1. Mósebók 42–50

Hafið þið tekið eftir samlíkingum í lífi Jósefs og friðþægingarhlutverki Jesú Krists? Til að sjá nokkur dæmi um þessar líkingar, reynið þá að bera saman:

• 1. Mósebók 37:3 og Matteus 3:17.

• 1. Mósebók 37:26–28 og Matteus 26:14–16.

• 1. Mósebók 45:5–7 og Lúkas 4:18.

• 1. Mósebók 47:12 og Jóhannes 6:35.

Hvaða hughrif berast um frelsarann og hlutverk hans við lestur þessara ritningarhluta?

Þegar þið lesið um Jósef fyrirgefa bræðrum sínum fyrir þá hræðilegu hluti sem þeir gerðu honum, gætuð þið hugsað um einhvern sem þið eigið erfitt með að fyrirgefa. Eftirfarandi spurningar gætu hjálpað ykkur í þeirri viðleitni að reyna að fylgja þessari reglu:

• Af hverju gæti það hafa reynst Jósef erfitt að fyrirgefa bræðrum sínum? (sjá t.d. 1. Mósebók 37 til að rifja upp það sem þeir gerðu honum). Hvaða reynsla eða viðhorf gæti hafa veitt Jósef styrk til að fyrirgefa? (sjá t.d. 1. Mósebók 45:1–15 eða 50:15–21).

• Hvaða blessanir hlutust af því að Jósef fyrirgaf bræðrum sínum? Berið til að mynda saman samband fjölskyldu Jósefs í upphafi sögunnar (sjá t.d. 1. Mósebók 37:3–11) og samband hennar í lok sögunnar (sjá 1. Mósebók 45:9–15; 50:15–21). Hvernig gætu málin hafa þróast öðruvísi, ef Jósef hefði ekki verið fús til að fyrirgefa?

• Íhugið að skrá nafn einhvers sem gæti þurft á fyrirgefningu ykkar að halda – hvort sem hann eða hún hefur beðist fyrirgefningar eða ekki. Hvað getið þið gert til að bjóða lækningarmætti frelsarans í þessar aðstæður? Ef of erfitt virðist vera að fyrirgefa, íhugið þá að rifja upp leiðsögn öldungs Gerrits W. Gong í síðustu sex málsgreinum boðskapar hans „Varanleg hamingja“ (aðalráðstefna, október 2022). Hvað finnið þið sem vekur ykkur von um að þið getið fyrirgefið?

Sjá einnig Kenning og sáttmálar 64:9–11; „Forgiveness: My Burden Was Made Light“ (myndband), Gospel Library.

8:24

Blessanir Jakobs til niðja hans hafa að geyma lifandi myndmál, en ekki er auðvelt að skilja það. Til allrar hamingju, þá sér hið endurreista fagnaðarerindi okkur fyrir einhverri hjálp við það. Þegar þið lesið um blessanirnar sem Jósef hlaut í 1. Mósebók 49:22–26, lesið þá líka eftirfarandi vers og sjáið hvaða innsýn þau veita: 1. Nefí 15:12; 2. Nefí 3:4–5; Jakob 2:25; Kenning og sáttmálar 50:44.

Þegar þið lesið um blessunina sem Júda hlaut í 1. Mósebók 49:8–12, minnist þess þá að Jesús Kristur var afkomandi Júda. Hvað finnið þið í þessum versum sem minnir ykkur á frelsarann? (sjá einnig Opinberunarbókin 5:5–6, 9; 1. Nefí 15:14–15; Kenning og sáttmálar 45:59; 133:46–50).

Lestur þessara blessana gæti innblásið ykkur til að lesa patríarkablessun ykkar – eða til að verða ykkur úti um hana, ef þið hafið ekki hlotið hana. Hvaða orð og orðtök í blessun ykkar snúa hugsunum ykkar til Jesú Krists?

Sjá einnig Randall K. Bennett, „Patríarkablessunin þín – innblásin leiðsögn frá himneskum föður,“ aðalráðstefna, apríl 2023.

