2 Tamuera 11–12; 1 Uea 3; 6–9; 11

N tabetai ti taraia aomata ake a taraa ni korakora n aia onimaki, ao ti kaantaninga bwa aki rootaki n te kariiri. Ana rinerine Tawita ae kangaanga e kabwarabwaraaki inanon 2 Tamuera 11 e kaotaki n ae itiaki bwa aei tiaki te kangaanga. Iangoia bwa baikara reirei aika a reke iroum man te bwai are e rinanona. Titiraki n aron aikai a na kona ni buokiko ni kamwatebwaia 2 Tamuera 11–12:

• Baikara rinerine ake e karaoi Tawita ake a kairia nakon kawain te bure? Baikara rinerine aika a eti aika e riai ni kaman tia ni karaoi? (Taraa naba te witeo ae “To Look Upon,” Gospel Library.)

  

  4:15

  Kabonganaan witeo. A kona witeo ni buokiko ni katamnei karaki man koroboki aika tabu ao iangoia bwa a kanga ni kaineti nakoim. Iangoia ko na kanga ni kabonganai ni kanakoraoa am anga reirei ao am kamatebwai. N aron te katooto, inanon matakum n “To Look Upon” (Gospel Library), iangoia n tiringa te witeo n te tai ae kakaokoro n iangoia ke ni maroroakin tabeua titiraki ake a katereaki i inanon te waaki ni kakukurei aei.

• E kanga te tia kakaitara ni kataia ni kairiko rikaaki nakon kawai aika a kaairua? Baikara rinerine aika ko riai ni karaoi bwa ko na teimatoa ni mano n te tamnei?

• Koreia bwa tera ae karaoia Tawita nakon rongorongon Natan inanon 2 Tamuera 12:1–6. Tera te bwai ae karaoia ni katerea bwa e kanga Tawita ni bon taraia i bon irouna? Tera ae e a tia ni karaoia te Uea ni buokiko ni bon taraiko n te aro ae eti?

• Ko na kanga ni kakimototoa n taekini bwaai aika a riki 2 Tamuera 11–12 inanon teuana te taeka ni kauring?

Warekan taekan ana rinerine Tawita aika a bubuaka a na kona ni kairiko n reiakina aron tamnei aika a tangako ao te wenenibure. Te bwai n ibuobuoki ae raoiroi ibukin aei bon Ibukin Kakorakoraia Kairake: Te Kairi ibukin Karaoan Rinerine, ai moarara riki te mwakoro are e atuunaki n “What to do in the moment” ao “Your body is sacred” (iteraniba 21–28). Tao ko kona n taraa te bwai n ibuobuoki anne ibukin taeka n reirei are e na kona ni buoka Tawita ni karaoi rinerine aika a tamaroa riki. Ke ko kona ni wareka “Jesus Christ will help you” (iteraniba 6–9), ni kakaea te bwai are e na kona ni buoka okin Tawita nakon te Uea.

Iangoia anene te anene n taromauri n aron “I Kainnanoiko Ngai” (Anene n Taromauri, nambwa 98) ao iangoia inanom e kanga te Tia Kamaiu ni kakorakorako ngkana ko kaitara ma te kariiri.

Taraa naba 2 Nibwaai 28:20–24; Ulisses Soares, “Tanimai Nakoiu n Ami iango n Tainako,” Riaona, Nob. 2020, 82–85; “Taking Charge of Technology,” Gospel Library; “Watch Your Step” (witeo), Gospel Library.

2:36

Ngkana e kangai te Uea nakoim, “Ko na butiai ae N na anganiko” (1 Uea 3:5), tera ae ko na bubuti? Tera ae e kakukureiko n taekan ana bubuti Toromon? Iangoia raoi bukin tera “te nano ae ataibwai” n “ata ae raoiroi ma ae buakaka” (te kibu 9) bon te bwaintangira ae moan te kakawaki. Tera ae kona karaoia n ukoukora te bwaintangira aei?

Taraa naba Moronaai 7:12–19.

N 1 Uea 6–7 ko na kunea kabwarabwara taekan te auti ae tabu are e kateia Toromon ibukin te Uea. Te rongorongo tao e bae n aki rangi ni kakawaki iroum ao nakoia naba tibun Iteraera ake ngkoa. Ma warekan mwakoro aikai a na kona n anganiko te namakin n aron kakaawakin aei nakoia ngkai a karekea ana auti te Uea. Bukin tera e kakawaki iroum?

