Ծնունդ 42–50

Նկատե՞լ եք որևէ նմանություն Հովսեփի կյանքի և Հիսուս Քրիստոսի քավող առաքելության միջև: Այս նմանությունների օրինակներ տեսնելու համար փորձեք համեմատել.

• Ծնունդ 37․3 հատվածը Մատթեոս 3․17 հատվածի հետ։

• Ծնունդ 37․26–28 հատվածը Մատթեոս 26․14–16 հատվածի հետ։

• Ծնունդ 45․5–7 հատվածը Մատթեոս 4․18հատվածի հետ։

• Ծնունդ 47․12 հատվածը Մատթեոս 6․35 հատվածի հետ։

Այս հատվածները կարդալիս ի՞նչ տպավորություններ եք ունենում Փրկչի և Նրա առաքելության վերաբերյալ։

Կարդալով Հովսեփի մասին, թե ինչպես նա ներեց իր եղբայրների սոսկալի արարքները, որ նրանք գործել էին, կարող ենք մտածել մեկի մասին, ում ներկայումս դժվարանում ենք ներել։ Հետևյալ հարցերը կարող են օգնել, երբ դուք ձգտում եք կիրառել այդ սկզբունքը.

• Ինչո՞ւ Հովսեփի համար կարող էր դժվար լինել ներել իր եղբայրներին (վերանայելու համար, թե ինչ էին նրանք արել իր հանդեպ, տես Ծնունդ 37 բաժինը): Ո՞ր փորձառությունները կամ հատկանիշներն են ներելու համար ուժ տվել Հովսեփին (տես, օրինակ՝ Ծնունդ 45․1–15 կամ 50․15–21)։

• Ի՞նչ օրհնություններ եկան, երբ Հովսեփը ներեց իր եղբայրներին։ Օրինակ՝ համեմատեք Հակոբի ընտանեկան հարաբերությունները պատմության սկզբում (տես, օրինակ՝ Ծնունդ 37․3-11) և վերջում (տես Ծնունդ 45․9–15, 50․15–21)։ Ի՞նչ տեղի կունենար, եթե Հովսեփը չցանկանար ներել։

• Կարող եք գրել որևէ մեկի անունը, ով կարող է ձեր ներման կարիքը ունենալ՝ անկախ նրանից՝ նա ներողություն է խնդրել, թե ոչ: Ի՞նչ կարող եք անել, որպեսզի հրավիրեք Փրկչի բժշկող զորությունը այդ իրավիճակում: Եթե ներելը չափազանց դժվար է թվում, կարող եք վերանայել Երեց Ջերիտ Վ. Գոնգի խորհուրդը նրա «Հավերժ երջանիկ» ուղերձի վերջին վեց պարբերություններում (Լիահոնա, նոյ․ 2022, 85)։ Ի՞նչ եք գտնում, որը ձեզ հույս է տալիս, որ կարող եք ներել:

Տես նաև Վարդապետություն և Ուխտեր 64․9–11, «Forgiveness: My Burden Was Made Light» (տեսանյութ), Gospel Library։

8:24

Յակոբի օրհնությունները իր սերունդներին պարունակում են վառ պատկերներ, սակայն դրանք հեշտ չէ հասկանալ: Բարեբախտաբար, վերականգնված ավետարանը տալիս է մեզ որոշ օգնություն: Երբ դուք կարդաք Հովսեփի օրհնությունները Ծնունդ 49.22–26-ում, կարդացեք հետևյալ հատվածները նույնպես և տեսեք, թե ինչ գաղափարներ են դրանք տալիս. 1 Նեփի 15.12, 2 Նեփի 3.4–5, Հակոբ 2.25, Վարդապետություն և Ուխտեր 50.44:

Երբ կարդաք Հուդայի օրհնության մասին Ծնունդ 49.8–12 հատվածներում, հիշեք, որ Հիսուս Քրիստոսը Հուդայի հետնորդն էր: Ի՞նչ եք գտնում այս հատվածներում, որը հիշեցնում է ձեզ Փրկչի մասին (տես նաև Հայտնություն 5․5–6, 9, 1 Նեփի 15․14–15, Վարդապետություն և Ուխտեր 45․59, 133․46–50)։

Այս օրհնությունները կարդալը կարող է ոգեշնչել ձեզ վերանայել ձեր հայրապետական օրհնությունը, կամ, եթե չունեք՝ ստանալ այն: Ձեր օրհնության ո՞ր բառերն ու արտահայտություններն են ձեր մտքերը ուղղում են դեպի Հիսուս Քրիստոսը:

Տես նաև Ռանդալ Կ. Բենեթ «Ձեր հայրապետական օրհնությունը՝ ոգեշնչված ուղղություն Երկնային Հորից», Լիահոնա, մայիս 2023, 42–44:

