I-Eksodusi 1–6

Yini ekuhlaba umxhwele ngowesifazane ochazwa kwi-Eksodusi 1–2? Basiza kanjani ukugcwalisa isu likaNkulunkulu labantu Bakhe? Ikufundisani imizamo yabo ngomsebenzi kaNkulunkulu?

Ngaphambi kokuba ufunde i-Eksodusi, ungahle ucabange ngobunzima odlula kubo—into onethemba lokuthi iNkosi izokukhulula kuyo. Yimaphi amagama nemishwana ku I-Eksodusi 1–3 ezwakala ifana nokuthunjwa ngokomoya noma ezinye izinto esibhekana nazo namuhla? Qaphela futhi ukuthi abantwana bakwa -Israyeli bakufuna kanjani ukukhululwa nokuthi iNkosi yabaphendula kanjani (njengesibonelo, bheka ku-Eksodusi 2:23–25; 3:7–8). “Yehlekanjani iNkosi “ukuba izokukhulula”?

Encwadini yonke ka I-Eksodusi, kunokwenzeka ubone ukufana phakathi kuka Mose no Jesu Kristu (bheka ku IDuteronomi 18:18–19; 1 Nefi 22:20–21). Isibonelo, yikuphi ukufana okubonayo phakathi kuka I-Eksodusi 1:22; 2:1–10 no NgokukaMathewu 2:13–16? Noma phakathi kuka I-Eksodusi 24:18 no NgokukaMathewu 4:1–2? Yini ozwa ukuthi iNkosi ifuna uyiqonde Ngayo namandla Ayo?

Ungacabanga ngesikhathi lapho into ethile yakwenza wagcwala ukwesaba nokumangala? Wenza njani? Ungayichaza kanjani imizwa owayizwayo?

Nalokho engqondweni funda u I-Eksodusi 3:1–6. Yini ekuhlaba umxhwele ngadlula kukho uMose okukhuthazayo? Wenzani uMose ukukhombisa ukuhlonipha uNkulunkulu? Yikuphi ukuxhumana okubonayo phakathi kwezenzo zakhe nokuhlonipha izinto ezingcwele?

Ukufunda lamavesi kungakwenza ukuba ucabange ngezinto ezingcwele nezindawo ezingcwele empilweni yakho. Kungani zingcwele kuwe? Uziphatha kanjani ngendlela ehlukile kunezinto ezijwayelekile? Ukuze uqondise ukuzindla kwakho, ungabheka ingxenye enesihloko esithi “Remembering the Promises” kumyalezo weGosa uDavid A. Bednar “Exceeding Great and Precious Promises” (iLiyahona, yangoNovemba 2017, 91–93). Ungase futhi ucule noma ulalele ihubo elikhuthazayo, njengo ”I Stand All Amazed” (Amahubo, unombolo 193) futhi uzindle ngokuthi yini ekumangazayo ngevangeli.

Vele, ngisho nalapho esike saba nakho okumangalisayo kwangokomoya, kunengozi yokuba nobudedengu ngezinto ezingcwele. Ukugwema kanjani lokhu? Nansi imiyalezo emibili ebhekana naloludaba; khetha owodwa bese ufuna imisho ekusizayo: ngu-Ulisses Soares, “In Awe of Christ and His Gospel” (iLiyahona, yangoMeyi 2022, 115–17); nguGerald Causse, “Is It Still Wonderful to you?” (iLiyahona, yangoMeyi 2015, 98–100).

Bheka futhi IMfundiso neziVumelwano 6:10–12; 63:64.

Namuhla uMose simazi ngokuthi wayengumphrofethi nomholi omkhulu. Kodwa uMose akazibonanga ngaleyo ndlela lapho iNkosi imbiza okokuqala. Njengoba ufunda ku-Eksodusi 3–4, yenza uhlu lwezinto ezazikhathaza uMose nokuthi iNkosi yaphendula kanjani kuyo ngayinye. Yini oyitholayo kulezi zahluko engase ikugqugquzele lapho uzizwa ungalingene nomsebenzi? Umbone nini uNkulunkulu enika wena noma abanye amandla okwenza umsebenzi Wakhe ?

