“ວັນທີ 27 ເດືອນເມສາ–ວັນທີ 3 ເດືອນພຶດສະພາ. ‘ສັກສິດແດ່ພຣະຜູ້ເປັນເຈົ້າ’: ອົບພະຍົບ 35–40; ລະບຽບພວກເລວີ 1; 4; 16; 19,” ຈົ່ງຕາມເຮົາມາ—ສຳລັບບ້ານ ແລະ ໂບດ: ພຣະຄຳພີເດີມ 2026 (2026)
“ວັນທີ 27 ເດືອນເມສາ–ວັນທີ 3 ເດືອນພຶດສະພາ. ‘ສັກສິດແດ່ພຣະຜູ້ເປັນເຈົ້າ,’” ຈົ່ງຕາມເຮົາມາ—ສຳລັບບ້ານ ແລະ ໂບດ: ພຣະຄຳພີເດີມ 2026
ພຣະວິຫານຣິໂອເດຈາເນໂຣ ບຣາຊິນ
“ວັນທີ 27 ເດືອນເມສາ–ວັນທີ 3 ເດືອນພຶດສະພາ: “ສັກສິດແດ່ພຣະຜູ້ເປັນເຈົ້າ”
ອົບພະຍົບ 35–40; ລະບຽບພວກເລວີ 1; 4; 16; 19
ການອອກຈາກປະເທດເອຢິບ—ເຖິງແມ່ນຈະສຳຄັນພຽງໃດ—ແຕ່ກໍບໍ່ໄດ້ບັນລຸຈຸດປະສົງຂອງພຣະເຈົ້າສຳລັບລູກຫລານຂອງອິດສະຣາເອນ. ແມ່ນແຕ່ຊີວິດທີ່ສຸກສະບາຍໃນແຜ່ນດິນແຫ່ງຄຳສັນຍາ ກໍບໍ່ແມ່ນຈຸດເປົ້າໝາຍສູງສຸດຂອງພຣະເຈົ້າສຳລັບພວກເຂົາ. ສິ່ງເຫລົ່ານີ້ເປັນພຽງແຕ່ຂັ້ນຕອນທີ່ພາໄປສູ່ສິ່ງທີ່ພຣະເຈົ້າຕ້ອງການສຳລັບຜູ້ຄົນຂອງພຣະອົງແທ້ໆ: “ຈົ່ງບໍລິສຸດ ເພາະເຮົາແມ່ນ [ພຣະຜູ້ເປັນເຈົ້າພຣະເຈົ້າຂອງພວກເຈົ້າເປັນຜູ້ບໍລິສຸດ]” (ລະບຽບພວກເລວີ 19:2). ພຣະເຈົ້າວາງແຜນທີ່ຈະເຮັດໃຫ້ຜູ້ຄົນຂອງພຣະອົງບໍລິສຸດແນວໃດ ຫລັງຈາກທີ່ພວກເຂົາໄດ້ໃຊ້ຊີວິດໃນຄວາມເປັນທາດ ເປັນເວລາຫລາຍລຸ້ນຄົນ? ພຣະອົງໄດ້ບັນຊາພວກເຂົາໃຫ້ສ້າງສະຖານທີ່ສັກສິດໃນຖິ່ນແຫ້ງແລ້ງກັນດານ—ຄືຫໍເຕັນສັກສິດ. ພຣະອົງໄດ້ປະທານພັນທະສັນຍາ ແລະ ກົດໃຫ້ພວກເຂົາ ເພື່ອນຳພາການກະທຳຂອງພວກເຂົາ ແລະ ເພື່ອປ່ຽນແປງໃຈຂອງພວກເຂົາ. ແລະ ພຣະອົງໄດ້ບັນຊາພວກເຂົາໃຫ້ຖວາຍສັດເປັນເຄື່ອງບູຊາ ເພື່ອສິດສອນພວກເຂົາກ່ຽວກັບການຊົດໃຊ້ເພື່ອບາບຂອງພວກເຂົາ. ທັງໝົດນີ້ ມີຈຸດມຸ້ງໝາຍໃນການຫັນຈິດໃຈ, ຫົວໃຈ, ແລະ ຊີວິດຂອງພວກເຂົາມາຫາພຣະຜູ້ຊ່ວຍໃຫ້ລອດ. ພຣະອົງເປັນເສັ້ນທາງທີ່ແທ້ຈິງສູ່ຄວາມບໍລິສຸດ, ສຳລັບຊາວອິດສະຣາເອນ ແລະ ສຳລັບເຮົາ. ເຮົາທຸກຄົນລ້ວນແຕ່ເຄີຍໃຊ້ບາງເວລາຢູ່ໃນຄວາມເປັນທາດຂອງບາບ, ແລະ ເຮົາທຸກຄົນລ້ວນແຕ່ໄດ້ຖືກຮັບເຊີນໃຫ້ປະບາບໄວ້ຂ້າງຫລັງ ແລະ ຕິດຕາມພຣະເຢຊູຄຣິດ, ຜູ້ທີ່ໄດ້ສັນຍາວ່າ, “ເພາະເຮົາສາມາດເຮັດໃຫ້ພວກເຈົ້າບໍລິສຸດ” (ຄຳສອນ ແລະ ພັນທະສັນຍາ 60:7).
