Itangiriro 42–50

Mwaba hari ihuriro mwabonye riri hagati y’ubuzima bwa Yozefu n’ubutumwa bw’impongano bwa Yesu Kristo? Kugira ngo murebe ingero zayo mahuriro, mugerageze kugereranya:

• Itangiriro 37:3 na Matayo 3:17.

• Itangiriro 37:26–28 na Matayo 26:14–16.

• Itangiriro 45:5–7 na Luka 4:18.

• Itangiriro47:12 na Yohana 6:35.

Ni ibihe bitekerezo mufite ku bijyanye n’Umukiza n’ubutumwa Bwe uko musoma iyi mirongo?

Gusoma ibyerekeye Yozefu ababarira abavandimwe be ibintu bibi bakoze bishobora kubatera gutekereza ku muntu uri kugorwa no kubabarira ubu. Ibibazo bikurikira bishobora kubafasha uko mugerageza kubahiriza iri hame:

• Mbese ni kuki bigomba kuba byari bikomeye kuri Yozefu kubabarira abavandimwe be? (kugira ngo mubone ibyo bamukoreye, nimurebe Itangiriro 37). Mbese ni ibiki byabaye kuri Yozefu cyangwa ni iyihe myitwarire byaba byarahaye Yozefu intege zo kubabarira? (reba, nk’urugero, Itangiriro 45:1–15 cyangwa 50:15–21).

• Mbese ni iyihe migisha ituruka ku mbabazi Yozefu yahaye abavandimwe be? Nk’urugero, mugereranye imibanire iri hagati y’umuryango wa Yakobo mu ntangiriro y’inkuru (reba, nk’urugero, Intangiriro 37:3–11) n’imibanire ku mpera (reba Itangiriro 45:9–15; 50:15–21). Mbese ni gute ibintu byari kuba bitandukanye iyo Yozefu atagira ubushake bwo kubabarira?

• Mutekerese kwandika izina ry’umuntu runaka ushobora kuba akeneye imbabazi zanyu—baba bazisabye cyangwa batazisabye. Mbese ni iki mushobora gukora ngo musabe imbaraga zikiza z’Umukiza muri ibyo bihe? Niba kubabarira bigaragara nkaho bigoranye, mutekereze kureba inama z’Umukuru Gerrit W. Gong mu bika bitandatu byanyuma by’ubutumwa bwe “Kwishima Ubuziraherezo” (Liyahona, Ugushyingo. 2022, 85). Mbese ni iki mubona kibaha ibyiringiro ko mushobora kubabarira?

Reba na none Inyigisho n’Ibihango 64:9–11; “Forgiveness: My Burden Was Made Light (Imbabazi: Umutwaro Wanjye Warorohejwe)” (amashusho), Isomero ry’Inkuru Nziza.

8:24

Umugisha Yakobo yahaye abazamukomokaho arimo namashusho agaragara, ariko ntibyoroshye kuyasobanukirwa. Igishimishije, inkuru nziza yagaruwe iradufasha. Iyo musomye imigisha ya Yozefu mu Itangiriro 49:22–26, soma n’iyi mirongo ikurikira, maze urebe ibitekerezo itanga: 1 Nefi 15:12; 2 Nefi 3:4–5; Yakobo 2:25; Inyigisho n’Ibihango 50:44.

Uko musoma umugisha wa Yuda mu Itangiriro 49:8–12, wibuke ko Yesu Kristo yakomokaga kuri Yuda. Ni iki ubona muri iyi mirongo kikwibutsa Umukiza? (reba nanone Ibyahishuwe 5:5–6, 9; 1 Nefi 15:14–15; Inyigisho n’Ibihango 45:59; 133:46–50).

Gusoma iyi migisha bishobora gutuma mwongera kureba umugishawanyu wa patiriyaki —cyangwa, niba mutawufite, mukawuhabwa. Mbese ni ayahe magambo cyangwa imirongo mu migisha yanyu agarura ibitekerezo byanyu kuri Yesu Kristo?

Reba na none Randall K. Bennett, “Your Patriarchal Blessing—Inspired Direction from Heavenly Father,” Liyahona, Gicurasi 2023, 42–44.

