Genesise 37–41

Gangwe le gape, lesego le ne le lebega le tlogela Josefa, mme Morena ga a ise a ke a dire jalo. Fa o ntse o bala polelo ya ga Josefa, akanya ka dipotso di ditshwana le tse: Josefa o ne a dira eng go nna gaufi le Morena? Morena o ne “a na le ene” jang? (Bona Genesise 39; 40:1–19; 41:9–45). O ithuta eng mo polelong ya ga Josefa se se ka go thusang go lemoga bo leng teng jwa Morena mo botshelong jwa gago?

Gape o ka nna wa botsa dipotso tse di ntseng jalo ka botshelo jwa gago. Ke bosupi bofe jo o bo boneng jwa gore Morena ga a go tlogela mo dinakong tsa teko? Akanyetsa ka fa o ka abelanang maitemogelo a gago le maloko a lelwapa le dikokomana tsa lobaka lo lo tlang (bona 1 Nefi 5:14).

Gone ke boammaaruri gore o tla nna le diteko tse dingwe mo lobakeng lo lo tlang. Ke eng se o ka se dirang jaanong go thusa go netefatsa gore diteko tse ga di go gogele kgakala le Morena? Akanyetsa go kwala lekwalo go rotloetsa bowena jwa isago go nna gaufi le Ene go sa re sepe gore go diragala eng. O ka nna wa akaretsa dintlha go tswa mo botshelong jwa ga Josefa kgotsa go tswa mo molaetseng wa ga Mogolwane D. Todd Christofferson “Our Relationship with God” (Liahona, May 2022, 78–81).

Bona le gone Johane 14:18; Baroma 8:28; Alema 36:3; Doctrine and Covenants 121:7–8; “Abide with Me!,” Hymns, no. 166.

Josefa o ne a na le neo ya go lemoga melaetsa e e tswang kwa Moreneng ka ditoro. O ka ithuta eng mo go Genesise 37:5–11; 40:5–8; 41:14–25, 37–38 ka ga go amogela le go tlhaloganya tshenolo go tswa go Morena? Sekai, o ka ithuta eng mo sekaong sa ga Josefa fa go lebega go le thata go tlhaloganya tshenolo? (bona Genesise 40:8; 41:16).

Akanya ka fa Morena a go senolelang thato ya Gagwe ka teng. O dira eng go tsaya kgato ka tshenolo e A go neileng yone? O batla jang kaelo e e oketsegileng mo go Ene?’

Fa Josefa a ne a ka naya kgakololo ya gore motho a ka gana jang thaelo ya go dira boleo jwa tlhakanelodikobo, o akanya gore o ne a tlaa reng? Akanya ka seno fa o ntse o bala ka maitemogelo a gagwe mo Genesise 39. Sekai, akanya ka fa Josefa a ka tsibogelang matshwenyego a a tshwanang le ano ka teng:

• Fa go se ope yo o itseng se ke se dirang, kgang e kgolo ke eng? (bona ditemana 8–9).

• Ke leka go gana, mme thaelo e lebega e sa eme (bona temana 10).

• Ke tshwanetse go dira eng fa ke le mo seemong se mo go sone thaelo e leng maatla? (Bona temana 12).

O ka tlhalosa jang gore ke eng fa go obamela molao wa boitsheko go le botlhokwa? (Bona For the Strength of Youth: A Guide for Making Choices [Ya Nonofo ya Banana: Kaelo ya go Dira Boitshenkelo], 23–28).

Sekao sa ga Josefa, jaaka go solofetswe, se ka dirisiwa mo mefuteng e mengwe ya thaelo. Ka maitemogelo a ga Josefa mo mogopolong, akanyetsa go dira thulaganyo ya go tila le go gana thaelo. Sekai, o ka akanya ka thaelo mme wa kwala ka diemo tse o tshwanetseng go di tila le ka fa o tlaa “tshabang” ka teng fa thaelo e tlhaga.

Fano go na le dikwalo tse di boitshepo tse dingwe tse di ka sedimosetsang lenaneo la gago. O ithuta eng go tswa mo go nngwe le nngwe ka ga ka fa Mmoloki a ka go thusang go ganana le thaelo? Mathaio 4:1–11; 1 Bakorintha 10:13; 1 Nefi 15:23–24; 3 Nefi 18:17–18.

Fa o ntse o dira lenaneo la gago, gape go ka nna ga thusa go akanya ka dinako tsa nako e e fetileng tse o neng wa atlega go tila kgotsa go gana thaelo. Mmoloki o go thusitse jang? (Bona 2 Nefi 4:18–33).

