Otinako 35–40; Nakoaia Ibonga 1; 4; 16; 19

Te Otinako 35–40 e kabwarabwara mwiin aia kekeiaki tibun Iteraera ni katean te tabaenako, ike taian otenanti aika a tabu a na buokiia n riki bwa aomata aika a itiaki. Ngkai ko wareki mwakoro aikai, kakaei bwaai are e tuangiia ana aomata te Uea bwa a na kaaki i nanon te tabaenako. Tera ae a tei ibukin bwaai aikai? Tera ae a katerea nakoim ibwa ko na rikirake inanon ae tabu? Iangoia raoi bwa a kanga bwaai aikai ni biti am iango nakon te Tia Kamaiu. Te taibora n aron aei e kona ni buokiko:

Eng, menam n taabo aika tabu e aki karikiira bwa ti na tabu. Nakoaia Ibonga 19 e kabwarabwarai tua ao kaetieti ake e anga te Uea bwa e na buokiia kaain Iteraera n rikirake ni mimitong. Tera ae ko karekea inanon tuua aikai are e na buokiiko n ukora te itiaki mairoun te Uea? Tera te bwai ae ko namakinna bwa ko na karaoia ni maiuakin riki reirei aikai?

Taraa naba Henry B. Eyring, “Holiness and the Plan of Happiness,” Riaona, Nobembwa 2019 100–103; “The Tabernacle” (witeo), Gospel Library.

7:19

Inanon te ririki i mwiin kitanakin Aikubita, te irekereke i marenaia Natin Iteraera ma Iehova a kona n taekinaki bwa e aki tiku n arona n taai nako. Ma, ngkana ko wareka Te Otinako 35:4–35 ao 36:1–7, ataia bwa a kanga aia kaeka kaain I-Iteraera nakon te babaire ibukin katean te tabaenako. Tera ae ko reiakinna mai irouia kaain I-Iteraera ae na kona ni buokiko ni karaoa am mwakuri n ibuobuoki nakon te Uea?

E na bae n aki butiiko ibukin tenaan kai te biti aika a onoti, kunikai, ke te kai ibukin karaoan te tabaenako. Tera are e a tia n anganiko te Uea, ao tera are E tuangko bwa kona anga? Nningai ae “kakiriweaki nano[m] bwa ko na nakomai nakon te mwakuri”?

Tarai naba Topics and Questions, “Sacrifice,” Gospel Library.

Te Otinako 40:12–14 e kaineti nakon otenanti n taai ake ngkoa ake a karaoaki inanon ara bong n ana auti te Uea. Aikai kiibu riki tabeua ake a na kona ni buokiko n reiakinna bwa a kanga otenanti aikai n ni kakoaua ibukin Iesu Kristo:

• Kaitiakaki: Taian Areru 51:2; Etekiera 36:25–27

• Kunikaiaki ni kaameti aika tabu: Itaia 61:10; Mataio 22:11–14; Te Kaotioti 19:7–8

• Kabiraki: Ruka 4:18–19; Makuri 10:38

Angiin ana boki Nakoaia Ibonga kanga a taraa ni kamimi nakoira—anga karea n te man ae kabuokaki, te mwakuri ni irekereke ma te rara ao te ran, ao tuua ibukin kabwarabwaraan taraan wakin nako n te maiu. Ma mwakuri ao tuua aikai a na bon riai ibukin reiakinan taian tua aika a kinaaki—rairannano, tabu, ao Ana Mwakuri ni Kamaiu te Tia Kamaiu. Ni kunei tua aikai ngkai ko wareka Nakoaia Ibonga 1:1–9; 4; 16, iangoi titiraki n aron aikai:

• Tera taeka ke mwakoron taeka aika I kunei are a kauringai ibukin Iesu Kristo ao Ana anga karea ni kamaiu?

• Tera ae I reiakinna man karea aikai ibukin ana anga karea te Tia Kamaiu?

