Iotua 1–8; 23–24

Karaua iangoia ngke arona bwa Iotua e weteaki n onea mwiin Mote. Noora te bwai are e taekinna te Uea inanon Iotua 1:1–9 are e na kaungaa iai. Iangoi kangaanga ake ko a tia n rinanoi; tera inanon kiibu aikai ae anganiko te ungannano?

Te ara ae Iotua (Yehoshua ke Yeshua n te taetae n Ebera) nanona “E kamaiu Iehova.” Ao te ara Iesu e nako man Yeshua. Ao ngkana ko wareka rongorongon Iotua, iangoa aron ana mwakuri ni kairiia tibun Iteraera rinanon te Karanga are Ioretan ao nakon te aba ni berita. E kanga n ti te arona ana mwakuri ma are e karaoia ibukira Kristo?

Ngke e kakorakora Iotua te Uea, e anganna te reirei n Joshua 1:8 ibukin koroboki aika tabu, ke “taekan te tua.” Iangoa rawawatan mwiokoan Iotua, e na kanga n rangi ni ibuobuoki te reirei aei?

Ngke e kaoko te Uea bwa ko na wareki koroboki aika tabu, E kabonganaa n taainako taeka ake a riaon riki ti te wareware. E beritana naba kakabwaia aika a korakora. Te taibora ae i nano e kona ni ibuobuoki n kaotii kakao aikai ao kakabwaia ake a tia ni beritanaki:

E kanga te Uea ni kakoroi nanon berita aikai i nanon maium? E na riki ngkai bwa te tai ae tamaroa n ukora arom ni kamatebwaian koroboki aika tabu. Tera ae riki ae tamaroa? Tera ae ko namakinna bwa ko na karaoia ni karekea riki taneiai aika ko oota iai ma ana taeka te Atua?

Taraa naba “As I Search the Holy Scriptures,” Boki n Anene n Taromauri, nambwa. 277.

Kiritian n te Nutetemanti a noora Raaba bwa te banna ni katooto ngaia ni mwaakan te onimaki ao te mwakuri (taraa Ebera 11:31; Iakobo 2:25). Ngkana ko wareka Iotua 2, iangoa mwakurian ana onimaki Raaba ao ana mwakuri ni kamanoa, ma ana utu, ao taan kamwane mai Iteraera. Tera ae e reiakiniko man am onimaki iroun Kristo ao am mwakuri ae e na kona n rootiko ma tabeman?

E mwamwakuri kamiimi te Uea i buakoia Ana botanaomata ngke E kairiia i nanon te aba ni berita, ao E kona ni karaoa ae aekan anne nakoim. Aikai tabeua titiraki aika kaira am kamatebwai n Iotua 3–4:

• Bukin tera ko na iangoia bwa I-Iteraera a kainanoia ni kaitiakiia i mwaain ae mwananga rinanon te karanga are Ioretan? (taraa Iotua 3:5).

• Nooria bwa e tabwenaua te karanga i mwiin “waeia ibonga … a tebo ni mataniwiin te ran” (Iotua 3:13, 15). E aera bwa e rangi ni kakaawaki anne?

• Ibukin kakawakin te bwai ae riki n te karaanga are Ioretan—taraa 2 Uea 2:6–15. 5:1–14; ao Mareko 1:9–11. Tera te irekereke ae ko nooria i marenan bwaai aika a riki aikai?

• E kanga te Uea ni karaoi “kamiimi” inanon maium? (Iotua 3:5). Ko na kanga n rinanona—ke ni kinai—bwaai aika a kamiimi aikai ni katoa tai? (te katooto, taraa Iotua 3:17).

Iotua 6–8 e kaineti ma buaka i aon aban Ieriko ao Ai. Ngkana ko warekii mwakoro aikai, iangoia bwa ko kanga ni buakana te kariiri (te katooto, taraa Iotua 7:10–13). Tera ae ko reiakinna ibukin te Atua bwa e na kona ni buokiko ao tera ae ko riai ni karaoia bwa ko na karekea Mwaakana? Te katooto, tera ae e anaa nanom iaon ana kaetieti te Atua ibukin tauan Ieriko? (taraa Iotua 6:1–5). Tao te rongorongo inanon Iotua 7 e na anganiko ana kairi te tamnei ni iangoia ngkana “e mena i buakomi te bwai ae tabuaki” inanon maium ae ko riai ni kanakoa (Joshua 7:13).

