Ծնունդ 37–41

Կրկին ու կրկին, թվում էր, հաջողությունը լքում էր Հովսեփին, բայց Տերը՝ երբեք: Երբ կարդաք Հովսեփի պատմությունը, խորհեք այսպիսի հարցերի շուրջ. Ի՞նչ արեց Հովսեփը Տիրոջը մոտ մնալու համար: Ինչպե՞ս էր Տերը «նրա հետ» (տես Ծնունդ 39, 40․1–19, 41․9–45)։ Ի՞նչ եք սովորում Ջոզեֆի պատմությունից, որը կարող է օգնել ձեզ ճանաչել Տիրոջ ներկայությունը ձեր կյանքում:

Դուք կարող եք նաև նմանատիպ հարցեր տալ ձեր կյանքի մասին: Ի՞նչ ապացույց եք տեսել, որ Տերը չի լքել ձեզ փորձության ժամանակ: Մտածեք, թե ինչպես կարող եք ձեր փորձառություններով կիսվել ընտանիքի անդամների և ապագա սերունդների հետ (տես 1 Նեփի 5.14):

Իհարկե, ապագայում ձեզ այլ փորձություններ են սպասվում։ Ի՞նչ կարող եք անել հիմա՝ համոզված լինելու համար, որ այդ փորձությունները ձեզ չեն հեռացնի Տիրոջից: Կարող եք նամակ գրել՝ խրախուսելով ինքներդ ձեզ ապագայում մոտ մնալ Նրան, անկախ ամեն ինչից: Կարող եք ներառել գաղափարներ Հովսեփի կյանքից կամ երեց Դ. Թոդ Քրիստոֆերսոնի «Մեր հարաբերությունը Աստծո հետ» ուղերձից, (Լիահոնա, մայիս 2022, 78–81)։

Տես նաև Հովհաննես 14․18, Հռոմեացիներին 8․28, Ալմա 36․3, Վարդապետություն և Ուխտեր 121․7–8, «Abide with Me!», Հիմներ, հմր. 166։

Հովսեփը երազների միջոցով Տիրոջ պատգամները հասկանալու շնորհ ուներ: Ի՞նչ կարող եք սովորել Ծնունդ 37.5–11, 40.5–8, 41.14–25, 37–38-ից Տիրոջից հայտնություն ստանալու և հասկանալու մասին: Օրինակ՝ ի՞նչ կարող եք սովորել Հովսեփի օրինակից, երբ հայտնությունը թվում է դժվար հասկանալի (տես Ծնունդ 40.8, 41.16):

Խորհեք, թե ինչպես է Տերը հայտնում Իր կամքը ձեզ: Ի՞նչ եք անում, որ գործեք, հիմնվելով այն հայտնության վրա, որը Նա տվել է ձեզ: Ինչպե՞ս եք ձգտում լրացուցիչ առաջնորդություն ստանալ Նրանից»:

Եթե Հովսեփը խորհուրդ տալու լիներ, թե ինչպես դիմակայել սեռական մեղք գործելու գայթակղությանը, ձեր կարծիքով, ի՞նչ կասեր նա: Մտածեք այդ մասին, երբ կարդաք նրա փորձառության մասին Ծնունդ 39 բաժնում: Օրինակ՝ մտածեք, թե Հովսեփն ինչպես կարող էր պատասխանել հետևյալ մտահոգություններին.

• Եթե ուրիշ ոչ ոք չգիտի, թե ես ինչ եմ անում, ինչո՞ւ է դա մեծ խնդիր (տես հատվածներ 8–9):

• Ես փորձում եմ դիմակայել, բայց գայթակղությունը, կարծես, չի դադարում (տես հատված 10):

• Ի՞նչ պետք է անեմ, եթե հայտնվեմ այնպիսի իրավիճակում, երբ գայթակղությունն ուժեղ է (տես հատված 12):

Ինչպե՞ս կբացատրեք, թե ինչու է մաքրաբարոյության օրենքին հնազանդվելը կարևոր (տես Երիտասարդներին զորացնելու համար. ուղեցույց ընտրություն կատարելու համար, 23–28):

Հովսեփի օրինակը, իհարկե, կարող է կիրառվել այլ տեսակի գայթակղությունների համար: Հիշելով Հովսեփի փորձառությունը, մի ծրագիր կազմեք՝ գայթակղությունից խուսափելու և դրան դիմակայելու համար։ Օրինակ՝ դուք կարող եք մտածել մի գայթակղության մասին և գրել իրավիճակներ, որոնցից պետք է խուսափել, ինչպես նաև գրել, թե ինչպես եք «փախչելու», երբ այդ գայթակղությունն առաջանա:

Ահա մի քանի այլ սուրբ գրություն, որոնք կարող են օգտակար լինել ձեր ծրագրի համար: Ի՞նչ եք դուք սովորում յուրաքանչյուր սուրբ գրությունից այն մասին, թե Փրկիչն ինչպես կարող է օգնել ձեզ դիմակայել գայթակղությանը: Մատթեոս 4․1–11, Ա Կորնթացիս 10.13, 1 Նեփի 15.23–24, 3 Նեփի 18.17–18:

Ձեր ծրագիրը կազմելիս կարող է նաև օգտակար լինել մտածել անցյալի դեպքերի մասին, երբ դուք հաջողությամբ խուսափել եք կամ դիմակայել եք գայթակղությանը: Ինչպե՞ս է Փրկիչն օգնել ձեզ (տես 2 Նեփի 4․18–33):