ສຳລັບພາບລວມຂອງພຣະທຳລະບຽບພວກເລວີ, ໃຫ້ເບິ່ງ “ລະບຽບພວກເລວີ” ໃນ ຄູ່ມືພຣະຄຳພີ.
ແນວຄິດສຳລັບການຮຽນຮູ້ຢູ່ທີ່ບ້ານ ແລະ ຢູ່ທີ່ໂບດ
ອົບພະຍົບ 35–40; ລະບຽບພວກເລວີ 19
ພຣະຜູ້ເປັນເຈົ້າຢາກໃຫ້ເຮົາກາຍເປັນຜູ້ບໍລິສຸດ.
ອົບພະຍົບ 35–40 ບັນຍາຍຄວາມພະຍາຍາມຂອງຊາວອິດສະຣາເອນໃນການສ້າງຫໍເຕັນສັກສິດ, ບ່ອນທີ່ພິທີການສັກສິດຈະຊ່ວຍພວກເຂົາກາຍເປັນຜູ້ບໍລິສຸດ. ຂະນະທີ່ທ່ານອ່ານບົດເຫລົ່ານີ້, ໃຫ້ຊອກຫາສິ່ງທີ່ພຣະຜູ້ເປັນເຈົ້າໄດ້ຂໍໃຫ້ຜູ້ຄົນຂອງພຣະອົງເອົາໄປໃສ່ໄວ້ໃນຫໍເຕັນສັກສິດ. ສິ່ງຂອງເຫລົ່ານີ້ອາດເປັນຕົວແທນເຖິງຫຍັງ? ມັນແນະນຳຫຍັງແດ່ຕໍ່ທ່ານກ່ຽວກັບການເພີ່ມຄວາມບໍລິສຸດ? ໂດຍສະເພາະແລ້ວ ໃຫ້ພິຈາລະນາວິທີທີ່ສິ່ງຂອງເຫລົ່ານີ້ຫັນຄວາມຄິດຂອງທ່ານມາຫາພຣະຜູ້ຊ່ວຍໃຫ້ລອດແນວໃດ. ຕາຕະລາງທີ່ຄ້າຍຄືກັນນີ້ອາດຊ່ວຍທ່ານໄດ້:
|
ທ່ານພົບເຫັນວັດຖຸອັນໃດແດ່? |
ສິ່ງນີ້ເປັນຕົວແທນເຖິງຫຍັງ? |
|---|---|
ທ່ານພົບເຫັນວັດຖຸອັນໃດແດ່? ຫີບພັນທະສັນຍາ (ອົບພະຍົບ 37:1–9; 40:20–21) | ສິ່ງນີ້ເປັນຕົວແທນເຖິງຫຍັງ? (ເບິ່ງ ອົບພະຍົບ 25:20–22; ຄູ່ມືພຣະຄຳພີ, “ຫີບຄຳໝັ້ນສັນຍາ”) |
ທ່ານພົບເຫັນວັດຖຸອັນໃດແດ່? ແທ່ນເຜົາເຄື່ອງຫອມ (ອົບພະຍົບ 40:26–27; ເບິ່ງ ອົບພະຍົບ 30:1, 6–8 ນຳອີກ) | ສິ່ງນີ້ເປັນຕົວແທນເຖິງຫຍັງ? (ເບິ່ງ ພຣະນິມິດ 8:3–4) |
ທ່ານພົບເຫັນວັດຖຸອັນໃດແດ່? ຫລັກຮອງທຽນໄຂ ຫລື ຕະກຽງ (ອົບພະຍົບ 37:17–24) | ສິ່ງນີ້ເປັນຕົວແທນເຖິງຫຍັງ? ເບິ່ງ ມັດທາຍ 5:14–16; ໂຢຮັນ 8:12. |
