Gẹ́nẹ́sísì 24–33

Nígbàtí ẹ bá nka Gẹ́nẹ́sísì 24, ẹ bèèrè lọ́wọ́ arayín ìdí tí Ábráhámù fi yẹ ìgbeyàwó ọmọ rẹ̀ wò láti jẹ́ pàtàkì gan. Kínni ìdí tí ìgbeyàwó fi jẹ́ pàtàkì sí Ọlọ́run?

Kínni àwọn ìwà tí ẹ rí nínú Rèbékà tí yíò dásí ìgbeyàwó àti ẹbí alágbára? (Nípàtàkì wo àwọn ẹsẹ 15–28, 57–61).

Wo Àwọn Àkọlé àti Àwọn Ìbèèrè, “Ìgbeyàwó,” Ibi-ìkàwé Ìhìnrere.

Nínú àṣà Ísáákì àti Rèbékà, ọmọ àgbà ó gba ogún-ìbí, èyí tí o´ túmọ̀sí ogún títóbijù, ní ẹ̀gbẹ́ pẹ̀lú àwọn ojúṣe títóbijù fún ṣíṣe ìtọ́jú fún ẹbí náà. Bí ẹ ti nka Gẹ́nẹ́sísì 25:29–34, ẹ jíròrò ìdí tí Ésàù fi lè ti ní ìfẹ́ láti fi ogún-ìbí rẹ̀ sílẹ̀ fún oúnjẹ kan. Kínni àwọn ẹ̀kọ́ tí ẹ rí fún arayin nínú àkọsílẹ̀ yí? Ó lè ràn yín lọ́wọ́ láti ṣe ìtòsílẹ̀ méjì: (1) àwọn ìbùkún ayérayé tí Ọlọ́run nfẹ́ láti fún yín àti (2) àwọn ohun ti ayé tí ó lè dà yín láàmú. Nígbànáà ẹ lè ka ẹsẹ ọ̀rọ̀ náà, kí ẹ rọ́pò “ogún-ìbí” pẹ̀lú ohunkan látinú ìtòsílẹ̀ àkọ́kọ́ àti “àṣáró” pẹ̀lú ohunkan látinú ìkejì. Báwo ni ẹ ṣe lè kọjúsí Olùgbàlà àti àwọn ìbùkún ayérayé ti ìhìnrere Rẹ̀?

Bákannáà wo Máttéù 6:19–33; M. Russell Ballard, “Ẹ Rántí Ohun Tó Ṣe Dandan Jùlọ,” Làìhónà, Oṣù Karun 2023, 105–7.

Nígbàtí ó nsùn lórí ìrọ̀rí ti àwọn òkúta, Jákọ́bù lá àlá ìgbésí ayé-ìyípada. Ó jẹ́ irú ìrírí mímọ́ tí Jákọ́bù sọ orúkọ ibi náà ní Bẹ́tẹ́lì, tàbí “ilé Olúwa,” ní kíkéde, “Dájúdájú Olúwa wà ní ibí yi” (Gẹ́nẹ́sísì 28:16).

Bí ẹ ti nka Gẹ́nẹ́sísì 28, ẹ lè bèèrè lọ́wọ́ arayín ohun tí ó mú èyí jẹ́ ìrírí tí ó jẹ́ mímọ́ gan sí Jákọ́bù. Kínni ó nlà kọjá ní àkokò náà? Báwo ni ó ṣe lè ti ní ìmọ̀lára sí? Ẹ lè wá àwọn ọ̀rọ̀ àti gbólóhùn bákannáà nínú àwọn ẹsẹ 10–22 tí ó rán yín létí nípa ilé Olúwa. Kínni àwọn ìwọnilọ́kàn tí ẹ gbà nípa Ọlọ́run, ilé Rẹ̀, àti àwọn májẹ̀mú Rẹ̀?