• I kanga n ti te arona ma aomata ake a karaoi anga karea aikai?

E aki manga tangiria te Uea bwa e na karaoaki te anga karea iaoia maan. Ma te anga karea e bon teimatoa n riki bwa te tua ae kakaawaki n te euangkerio. N reiakina aekakin anga karea are e tangiria te Uea, kamatebwai 3 Nibwaai 9:19–20; Reirei ao Berita aika Tabu 64:34. Ko kanga n anga aekakin anga karea aikai? Tera reiakinam n Mote 5:7 bwa ko na kanga n taraa aron am anga karea?

Taraa naba “Iango Aika a na Ururingaki ao ni Iangoaki Raoi: Te Tabaenako ao Anga Karea

• Ni kabanean te kamataata aei bon tamnen aia tabaenako inanon te rereua tibun Iteraera. Ko na bae n tangiria ni kan nooria ma am ataei ao n titirakiniia bwa tera bwaai aika a na kainnanoaki ibukin katean te tabaenako. Ngkanne kam kona n ikotaki ni wareka Te Otinako 35:20–29 n noria bwa a kanga ni katauraoaki bwaai aikai. E kanga ni kaoira te Uea bwa ti na anga ara bwai ibukin katean Ueana?

• Iangoia ni kaai ni wareka Te Otinako 36:1 n noria bwa tera ae e anga te Uea nakon Betarera ma Ooriaba ni buoka katean te tabaenako. Ko kona ngkanne ni maroroakinna ma am ataei am namakina ngkai e tia te Uea n anganiia ibukin buokan katean Ueana. Ti na kanga ni kabonganai bwai n tituaraoi aikai ni kakabwaiaia tabeman?

• Te Otinako 40:17–34 korei karinani bwaai are a riki bwa mwakoron aia tabaenako tibun Iteraera. Tao ngkoe ma am ataei kam kona ni kunei inanon kiibu aikai ao n tamnein te tabaenako ni kabanean te kamataata aei. Marooroakinna bwa a kanga mwakoron nako te tabanaeko n reireia taekan Iesu Kristo ao Tamara are i Karawa. N aron te katooto, te ati ni kakoaua e kona ni kauringiia ana tua te Atua, te baonikarea e kona ni kauringiira taekan ana anga karea Iesu Kristo, ao a mwaiti riki.

• Tera taabo aika a tabu aika ti karekei n te bong aei are a buokiira n namakina riki kaanra nakon Iesu Kristo? Ngkai e riki bwa mwakoron te marooro aei, kam kona n ikotaki ni mataku n te witeo “Temples” (Gospel Library). Kam kona naba n anenea te kuna n aron “Holy Places” (Gospel Library). Tibwaia i marenami aron ami namakin ibukin taabo aika tabu n aron te tembora.

5:41

• Te anga karea iaoia maan are e kabwarabwaraki n te O Tetemanti e nanonaki ibukin reiakinaia tibun Iteraera ibukin kabwaraan te bure rinanon Iesu Kristo. Iangoia aron warekan anga karea aikai ae e kona naba ni karaoaki ibukiia am ataei. Ko kona ni kaota tamnein Iesu Kristo i Ketetemwane ao iaon te kaibangaki (taraa Gospel Art Book, nambwa 56, 57) ngkai ko wareware ma am ataei Nakoaia ibonga 1:1–4. Buokiia ni kunei taeka ke mwakoro n taeka are a kauringaki iai taekan Iesu Kristo.

• Kam kona naba n ikotaki ni wareka 3 Nibwaai 9:19–20 n noria bwa tera ara anga karea n oneamwiin te anga karea iaoia maan. Tera ae nanonaki n anga te nano ae uruaki ao te tamnei ae raraoma nakon te Uea? Taraa Bwai ni Kairi nakon Koroboki aika Tabu, “Te Nano ae Uruaki” (Gospel Library) ibukin buokan kaekakin te titiraki aei.