ທ່ານພົບເຫັນວັດຖຸອັນໃດແດ່? ແທ່ນເຜົາເຄື່ອງຖວາຍ (ອົບພະຍົບ 38:1–7; ເບິ່ງ ອົບພະຍົບ 27:1; 29:10–14 ນຳອີກ) | ສິ່ງນີ້ເປັນຕົວແທນເຖິງຫຍັງ? (ເບິ່ງ ຄູ່ມືພຣະຄຳພີ, “ເຄື່ອງຖວາຍ”) |
ທ່ານພົບເຫັນວັດຖຸອັນໃດແດ່? ຂັນ (ພານ) ໃສ່ນໍ້າ (ອົບພະຍົບ 30:17–21) | ສິ່ງນີ້ເປັນຕົວແທນເຖິງຫຍັງ? (ເບິ່ງ 2 ຂ່າວຄາວ 4:6; ເອຊາຢາ 1:16; ເຢເຣມີຢາ 33:8) |
ແນ່ນອນ, ການຢູ່ໃນສະຖານທີ່ສັກສິດ ບໍ່ໄດ້ເຮັດໃຫ້ເຮົາເປັນຜູ້ບໍລິສຸດ. ລະບຽບພວກເລວີ 19 ບັນຍາຍກົດ ແລະ ພຣະບັນຍັດທີ່ພຣະຜູ້ເປັນເຈົ້າໄດ້ມອບໃຫ້ຊາວອິດສະຣາເອນເພື່ອເພີ່ມຄວາມບໍລິສຸດ. ທ່ານພົບເຫັນຫຍັງແດ່ໃນພຣະບັນຍັດເຫລົ່ານີ້ ທີ່ສາມາດຊ່ວຍໃຫ້ທ່ານສະແຫວງຫາຄວາມບໍລິສຸດຈາກພຣະຜູ້ເປັນເຈົ້າ. ທ່ານຮູ້ສຶກປະທັບໃຈໃຫ້ເຮັດຫຍັງແດ່ ເພື່ອໃຊ້ຊີວິດຕາມຫລັກທຳເຫລົ່ານີ້ໃຫ້ເຕັມທີ່ກວ່າເກົ່າ?
ເບິ່ງ Henry B. Eyring, “Holiness and the Plan of Happiness,” Liahona, Nov. 2019, 100–103; “The Tabernacle” (ວິດີໂອ), ຫ້ອງສະໝຸດພຣະກິດຕິຄຸນ ນຳອີກ.
The Tabernacle
ໃຊ້ດົນຕີສັກສິດ. ດົນຕີມີພະລັງອັນຍິ່ງໃຫຍ່ໃນການເຊື້ອເຊີນອິດທິພົນຂອງພຣະວິນຍານ ແລະ ສ້າງສັດທາໃນພຣະເຢຊູຄຣິດ. ຂ່າວສານໃນເພງສວດມັກຈະເສີມກຳລັງໃຫ້ຄຳສອນໃນພຣະຄຳພີ. ຍົກຕົວຢ່າງ, ການຮ້ອງເພງສວດເຊັ່ນ “ໂອ້ພຣະບິດາ” (ເພງສວດ ແລະ ເພງຂອງເດັກນ້ອຍ, 46) ສາມາດເສີມກຳລັງໃຫ້ບາງຂ່າວສານທີ່ສິດສອນໃນ ລະບຽບພວກເລວີ 19. ມັນຍັງສາມາດຊ່ວຍໃຫ້ທ່ານຄິດກ່ຽວກັບວ່າ ການກາຍເປັນຜູ້ບໍລິສຸດຂຶ້ນເໝືອນດັ່ງພຣະຜູ້ຊ່ວຍໃຫ້ລອດນັ້ນ ໝາຍຄວາມວ່າແນວໃດ ແລະ ໄຕ່ຕອງວິທີທີ່ພຣະອົງກຳລັງຊ່ວຍໃຫ້ທ່ານເພີ່ມຄວາມບໍລິສຸດ.