Ní òpin ti ìlànà yí ni àwòrán kan tí ó fi àlá Jákọ́bù hàn; ẹ lè tọ́kasí i bí ẹ ti nkà á. Bí ẹ bá níláti dá ìfìhàn àtinúdá ti ara yín sílẹ̀ nípa àlá rẹ̀, kínni ohun tí ẹ yíò ṣe? Kínni àwọn òtítọ́ láti inú ìtàn náà tí ẹ yíò gbìyànjú láti fihàn?

Orin ìsìn “Sísúnmọ́, Ọlọ́run Mi, síi Sí Ọ” (Àwọn Orin Ìsìn, nọ́mbà 100) ni ó dá lé ìrírí Jákọ́bù. Kini àwọn ìsopọ̀ tí ẹ rí ní àárín orin yí àti Gẹ́nẹ́sísì 28:10–22? Báwo ni tẹ́mpìlì ṣe nràn yín lọ́wọ́ láti ní ìmọ̀ sísúnmọ́ Ọlọ́run síi? Ẹ yẹ wíwá àwọn ìdáhùn sí ìbèèrè ọrọ̀ Ààrẹ Russell M. Nelson yí wò “Tẹ́mpìlì àti Ìpilẹ̀sẹ̀ Ti Ẹ̀mí Yín” (Làìhónà, Oṣù Kọkànlá. 2021, 93–96). Bákannáà ẹ lè ṣe àtúnwò àwọn májẹ̀mú àti ìbùkún ti ile Olúwa nínú Ìwé-ìléwọ́ Gbogbogbò, 27.2 (Ibi-ìkàwé Ìhìnrere). Báwo ni pípa àwọn májẹ̀mú wọ̀nyí mọ́ ṣe nmú agbára Ọlọ́run wá sínú ayé yín?

Bí ẹ ti nka Gẹ́nẹ́sísì 29:31–35 àti 30:1–24, ẹ wá àwọn ọ̀rọ̀ tí ó ṣe àpèjúwe àánú Ọlọ́run sí Rákẹ́lì àti Léàh. Ẹ jíròrò bí Ọlọ́run ti “wo ìpọ́njú [yín]” tí ó sì “rántí” yín (Gẹ́nẹ́sísì 29:32; 30:22).

Bí Jákọ́bù ṣe padà sí Kenáánì, ó “bẹ̀rù ó sì ní ìrẹ̀wẹ̀sì gidigidi” nípa bí arákùnrin rẹ̀, Ésàù, yíò ti gbà á (Gẹ́nẹ́sísì 32:7). Bí ẹ ti nka Gẹ́nẹ́sísì 32–33, ẹ jíròrò àwọn ìbáṣepọ̀ ti ẹbí arayín—bóyá nípàtàkì wọ́n jẹ́ ọ̀kan tí ó nílò ìwòsàn. Bóyá ìtàn yí lè mísí yín láti nawọ́ jáde sí ẹnìkan. Àwọn ìbèèrè bíiti ìwọ̀nyí lè ṣe atọ́nà yín ní kíka:

• Báwo ni Jákọ́bù ṣe múrasílẹ̀ sí pípàdé Ésàù?

• Kínni ó jáde sí yín gbọ̀ngbọ̀n nípa àdúrà Jákọ́bù tí a rí nínú Gẹ́nẹ́sísì 32:9–12?

• Kínni ẹ kọ́ nípa ìdáríjì látinú àpẹrẹ Ésàù?

• Báwo ni Olùgbàlà ṣe lè ràn wá lọ́wọ́ láti wo àwọn ìbáṣepọ̀ ẹbí sàn?

