AbaGwebi 2–4; 6–8; 13–16

Incwadi yabaGwebi inokuba ngokubini sisilumkiso nenkuthazo. Khangela esi silumkiso nenkuthazo njengoko ufunda AbaGwebi 2:1–19; 3:5–12. Uziva ukuba isilumkiso nenkuthazo zisebenza njani kuwe?

Ngokomzekelo, ukuba AbaGwebi 2:19 babethetha ngawe nezilingo zakho kunokuba ibhekisele kumaSirayeli amandulo, ibinokuthini? Ukuba AbaGwebi 3:9 ibingento iNkosi eyenzileyo ukunihlangula, ibinokuthini na?

#&160; Uvakalelwa njani ukuba oku kusebenza njani kumava amaSirayeli akwincwadi yabaGwebi? Oku kukufundisa ntoni ngoYesu Krestu?

Ngamanye amaxesha ukholo lomntu omnye lunokuvuselela ukholo kwabanye abaninzi. Kubo AbaGwebi 4, loo mntu mnye yayinguDebhora. Funda ngaye kubo AbaGwebi 4:1–16, kwaye uqaphele ifuthe awayenalo ebantwini ababemngqongile. Nantsi eminye imibuzo enokukunceda ucinge ngendlela amava akhe anokusebenza ngayo ebomini bakho:

• Unokuzichaza njani iimeko awayekuzo amaSirayeli ngelo xesha? (bona imiqolo 1–3). Kukuphi ukufana okubonayo neemeko zanamhlanje—kubantu ngabanye nakuluntu?

• Ngawaphi amazwi okanye zeziphi izenzo zikaDebhora ezikubonisa ukuba wayenokholo eNkosini? Ukholo lwakhe lwabachaphazela njani abanye? Yintoni enye ekuchukumisayo ngaye?

• Yintoni ocinga ukuba uDebhora wayeyitsho ngombuzo wakhe okuwo umqolo 14: “Akaphumi yini na uYehova phambi kwakho?” INkosi “iphuma phambi kwakho” njani? (bona IMfundiso neMinqophiso 84:87–88).

Cingisisa ngendlela ukholo lwakho kuYesu Krestu olwalunokubasikelela ngayo abanye ngendlela ukholo lukaDebhora olwamsikelela ngayo uBharaki namanye amaSirayeli. #&160; Khangela umyalezo (1) izizathu zokuthetha ngokuphandle ngakumbi ngoMsindisi (2) neendlela zokukwenza oko.

Emva koko ungenza uludwe lwezinto ozaziyo ngoYesu Krestu—ukusuka kwizibhalo, kumazwi abaprofeti abaphilayo, namava akho obuqu. Ngubani ekufuneka eyazile le nto? Uza kuyaba njani?

#&160;

Njengokuba ufunda AbaGwebi 6–8, qaphela iimeko apho iNkosi yacela uGidiyon ukuba akholelwe into eyayinokubonakala ngathi ayinakwenzeka. Ngaba Yena wakha wabuza into efanayo nakuwe?

Ucinga ukuba iNkosi izama ukukufundisa ntoni ngale ngxelo? Ukhe wayibona njani iNkosi isenza umsebenzi waYo ngeendlela ezazibonakala ngathi azinakukwenzeka?

USamson waye waphulukana namandla akhe enyama nawomoya ngenxa yokuba wayephule iminqophiso yakhe noThixo, kuquka naleyo yayisebenza ngokukodwa kubaNazari (ukufumana ulwazi malunga nabaNazari, bona INumeri 6:1–6; AbaGwebi 13:7). Xa ufunda ngoSamson kubo AbaGwebi 13–16, qaphela imiqolo ebonisa ukuba iNkosi yayinoSamson, kunye nemiqolo ebonisa ukuba uSamson wayengazinikele ngokupheleleyo eNkosini.

Ungacingisisa kananjalo malunga neminqophiso oyenzileyo neNkosi. Le minqophiso iwazise njani amandla aKhe ebomini bakho? Ufunda ntoni kumava kaSamson ekukhuthazayo ukuba uhlale unyanisekile kwiminqophiso yakho noThixo?