Փարավոնի երազի մեկնաբանությունը Հովսեփի կողմից տվեց իմաստուն և գործնական խորհուրդներ՝ սովից փրկվելու համար (տես Ծնունդ 41․15–57): Մտածեք, թե ինչ հոգևոր ուղերձներ ունի Տերը ձեզ համար այս պատմության մեջ: Ձեր կարծիքով, ինչպե՞ս է Նա ցանկանում է, որ դուք պատրաստվեք ձեր ապագա դժվարություններին:

Տես նաև Դեյվիդ Ա. Բեդնար, «Եվ դրանով մենք նրանց կստուգենք», Լիահոնա, նոյեմբեր 2020, 8-11։

• Ջոզեֆի ընտանիքում ծանր զգացմունքների մասին կարդալիս կարող եք քննարկում ծավալել այն մասին, թե ինչպես պետք է վերաբերվենք ընտանիքի անդամներին: Հովսեփի և նրա եղբայրների՝ Ծնունդ 37 գլխի պատմությունը պատմելու համար կարող եք օգտագործել այս նյութի նկարները կամ «Հովսեփի ոգեշնչված երազները» նյութը (Հին Կտակարանի պատմություններ, 47–51): Հնարավորություն տվեք ձեր երեխաներին կիսվել այս պատմության մասին իրենց իմացած մանրամասներով: Կարող եք առաջարկել ձեր երեխաներին պատկերացնել, որ իրենք Հովսեփի ընտանիքում են: Իրենք ի՞նչ կասեին կամ կանեին՝ ընտանիքում խաղաղարար լինելու համար։ Օրինակ՝ ի՞նչ է նշանակում «խաղաղ խոսել» մեր ընտանիքում (հատված 4): Ինչպե՞ս է Հիսուս Քրիստոսը խաղաղարար հանդիսանում Աստծո ընտանիքում։

  

  2:17

• Երբ ձեր երեխաները դժվարություններ ունենան, նրանք պետք է իմանան, որ Տերն իրենց հետ կլինի, ինչպես որ Հովսեփի հետ էր: Կարող եք օգնել ձեր երեխաներին կազմել այն ծանր բաների ցանկը, որոնք տեղի են ունեցել Հովսեփի հետ (տես Ծնունդ 37․23–28, 39․20 կամ «Հովսեփի ոգեշնչված երազները» և «Հովսեփը Եգիպտոսում» նյութերը Հին Կտակարանի պատմություններում, 47–51, 52–56)։ Առաջարկեք երեխաներին կրկնել. «Տերը Հովսեփի հետ էր» (Ծնունդ 39․2) յուրաքանչյուր դժվարությունից հետո, որը իրենք գտնում են։

  

  2:17

  

  2:50

• Ծնունդ 39.1–3, 20–23 հատվածներում երեխաները կարող են գտնել «Տերը Հովսեփի հետ էր» և նմանատիպ արտահայտությունների օգտագործման յուրաքանչյուր դեպք։ Հնարավորություն տվեք նրանց կիսվելու, թե իրենց կարծիքով, ինչ է նշանակում այս արտահայտությունը: Ինչպե՞ս գիտենք, որ Տերը մեզ հետ է: Պատմեք միմյանց այն մասին, թե ինչպես եք դժվարությունների ժամանակ զգացել, որ Աստված ձեզ հետ է։

• Ահա մի առարկայական դաս, որը կարող է օգնել ձեր երեխաներին հետևել Հովսեփի օրինակին, երբ նա փախավ Պետափրեսի կնոջից։ Օգտագործեք երկու մագնիս՝ Հիսուս Քրիստոսին և սատանային ներկայացնելու համար: Մեզ ներկայացնելու համար օգտագործեք փոքր մետաղական առարկա, օրինակ՝ թղթի սեղմակ: Ապա երեխաներին ցուցադրեք, թե ինչպես է մագնիսի ազդեցությունը մետաղական առարկայի վրա ուժեղանում, երբ առարկան մոտեցնում ենք մագնիսին: Ինչպե՞ս է Հակոբի փորձառությունը Ծնունդ 39․7–12 հատվածներում ցույց տալիս այս ճշմարտությունը: Ի՞նչ կարող ենք անել, որպեսզի հեռանանք մեղքից և ավելի մոտենանք Հիսուսին: Այս քննարկման ժամանակ օգտակար կլինի «Temptation Fades as We Seek Christ in Every Thought» տեսանյութը (Gospel Library) և «I Need Thee Every Hour» երգը (Հիմներ, հմր. 98)։

  

  2:58

  Օգտագործեք երաժշտություն: «Օրհներգերն ու մյուս հոգևոր երգերը կօգնեն երեխաներին զգալ Աստծո սերն ու Հոգին և սովորել ավետարանի ճշմարտությունները: Մեղեդիները, ռիթմերը և պարզ հանգերը կօգնեն երեխաներին հիշել ավետարանի ճշմարտությունները գալիք տարիների ընթացքում: Երգելով երեխաների հետ՝ օգնեք նրանց բացահայտել ու հասկանալ երգերում ուսուցանվող սկզբունքները» (Ուսուցանել Փրկչի ձևով, 32)։

• Օգնեք ձեր երեխաներին մտածել գայթակղությունների մասին, որոնց իրենք կարող են բախվել: Առաջարկեք նրանց դերախաղով ներկայացնել, թե ինչպես կարող են «փախչել» այդ գայթակղություններից: