Gẹ́nẹ́sísì 37–41

Ní àkokò àti lẹ́ẹ̀kansi, orí rere dàbíi pé ó tì pà Jósẹ́fù tì, ṣùgbọ́n Olúwa kò ṣeé rárá. Bí ẹ ti nka ìtàn ti Jósẹ́fù, ẹ jíròrò àwọn ìbèèrè bí irú ìwọ̀nyí: Kínni Jósẹ́fù ṣe láti dúró súnmọ́ Olúwa? Báwo ni Olúwa ṣe “wà pẹ̀lú rẹ̀”? (wo Gẹnẹ́sísì 39; 40:1–19; 41:9–45). Kínni ẹ kọ́ láti inú ìtàn Jósẹ́fù tí ó lè ràn yín lọ́wọ́ láti dá wíwà lọ́dọ̀ Olúwa mọ̀ nínú ayé yín?

Bákannáà ẹ lè bèèrè irú àwọn ìbèèrè kannáà nípa ìgbesí ayé yín. Kínni ẹ̀rí tí ẹ ti rí pé Olúwa kò kọ̀ yín sílẹ̀ ní àwọn ìgbà àdánwò? E gbèrò bí ẹ ti lè pín àwọn ìrírí yín pẹ̀lú àwọn ọmọ ẹbí àti àwọn ìran ọjọ́ ọ̀là (wo 1 Néfì 5:14).

Bẹ́ẹ̀ni, ẹ ó ní àwọn àdánwò míràn ní ọjọ́ ọ̀là. Kínni ẹ lè ṣe nísisìyí láti ṣèrànwọ́ láti ri dájú pé àwọn àdánwò wọ̀nyí kò fà yín kúrò lọ́dọ̀ Olúwa? Ẹ gbèrò kíkọ́ lẹ́tà kan láti gba ọjọ́ ọ̀là ti ara yín níyànjú láti dúró súnmọ́ Ọ bí ó ti wù kí ó rí. Ẹ lè fi àwọn ìwòye láti inú ìgbésí ayé Jósẹ́fù tàbí ọ̀rọ̀ Alàgbà D. Todd Christofferson si pẹ̀lú “Ìbáṣepọ̀ Wa pẹ̀lú Ọlọ́run” (Làìhónà, Oṣù Karun 2022, 78–81).

Bákannáà ẹ wo Jòhánnù 14:18; Àwọn Ará Rómù 8:28; Álmà 36:3; Ẹ̀kọ́ àti àwọn Májẹ̀mú 121:7–8; “Gbé pẹ̀lú Mi!,” Àwọn Orin, nọ́mbà 166.

Jósẹ́fù ní ẹ̀bùn kan fún níní òyè àwọn ọ̀rọ̀ láti ọ̀dọ̀ Olúwa nípasẹ̀ àwọn àlá. Kínni ẹ lè kọ́ láti inú Gẹ́nẹ́sísì 37:5–11; 40:5–8; 41:14–25, 37–3 nípa gbígbà àti níní òye ìfihàn láti ọ̀dọ̀ Olúwa? Fún àpẹrẹ, kínni ẹ lè kọ́ láti inú àpẹrẹ Jósẹ́fù nígbàtí ìfìhàn dàbí pé ó ṣòro láti ní òye? (ẹ wo Gẹnẹ́sísì 40:8; 41:16).

Ẹ jíròrò bí Olúwa ti nfi ìfẹ́ Rẹ̀ hàn síi yín. Kínni ẹ̀ nṣe láti ṣe ìṣe lórí ìfihàn tí Ó ti fi fún yín? Báwo ni ẹ ṣe nwá àfikún ìtọ́nisọ́nà láti ọ̀dọ̀ Rẹ̀?’

Bí Jósẹ́fù bá níláti fúnni ní ìmọ̀ràn lórí bí a ṣe lè kojú ìdánwò láti dá ẹ̀ṣẹ̀ ìbálòpọ̀, kínni ẹ rò pé òun yíò wí? Ẹ ronú nípa èyí bí ẹ ti nkà nípa ìrírí rẹ̀ nínú Gẹ́nẹ́sísì 39. Fún àpẹrẹ, ẹ yẹ bí Jósẹ́fù ti lè fèsì sí àwọn àníyàn bíi ìwọ̀nyí wò:

• Bí ẹnìkẹ́ni míràn bá mọ ohun tí èmi nṣe, kínni èrò nlá náà? (wo àwọn ẹsẹ 8–9).

