnano?

Iangoai taai ngke ko namakinna bwa e a tia n taetae nakoim te Uea. Ko na kanga ni kabwarabwara aron Ana reitaki ma ngkoe? Bukin tera taeka “maraara” ao “n rau” kawai aika raoiroi ni kabwarabwara bwanaan te Tamnei? Tera taeka tabeua ae ko kunea i nanon Ereman 5:30; Reirei ao Berita aika Tabu 6:22–23; 11:12–14? Tera ae ko riai ni kakaraoia bwa ko aonga n teimatoa ni karerekea Ana kairi?

Taraa naba Taian Areru 46:10.

• N reiakiniia am ataei karakin te onimaki n 1 Uea 17, ko kona naba ni kaota nakoia tamnei ke bwaai ni katamneia taian karaki, n aron taian mannikiba, kariki, ke te ataeinimwaane. N am tai ni karakini taian karaki nakoia am ataei, kaoiia bwa a na kunea te tamnei ke te bwai ae kaineti ma te karaki. “Elijah the Prophet” (i nanon Karaki man te O Tetemanti, 121–24) a kona ni buokiko ni karakini karaki aikai. Tera ae a tia n reiakinna nakoia karaki akanne n tatabeua ibukin kaotan te onimaki iroun Iesu Kristo?

  

  1:58

• Buokiia ataei n iangoi kawai ake a kona ni kaota iai aia onimaki iroun Iesu Kristo. Anene ma ngaiia ibukin te onimaki, n aiaron “I Have Faith in the Lord, Jesus Christ” (Gospel Library), ao n tibwaia i marenami bwaai ake kam reiakinna iai taekan te onimaki man te anene.

• Tao a kona am ataei ni korea tamnein te Uea bwa tera ae e tuanga te aine ae mate buuna bwa e na angan Eria (taraa 1 Uea 17:12–13) ao tera ae karekea te aine ae mate buuna bwa boona (taraa 1 Uea 17:15–16). (Taraa naba te iteraniba ibukin waaki ni kakukurei n te wiiki aei.) A kona naba n tarai tamneia aomata tabeman ake a anga te bwai ae a tangiria ibukin te bwai ae tamaroa riki. Kaoiia am ataei bwa a na kakaei tamnei i nanon te Gospel Art Book ke Nakomai, Iriirai. Tera ae tangiria te Uea bwa ti na karaoia n anganano iai? E kangaa Ngaia ni kakabwaiara?

• Ngkana kam bootaki ni wareka 1 Uea 18:17–39 ma am ataei, a kona n rinea te kibu ao n korea tamnein te bwai ae kabwarabwaraaki iai. A kona ni kabonganai taian tamnei ni karaki n oin aia taeka. (Taraa naba “Elijah and the Priests of Baal,” i nanon Karaki man te O Tetemanti, 125–28.)

  

  2:17

• Buokiia am ataei ni iangoi taai are a kainnanoa iai karaon te rinerine n iriira ke n aki iriira Iesu Kristo. Tao a kona ni korea tamneia ni karaoan te rinerine ae raoiroi. Tibwaia i marenami bwa bukin tera kam iriira Iesu.

• Ngkana ko karakina ni kauarerekea 1 Uea 19:9–12, kaoiia am ataei bwa a na karaoi mwakuri n kaota te ang ae korakora, te mwaeiei, ao te ai. Ngkanne kaoiia bwa a na ikotaki n tekateka, n te bwanaa ae maraara, “ao i mwiin te ai te bwanaa ae maraara” (kibu 12). (Taraa naba “The Lord Speaks to Elijah,” i nanon Karaki man te O Tetemanti, 129–31.) Tuangiia am ataei taekan taai ngke ko rinanon te rau, te bwanaa ae maraara ae mairoun te Tamnei ae Raoiroi.

  

  1:48

• Anenea ni karaurau te anene ibukin te Tamnei ae RaoiroI, n aron “The Still Small Voice” (Aia Boki n Anene Ataei106–7). Tera ae kona n tukiira man kinaakin te Tamnei? Tera ae kona ni buokiira bwa ti na ongo Irouna?