Kenehi 24–33

I a koe e pānui ana i Kenehi 24, uia ki a koe anō he aha a Aperahama i whakaaro ai he mea nui te mārena o tana tama a Ihaka. He aha e whakahirahira ai te mārenatanga ki te Atua?

He aha ngā āhuatanga e kite nei koe i a Rīpeka mā konā whakakahangia tētahi mārena me tētahi whānau? (tirohia rawatia ngā whiti 15–28, 57–61).

Tirohia anōtia ngā Kaupapa me ngā Pātai, “Marriage,” Wharepukapuka Rongopai.

I roto i te ahurea o Ihaka rāua ko Rīpeka, ka whiwhi te tama mātāmua i te manaakitanga mātāmua, ko te tikanga ia, ka nui ake te whiwhinga tuku iho, me ngā haepapa nui ake anō hoki e pā ana ki te tiaki i te whānau. I a koe e pānui ana i Kenehi 25:29–34, kia whakaarohia he aha rā i hiahia a Ehau kia riro atu tana manaakitanga mātāmua mō tētahi kai. He aha ngā akoranga e kitea nei mōu ake i ēnei kōrero? Ka pai pea kia hangaia ngā rārangi e rua: (1) ngā manaakitanga mau tonu e hiahia ana te Atua kia homai ki a tātou me (2) ngā mea o te ao e whakakōtiti ana i a koe. Kātahi ka taea e koe taua rerenga whiti te pānui, e whakauru ana i te kupu “manaakitanga mātāmua” ki tētahi kupu mai i te rārangi tuatahi, me te kupu “pāreti” ki tētahi kupu mai i te rārangi tuarua. He aha tāu e aro pūmau ai ki te Kaiwhakaora me ngā manaakitanga mau tonu o Tana rongopai?

Tirohia anōtia Matiu 6:19–33; M. Russell Ballard, “Remember What Matters Most,” Liahona, Mei 2023, 105–7.

I a Hākopa e moe ana i runga i tētahi urunga kōhatu, ka whiwhi i tētahi moemoeā mīharo. Nā te tino tapu o taua āhuatanga ka huaina taua wāhi e Hākopa ko Petera, ko “te whare o te Atua” rānei, e whakapuaki ana, “Kāore e kore kei konei te Ariki” (Kenehi 28:16).

I a koe e pānui ana i Kenehi 28, tērā pea ka uia koe anō, he aha i whakahirahira ai tēnei tūāhuatanga ki a Hākopa. He aha ngā āhuatanga i te pā ki a ia i taua wā? He aha ana whakaaro? Me kimi hoki i ngā kupu me ngā rerenga i ngā whiti 10–22 e whakamaharatia koe ki te whare o te Ariki. He aha ngā whakaaro e tau nei ki a koe e pā ana ki te Atua, Tōna whare, me Ana kawenata?

Hei te pito whakamutunga o tēnei whakatakotoranga mahi tētahi whakaahua peita e pā ana kite moemoeā o Hākopa; tērā pea ka huri ō whakaaro ki reira i a koe e pānui ana. Mehemea ka hangaia e koe tāu ake whakaaturanga toi mō tēnei moemoeā, ka aha koe? He aha ngā mea pono e whakaaturia mai nei e koe nō taua kōrero?

E hāngai ana te hīmene “Nearer, My God, to Thee” (Hymns, no. 100) ki tēnei āhuatanga i pā ai ki a Hākopa. He aha ngā hononga e kitea ai e koe i waenganui i tēnei waiata me Kenehi 28:10–22? Me pēhea te ngā Temepara e āwhina i a koe kia tata ake ki te Atua? Me rapu e koe ngā whakautu ki tēnei pātai i tā Tumuaki Russell M. Nelson karere “The Temple and Your Spiritual Foundation” (Liahona, Noema 2021, 93–96). Tērā pea ka hiahia hoki koe ki te tirotiro i ngā kawenata me ngā manaakitanga o te whare o te Ariki i te General Handbook, 27.2 (Wharepukapuka Rongopai). Me pēhea te pupuri i ēnei kawenata e tō ai i te mana o te Atua ki roto i tō oranga?