ອົບພະຍົບ 35:4–35; 36:1–7
ພຣະຜູ້ເປັນເຈົ້າຂໍໃຫ້ເຮົາຖວາຍດ້ວຍຄວາມເຕັມໃຈ.
ໃນປີຫລັງຈາກໄດ້ອອກຈາກປະເທດເອຢິບ, ຄວາມສຳພັນຂອງລູກຫລານຂອງອິດສະຣາເອນກັບພຣະເຢໂຮວາ ສາມາດຖືກບັນຍາຍວ່າເປັນສິ່ງທີ່ບໍ່ສະໝ່ຳສະເໝີ. ແຕ່ວ່າ, ຂະນະທີ່ທ່ານອ່ານ ອົບພະຍົບ 35:4–35 ແລະ 36:1–7, ໃຫ້ສັງເກດວິທີທີ່ຊາວອິດສະຣາເອນຕອບຮັບພຣະບັນຍັດໃຫ້ສ້າງຫໍເຕັນສັກສິດ. ທ່ານຮຽນຮູ້ຫຍັງແດ່ຈາກຊາວອິດສະຣາເອນທີ່ສາມາດຊ່ວຍໃຫ້ທ່ານຮັບໃຊ້ພຣະຜູ້ເປັນເຈົ້າໄດ້ດີຂຶ້ນກວ່າເກົ່າ?
ພຣະອົງອາດບໍ່ຂໍໂລຫະທີ່ມີຄ່າ, ຜ້າປ່ານ, ຫລື ໄມ້ສຳລັບຫໍເຕັນສັກສິດ. ພຣະຜູ້ເປັນເຈົ້າໄດ້ປະທານສິ່ງໃດໃຫ້ແກ່ທ່ານ, ແລະ ພຣະອົງກຳລັງຂໍໃຫ້ທ່ານຖວາຍສິ່ງໃດ? “[ທ່ານ] ມີໃຈເຫລື້ອມໃສສັດທາເພື່ອນຳໄປສ້າງ” ຕັ້ງແຕ່ເມື່ອໃດ?
ເບິ່ງ Topics and Questions, “Sacrifice,” ຫ້ອງສະໝຸດພຣະກິດຕິຄຸນ ນຳອີກ.
ລູກຫລານຂອງອິດສະຣາເອນໄດ້ຖວາຍສິ່ງຂອງເພື່ອສ້າງຫໍເຕັນສັກສິດ ດ້ວຍຄວາມ “ເຕັມໃຈ” (ອົບພະຍົບ 35:5). ຮູບພາບປະກອບ ໂດຍ ຄໍເບີດ ໂກຕີເອີ, © Lifeway Collection/ໄດ້ຮັບອະນຸຍາດຈາກ goodsalt.com
ອົບພະຍົບ 40:12–14
ພິທີການພຣະວິຫານໄດ້ຖືກມອບໃຫ້ໃນສະໄໝບູຮານ.
ອົບພະຍົບ 40:12–14 ໝາຍເຖິງພິທີການບູຮານທີ່ໄດ້ມີການບໍລິຫານໃນສະໄໝຂອງເຮົາເຊັ່ນກັນໃນບ້ານຂອງພຣະຜູ້ເປັນເຈົ້າ. ນີ້ຄືຂໍ້ພຣະຄຳພີເພີ່ມເຕີມທີ່ສາມາດຊ່ວຍໃຫ້ທ່ານຮຽນຮູ້ກ່ຽວກັບວິທີທີ່ພິທີການເຫລົ່ານີ້ເປັນພະຍານເຖິງພຣະເຢຊູຄຣິດ.