Իր բազում փորձությունների ընթացքում գուցե Հովսեփի համար պարզ չէր, սակայն նա, ի վերջո, կարողացավ հետ նայել Եգիպտոսում իր ունեցած ձախորդություններին և տեսնել, որ «Աստված խորհեց այն փոխել բարիքի» (Ծնունդ 50․20)։ Եթե դուք կարողանայինք այցելել Հովսեփին փոսի մեջ կամ բանտում, ինչպե՞ս կմխիթարեինք նրան։ Ինչպե՞ս կարող են Ծնունդ 50․19–21 հատվածները օգնել ձեզ փորձությունների ժամանակ։

Տես նաև Վարդապետություն և Ուխտեր 122, «Աստծո սրբեր», Հիմներ և Մանկական երգեր, հմր. 6։

Երբ կարդաք Ծնունդ 50.24–25 և Ջոզեֆ Սմիթի Թարգմանություն, Ծնունդ 50.24–38 հատվածները (Աստվածաշնչի հավելվածում), խորհեք, թե ինչու էր Հովսեփի համար կարևոր շատ դարեր առաջ իմանալ Մովսեսի և Ջոզեֆ Սմիթի մասին: Ինչպե՞ս Ջոզեֆ Սմիթը կատարեց Հովսեփի մարգարեություններն իր մասին (տես Վարդապետություն և Ուխտեր 1․17–23, 20․7–12, 39․11, 135․3):

• Ձեր երեխաների համար կարող է հետաքրքիր լինել դերախաղով ներկայացնել Ջոզեֆի՝ իր ընտանիքի հետ վերամիավորելու պատմությունը (տես Ծնունդ 42–44): Նրանք նաև կարող են օգտագործել «Հովսեփը և սովը» նյութը (Հին Կտակարանի պատմություններում, 57–60) կամ այս նյութի նկարները՝ պատմությունը միմյանց ուսուցանելու համար: Ահա մի քանի հարցեր, որոնք կարող են օգնել ձեր երեխաներին սովորել այս պատմությունից.

  • Ի՞նչ արեց Հովսեփը՝ իր ընտանիքի հանդեպ սեր ցուցաբերելու համար (տես Ծնունդ 45․4–15)։

  • Ձեր կարծիքով, ինչո՞ւ Հովսեփը ներեց իր եղբայրներին:

  • Ի՞նչ եք կարծում, ի՞նչ զգացին Հովսեփի եղբայրները, երբ իմացան, որ Հովսեփը ներել է իրենց: Ո՞ւմ է անհրաժեշտ ներել ձեր կյանքում։ Ինչպե՞ս կարող եք ցուցաբերել սեր և ներողամտություն։

  

  2:26

• Դուք կամ ձեր երեխաները կարող են կիսվել փորձառությամբ, երբ իրենք ներել են որևէ մեկին կամ երբ որևէ մեկը ներել է իրենց: Այնուհետև կարող եք երգել նման մի երգ․ «Love One Another» (Children’s Songbook, 136) կամ «Help Me, Dear Father» (Children’s Songbook, 99):

• Դուք և ձեր երեխաները կարող եք նայել այս նյութի վերջում տրված նկարը, որում Հակոբը օրհնում է իր որդիներին, և քննարկել, թե ինչ է տեղի ունենում (տես Ծնունդ 48․8–9): Եթե կարիք լինի, բացատրեք, որ Հակոբը՝ Հովսեփի հայրը, ցանկանում էր քահանայության օրհնություններ տալ իր ընտանիքին: Կարող եք կիսվել միմյանց հետ ցանկացած փորձառությամբ, որը դուք ունեցել եք Աստծուց օգնություն ստանալով՝ քահանայության օրհնության միջոցով: Ի՞նչ պատճառներով մենք կարող ենք խնդրել քահանայության օրհնություն:

• Ինչպե՞ս կարող եք օգնել ձեր երեխաներին տեսնել Փրկչին այն պատմության մեջ, երբ Հովսեփը փրկեց իր ընտանիքը սովից: Կարող եք կազմել աղյուսակ երկու սյունակներով՝ վերնագրված Հովսեփ և Հիսուս Քրիստոս։ Օգնեք երեխաներին փնտրել հետևյալ սուրբգրային զույգերը և աղյուսակում գրել այն ընդհանուր բաները, որոնք Հովսեփն ու Հիսուսը ունեն. Ծնունդ 37.3 և Մատթեոս 3.17, Ծնունդ 37.26–28 և Մատթեոս 26.14–16, Ծնունդ 45.5–7 և Ղուկաս 4.18, և Ծնունդ 47.12 և Հովհաննես 6.35:

• Հարցրեք երեխաներին, թե ինչ է նշանակում փրկել կամ պահպանել ինչ-որ մեկին: Եթե նրանցից որևէ մեկը վտանգից փրկվելու փորձառություն է ունեցել, հրավիրեք նրան կիսվել դրանով: Հովսեփն ինչպե՞ս փրկեց իր եղբայրներին (տես Ծնունդ 42.1–3, 45.5–7): Ապա կարող եք միասին նայել Փրկչի նկարին և առաջարկել ձեր երեխաներին խոսել այն մասին, թե ինչպես է Հիսուսը փրկում մեզ: