Gyenesis 37–41

Mpɛn pii no, na ayɛ sɛ deɛ nnepa apo Yosef, nanso Awurade anyɛ saa da. Berɛ a wokenkan Yosef abasɛm no, dwene nsɛmmisa te sɛ yeinom ho: Deɛn na Yosef yɛeɛ de bɛnn Awurade? Sɛn na na Awurade “ka ne ho”? (hwɛ Gyenesis 39; 40:1–19; 41:9–45). Deɛn na wosua firi Yosef abasɛm no mu a ɛbɛtumi aboa ma woahunu sɛ Awurade wɔ w’abrabɔ mu?

Wo nso wobɛtumi abisa nsɛm a ɛte saa ara afa w’abrabɔ ho. Adanseɛ bɛn na woahunu sɛ Awurade nnyaee wo wɔ nsɔhwɛ mmerɛ mu? Dwene sɛdeɛ wobɛtumi aka wo suahunu akyerɛ abusuafoɔ ne awoɔntoatoaso a ɛbɛba daakye ho (hwɛ 1 Nephi 5:14).

Nokorɛ ne sɛ, wobɛhyia nsɔhwɛ afoforɔ daakye. Deɛn na wobɛtumi ayɛ seesei de aboa ma nsɔhwɛ yi ntwe wo mfiri Awurade ho? Dwene ho sɛ wobɛtwerɛ krataa de ahyɛ wo daakye nipasu nkuran sɛdeɛ ɔbɛkɔ so abɛn No ɛmfa ho deɛ ɛbɛsi biara. Wobɛtumi de nhumu a ɛfiri Yosef abrabɔ mu anaa Elder D. Todd Christofferson nkrasɛm “Our Relationship with God” (Liahona, Kɔtɔnimma 2022, 78–81) mu aka ho.

San hwɛ Yohane 14:18; Romafoɔ 8:28; Alma 36:3; Nkyerɛkyerɛ ne Apam 121:7–8; “Abide with Me!,” Nnwom, nɔma 166.

Na Yosef wɔ akyɛdeɛ a ɔnam daeɛ so hunu nkrasɛm a ɛfiri Awurade hɔ. Deɛn na wobɛtumi asua afiri Gyenesis 37:5–11; 40:5–8; 41:14–25, 37–38 fa adiyisɛm a yɛnya na yɛte aseɛ firi Awurade hɔ ho? Sɛ nhwɛsoɔ no, deɛn na wobɛtumi asua afiri Yosef nhwɛsoɔ no mu berɛ a ayɛ sɛ ɛyɛ den sɛ wobɛte adiyisɛm ase no? (hwɛ Gyenesis 40:8; 41:16).

Dwennwene sɛdeɛ Awurade reda Ne pɛ adi akyerɛ wo ho. Deɛn na woreyɛ de adiyisɛm a Ɔde ama wo no ayɛ adwuma? Sɛn na worehwehwɛ akwankyerɛ foforɔ afiri Ne hɔ?’

Sɛ Yosef de afotuo rema wɔ sɛdeɛ wobɛtumi asi nsɔhwɛ a wɔde yɛ nna mu bɔne kwan a, deɛn na wodwene sɛ anka ɔbɛka? Dwene yei ho berɛ a wokenkan ne suahunu wɔ Gyenesis 39. Sɛ nhwɛsoɔ no, dwene deɛ Yosef bɛtumi ayɛ wɔ ɔhaw ahoroɔ a ɛtete sɛ yeinom ho:

• Sɛ obi foforɔ biara nnim deɛ mereyɛ a, deɛn na ɛhia kɛse? (hwɛ nkyekyɛmu 8–9).

• Mebɔ mmɔden sɛ mɛgyina, nanso ayɛ sɛ nsɔhwɛ no nnyae da (see nkyekyɛmu 10).

• Sɛ mewɔ tebea a nsɔhwɛ mu yɛ den mu a, deɛn na ɛwɔ sɛ meyɛ? (hwɛ nkyekyɛmu 12).

Sɛn na wobɛkyerɛkyerɛ deɛ enti a ahohyɛsoɔ mmara no sodie ho hia mu? (hwɛ De ma Mmabunu Ahoɔden: Woreyi Ɔpɛ ho Akwankyerɛ, 23–28).

Nokorɛ mu, Yosef nhwɛsoɔ no bɛtumi afa nsɔhwɛ afoforɔ ho. Gyina Yosef suahunu no so dwene ho sɛ wobɛyɛ nhyehyɛeɛ a wode bɛkwati na woako atia nsɔhwɛ. Sɛ nhwɛsoɔ no, wobɛtumi adwene nsɔhwɛ bi ho na woatwerɛ tebea ahoroɔ a ɛwɔ sɛ wokwati ne sɛdeɛ ‘wobɛdwane’ berɛ a nsɔhwɛ no aba no.

Twerɛnsɛm afoforɔ bi a ɛbɛtumi ayɛ wo nhyehyɛeɛ no nnyinasoɔ nie. Deɛn na wosua firi ebiara mu fa sɛdeɛ Agyenkwa no bɛtumi aboa wo ma woako atia nsɔhwɛ ho? Mateo 4:1–11; 1 Korintofoɔ 10:13; 1 Nephi 15:23–24; 3 Nephi 18:17–18.

Berɛ a woyɛ wo nhyehyɛeɛ no, ɛbɛtumi nso aboa sɛ wobɛdwene mmerɛ bi a atwam a wotumi kwatii anaa wokotiaa nsɔhwɛ ho. Sɛn na Agyenkwa no boaa wo? (hwɛ 2 Nephi 4:18–33).