-
ການລ້າງ: ເພງສັນລະເສີນ 51:2; ເອເຊກຽນ 36:25–27.
-
ການສວມອາພອນສັກສິດ: ເອຊາຢາ 61:10; ມັດທາຍ 22:11–14; ພຣະນິມິດ 19:7–8
-
ການຫົດສົງ: ລູກາ 4:18–19; ກິດຈະການ 10:38
ລະບຽບພວກເລວີ 1:1–9; 4; 16
ຍ້ອນການເສຍສະລະຂອງພຣະເຢຊູຄຣິດ, ເຮົາຈຶ່ງສາມາດຮັບການອະໄພໄດ້.
ພຣະທຳລະບຽບພວກເລວີສ່ວນຫລາຍອາດເບິ່ງຄືວ່າແປກສຳລັບເຮົາ—ການຖວາຍສັດເປັນເຄື່ອງບູຊາ, ພິທີກຳທີ່ກ່ຽວຂ້ອງກັບເລືອດ ແລະ ນໍ້າ, ແລະ ກົດຕ່າງໆທີ່ປົກຄອງລາຍລະອຽດນ້ອຍໆຂອງຊີວິດ. ແຕ່ພິທີກຳ ແລະ ກົດເຫລົ່ານີ້ອາດມີເຈດຕະນາເພື່ອສິດສອນຫລັກທຳທີ່ເປັນທີ່ຄຸ້ນເຄີຍ—ການກັບໃຈ, ຄວາມບໍລິສຸດ, ແລະ ການຊົດໃຊ້ຂອງພຣະຜູ້ຊ່ວຍໃຫ້ລອດ. ເພື່ອຊອກຫາຫລັກທຳເຫລົ່ານີ້ຂະນະທີ່ທ່ານອ່ານ ລະບຽບພວກເລວີ 1:1–9; 4; 16, ໃຫ້ພິຈາລະນາຄຳຖາມດັ່ງນີ້:
-
ຄຳ ຫລື ວະລີໃດທີ່ເຮົາພົບ ທີ່ຢໍ້າເຕືອນເຮົາເຖິງພຣະເຢຊູຄຣິດ ແລະ ເຖິງການເສຍສະລະຊົດໃຊ້ຂອງພຣະອົງ?
-
ເຮົາຮຽນຮູ້ຫຍັງແດ່ຈາກການເສຍສະລະເຫລົ່ານີ້ກ່ຽວກັບການເສຍສະລະຂອງພຣະຜູ້ຊ່ວຍໃຫ້ລອດ?
-
ເຮົາເປັນຄືກັນກັບຜູ້ຄົນທີ່ໄດ້ເສຍສະລະສິ່ງຂອງເຫລົ່ານີ້ແນວໃດ?
ພຣະຜູ້ເປັນເຈົ້າບໍ່ຮຽກຮ້ອງໃຫ້ມີການຖວາຍສັດເປັນເຄື່ອງບູຊາອີກຕໍ່ໄປ. ແຕ່ການເສຍສະລະກໍຍັງເປັນຫລັກທຳທີ່ສຳຄັນຂອງພຣະກິດຕິຄຸນ. ເພື່ອຮຽນຮູ້ກ່ຽວກັບປະເພດຂອງເຄື່ອງຖວາຍທີ່ພຣະຜູ້ເປັນເຈົ້າຮຽກຮ້ອງໃຫ້ເຮັດ, ໃຫ້ສຶກສາ 3 ນີໄຟ 9:19–20; ຄຳສອນ ແລະ ພັນທະສັນຍາ 64:34. ທ່ານຖວາຍເຄື່ອງບູຊາປະເພດເຫລົ່ານີ້ແນວໃດ? ໂມເຊ 5:7 ສິດສອນທ່ານກ່ຽວກັບວີທີທີ່ທ່ານຄວນເບິ່ງເຄື່ອງບູຊາຂອງທ່ານແນວໃດ?
ເບິ່ງ “ຄວາມຄິດທີ່ໃຫ້ເກັບໄວ້ໃນໃຈ: ຫໍເຕັນສັກສິດ ແລະ ການຖວາຍ” ນຳອີກ.
