Dipalo 11–14; 20–24; 27

Mo Dipalo 11:11–17, 24–29, lemoga mathata a Moše a lebaganeng le one le tharabololo e Modimo a e supileng. O akanya gore Moše o ne a raya eng fa a re o eletsa “gore batho botlhe ba Morena e ka bo e le baperofeti”? (temana 29). Jaaka o tlhatlhanya potso e, batla kgonagalo ya dikarabo mo molaetseng wa ga Poresidente Russell M. Nelson “Revelation for the Church, Revelation for Our Lives” (Liahona, Motsheganong 2018, 93–96).

A re rotlhe re ka amogela tshenolo, le fa gontse jalo, ga go reye gore rotlhe re ka etelela pele batho ba Modimo ka tsela e Moše a dirileng. Tiragalo mo Dipalo 12 e tlhatswa se. Ke ditlhagiso dife tse o di bonang mo kgaolong e? O akanya gore Morena o batla o tlhaloganya eng ka tshenolo ya mong le go sala morago moperofeti wa Gagwe?

Bona le gone 1 Nephi 10:17; Doctrine and Covenants 28:1–7; Dallin H. Oaks, “Two Lines of Communication,” Liahona, Nov. 2010, 83–86.

Batho bangwe ba gakgamala go ithuta gore Moše, moeteledipele yo o maatla yo o emeng fa pele ga ga Faro le go dira dikgakgamatso tse di gakgamatsang ka thata ya Morena, le gone o ne a le “pelonolo tota” (Numbers 12:3). Go raya eng go nna pelonolo? Akanyetsa ka go ithutuntsha tlhaloso ya ga Mogolwane David A. Bednar mo “Meek and Lowly of Heart” (Liahona, Motsheganong 2018, 30–33) kgotsa “Meek, Meekness” mo Guide to the Scriptures (Motlobo wa Efangele).

O ithuta eng go tswa mo sekaing sa bopelonolo jwa ga Moše mo Ekesodo 18:13–25; Dipalo 11:26–29; Dipalo 12; Bahebera 11:24–27; and Moše 1:10–11? Le gone o ka tlhatlhanya ka fa Mmoloki a supileng bopelonolo ka teng (bona Mathaio 11:29; 27:11–14; Luke 22:41–42; Johane 13:4–5). Dikai tse di go ruta eng?

Jaaka o bala Dipalo 13–14, leka go ipaya mo lefelong la Baiseraele. O akanya gore ke eng ba ne ba batla “go boela mo Egepeto”? (Dipalo 14:3). O ka tlhalosa jang “mowa” o Kalebe a neng a na le one? (Dipalo 14:24). Ke eng se se go kgatlhileng ka ga tumelo ya ga Kalebe le Jošua, le ka fa o ka o ka diragatsang dikai tsa bone mo diemo tse o lebaganang le tsone?

Baperofeti ba Buka ya ga Momone ba ne ba itse polelo e e bonwang mo Dipalo 21:4–9 le go tlhaloganya bokao jwa yone jwa semowa. Bala dithuto tsa bone ka ga polelo e mo 1 Nefi 17:40–41; Alema 33:18–22; and Helamane 8:13–15. Fa ke dipotso dingwe go di tlhatlhanya jaaka o dira:

• Noga ya kgotlho e ka tswa e kaya eng?

• Malomo a noga a a ka tswa a kaya eng?

• Baiseraele ba ne ba tshwanelwa ke go “[leba] noga ya kgotlho” (Dipalo 21:9) go fodisiwa. O akanya gore ke eng batho bangwe ba ne ba gana go leba? A sengwe se se tshwanang se kile sa go diragalela?

• O ikutlwa o tlhotlheletsega go dira eng mo gontsi “go lebelela Morwa Modimo ka tumelo” mme o fodisiwe? (Helamene 8:15).

Go bala ditemana tse go ka go gakolola dinako dingwe mo dikwalong tse di boitshepo fa batho ba tlhoka go leba mo go Keresete. Ka sekai, tshwantshanya molaetsa wa Dipalo 21:4–9 le Mathaio 14:25–31 le 1 Nefi 8:24–28 (bona le gone setshwantsho kwa bokhutlong jwa thulaganyo ya beke e). Ke eng se se nnang se re goga go tswa mo go Keresete? O segofatsa jang batho ba ba nnang ba lebeletse mo go Ene?

