Itangiriro 24–33

Uko musoma Itangiriro, mwibaze mwebwe ubwanyu impamvu Aburahamu yazirikanye ugushyingirwa k’umuhungu we Isaka ko ari ingenzi. Mbese kuki ugushyingirwa ari ingenzi ku Mana?

Ni iyihe mico mubona kuri Rebeka ishobora kugira uruhare mu kugira urushako rukomeye n’umuryango ukomeye? (reba cyane cyane imirongo 15–28, 57–61).

Reba na none Topics and Questions, “Marriage,” Isomero ry’Inkuru Nziza.

Mu muco wa Isaka na Rebeka, umuhungu mukuru kuruta abandi yahabwaga ubutware, byasobanuraga umurage ukomeye, n’inshingano zikomeye zo kwita ku muryango. Uko musoma Itangiriro 25:29–34, mutekereze byimbitse impamvu Esawu yari yiteguye gutanga ubutware bwe akabusimbuza ibiryo. Ni irihe somo mubona mwebwe ubwanyu muri iyi nkuru? Byagufasha gukora intonde ebyiri: (1) Imigisha ihoraho Imana ishaka uguha (2) n’ibintu by’isi bishobora kukurangaza. Noneho mushobora gusoma umurongo, mugasimbuza “ubutwari” ikintu kiri ku rutonde rwa mbere n’“ibiryo” ikintu kiri ku rutonde rwa kabiri. Ni gute muzibanda ku Mukiza n’imigisha ihoraho y’inkuru nziza Ye?

Reba na none Matayo 6:19–33; M. Russell Ballard, “Mwibuke iby’Ingenzi Kuruta Ibindi,” Liyahona, Gicurasi 2023, 105–7.

Ubwo yari aryamye ku musego w’amabuye, Yakobo yagize inzozi zihindura ubuzima. Bwari ubunararibonye butagatifu ko Yakobo yise aho hantu Beteli, cyangwa “Inzu y’Imana,” atangaza ati, “Ni ukuri Nyagasani ari aha hantu” (Itangiriro 28:16).

Uko musoma Itangiriro 28, mushobora kwibaza mwebwe ubwanyu icyatumye ubu bunararibonye buba ubutagatifu kuri Yakobo. Ni ibiki yanyuragamo icyo gihe? Ni gute yiyumvaga? Mushobora na none gushaka amagambo n’imirongo muri imirongo 10–22 ikwibutsa inzu ya Nyagasani. Ni ibihe byiyumviro mwakira ku Mana, inzu Yayo, n’ibihango byayo?

Ku mpera w’iyi ncamake hari igishushanyo kigaragaza inzozi za Yakobo, mushobora kukigarukaho uko usoma. Mubaye mugiye gukora igishushanyo cyanyu ku nzozi ze, ni iki mwakora? Mbese ni ukuhe kuri kuri mu nkuru mwagerageza gusobanura?

Indirimbo “Nearer, My God, to Thee” (Indirimbo, nimero 100) ishingiye ku bunararibonye bwa Yakobo. Mbese ni irihe huriro mubona hagati y’iyi ndirimbo na Itangiriro 28:10–22? Mbese ni gute ingoro ituma wumva uri hafi y’Imana? Mutekereze gushakira ibisubizo mu butumwa bw’Umuyobozi Russell M. Nelson “The Temple and Your Spiritual Foundation” (Liyahona, Ugushyingo 2021, 93–96). Mushobora na none gushaka kureba ibihango n’imigisha yo mu nzu ya Nyagasani muri Igitabo cy’amabwiriza Rusange, 27.2 (Isomero ry’Inkuru Nziza). Mbeseni gute kubahiriza ibyo bihango bizana imbaraga z’Imana mu buzima bwanyu?

Uko musoma Itangiriro 29:31–35 na 30:1–24, mushakemo ijambo risobanura impuhwe z’Imana kuri Rasheli na Leya. Muzirikane uko Imana “yabonye umubabaro [wawe]” maze “ikabibuka” (Itangiriro 29:32; 30:22).