Ko na bae n iango inanom bwa tera te kaokoro ni mwakoron ana tembora Toromon ae tei ibukina. N aron te katooto, iangoia tera kerubim, kaai, ma uee inanon 1 Uea 6:35 ae tei ibukina. (Taraa naba Karikani Bwaai 3:24.)

Mwakoro 8 e korei mwiin ana tataro Toromon ngke e nang tia karaoan te tembora (taraa kiibu 22–61). Iangoia korei ni karinani kakabwaia ake e bubuti Toromon ibukina. Tera ae anaaki iai nanom ibukin berita aikai? (Atai naba ana berita te Uea inanon 2 Uea 6:11–13; 9:1–9.) Ngkana ko a tia n roko n ana auti te Uea, iangoi am taneiai ibukin am nebonebo ikekei. E kanga kawakinan berita aika tabu n te tembora ni buokiko ni karekei ana kakabwaia te Uea?

Taraa naba Reirei ao Berita aika Tabu 109; Henry B. Eyring, “I Tangiria n Noora te Tembora,” Riaona, Meei 2021, 28–31.

Tera ae e nanonaki n “anga nanora … e na moaniba n raoiroi iroun te Uea”? (1 Uea 8:61). E kaokoro anne man ara mwakuri ni karaoan ae kororaoi? Ni kanga? Wareka 1 Uea 11:1–11, ao ataia tera ae taekinna te Uea ibukin nanon Toromon. Ko na bae n iango inanom ngkana tao iai kairoro inanon maium are a na kona ni kararoaa nanom mairoun te Uea nakon “atua riki tabeman.”

• “Te Uea ae Tawita” inanon Karaki n te O Tetemanti, 117–20, e kona ni buokiko n tuangiia am ataei te karaki ane n 2 Tamueral 11. Ko kona n tuangiia am ataei bwa a na kaotia ana rinerine Tawita aika aki raraoi ao n iangoi rinerine aika a raraoi ae e na riai ni kaman karaoi n onea mwiim anne. Tera tabeua bwaai ae ti kona ni karaoia ngkana ti kaririaki ake a kona ni buokira ni karoa te rinerine ae eti?

  

  2:11

• Ni warekan ana bure ae kakaiaki Tawita e na reke bwa te tai ae e tamaroa ni marorokin kangaanga ibukin tamnei aika a tangako. Te witeo “Tera ae I Riai ni Karaoia Ngkana I Noori Tamnei aika Tangako?” (Te Gospel Library) iai kairi inanon aika a rangi n ibuobuoki. Buokiia am ataei ni karaoa aia baire n te bwai ae a na karaoia ngkana a kaitibo ma tamnei aika tangako.

  

  5:46

• Ngkai ko reiakinna ma am ataei aron katabuan te tembora n 1 Uea 8, ko kona n tarai tamnein taian tembora inanon te kamataata n te wiiki aei. Tuangiia am ataei bwa a na tuangko bwa tera are a nooria n taian tamnei. Ko na bae ni katuruturui kakawakin kiibu 57–58. Tera ae nanonaki n “nakonako inanon ana kawai [te Uea]”? (1 Uea 8:58). Tao a kona am ataei ni kabonganai mwaneka ibukin kaeka n tatabeua are a na anga.

• Tuangiia am ataei aron kawakinan berita ake ko karaoi n te tembora ni buoko ni nakonako ni kawain te Uea. Ko kona n tuangiia bwa aekakira aron berita aika tabu aikai (taraa Aneiboki ni Kabuta, 27.2, Gospel Library). Kam kona naba n ikotaki n anenea te kuna n aron “Family History—I Am Doing It“ (Aia Boki n Anene Ataei,, 95).

• Ni wareka rongorongon aia kairoro buun Toromon e kona ni kairiko nakon maroroakinan te katooto n aron “atua ake tabeman”—ke bwaai ake a taromauriaki irouia aomata n oneanmwiin te Uea. Ti na kanga ni kaotia bwa ti tangiria nakon bwaai riki tabeua inanon maiura?