Bona gape “Jesus, the Very Thought of Thee” (Hymns, no. 141).

Fa Balake, kgosi ya Moabe, a utlwa gore Baiseraele ba ne ba atumela, o ne a bitsa Balaamo, monna yo a neng a itsege ka go bolela ditshegofatso le diphutso. Balake o ne a batla gore a hutse Baiseraele. Lemoga ka fa Balake a neng a leka go tlhotlheletsa Balaamo (bona Dipalo 22:5–7, 15–17), mme o akanye ka ga diteko tse o ka lebaganang le tsone go nna kgatlhanong le thato ya Modimo. O kgatlhiwa ke eng ka ga phetolo ya ga Balaamo mo Dipalo 22:18, 38; 23:8, 12, 26; 24:13? Ka maswabi, Balaamo kgabagare a ineetse mo kgatelelong mme a tlhanogela Iseraele (bona Dipalo 31:16; Jute 1:11). Tlhatlhanya ka fa o ka tswelelang o le boikanyego go Morena go sa kgathalesege kgatelelo go tswa go ba bangwe.

• Botsa bana ba gago gore a ba gakologelwa dingwe tsa dikgakgamatso tse Morena a di dirileng go thusa Baiseraele (bona “The Plagues of Egypt” le “The Passover” mo Old Testament Stories, 67–74). Ke gone o ka ba khutshwafaletsang Dipalo 11:4–10, o gatelela gore Baiseraele ba ne ba lebatse ditshegofatso tsa bone mme ba ne ba ngongorega. Ke dife ditshegofatso tse nako tse dingwe re di lebalang?

• Jaaka o opela kgotsa o reetsa pina ka malebogo, jaaka “Count Your Blessings” (Hymns, no. 241), bana ba gago ba ka tshwantsha ditshwantsho tsa ditshegofatso tse Morena a di ba fileng.

• Go itsise Dipalo 12, o ka bolelela bana ba gago gore Morena o ne a sa itumelela Arone le Mariamo, morwarraagwee le kgaitsadiagwe Moše. Ba laletse go bala Dipalo 12:1–8 go batla gore ka gore eng. Akanyetsa go dirisa Gospel Art Book go thusa bana ba gago go bona dikai tsa batho mo dikwalong tse di boitshepo ba ba tlotlileng moperofeti wa Morena mme ba segofadiwa. Re segofadiwa jang fa re sala morago Moperofeti wa Morena?

• O ka dirisa “Moses and the Brass Serpent” mo Old Testament Stories, 83–84, go thusa bana ba gago go ithuta ka ga se se diragetseng mo Dipalo 21:6–9. Noga ya kgotlho e tshwana jang le Jeso Keresete? (bona Johane 3:14–15). Bana ba gago ba ka itumelela go dira noga ka pampiri le go kwala mo go yone dilo tse di motlhofo tse ba ka di dirang go “leba go Morwa Modimo ka tumelo” (Helamane 8:15).

  

  1:2

• Bana ba ba bagolwane ba ka tlhopha nngwe ya dikwalo tse di boitshepo tse di latelang le go abelana se e se tlalaletsang mo go tlhaloganyeng ga bone ka polelo: 1 Nefi 17:41; Alema 33:18–20; Helamane 8:13–15; Dithuto le Dikgolagano 6:36.

• Khutshwafatsa Dipalo 22:1–18 go bana ba gago, o gatelela ka fa Balaamo a ganneng go hutsa batho ba Modimo ka teng, le ntswa Balake, kgosi ya Moabe, a ne a mo solofetsa tlotla le dikhumo. Ke gone o ka thusang bana ba gago bo batlang mo ditemaneng tse di latela dipolelwana tse ba ikutlwang di supa gore Balaamo o ne a batla go sala Modimo morago: Dipalo 22:18; 23:26; 24:13. Gongwe bana ba gago ba ka tsaya polelwana e le nngwe e ba e ratang mme ba kwale mo karateng go ba thusa go gakologelwa go obamela Morena.