Duteronome 6–8; 15; 18; 29–30; 34

Molao wa ga Moše o ne o akaretsa meletlo le dingwao tse dintsi tsa ka fa ntle. Jaaka o tla bona mo kgakololong ya ga Moše mo go Duteronome, Morena o ne a tshwenyegile gape ka seemo sa ka fa teng sa batho ba Gagwe—seemo sa semowa sa dipelo tsa bone.

Mo ditemaneng tse di fa tlase, batla lefoko pelo, mme o akanye ka se le ka tswang le tshwantshetsa sone. O ka nna wa akanya ka ditemana tseno e le mofuta wa tlhatlhobo ya semowa ya pelo ya gago. Ke tlhatlhobo efe e o ka ineelang? Ke dikalafi dife tse o ka di nayang go tokafatsa botsogo jwa semowa jwa pelo ya gago? Kwala ditlhotlheletso tsa gago:

• Duteronome 6:4–7:

• Duteronome 8:2–5:

• Duteronome 8:11–17:

• Duteronome 29:18–20:

• Duteronome 30:6–10:

• Duteronome 30:14–20:

Tsela nngwe ya go rulaganya dikakanyo tsa gago e ka nna go tshwantsha pelo mme o kwale mo teng ga yone dilo tse Morena a reng o tshwanetse go nna le tsone mo pelong ya gago. Go tswa foo o ka kwala kwa ntle ga yone dilo tse o tshwanetseng go di tshegetsa kwa ntle ga pelo ya gago.

O supa jang gore o rata Modimo ka pelo ya gago yotlhe? Ka megopolo, bona “Rata Modimo, rata moagisanyi wa gago” mo Go Nonofo ya Banana: Kaelo ya go Dira Boitshenkelo, 10–12.

Bona le gone M. Russell Ballard, “Lovest Thou Me More Than These?,” Liahona, Nov. 2021, 51–53.

Bontsi jwa Baiseraele ba ba neng ba tla tsena mo lefatsheng la tsholofetso ba ne ba ise ba bone dipetso tsa kwa Egepeto kgotsa go kgabaganya Lewatle le Lehibidu. Moše o ne a itse gore bone—le dikokomana tsa lobaka lo lo tlang—ba ne ba tlaa tlhoka go gakologelwa dikgakgamatso tsa Modimo le melao ya Modimo gore ba nne ba le batho ba Modimo.

Ke kgakololo efe e o e bonang mo Duteronome 6:4–12, 20–25 e e ka go thusang go gakologelwa dilo tse dikgolo tse Modimo a go di diretseng? O tlhotlhelediwa go dira eng gore lefoko la Morena letsatsi le letsatsi “le nne mo pelong ya gago”? (temana 6).

Gape o ka nna wa ithuta molaetsa wa ga Mokaulengwe Jan E. Newman o o reng “Preserving the Voice of the Covenant People in the Rising Generation” (Liahona, Nov. 2023, 36–38) mme o akanye ka fa o tlaa fetisetsang tumelo ya gago mo go Keresete mo dikokomaneng tsa lobaka lo lo tlang.

Bona le gone Duteronome 11:18–21; Dale G. Renlund, “Consider the Goodness and Greatness of God [Akanya ka Bomolemo le Bogolo jwa Modimo],” Liahona, May 2020, 41–44; Bible Dictionary, “Frontlets or phylacteries.”

Ga re ise re goroge mo letsatsing leo “go tla bong go sena bahumanegi mo go lona” (Duteronome 15:4), ka jalo melawana ya go thusa bahumanegi mo go Duteronome 15 e santse e le botlhokwa, le fa mekgwa e e rileng e fetogile. Ela tlhoko gore ditemana 1–15 di ruta eng ka gore ke eng re thusa batho ba ba tlhokang le gore maikutlo a rona a tshwanetse go nna jang ka ga seo.

Go “bulela batho ba ba tlhokang seatla sa gago” go raya eng? (temana 8, 11). O ithuta end mo sekaong sa Morena ka go thusa batho ba ba tlhokang? (bona temana 15).