Ana kabanea n reirei Iotua nakoia Iteraera n Iotua 23–24 ni ikotaki ma kauring aika a kakaawaki, reirei, ao kakabwaia ake a tia ni beritanaki. Tao ko kona ni karaoa rinanin ake ko a tia ni kunei. Iangoi bwaai ni kabane are a tia n rinanoi I-Iteraera, bukin tera ko na taku bwa Iotua e rineia n tuangiia bwaai aikai n tokin maiuna? Tera ae ko kunea ae e kaunga nanom n “nim ma te Uea”? (Iotua 23:8).

Taraa naba Dale G. Renlund “Rineia n te Bong Aei,” RiaonaNobembwa 2018, 104–6.

• Aio te kawai teuana ni buokiia ami ataei “ko na korakora ao n ninikoria” (Iotua 1:6) iroun Iesu Kristo. Kaoiia bwa a na kakaea te koroboki ae okioki n Iotua 1:6, 9, ao 18, ao koreia ao kamatenanoa. Buokiia ami ataei n iangoi tabeua taai ake a na kainnanoi iai te rongorongo aio, n aron ae karaoia Iotua. Kam kona ni bootaki n rinanoa tabeua karaki n Iotua 1–4; 6 (taraa naba “Joshua the Prophet” ao “Rahab and the Spies” n Karaki man te O Tetemanti, 85–91). A kanga aomata i nanon karaki aikai ni kaota te ninikoria ao te korakora iroun te Uea?

  

  2:59

  

  1:39

• Warekan Iotua 1:8 e kona n kaungai nanoia ami ataei n wareki koroboki aika tabu i bon irouia. Buokiia ni kunei taeka n te kibu aei are e reirei nakoia bwa e kanga ao bukin tera ti riai ni wareki koroboki aika tabu. A kona n tarai ae aron akanne i nanon 1 Nibwaai 15:23–24; 2 Nibwaai 31:20; 32:3; Iakoba 4:6; Ereman 3:29–30. Kam kona naba ni buokiia n karaoa ao n mwakuriia kanoan aia iango n warekan koroboki aika tabu.

• Ko kona ni kabonganaa karakinaia Iteraera n rinanon te Karanga are Ioretan bwa kanikinaean te bwabetito—katokan maiura ni kawai n te rereua ao n moanan teuana ae boou n te berita ae tabu n irekereke ma te Atua. Ngaia are ngkai kam bootaki ni wareka Iotua 3–4 (ke “Joshua the Prophet” n Karaki man te O Tetemanti, 85–89), kam kona naba n taraa tamnein Iesu ngke e bwabetitoaki ao n kabwarabwara bwa e bwabetitoaki Iesu n te karaanga naba anne are a rinanona Iteraera. Kam kona n anenea i mwiina te anene n aron “Baptism” (aia Boki n Anene Ataei, 100–101). Tibwaia i marenami bwa kam kanga te bwabetito n riki bwa ai aron waakinan te maiu ae bou i nananon abanuean Iesu Kristo.

  

  2:59

• Tera ae ko kona ni karaoia ni buokiia iai am ataei n reiakinna bwa a na rineia n iriira Iesu Kristo, n aron Iotua n kaoiia Iteraera bwa a na karaoia? Ko kona ni kaoiia naba:

  • Kamatenanoa te kibu n taeka ae kimototo man Iotua 24:15. Iangoia ni karaoia bwa e na kaunga ibukiia am ataei. Mwaitin taian taeka ake a kamatenanoia e a nakon mwaitin aia ririki.

  • Kakaei Karaki ibukiia aomata ake a tia n rineia ni beku ibukin Iesu Kristo. A kona ni ukoria i nanon te Rao maekatiin, te Gospel Art Book, ke Karaki man te O Tetemanti ao ni booki ni karaki n te Baibara.

  • Te Kaotioti are a kona iai n rineia n iriira ao n beku ibukin te Tia Kamaiu.