Tlhaloso ya ga Josefa ya toro ya ga Faro e ne ya gogela kwa kgakololo e e botlhale thata le e e mosola ya go falola leuba (bona Genesise 41:15–57). Akanya gore ke melaetsa efe ya semowa e Morena a ka nnang le yone mo go wena mo pegong e. O akanya gore O batla gore o ipaakanyetse mathata mo isagong ya gago jang?

Bona gape David A. Bednar, “We Will Prove Them Herewith,” Liahona, Nov. 2020, 8–11.

• Go bala ka maikutlo a a botlhoko a a neng a le mo lelwapeng la ga Josefa go ka tlhotlheletsa puisano ya ka fa re tshwanetseng go tshwara maloko a lelwapa ka teng. Go bolela polelo ya ga Josefa le bomorwarraagwe go tswa mo Genesise 37, o ka dirisa ditshwantsho tse di mo tshobokong e kgotsa mo go “Joseph’s Inspired Dreams” (mo Old Testament Stories, 47–51). A bana ba gago ba abelane dintlha tse ba di itseng ka polelo. O ka nna wa kopa bana ba gago go akanya gore ba ne ba le mo lelapeng la ga Josefa. Ke eng se ba neng ba ka se bua kana ba se dira go nna badira-kagiso mo lelwapeng? Sekai, go “bua ka kagiso” mo malwapeng a rona go raya eng? (temana 4).temana 4). Jesu Keresete ke modira-kagiso jang mo lelwapeng la Modimo?

  

  2:17

• Fa bana ba gago ba lebane le dinako tse di thata, ba tlhoka go itse gore Morena o tlaa nna le bone, jaaka a ne a na le Josefa. Gongwe o ka thusa bana ba gago go dira nankolo ya dilo tse di thata tse di diragaletseng Josefa (bona Genesise 37:23–28; 39:20; kgotsa “Joseph’s Inspired Dreams” le “Joseph in Egypt,” mo Old Testament Stories, 47–51, 52–56). Morago ga mathata mangwe le mangwe a ba a fitlhelang, laletsa bana ba gago go boeletsa, “Morena o ne a na le Josefa” (Genesise 39:2).

  

  2:17

  

  2:50

• Gongwe bana ba gago ba ka sekaseka Genesise 39:1–3, 20–23 mo tiragalong nngwe le nngwe ya seele se se reng “Morena o ne a na le Josefa” le diele tse di tshwanang le sone. A ba abelane gore ba akanya gore polelo e e kaya eng. Re itse jang gore Morena o na le rona? Abelanang ka fa lo neng lwa itse gore Modimo o ne a na le lona ka teng ka nako e e gwetlhang.

• Thuto e e ka thusang bana ba gago go sala morago sekao sa ga Josefa sa go tshaba mosadi wa ga Potifaro ke eno: Dirisa makenete tse pedi go emela Jeso Keresete le Satane. Dirisa selo se sennye sa tshipi, jaaka tshitshwana e e tshwarisang pampiri, go re emela. Go tswa foo dira gore bana ba gago ba bone ka fa tlhotlheletso ya makenete mo selong sa tshipi e leng maatla ka teng fa ba isa selo seo gaufi le sone. Maitemogelo a ga Josefa mo Genesise 39:7–12 a tshwantsha jang boammaaruri jo? Ke eng se re ka se dirang go katogela kgakala le boleo mme re atamalane le Jeso? Setshwantsho sa motshikinyego sa “Temptation Fades as We Seek Christ in Every Thought [Thaelo e a nyelela fa re ntse re batla Keresete mo mogopolong mongwe le mongwe]” (Gospel Library) le pina jaaka “I Need Thee Every Hour” (Hymns, no. 98) di ka thusa mo puisanyong eno.

  

  2:58

  Dirisa moopelo. “Difela le dipina tse dingwe tse di boitshepo di ka thusa bana go utlwa lorato lwa Modimo, go utlwa Mowa, le go ithuta boammaaruri jwa efangele. Melodi, merethetho, le diraeme tse di bonolo di ka thusa bana go gakologelwa boammaaruri jwa efangele dingwaga tse di tlang. Fa o ntse o opela le bana, ba thuse go ribolola le go tlhaloganya melawana e e rutwang mo dipineng” (Teaching in the Savior’s Way, 32).

• Thusa bana ba gago go akanya ka dithaelo tse ba ka lebanang le tsone. A ba tshameke karolo ya gore ba ka “tshaba” jang dithaelo tseno.