Nubwo byari bidasobanutse igihe yabinyuragamo, amaherezo Yozefu yabashije gusubiza amaso inyuma areba ingorane yahuye nazo muri Egiputa maze abona ko“Imana i[z]ihinduramo ibyiza”: (Itangiriro 50:20). Iyo muza kuba mwarashoboye gusura Yozefu igihe yari mu cyobo cyangwa ari muri gereza, mwari kumuhumuriza ute? Mbese ni gute Itangiriro 50:19–21 igufasha mu bihe byawe by’ikigeragezo?

Reba na none Inyigisho n’Ibihango 122; “How Firm a Foundation,” Indirimbo, nimero. 85.

Uko musoma Itangiriro 50:24–25 na Ubusemuzi bwa Joseph Smith, Itangiriro 50:24–38 (muri Joseph Smith Translation Appendix), mutekereze byimbitse impamvu byari kuba byarabaye iby’ingezi kuri Yozefu kumenya Mose na Joseph Smith mu binyejana byinshi mbere. Ni gute Joseph Smith yujuje ubuhanuzi bwa Yozefu kuri we? (reba Inyigisho n’Ibihango 1:17–23; 20:7–12; 39:11; 135:3).

• Byashobora gushimisha abana banyu gukina inkuru ya Yozefu yongera guhuza umuryango we (reba Itangiriro 42–44). Cyangwa bashobora gukoresha “Joseph and the Famine” (muri Old Testament Stories, 57–60) cyangwa amashusho ari muri iyi ncamake bigishanya iyi inkuru. Hano hari bimwe mu bibazo bishobora gufasha abana banyu kwigira kuri iyi nkuru:

  • Mbese ni iki Yozefu yakoze ngo agaragarize umuryango we urukundo? (reba Itangiriro 45:4–15).

  • Mbese ni kuki i mwumva ko Yozefu yababariye abavandimwe be?

  • Mbese mutekereza ko ee abavandimwe ba Yozefu biyumvise gute igihe bamenyaga ko Yozefu yabababariye? Mbese ni nde mu buzima bwanyu ukeneye kubabarirwa? Mbese ni gute mwagaragaza urukundo n’imbabazi?

  

  2:26

• Mwebwe cyangwa abana banyu mushobora gushaka gusangiza ibyababayeho igihe bababariye umuntu cyangwa igihe umuntu runaka yabababariye. Mushobora noneho kuririmba indirimbo nka “Love One Another” (Children’s Songbook, 136) cyangwa “Help Me, Dear Father” (Children’s Songbook, 99).

• Mwebwe n’abana banyu mushobora kureba ishusho ya Yakobo aha umugisha abahungu be ku mpera w’iyi ncamake maze mukaganira ku birimo kuba (reba Itangiriro 48:8–9). Niba bikenewe, musobanure ko Yakobo, se wa Yozefu, yashakaga guha imigisha y’ubutambyi umuryango we. Ahari mushobora gusangizanya ibyababayeho mwaba mwaragize mwakira ubufasha buturutse ku Imana binyuze mu mugisha w’ubutambyi. Mbese ni izihe mpamvu zishobora gutuma twaka umugisha w’ubutambyi?

• Mbese ni gute mwafasha abana banyu kureba Umukiza mu nkuru ya Yozefu akiza inzara umuryango we? Mutekereze gukora imbonerahamwe zifite imirongo imanutse yanditsemo Yozefu na Yesu Kristo. Mufashe abana banyu gushakisha ibyanditswe bikurikira maze mwuzuze mu mbonerahamwe ibintu Yozefu na Yesu bahuriyeho: Itangiriro 37:3 na Matayo 3:17; Itangiriro 37:26–28 na Matayo 26:14–16; Itangiriro 45:5–7 na Luka 4:18; na Itangiriro 47:12 na Yohana 6:35.

• Mubaze abana banyu icyo bisobanuye gukiza cyangwa gutabara umuntu runaka. Niba haba hari umwe muri bo wagize ubunararibonye bwo gukizwa cyangwa gutabarwa ari mu byago, mumusabe kubisangiza abandi. Mbese ni gute Yozefu yakijije abavandimwe be? (see Itangiriro 42:1–3; 45:5–7). Noneho mushobora kurebera hamwe ishusho y’umukiza maze mugasaba abana banyu kuganira ku buryo Yesu adukiza.