• Mo gbìyànjú láti kojú, ṣùgbọ́n kò dàbí ẹnipé ìdánwò náà fẹ́ dúró (wo ẹsẹ 10).

• Kínni kí nṣe nígbàtí èmì bá wà nínú ipò níbití ìdánwò ti le? (wo ẹsẹ 12).

Báwo ni ẹ ó ti ṣàlàyé ìdí tí gbígbọ́ran sí òfin ìparaẹnimọ́ fi jẹ́ pàtàkì? (ẹ wo Fún Okun àwọn Ọ̀dọ́: Atọ́nà kan fún Ṣíṣe àwọn Yíyàn, 23–28).

Bẹ́ẹ̀ni, àpẹrẹ Jósẹ́fù, lè wúlò sí àwọn irú ìdánwò míràn. Pẹ̀lú ìrírí Jósẹ́fù ní iyè-inú , ẹ yẹ ṣíṣe ètò kan fún yíyẹra àti kíkojú ìdánwò wò. Fún àpẹrẹ, ẹ lè ronú nípa ìdánwò kan kí ẹ sì kọ àwọn ipò láti yẹra fun sílẹ̀ àti bí ẹ ó ti “sá” nígbàtí ìdánwò bá dìde.

Ní ìhín ni àwọn ìwé mímọ́ míràn tí ó lè sọ̀rọ̀ ètò yín. Kínni ẹ kọ́ látinú ọ̀kọ̀ọ̀kan nípa bí Olùgbàlà ti lè ràn yín lọ́wọ́ láti kojú ìdánwò? Máttéù 4:1–11; 1 Àwọn Kọ́ríntì 10:13; 1 Néfì 15:23–24; 3 Néfì 18:17–18.

Bí ẹ ti nṣe ètò yín, ó lè ràn yín lọ́wọ́ bákannáà láti ronú nípa àwọn àkokò ní àtẹ̀hìnwá nígbàtí ẹ fi yíyege yẹra tàbí kojú ìdánwò. Báwo ni Olùgbàlà ti ràn yín lọ́wọ́? (wo 2 Néfì 4:18–33).

Jósẹ́fù nípa rírọ́ àlá Fáráò darí sí àwọn ìmọ̀ràn ọlọgbọ́n gidi àti ti àfojúrí fún yíyè ìyàn kan (wo Gẹnẹ́sísì 41:15–57). Ẹ yẹ irú àwọn ọ̀rọ̀ ti ẹ̀mí tí Olúwa lè ti fún yín nínú àkọsílẹ̀ yí wò. Báwo ni ẹ ṣe ní ìmọ̀lára pé Ó nfẹ́ kí ẹ múrasílẹ̀ fún àwọn ìnira ní ọjọ́ ọ̀la yín?

Bákannáà wo David A. Bednar, “A Yíò Dán Wọn Wò Ní Ìhín,” Làìhónà, Nov. 2020, 8–11.

• Kíkà nípa àwọn ìmọ̀lára líle nínú ẹbí Jósẹ́fù lè mú ìbáraẹnisọ̀rọ̀ kan wáyé nípa bí a ṣe nílàti tọ́jú àwọn ọmọ ẹbí. Láti sọ ìtàn Jósẹ́fù àti àwọn arákùnrin rẹ̀ láti inú Gẹ́nẹ́sísì 37, ẹ lè lo àwọn àwòrán nínú ìlànà yí tàbí nínú “Àwọn Àlá Oníìmísí ti Jósẹ́fù” (nínú Àwọn Ìtàn Májẹ̀mú Láéláé, 47–51). Ẹ jẹ́ kí àwọn ọmọ yín pín àwọn àlàyé tí wọ́n mọ̀ nípa ìtàn náà. Ẹ lè bèèrè lọ́wọ́ àwọn ọmọdé láti rò pé wọ́n wà nínú ẹbí ti Jósẹ́fù. Kínni wọn ìbá ti sọ tàbí ṣe láti jẹ́ onílàjà kan nínú ẹbí náà? Fún àpẹrẹ, kínni ó túmọ̀ sí láti “sọ̀rọ̀ ní àlàáfíà” nínú ẹbí wa? (ẹsẹ 4). Báwo ni Jésù Krístì ti jẹ́ onílàjà nínú ẹbí Ọlọ́run?