Farao daeɛ a Yosef kyerɛkyerɛɛ mu maa wɔnyaa afotuo a nyansa wom na ɛyɛ adwuma maa wɔgyinaa ɛkɔm ano (hwɛ Gyenesis 41:15–57). Dwene honhom mu nkransɛm a Awurade bɛtumi de ama wo wɔ saa twerɛtohɔ yi mu ho. Sɛn na wote nka sɛ Ɔpɛ sɛ wosiesie wo ho ma ahokyere wɔ wo daakye mu?

San hwɛ David A. Bednar, “We Will Prove Them Herewith,” LiahonaObubuo 2020, 8–11.

• Sɛ yɛkenkan abufuo a na ɛwɔ Yosef abusua mu no a, ɛbɛtumi akanyan nkɔmmɔbɔ a ɛfa sɛdeɛ ɛwɔ sɛ yɛne abusuafoɔ tena ho. Sɛ wopɛ sɛ woka Yosef ne ne nuanom ho abasɛm firi Gyenesis 37, wobɛtumi afa mfonin ahoroɔ a ɛwɔ nhyehyɛeɛ yi mu anaa wɔ “Joseph’s Inspired Dreams” (wɔ Apam Dada mu Abasɛm, 47–51). Ma wo nkwadaa nka abasɛm no ho nkyerɛmu a wɔnim. Wobɛtumi ama wo nkwadaa adwene te sɛ deɛ na wɔwɔ Yosef abusua mu. Deɛn na anka wɔbɛka anaa wɔbɛyɛ de ayɛ apatafoɔ wɔ abusua no mu? Sɛ nhwɛsoɔ no, deɛn na ɛkyerɛ, sɛ ‘yɛbɛkasa asomdwoeɛ mu’ wɔ yɛn abusua mu? (nkyekyɛmu 4). Sɛn na Yesu Kristo yɛ ɔpatafoɔ wɔ Onyankopɔn abusua mu?

  

  2:17

• Sɛ wo nkwadaa hyia mmerɛ a ɛmu yɛ den a, ɛhia sɛ wɔhunu sɛ Awurade bɛka wɔn ho, sɛdeɛ na ɔka Yosef ho no. Ebia wobɛtumi aboa wo nkwadaa ma wɔatwerɛ nneɛma a ɛmu yɛ den a ɛtotoo Yosef no (hwɛ Gyenesis 37:23–28; 39:20; anaasɛ “Joseph’s Inspired Dreams” ne “Joseph in Egypt,” wɔ Apam Dadaa mu Abasɛm, 47–51, 52–56). Berɛ a ɛmu yɛ den biara a wɔbɛhunu akyi no, ma wɔnsan nka bio sɛ, “na Awurade ka Yosef ho” (Gyenesis 39:2).

  

  2:17

  

  2:50

• Ebia wo nkwadaa bɛtumi ahwehwɛ Gyenesis 39:1–3, 20–23 mu ahwehwɛ kasasin “na Awurade ka Yosef ho” ne kasasin ahoroɔ a ɛte saa biara. Ma wɔnka deɛ wɔdwene sɛ saa kasasin yi kyerɛ. Sɛn na yɛbɛhu sɛ Awurade ka yɛn ho? Monka sɛdeɛ motee nka sɛ Onyankopɔn ka mo ho wɔ berɛ bi a na ɛmu yɛ den mu nkyerɛ mo ho mo ho.

• Adesuadeɛ pa ara a ɛbɛtumi aboa wo nkwadaa ma wɔadi Yosef dwaneɛ firi Potifar yere nkyɛn nhwɛsoɔ akyi nie: Fa magenɛte mmienu gyina hɔ ma Yesu Kristo ne Satan. Fa dadeɛ ketewa bi, te sɛ deɛ wɔde sɔ nkrataa mu bom, gyina hɔ ma yɛn. Afei ma wo nkwadaa nhunu sɛdeɛ magenɛte no nkɛntɛnsoɔ wɔ adeɛ no so mu yɛ den berɛ a wɔde adeɛ no bɛn no no. Sɛn na Yosef ne suahunu a ɛwɔ Gyenesis 39:7–12 kyerɛkyerɛ saa nokorɛ yi mu? Deɛn na yɛbɛtumi ayɛ de atwe yɛn ho afiri bɔne ho na yɛabɛn Yesu? Sini “Temptation Fades as We Seek Christ in Every Thought” (Asɛmpa Akoraeɛ) ne dwom te sɛ “I Need Thee Every Hour” (Nnwom, nɔma 98) bɛtumi aboa nkɔmmɔbɔ yi.

  

  2:58

  Fa nnwom yɛ “Nnwom ne nnwom kronkron afoforɔ bɛtumi aboa nkwadaa ma wɔate Onyankopɔn dɔ nka, ate Honhom no nka, na wɔasua asɛmpa nokorɛ. Nnwom no, sɛdeɛ wɔahyehyɛ no, ne sɛdeɛ nsɛm no sisi so bɛtumi aboa nkwadaa ma wɔakae asɛmpa no nokorɛ wɔ mfeɛ pii a ɛbɛba. Berɛ a wo ne nkwadaa to dwom no, boa wɔn ma wɔnhunu nnyinasosɛm ahoroɔ a wɔkyerɛkyerɛ wɔ nnwom no mu na wɔnte ase” (Teaching in the Savior’s Way, 32).

• Boa wo nkwadaa ma wɔnnwene nsɔhwɛ ahoroɔ a wɔbɛtumi ahyia ho. Ma wɔnyɛ sɛdeɛ wɔbɛtumi “adwane” nsɔhwɛ ahoroɔ yi ho yɛkyerɛ.