Þótt Jósef hafi ekki fyllilega skilið af hverju þrengingar hans væru svo miklar meðan á mótlæti hans í Egyptalandi stóð, þá sá hann eftir á að „Guð sneri því til góðs“ (1. Mósebók 50:20). Hvernig hefðum við hughreyst Jósef, ef við hefðum getað vitjað hans í pyttinum eða í fangelsinu? Hvernig getur 1. Mósebók 50:19–21 hjálpað á erfiðleikatímum ykkar?

Sjá einnig Kenning og sáttmálar 122; „Vor Guð hefur spámönnum gefið sitt mál,“ Sálmar, nr. 21.

Þegar þið lesið 1. Mósebók 50:24–25 og Þýðingu Josephs Smith á 1. Mósebók 50:24–38 (í Þýðing Josephs Smith – Viðauki), íhugið þá hvers vegna það hafi verið mikilvægt fyrir Jósef að þekkja Móse og Joseph Smith svo mörgum öldum fram í tímann. Hvernig uppfyllti Joseph Smith spádóma Jósefs um hann? (sjá Kenning og sáttmálar 1:17–23; 20:7–12; 39:11; 135:3).

• Gaman gæti verið fyrir börn ykkar að leika söguna um það þegar Jósef sameinaði fjölskyldu sína aftur (sjá 1. Mósebók 42–44). Þau gætu líka þess í stað notað „Jósef og hungursneyðin“ (í Sögur úr Gamla testamentinu, 57–60) eða myndir í þessum lexíudrögum til að kenna hvert öðru söguna. Hér eru nokkrar spurningar sem gætu hjálpað börnum ykkar að læra af frásögninni:

  • Hvað gerði Jósef til að sýna fjölskyldu sinni elsku? (sjá 1. Mósebók 45:4–15).

  • Af hverju haldið þið að Jósef hafi fyrirgefið bræðrum sínum?

  • Hvernig haldið þið að bræðrum Jósefs hafi liðið þegar þeir komust að því að Jósef hafði fyrirgefið þeim? Hver í lífi ykkar þarfnast fyrirgefningar? Hvernig getið þið sýnt öðrum elsku og fúsleika til að fyrirgefa?

  

  2:26

• Þið eða börn ykkar gætuð viljað segja frá reynslu þar sem þau fyrirgáfu einhverjum eða einhver fyrirgaf þeim. Þið gætuð síðan sungið söng eins og „Elskið hver annan“ (Barnasöngbókin, 74) eða „Hjálpa mér, faðir“ (Barnasöngbókin, 52).

• Þið og börn ykkar gætuð horft á myndina af Jakobi blessa syni sína aftast í þessum lexíudrögum og rætt hvað þar er að gerast (sjá 1. Mósebók 48:8–9). Ef þörf er á, útskýrið þá að Jakob faðir Jósefs hafi viljað veita fjölskyldu sinni prestdæmisblessanir. Þið gætuð ef til vill miðlað hvert öðru einhverjum upplifunum sem þið hafið hlotið af því að þiggja hjálp frá Guði með prestdæmisblessun. Hverjar eru nokkrar ástæður fyrir því að við gætum beðið um prestdæmisblessun?

• Hvernig getið þið hjálpað börnum ykkar að sjá frelsarann í frásögninni um Jósef bjarga fjölskyldu sinni frá hungursneyð? Íhugið að búa til töflu með tveimur dálkum merktum Jósef og Jesús Kristur. Hjálpið börnum ykkar að leita í eftirfarandi ritningarversum og fylla út töfluna með því sem Jósef og Jesús eiga sameiginlegt: 1. Mósebók 37:3 og Matteus 3:17; 1. Mósebók 37:26–28 og Matteus 26:14–16; 1. Mósebók 45:5–7 og Lúkas 4:18; og 1. Mósebók 47:12 og Jóhannes 6:35.

• Spyrjið börn ykkar hvað það þýðir að frelsa einhvern eða bjarga einhverjum. Ef einhver þeirra hefur upplifað að vera bjargað úr hættu, bjóðið þeim þá að miðla því. Hvernig bjargaði Jósef bræðrum sínum? (sjá 1. Mósebók 42:1–3; 45:5–7). Þið gætuð síðan horft saman á mynd af frelsaranum og beðið börn ykkar að ræða hvernig Jesús frelsar okkur.