I a koe e pānui ana i Kenehi 29:31–35 me te 30:1–24, kimihia ngā kupu e whakamāramahia ana te aroha o te Atua ki a Rāhera rāua ko Rea. Kia whakaarohia tā te Atua “titiro ki [ō] whakamamaetanga” me te “maumahara” ki a koe (Kenehi 29:32; 30:22).

I a Hākopa e hoki atu ana ki Kainana, i te “tino mataku, ā, i te tino āmaimai” ia e pā ana ki tōna tuakana, a Ehau, mehemea ka whiwhi ia i a ia (Kenehi 32:7). I a koe e pānui ana i Kenehi 32–33, kia whakaarohia ō ake hononga whānau—tērā pea ko tētahi mea e tika ana ki a whakarauora. Tērā pea mā tēnei kōrero e whakahihiko ai tō ngākau ki te toro atu ki tētahi. Mā ēnei momo pātai e ārahi atu i tō pānuitanga:

• He aha tā Hākopa hei whakarite kia tūtaki ki a Ehau?

• He aha ngā mea e puta mai ana ki a koe e pā ana ki te inoi a Hākopa kei roto i Kenehi 32:9–12?

• He aha ngā akoranga māu mai i te kōrero mō tā Ehau murunga i te hara?

• He aha tā te Kaiwhakaora hei āwhina kia whakarauora tātou i ō tātou hononga whānau?

• Hei whakanui i te tauira pai a Rīpeka, huraina atu te pikitia kei raro iho nei ki ō tamariki, te whārangi mahi rānei mō tēnei wiki i a koe e whakarāpopoto ana i te kōrero i Kenehi 24:10–21. Tērā pea ka pai ki āu tamariki te mahi whakaari i ētahi wāhanga o te kōrero. Mā konei tīmata ai tētahi kōrero mō ngā mahinga aroha kua kitea e koutou ko ō tamariki.

• Me waiata tahi i tētahi waiata e pā ana ki te aroha, pērā i “Kindness Begins with Me” (Children’s Songbook, 145). Me whakarongo rānei ō tamariki ki te kupu “aroha” (tētahi kupu e rite ana rānei) kātahi ka tū ake ina rangona taua kupu. Me pēhea tātou e pai pērā i a Rīpeka?

• Me whakamahi i a “Jacob and Esau” (i Old Testament Stories, 38–41) hei whakamāramahia ō tamariki ki ngā kōrero i Kenehi 25:21–34. Tērā pea me huri ngā whakaaro o ngā tamariki me te mea nei kua pātai atu a Ehau ki a rātou mehemea e pai ana kia hoatu tana manaakitanga mātāmua mō te pāreti. He aha tāu ki a ia?

  

  2:5

• He aha ngā mea mau tonu e whakahirahira ana ki a koutou ko ō tamariki? Me rapu pikitia koutou ko ō tamariki e hāngai ana ki ēnei mea. Me pēhea tātou e whakaatu ai ki te Ariki he whakahirahira ēnei mea ki a tātou?

• I a koutou e pānui tahi ana i Kenehi 28:10–22 , māu tētahi ara whata, tētahi ara piki rānei (tētahi pikitia rānei pērā i te mea kei te pito whakamutunga o tēnei whakatakotoranga mahi) kia kōrero e pā ana ki te ōrite o ngā kawenata ki tētahi ara piki. Me whakataruna pea ō tamariki anō nei kei te piki i tētahi ara whata, ā, hei ia pikinga, me kōrero e pā ana ki ngā wā e oati ai tātou kia ngohengohe ki te Atua, pērā i te wā e rumaki ai tātou, e kai rānei i te hākarameta, e haere atu ana rānei ki te temepara. Me pēhea ngā kawenata e āwhina ai i a tātou kia tata ake ki te Atua?

• Hei whakatūwhera i te ara ki ēnei whiti, me whakamārama e koe, ahakoa ngā taumaha e pāmamae ana, ka tūtaki anō a Hākopa ki a Ehau. Pānui tahitia Kenehi 32:6–11. I pēhea ngā whakaaro a Hākopa? He aha tāna hei kimi āwhina? Pānuitia ngātahitia Kenehi 33:1–4 kia kite i te whakautu a te Ariki ki te inoi a Hākopa. Mehemea ka kōrero mai a Hākopa rāua ko Ehau ki a tātou i ēnei rā, he aha tā rāua ki a tātou kia āwhina i a tātou ina tutū ai te puehu i te whānau?