Kenehi 42:–50.

Kua kite rānei koe i ētahi tauritetanga i roto i te oranga o Hōhepa me te mīhana whakamārie o Ihu Karaiti? Ki te hia kite i ētahi o ēnei tauritetanga, whakatauritetia:

• Kenehi 37:3 me Matiu 3:12.

• Kenehi 37: 26–28 me Matiu 26:14–16.

• Kenehi 45:5–7 me Ruka 4:18.

• Kenehi 47:12 me Hoani 6:35.

He aha ngā whakaaro kei a koe e pā ana ki te Kaiwhakaora me Tana mīhana i a koe e pānui ana i ēnei rerenga whiti?

Mā tō pānui e pā ana ki a Hōhepa me tana muru i ngā mahi kino i meatia ai e o ōna tuākana ki a ia e puta ai he whakaaro ki tētahi e uaua ana kia murua e koe. Mā ēnei pātai e whai ake nei e āwhina i a koe i a koe e ū ana ki te whakatinana i tēnei tikanga:

• He aha i uaua ai kia murua e Hōhepa ōna tuākana? (hei arotake i tā rātou ki a ia, tirohia Kenehi 37). He aha ngā āhuatanga me ngā tirohanga nā konā whiwhi kaha a Hōhepa ki te muru i ngā hara? (hei tauira, tirohia Kenehi 45:1–15 te 50:15–21rānei).

• He aha ngā manaakitanga i puta ai i tā Hōhepa murunga i ngā hara o ōna tuākana? Hei tauira, whakatauritetia ngā hononga whanaunga i roto i te whānau o Hākopa i te tīmatanga o ngā kōrero (hei tauira, tirohia, Kenehi 37:3–11) ki ngā hononga whanaungatanga kei te mutunga (tirohia Kenehi 45:9–15; 50:15–21). He aha ngā rerekētanga kua puta mehemea kīhai a Hōhepa i hiahia ki te muru i ō rātou hara?

• Me tuhi iho te ingoa o tētahi tērā pea e tika ana kia murua ōna hara—ahakoa mēnā kua tono murunga kāore rānei. He aha tāu hei tono mai anō i te mana whakaora o te Kaiwhakaora kia hau mai ai ki tēnei tūāhuatanga? Mehemea he uaua rawa te muru i ngā hara, me arotake ngā tohutohu a Erata Gerrit W. Gong i ngā kōwae whakamutunga e ono o tana karere “Happy and Forever” (Liahona, Noema 2022, 85). He aha tāu e kite ai mā konā puta ai te mōhio e taea ana te muru?

Tirohia anōtia Whakaakoranga me ngā Kawenata 64:9–11; “Forgiveness: My Burden Was Made Light” (whitiāhua), Wharepukapuka Rongopai.

8:24

Kei roto i ngā manaakitanga a Hākopa ki ōna uri ngā kupu whakaahua nui, engari he uaua rawa kia mārama. Waimārie, ka āwhinatia tātou e te rongopai kua whakahokia mai nei. Ina pānui koe i te manaakitanga ki a Hōhepa i Kenehi 49:22–26, pānuitia ngā whiti e whai ake nei anō hoki, kātahi ka tirohia ngā kōrero i reira: 1 Nīwhai 15:12; 2 Nīwhai 3:4–5; Hākopa 2:25; Whakaakoranga me ngā Kawenata 50:44.

I a koe e pānui ana mō te manaakitanga a Hura i Kenehi 49:8–12, kia maumahara koe he uri a Ihu Karaiti nō Hura. He aha tāu e kite ai i roto i ēnei whiti e whakamahara ana i a koe ki te Kaiwhakaora? (tirohia anōtia Whakakitenga 5:5–6, 9; 1 Nīwhai 15:14–15; Whakaakoranga me ngā Kawenata 45:59; 133:46–50).

Mā tō pānui i ēnei whiti puta ai te hiahia kia tirohia tō manaakitanga peteriaka—mehemea kāore anō koe kia whiwhi tētahi, toro atu. He aha ngā kupu me ngā rerenga i tō manaakitanga e whakatahuri ai i ō whakaaro ki a Ihu Karaiti?

Tirohia anōtia tā Randall K. Bennett, “Your Patriarchal Blessing—Inspired Direction from Heavenly Father,” Liahona, Mei 2023, 42–44.