Bona le gone “Have I Done Any Good?,” Hymns, no. 223.

Petere, Nifae, Moronae, le Mmoloki ka boene botlhe ba ne ba akgela ka ga seperofito sa Duteronome 18:15–19 (bona Ditiro 3:20–23; 1 Nifae 22:20–21; Joseph Smith—Ditso 1:40; 3 Nifae 20:23). O ithuta eng ka ga Mmoloki go tswa mo ditemaneng tse? Akanya ka se o se badileng ka Moše mo dibekeng di le mmalwa tse di fetileng. Moše o “tshwana” jang le Jesu Keresete?

Go ka nna ga nametsa go tshwantshanya mafoko a ga Moše mo go Duteronome 29:9; 30:15–20 ka dingwe tsa dithuto tsa bofelo tsa ga Lehi go lelwapa la gagwe mo 2 Nifae 2:26–29; 4:4. Lihae o ne a atolosa jang se Moše a neng a se ruta? Ke eng se o se bonang mo ditemaneng tsena se se go tlhotlheletsang “tlhopha botshelo”? (Duteronome 30:19).

• Go thusa bana ba gago go tlhaloganya Duteronome 6:5, o ka tshwantsha pelo, mola wa mmele, le seatla se se thata. Bana ba gago ba ka supa ditshwantsho fa o bala mafoko, “pelo,” “mowa,” le “nonofo” mo temaneng. Re supegetsa Morena jang gore re a Mo rata ka pelo yotlhe ya rona, ka mowa otlhe le ka nonofo yotlhe ya rona?

• Bala le bana ba gago kgakololo ya Morena mo Baiseraeleng go baya ditemana tsa dikwalo tse di boitshepo fa ba tlaa di bonang teng letsatsi le letsatsi (bona Duteronome 6:6–9). Seno se ka go tlhotlheletsa le bana ba gago go akanya ka ditsela tsa go netefatsa gore ga le “lebale Morena” (temana 12) le go gakologelwa se a se le diretseng.

• O ka supa gore Duteronome 6:13, 16 le 8:3 di thusitse Mmoloki ka nako ya botlhokwa mo botshelong jwa Gagwe. Go bona gore jang, balang mmogo Mathaio 4:1–10. Go tswa foo lo ka abelana le ba bangwe ditemana dingwe tsa dikwalo tse di go thusitseng mo dinakong tsa letlhoko.

• Fa lo ntse lo bala Duteronome 18:18 mmogo, thusa bana ba gago go tlhaloganya gore Moperofeti yo o tshwanang le Moshe mo temaneng e ke Jeso Keresete. Gongwe o ka leba ditshwantsho tsa dilo tse Moše a di dirileng le dilo tse Jeso Keresete a di dirileng, mme o letle bana ba gago go di tshwantshanya (bona Gospel Art Book, dinomoro 15, 16, 38, 39). Moperofeti wa rona gompieno o re rutile eng ka ga Mmoloki?

• Go bua ka Duteronome 29:12–13 go go neela tshono le bana ba gago go bua ka dikgolagano tse ba tlaa di dirang kgotsa tse ba di dirileng le Rara wa Legodimo. Go raya eng go nna batho ba Modimo? Ditsholofetso tsa rona di re dira jang batho ba Modimo? (bona temana 13; bona gape Mosaia 18:8–10).

• Fa bana ba gago ba tlhoka thuso go tlhaloganya gore kgolagano ke eng, ba akantshe gore ba batle tlhaloso mo go “Covenant” mo Guide to the Scriptures (Gospel Library). Ke ditsholofetso di fe tse Modimo le Baiseraele ba neng ba di direlana Duteronome 30:8–10? Ke ditsholofetso dife tse re di dirileng le Modimo? (Bona Dithuto le Dikgolagano 20:37, 77). Ditsholofetso tseno di re golaganya jang le Ene? Akanyang go opela mmogo pina ka dikgolagano, jaaka “Standing on the Promises” (Motlobo wa Efangele).