Bheka futhi ”The Church Gives Us Opportunities to Assist in God’s Work” kwi “Nhlangano yeBandla” kwisihloko esithi Izihloko neMibuzo, uMtapo Wolwazi weVangeli.

Kungaqeda amandla lapho imizamo yethu eqotho yokwenza okuhle ibonakala ingasebenzi—lapho sizama ukwenza intando yeNkosi kodwa singayiboni imiphumela ebesiyilidele. Ukuze ufunde ngokufanayo uMose ayesedlule kukho, funda ku I-Eksodusi 5:4-9, 20–23. Yamsiza kanjani uMose iNkosi ukuba anqobe imizwa yakhe yokuphela amandla? (bheka ku I-Eksodusi 6:1–13). Ikusize kanjani iNkosi ukuba uphikelele ekwenzeni intando Yayo?

Bheka futhi inkulumo ka Jeffrey R. Holland ethi “Waiting on the Lord,” iLiyahona, yango Nov. 2020, 115–17.

• UMose wayenendima enkulu ekukhululweni kwabakwa-Israyeli ebuqgilini. Kodwa wayengeke akwazi ukukufeza lokhu ukuba unina, udadewabo, indodakazi kaFaro, kanye nabanye abesifazane abathembekileyo babengazange bamvikelea futhi bamnakekele. Siza abantwana bakho ukuba bafunde ngalaba besifazane ku I-Eksodusi 1:15–20; I-Eksodusi 2:2–10 (bheka futhi INumeri 26:59); kanye naku I-Eksodusi 2:16–21. Ungalisebenzisa futhi nekhasi lomsebenzi lalelisonto kanye “Umntwana uMose” (kwi Izindaba zeTestamente eliDala, 61–63) ukuze baxoxe izindaba zabo. Basiza kanjani laba besifazane ekugcwaliseni uhlelo lukaNkulunkulu? Xoxani nodwa ngabantu enibathandayo abasiza ngomsebenzi kaNkulunkulu, okubalwa kukho nezindlela ezincane futhi ezilula. Singasilandela kanjani isibonelo sabo?

  

  1:36

• Emva kokufunda ndawonye ku I-Eksodusi 3:1–5 cela abantwana bakho bafinyeze lamavesi ngawabo amagama (bheka futhi ”UMose umPhrofethi” encwadini IziNdaba zeTestamente eliDala, 64–66). Wayikhombisa kanjani inhlonipho phambi kweNkosi uMose? Ifuna siyikhombise kanjani inhlonipho iNkosi? Ungacela futhi abantwana bakho bakusize uthole (noma udwebe) izithombe zezindawo ezingcwele noma imisebenzi lapho kufanele sihloniphe khona. Yikuphi esingakwenza ukwenza ikhaya lethu libe yindawo engcwele?

  

  1:26

• Culani ndawonye iculo elimayelana nenhlonipho njenge ”­Reverence Is Love” (Amaculo Abantwana, 31). Njengoba nenza, abantwana bakho bangathola amagama noma imishwana echaza ngokuthi kusho ukuthini ukuhlonipha. Ukuba besiletha umngani esontweni okokuqala ngqa, besingachaza kanjani ukuthi kusho ukuthini ukuhlonipha?

• Ngokusebenzisa indaba eku I-Eksodusi 3; 4:1–7, vumela abantwana bakho bashintshane ngokuzenza uMose. Kungase kubemnandi ukubala izinsiza okulula ukuzithola, njengethoshi nesitshalo esimele isihlahla esivuthayo. Basize abantwana bakho bathole ukuthi uMose wayezizwa kanjani ngalo msebenzi iNkosi eyayimabele wona (bheka I-Eksodusi 3:11; 4:1, 10). Mhlawumbe ningase nabelana omunye nomunye ngezikhathi lapho nike naba khona nemizwa efanayo. Yikuphi esasingameluleka ngakho uMose ukumsiza? Funda ngokuthi iNkosi yamkhuthaza kanjani uMose ku I-Eksodusi 3:12; 4:2–9, 11–12. Landisa abantwana bakho ukuthi wakusiza kanjani uMsindisi ukufeza ubizo, ukulandela ukugqugquzelwa, noma ukwenza into ethile ebinzima kuwe.