Ahakoa kāore i te mārakerake te kite atu i aua akoranga i a ia e pēhia ana e aua taumaha, nāwai rā ka taea e Hōhepa te huri whakamuri ōna whakaaro ki ōna taumahatanga i Īhipa me te kite atu “e hāngai ana tā te Atua hei painga” (Kenehi 50:20). Mehemea i taea te peka atu ki a Hōhepa i a ia e noho ana i te whareherehere, he aha tāu hei whakaaio i tōna wairua? Me pēhea a Kenehi 50:19–21 e āwhina ai i ngā wā e taumaha ana ki a koe?

Tirohia anōtia Whakaakoranga me ngā Kawenata 122; “How Firm a Foundation,” Hymns, no. 85.

I a koe e pānui ana i Kenehi 50:24–25 me te Whakapākehātanga a Hōhepa Mete, Kenehi 50:24–38 (i te āpitihanga Paipera), kia whakaarohia he aha e whakahirahira ai ki a Hōhepa kia mōhio e pā ana ki a Mohi me Hōhepa Mete i mua noa atu i tana whānautanga mai ki te ao. Me pēhea i whakatutuki ai a Hōhepa Mete i ngā poropititanga mōna? (tirohia Whakaakoranga me ngā Kawenata 1:17–23; 20:7–12; 39:11; 135:3).

• Ka pai pea mō ō tamariki kia mahi whakaari i ngā kōrero mō Hōhepa e tūtaki tahi ana anō ki tōna whānau (tirohia Kenehi 42–44). Me whakamahi i a “Joseph and the Famine” (in Old Testament Stories, 57–60) ngā pikitia rānei kei roto i tēnei whakatakotoranga mahi hei whakaako tētahi i tētahi. Anei ētahi pātai hei āwhina i ō tamariki kia mau ki ngā akoranga o tēnei kōrero:

  • He aha tā Hōhepa hei whakaatu atu i tana aroha mō tōna whānau? (tirohia Kenehi 45:4–15).

  • Ki a koe, he aha te take i muru a Hōhepa i ngā hara o ōna tuākana?

  • Ki ō whakaaro, i pēhea ngā kare ā–roto o ngā tuākana o Hōhepa i te wā i mōhio rātou kua murua ō rātou hara e Hōhepa? Ko wai tētahi i tō oranga e tika ana kia murua ōna hara? Me pēhea koe e whakaatu atu i te aroha, i te murunga hara hoki?

  

  2:26

• Tērā pea ka hiahia koutou ko ō tamariki ki te tuku kōrero e pā ana ki tētahi wā i murua tētahi, i murua rānei ia e tētahi. Waiatahia ngātahitia tētahi waiata pērā i “Love One Another” (Children’s Songbook, 136) te “Help Me, Dear Father” (Children’s Songbook, 99) rānei.

• Me titiro koutou ko ō tamariki ki tētahi pikitia o Hākopa e manaaki nei i tētahi o ana tama kei te pito whakamutunga o tēnei whakatakotoranga mahi kātahi ka kōrero e pā ana ki ngā mea e mahia ana (tirohia Kenehi 48:8–9). Mēnā e tika ana, whakamāramahia, nā, i hiahia a Hākopa te matua o Hōhepa, kia tukuna atu tētahi manaakitanga tohungatanga ki tōna whānau. Tērā pea me kōrero tētahi ki tētahi e pā ana ki ētahi āhuatanga i reira whiwhi āwhina koe i te Atua mā roto i tētahi manaakitanga tohungatanga. He aha ētahi take e tono ai koe mō tētahi manaakitanga tohungatanga?

• Me pēhea koe e āwhina i āu tamariki kia kite rātou i te Kaiwhakaora i roto i ngā kōrero mō Hōhepa e whakarauora ana i tōna whānau i te wā matekai? Me hanga tētahi hoahoa e rua ngā rārangi e kīa ana ko Hōhepa me Ihu Karaiti. Āwhinatia ō tamariki kia rapua ngā whiti takirua e whai ake nei kātahi ka whakakīngia te hoahoa ki ngā mea taurite a Hōhepa rāua ko Ihu Karaiti: Kenehi 37:3 me Matiu 3:17; Kenehi 37:26–28 me Matiu 26:14–16; Kenehi 45:5–7 me Ruka 4:18; me Kenehi 47:12 me Hoani 6:35.

• Uia atu ngā tamariki he aha te tikanga o te whakaora i tētahi. Mehemea kua whakaorangia tētahi, kua whakaora tētahi rānei i tētahi atu, tonoa ia kia kōrero mai. He aha tā Hōhepa hei whakaora i ōna tuākana? (tirohia Kenehi 42:1–3; 45:5–7). Kātahi ka titiro tahi atu ki tētahi pikitia o te Kaiwhakaora kātahi ka uia ō tamariki he aha Tāna hei whakaora i a tātou.