• Láti fi àpẹrẹ inúrere wíwọnilọ́kàn ti Rèbékà hàn, ẹ lè fi àwòrán ìsàlẹ̀ han àwọn ọmọ yín tàbí ojú-ewé iṣẹ́ ṣíṣe ọ̀sẹ̀ yí bí ẹ ti nṣe àkópọ̀ ìtàn náà nínú Gẹ́nẹ́sísì 24:10–21. Àwọn ọmọ yín lè gbádùn ṣíṣe eré ìtàn náà jáde. Èyí lè darí sí ìbárasọ̀rọ̀ nípa àwọn ìṣe inúrere tí ẹ̀yin àti àwọn ọmọ yín ti rí.

• Ẹ gbèrò kíkọ orin kan papọ̀ nípa inúrere, bi irú “Inúrere Bẹ̀rẹ pẹ̀lú Mi” (Ìwé-orin àwọn Ọmọdé, 145). Àwọn ọmọ lè fetísílẹ̀ fún ọ̀rọ̀ náà “inúrere” (tàbí ọ̀rọ̀ irú kannáà) kí wọ́n sì dúró nígbàtí wọ́n bá gbọ́ ọ. Báwo ni a ṣe lè jẹ́ onínúrere bíiti Rèbékà?

• Ẹ yẹ lílo “Jákọ́bù àti Ésàù wò” (nínú Àwọn Ìtàn Májẹ̀mú Láéláé, 38–41) láti ràn àwọn ọmọ yín lọ́wọ́ láti ní òye ìtàn náà nínú Gẹ́nẹ́sísì 25:21–34. Bóyá àwọn ọmọ yín lè ròó pé Ésàù bèèrè fún ìmọ̀ràn nípa bóyá kí ó ṣe títa ogún-ìbí rẹ̀ fún àṣáró. Kínni wọn ò sọ fún un?

  

  2:5

• Kínni àwọn ohun tí ó pọndandan níti ayérayé síi yín àti àwọn ọmọ yín? Bóyá àwọn ọmọ yín lè rí àwọn àwòrán tàbí nkan tí ó rọ́pò àwọn ohun wọ̀nyí. Báwo ni a ṣe lè fihan Olúwa pé àwọn ohun wọ̀nyí jẹ́ pàtàkì sí wa?

• Bí ẹ ti nka Gẹ́nẹ́sísì 28:10–22 papọ̀, ẹ lè lò àkàbà kan tàbí àtẹ̀gùn (tàbí àwòrán kan bíiti ọ̀kan ní òpin ìlànà yí) láti sọ̀rọ̀ nípa bí àwọn májẹ̀mú wa ṣe dàbí àkàbà kan. Bóyá àwọn ọmọ yín lè díbọ́n láti gun àkàbà kan, àti pẹ̀lú ìgbésẹ̀ kọ̀ọ̀kan, sọ̀rọ̀ nípa àwọn àkokò nígbàtí a ṣe`lérí láti gbọ́ran sí Ọlọ́run, bí irú ìgbàtí a ṣe ìribọmi, jẹ́ oúnjẹ Olúwa, tàbí lọ sí tẹ́mpìlì. Báwo ni àwọn májẹ̀mú wa ṣe nmú wa súnmọ́ Ọlọ́run síi?

• Láti fi àwọn ẹsẹ wọ̀nyí hàn, ẹ lè ṣe àlàyé pé lẹ́hìn ọ̀pọ̀lọpọ̀ ọdún ti ìmọ̀lára líle, Jákọ́bù nlọ láti pàdé Ésàù lẹ́ẹ̀kansi. Ẹ ṣe kíka papọ̀ Gẹ́nẹ́sísì 32:6–11. Báwo ni Jákọ́bù ṣe nímọ̀lára sí? Kínni ó ṣe láti gba ìrànlọ́wọ́? Ẹ ka Gẹ́nẹ́sísì 33:1–4 ṣe àwárí bí Olúwa ti dáhùn àdúrà Jákọ́bù. Bí Jákọ́bù àti Ésàù bá lè sọ̀rọ̀ sí wa ní òní, kínni ohun tí wọn yíò sọ láti ràn wá lọ́wọ́ nígbàtí ìjà bá wà nínú ẹbí wa?