Udade Ann M. Dibb wafundisa: “USamson wazalwa enobuchule obubalaseleyo. Unina wathenjiswa, ‘Yiyo ke eya kuqala ukuwasindisa amaSirayeli esandleni samaFilisti’ [AbaGwebi 13:5]. Kodwa njengoko uSamson wayekhula, wakhangela ngakumbi kwizilingo zehlabathi kunolwalathiso lukaThixo. Wenza ukhetho kuba ‘lwalumkholisa [yena] kakuhle’ [AbaGwebi 14:3] kunokuba ngenxa yokuba olo khetho lwalulungile. Ngokuphindaphindiweyo, izibhalo zisebenzisa ibinzana elithi ‘wehla’ [AbaGwebi 14:7] njengoko bebalisa ngohambo lukaSamson, izenzo zakhe nokhetho lwakhe. Kunokuba avuke aze aqaqambe ukuze azalisekise amandla akhe amakhulu, uSamson woyiswa lihlabathi, waphulukana namandla awayewanikwe nguThixo, waza wafa kabuhlungu, eselula.” (“Arise and Shine Forth,” Liahona, uCanzibe 2012, 118).

#&160;

• AbaGwebi 3 bachaza umzekelo ofundisa ngamandla oMsindisi okusihlangula esonweni. Ukunceda abantwana bakho baqonde lo mzekelo, ungabhala phantsi la mabinzana: “benza ububi,” “bakhala eNkosini,” kwaye “wabavelisela umsindisi.” Emva koko abantwana bakho banokukhangela la mabinzana kubo AbaGwebi 3:7–9 kunye nabo AbaGwebi 3:12–15. Sifunda ntoni ngeNkosi kulo mzekelo?

• Ukugxininisa ukuba uYesu Krestu unguMhlanguli wethu, unokuqokelela imifanekiso eliqela yabantu, kuquka umfanekiso kaYesu, uze uyibeke ijonge phantsi. Vumela abantwana bakho batshintshisane ngokutyhila imifanekiso. Xa befumana umfanekiso kaYesu, bacule ingoma ethetha ngaYe, uze uxelele abantwana bakho ngendlela Yenaakuhlangule ngayo.

• Ungasebenzisa “UDebhora uMprofetikazi” kuwo Amabali eTestamente eNdala, 92–95, ukuxelela abantwana bakho ibali kubo AbaGwebi 4. Yabelanani omnye nomnye ngento eniyithandayo ngoDebhora. Ukholo lwakhe eNkosini lwabasikelela njani abantu ababemngqongile? Yintoni esinokuyenza ukuze sincede abanye babe nokholo olungakumbi kuYesu Krestu?

  

  2:9

• Sebenzisa AbaGwebi 7:4–7, iphepha lomsebenzi wale veki, okanye “UMkhosi kaGidiyon” kuwo Amabali eTestamente eNdala, 96–99, ukufundisa abantwana bakho ngendlela iNkosi eyawunciphisa ngayo umkhosi kaSirayeli. Kwakutheni ukuze iNkosi ifune ukuba umkhosi kaGidiyon ube mncinane kangaka? (bona AbaGwebi 7:2).

  

  2:37

• Abantwana bakho banokuzoba umfanekiso wekrele, ikhaka, ixilongo, isibane, umphanda baze bathethe ngezinto abanokuzifuna edabini. Emva koko banokufunda AbaGwebi 7:16 ukufunda oko iNkosi yathi makusetyenziswe ngumkhosi kaGidiyon. Njengokuba ufunda ngedabi kubo AbaGwebi 7:19–21, yabelana omnye nomnye ngento eniyifundayo ngeNkosi kweli bali.

• Iminqophiso kaSamson neNkosi yamnika amandla asenyameni, njengokuba iminqophiso yethu isinika ukomelela ngokomoya. Abantwana bakho banokukonwabela ukwenza imithambo ethile kwaye baxoxe ngendlela lo mithambo inokunceda ngayo ukwenza imizimba yethu yomelele. Ukugcina iminqophiso yethu kuyenza yomelele njani imimoya yethu? (bona Mozaya 18:8–10; IMfundiso neMinqophiso 20:77, 79).