Ubwo Yakobo yasubiraga i Kanani, “yaratinye cyane ahagarika umutima” atekereza uko umuvandimwe we, Esawu, ari bumwakire (Itangiriro 32:7). Uko musoma Itangiriro 32–33, mutekereze ku mibanire y’umuryango wanyu—ahari by’umwihako abakeneye gukira. Ahari iyi nkuru ishobora kubatera umuhate wo kugera ku muntu runaka. Ibibazo nk’ibi bishobora kuyobora ugusoma kwawe:

• Mbese ni gute Yakobo yiteguye guhura na Esawu?

• Ni iki kikuza mu mutwe kubijyanye n’isengesho rya Yakobo riboneka mu Itangiriro 32:9–12?

• Ni iki mwize cyerekeranye n’imbabazi z’urugero rwa Esawu?

• Mbese ni gute umukiza adufasha gukiza umubano wo mu muryango?

• Mu kwerekana neza urugero rutangaje rwa Rebeka rw’ubugwaneza, mushobora kwereka abana banyu ishusho ikurikira cyangwa Paji y’igikorwa cy’ki cyumweru uko mushyira mu ncamake inkuru iri muri Itangiriro 24:10–21. Abana banyu bashobora kunezezwa no gukina iyi nkuru. Ibi bishobora kubajyana mu kiganiro kijyanye n’ibikorwa by’ubugwaneza wowe n’abana bawe mwabonye.

• Muzirikane kuririmbira hamwe indirimbo ijyanye n’ubugwaneza, nka “Kindness Begins with Me” (Children’s Songbook, 145). Abana bawe bashobora gutega amatwi ijambo “ubugwaneza” (cyangwa ijambo bisa) maze baryumva bagahaguruka. Mbese ni gute dushobora kuba abagwaneza nka Rebeka?

• Muzirikane gukoresha “Jacob and Esau” (muri Old Testament Stories, 38–41) mu gufasha abana banyu gusobanukirwa inkuru iri mu Itangiriro 25:21–34. Ahari abana banyu bashobora gutekereza ko Esawu yagishije inama niba yagurisha ubutware bwe akabusimbuza ibiryo. Mbese ni iki bari kumubwira?

  

  2:5

• Ni ibihe bintu by’ingenzi bihoraho kuri mwebwe n’abana banyu? Ahari abana banyu bashobora gushaka amashusho cyangwa ibikoresho bigaragaza ibi bintu. Mbese ni gute dushobora kwereka Nyagasani ko ibi bintu ari ingenzi kuri twe?

• Uko musomera hamwe, Itangiriro 28:10–22 mushobora gukoresha urwego cyangwa ingazi (cyangwa ishusho imeze nk’iri ku mpera y’incamake) mu kuvuga uko ibihango byacu bimeze nk’urwego. Ahari abana banyu bashobora kumera nk’aho bari kurira urwego, noneho kuri buri ntambwe, muganire ku bihe twasezeranye kubaha Imana, nk’igihe tubatizwa, dufata isakaramentu, cyangwa tujya mu ngoro. Mbese ni gute ibihango byacu bitwegereza Imana?

• Mu kuriburira iyi mirongo, mushobora gusobanura ko nyuma y’imyaka myinshi y’ibyiyumviro bikomeye, Yakobo yari agiye guhura na Esawu na none. Musomere hamwe Itangiriro 32:6–11. Mbese ni gute Yakobo yumvise amerewe? Mbese ni iki yakoze ngo abone ubufasha? Musomere hamwe Itangiriro 33:1–4 mu kuvumbura uko Nyagasani yasubije isengesho rya Yakobo. Iyo Yakobo na Esawu bashoboraga kuvugana natwe uyu munsi, ni iki batubwira cyadufasha igihe hari intonganya mu muryango wacu?