  

  2:17

• Nígbàtí àwọn ọmọ yín bá dojúkọ àwọn àkokò ìnira, wọ́n nílò láti mọ̀ pé Olúwa yíò wà pẹ̀lú wọn, bí Òun ti wà pẹ̀lú Jósẹ́fù. Bóyá ẹ lè ran àwọn ọmọ yín lọ́wọ́ láti ṣe ìtòsílẹ̀ kan nípa àwọn ohun tí ó ṣẹlẹ̀ sí Jósẹ́fù (wo Gẹnẹ́sísì 37:23–28; 39:20; tàbí “Àwọn Àlá Oníìmísí ti Jósẹ́fù” àti “Jósẹ́fù ní Egypítì,” nínú Àwọn Ìtàn Májẹ̀mú Láéláé, 47–51, 52–56). Lẹ́hìn ìnira kọ̀ọ̀kan tí wọ́n rí, ẹ pe àwọn ọmọdé láti tún, “Olúwa wà pẹ̀lú Jósẹ́fù” (Gẹ́nẹ́sísì 39:2).

  

  2:17

  

  2:50

• Bóyá àwọn ọmọ yín lè ṣe ìwákiri Gẹ́nẹ́sísì 39:1–3, 20–23 fún gbogbo àpẹrẹ ti gbólóhùn ọ̀rọ̀ “Olúwa wà pẹ̀lú Jósẹ́fù” àti àwọn gbolóhùn ọ̀rọ irú kannáà. Ẹ jẹ́ kí wọ́n pín ohun tí wọ́n rò pé gbólóhùn ọ̀rọ̀ yí túmọ̀ sí. Ṣùgbọ́n nísisìyí, ìwọ ríi pé Olúwa wà pẹ̀lú wa? Ẹ sọ fún ara yín nípa bí ẹ ti ní ìmọ̀lára pé Ọlọ́run wà pẹ̀lú yín ní ìgbà pípeni-níjà kan.

• Ní ìhín ni kókó ẹ̀kọ́ tí ó lè ran àwọn ọmọ yín lọ́wọ́ láti tẹ̀lé àpẹrẹ Jósẹ́fù ti sísá kúrò fún ìyàwó Pótífà: Ẹ lo àwọn òòfà yín láti rọ́pò Jésù Krístì àti Sátánì. Lo irin kékeré kan, bíi àpamọ́ bébà kan, láti rọ́pò wa. Nígbànáà ẹ jẹ́ kí àwọn ọmọ yín wò bí ipa òòfà kan lórí irin náà ti lágbára jù nígbàtí wọ́n bá yí nkan náà súnmọ́ ọ si. Báwo ni ìrírí Jósẹ́fù nínú Gẹ́nẹ́sísì 39:7–12 ṣe júwe òtítọ́ yí? Kínni a lè ṣe láti yí kúrò nínú ẹ̀ṣẹ̀ kí a sì súnmọ́ Jésù? Fídíò náà “Ìdánwò Nṣá bí A ti Nwá Krístì nínú Gbogbo Èrò” (Ibi-ìkàwé Ìhìnrere) àti orin kan bíiti “Mo Nílò Yín Ní Gbogbo Wákàtí” (Àwọn Orin, nọ́mbà 98) lè ṣèrànwọ́ pẹ̀lú isọ̀rọ̀ yí.

  

  2:58

  Lo Orin “Àwọn orin àti àwọn orin ìyìn mímọ́ míràn lè ran àwọn ọmọ lọ́wọ́ láti ní ìmọ̀lára ìfẹ́ ti Ọlọ́run, ní ìmọ̀làra Ẹ̀mí, àti kíkọ́ àwọn o`títọ́ ìhìnrere. Àwọn orin aládùn, ìró, àti àwọn orin jẹ́jẹ́ lè ran àwọn ọmọdé lọ́wọ́ láti rántí àwọn òtítọ́ ìhìnrere fún àwọn ọdún tó nbọ̀. Bí ẹ ti nkọrin pẹ̀lú àwọn ọmọdé, ẹ ràn wọ́n lọ́wọ́ láti ṣe àwárí àti láti ní òye àwọn ẹ̀kọ́ ìpìlẹ̀ tí a kọ́ni nínú àwọn orin” (Kíkọ́ni ní Ọ̀nà ti Olùgbàlà,32).

• Ẹ ran àwọn ọmọdé lọ́wọ́ láti ronú nípa àwọn ìdánwò tí wọ́n lè máa dojúkọ E jẹ́ kí wọ́n ṣe ojúṣe-eré bí wọ́n ti lè “sá” kúrò nínú àwọn ìdánwò wọ̀nyí.