ແນວຄິດສຳລັບການສິດສອນເດັກນ້ອຍ
ອົບພະຍົບ 35:20–29; 36:1
ພຣະເຈົ້າໄດ້ປະທານພອນສະຫວັນໃຫ້ແກ່ເຮົາເພື່ອຊ່ວຍວຽກງານຂອງພຣະອົງ.
-
ໃນຕອນທ້າຍຂອງໂຄງຮ່າງນີ້ ມີຮູບຂອງຫໍເຕັນສັກສິດໃນຖິ່ນແຫ້ງແລ້ງກັນດານຂອງຊາວອິດສະຣາເອນ. ທ່ານອາດຢາກເບິ່ງມັນກັບລູກໆຂອງທ່ານ ແລະ ຖາມພວກເຂົາວ່າ ວັດສະດຸໃດທີ່ໜ້າຈະຈຳເປັນເພື່ອທີ່ຈະສ້າງຫໍເຕັນສັກສິດ. ແລ້ວພວກທ່ານກໍສາມາດອ່ານ ອົບພະຍົບ 35:20–29 ນຳກັນ ເພື່ອເບິ່ງວ່າ ວັດສະດຸເຫລົ່ານີ້ໄດ້ຖືກຈັດຫາໃຫ້ແນວໃດ. ພຣະຜູ້ເປັນເຈົ້າໄດ້ເຊື້ອເຊີນເຮົາໃຫ້ປະກອບສ່ວນໃນການສ້າງສາອານາຈັກຂອງພຣະອົງແນວໃດ?
-
ໃຫ້ຄິດທີ່ຈະອ່ານ ອົບພະຍົບ 36:1 ກັບພວກເຂົາ ເພື່ອເບິ່ງວ່າ ພຣະຜູ້ເປັນເຈົ້າໄດ້ມອບຫຍັງໃຫ້ແກ່ເບຊາເລນ ແລະ ໂອໂຮລີອາບ ເພື່ອສ້າງຫໍເຕັນສັກສິດ. ແລ້ວທ່ານກໍສາມາດເວົ້າກັບລູກໆຂອງທ່ານກ່ຽວກັບສິ່ງທີ່ທ່ານຮູ້ສຶກວ່າ ພຣະຜູ້ເປັນເຈົ້າໄດ້ປະທານໃຫ້ພວກເຂົາເພື່ອສ້າງສາອານາຈັກຂອງພຣະອົງ. ເຮົາຈະສາມາດໃຊ້ສິ່ງເຫລົ່ານີ້ເພື່ອເປັນພອນໃຫ້ແກ່ຄົນອື່ນໄດ້ແນວໃດ?
ພຣະວິຫານໂຣມ ອີຕາລີ
ອົບພະຍົບ 40:17–34
ເຮົາສາມາດຮູ້ສຶກເຖິງທີ່ປະທັບຂອງພຣະເຈົ້າໃນສະຖານທີ່ສັກສິດ.
-
ອົບພະຍົບ 40:17–34 ລະບຸເຖິງສິ່ງທີ່ເປັນສ່ວນໜຶ່ງຂອງຫໍເຕັນສັກສິດຂອງຊາວອິດສະຣາເອນ. ບາງເທື່ອທ່ານ ແລະ ລູກໆຂອງທ່ານຈະສາມາດພົບມັນໃນຂໍ້ເຫລົ່ານີ້ ແລະ ໃນຮູບຂອງຫໍເຕັນສັກສິດຢູ່ທ້າຍໂຄງຮ່າງນີ້. ເວົ້າກ່ຽວກັບວິທີທີ່ແຕ່ລະສ່ວນຂອງຫໍເຕັນສັກສິດ ສາມາດສິດສອນກ່ຽວກັບພຣະຜູ້ຊ່ວຍໃຫ້ລອດ ຫລື ພຣະບິດາເທິງສະຫວັນ. ຍົກຕົວຢ່າງ, ຫີບພັນທະສັນຍາ ສາມາດຢໍ້າເຕືອນເຮົາເຖິງພຣະບັນຍັດຂອງພຣະເຈົ້າ, ແທ່ນບູຊາ ສາມາດຢໍ້າເຕືອນເຮົາເຖິງການເສຍສະລະຂອງພຣະເຢຊູຄຣິດ, ແລະ ອື່ນໆ.
-
ສະຖານທີ່ສັກສິດໃດແດ່ທີ່ເຮົາມີໃນທຸກມື້ນີ້ ທີ່ຊ່ວຍໃຫ້ເຮົາຮູ້ສຶກໃກ້ຊິດກັບພຣະເຢຊູຄຣິດ? ເພື່ອເປັນສ່ວນໜຶ່ງຂອງການສົນທະນານີ້, ພວກທ່ານສາມາດເບິ່ງວິດີໂອ “Temples” (ຫ້ອງສະໝຸດພຣະກິດຕິຄຸນ) ນຳກັນ. ພວກທ່ານຍັງສາມາດຮ້ອງເພງເຊັ່ນ “Holy Places” (ຫ້ອງສະໝຸດພຣະກິດຕິຄຸນ). ແບ່ງປັນນຳກັນກ່ຽວກັບວ່າ ພວກທ່ານຮູ້ສຶກແນວໃດກ່ຽວກັບສະຖານທີ່ສັກສິດເຊັ່ນພຣະວິຫານ.
What Is a Temple?
ລະບຽບພວກເລວີ 1:1–4
ຍ້ອນການເສຍສະລະຂອງພຣະເຢຊູຄຣິດ, ເຮົາຈຶ່ງສາມາດຮັບການອະໄພໄດ້.
-
ການຖວາຍສັດເປັນເຄື່ອງບູຊາທີ່ມີອະທິບາຍໄວ້ໃນພຣະຄຳພີເດີມ ມີເຈດຕະນາທີ່ຈະສິດສອນລູກຫລານອິດສະຣາເອນກ່ຽວກັບການໃຫ້ອະໄພຜ່ານທາງພຣະເຢຊູຄຣິດ. ໃຫ້ພິຈາລະນາວ່າ ການອ່ານກ່ຽວກັບການຖວາຍບູຊາເຫລົ່ານີ້ ຈະສາມາດເຮັດຢ່າງດຽວກັນກັບລູກໆຂອງທ່ານແນວໃດ. ທ່ານສາມາດເອົາຮູບຂອງພຣະເຢຊູຄຣິດໃນເຄັດເຊມາເນ ແລະ ຢູ່ເທິງໄມ້ກາງແຂນໃຫ້ເບິ່ງ (ເບິ່ງ ປຶ້ມຮູບພຣະກິດຕິຄຸນ, ເລກທີ 56, 57) ຂະນະທີ່ທ່ານອ່ານ ລະບຽບພວກເລວີ 1:1–4 ກັບລູກໆ. ຊ່ວຍພວກເຂົາຊອກຫາຄຳ ຫລື ວະລີທີ່ຢໍ້າເຕືອນພວກເຂົາເຖິງການເສຍສະລະຂອງພຣະເຢຊູຄຣິດ.
-
ພວກທ່ານອາດອ່ານ 3 ນີໄຟ 9:19–20 ນຳກັນອີກ ເພື່ອເບິ່ງສິ່ງທີ່ເຮົາຖືກບັນຊາໃຫ້ຖວາຍບູຊາແທນສັດ. ການຖວາຍໃຈທີ່ຊອກຊ້ຳ ແລະ ວິນຍານທີ່ສຳນຶກຜິດເປັນເຄື່ອງບູຊາແກ່ພຣະຜູ້ເປັນເຈົ້ານັ້ນ ໝາຍຄວາມວ່າແນວໃດ? ເບິ່ງ ຄູ່ມືພຣະຄຳພີ, “ຫົວໃຈທີ່ຊອກຊໍ້າ” (ຫ້ອງສະໝຸດພຣະກິດຕິຄຸນ) ເພື່ອຊ່ວຍຕອບຄຳຖາມນີ້.
ສຳລັບຂໍ້ມູນເພີ່ມເຕີມ, ໃຫ້ເບິ່ງວາລະສານ Friend ສະບັບຂອງເດືອນນີ້.