“Mas 9–15. ‘Bikpela i Stap Wantaim Josep’: Stat 37–41,” Kam, Bihainim Mi—Bilong Haus na Sios: Olpela Testamen 2026 (2026)
“Mas 9–15. ‘Bikpela i Stap Wantaim Josep’,” Kam, Bihainim Mi: 2026
Joseph and His Brothers, Sam Lawlor i mekim
Mas 9–15: “Bikpela i Stap Wantaim Josep”
Stat 37–41
Yumi save olsem God i save blesim ol manmeri husat i save bilip long Em na bihainim ol lo bilong Em. Tasol sampela taim, em i no save luk olsem. Sampela taim ol famili bilong husat i save bilip long God i save mekim nogut long dispela man. Sampela taim ol i save sutim tok nating long man husat i les long mekim pasin doti. Taim ol samting olsem i kamap, sampela taim yumi bai laik long belhat long God. Yumi bai tingting olsem, “Wanem as bilong mekim ol stretpela pasin, taim em i luk olsem em i wok long mekim laip i go hat?”
Ating Josep, pikinini man bilong Jekop, i gat dispela tingting. Planti taim, dispela man i gat bikpela bilip, na em i gat planti samting; tasol taim bilip bilong em i strong moa, planti moa hevi i kam long em. Tasol Josep i no givim baksait long Bikpela, na Bikpela i no givim baksait long Josep. Bikpela i no stopim ol samting nogut long kamap long Josep, tasol insait long olgeta dispela samting, “Bikpela i stap wantaim [em]” (Stat 39:3).
Ol Sampela Tingting bilong Lainim long Haus na long Sios
Stat 37:1–28; 39; 41:9–45
Bikpela bai stap wantaim mi long taim nogut bilong mi.
Planti taim, i luk olsem ol gutpela samting i abrusim Josep, tasol Bikpela i no lusim em. Taim yu ritim stori bilong Josep, tingting long ol askim kain olsem: Josep i mekim wanem long stap klostu long Bikpela? Bikpela i stap “wantaim em” olsem wanem? (lukim Stat 39; 40:1–19; 41:9–45). Yu lainim wanem samting long stori bilong Josep, we em bai helpim yu long luksave olsem Bikpela i stap long laip bilong yu?
Yu ken askim ol wankain askim long laip bilong yu yet. Wanem ol samting yu lukim i soim olsem Bikpela i no givim baksait long yu long taim bilong hevi? Skelim wanem rot yu ken toktok long ol samting i kamap long yu wantaim ol famili bilong yu, na ol lain i kamap bihain (lukim 1 Nifai 5:14).
I gat ol traim bai kamap long yu bihain tu. Bai yu mekim wanem nau, bilong ol dispela traim noken pulim yu go longwe long Bikpela? Yu ken raitim wanpela pas bilong strongim yu yet bihain taim, long pas wantaim Bikpela long gutpela taim na taim nogut. Yu ken raitim tu sampela tingting yu painim long laip bilong Josep o long toktok bilong Elda D. Todd Christofferson “Our Relationship with God” (Liahona, Mei 2022, 78–81).
Lukim tu Jon 14:18; Rom 8:28; Alma 36:3; Doktrin na ol Kavanen 121:7–8; “Abide with Me!,” Hymns, no. 166.
Stat 37:5–11; 40; 41:1–38
Sapos mi bilip strong, Bikpela bai stiaim mi na givim mi gutpela tingting.
Josep i gat presen bilong luksave long ol toksave i kam long Bikpela long driman. Yu ken lainim wanem samting long Stat 37:5–11; 40:5–8; 41:14–25, 37–38 long kisim na save gut long ol revelesen i kam long Bikpela? Kain olsem, yu ken lainim wanem samting long piksa Josep i soim, taim i hat liklik long save long as bilong dispela revelesen? (lukim Stat 40:8; 41:16).
Skelim, Bikpela i soim laik bilong Em long yu olsem wanem? Yu mekim wanem samting, long bihainim ol revelesen Em givim yu? Yu bai kisim planti moa stia bilong Em olsem wanem?
Joseph Interpreting the Butler and Baker’s Dreams, François Gérard i mekim
Stat 39: 1–20
Bikpela i ken helpim mi long abrusim ol traim.
Sapos Josep bai givim tok skul long rot bilong daunim laik bilong mekim pasin i doti, yu ting em bai tok wanem? Tingting long dispela taim yu ritim wanem samting i kamap long em, long Stat 39. Kain olsem, skelim wanem rot Josep bai bekim ol kain askim olsem:
-
Sapos ol lain i no save long pasin mi mekim, wanem samting bai kamap sapos mi mekim olsem? (lukim ves 8–9).
-
Mi traim long daunim, tasol dispela traim nogat pinis bilong em (lukim ves 10).
-
Bai mi mekim wanem taim traim em i bikpela tru? (lukim ves 12)).
Yu bai tok klia long wanem as bilong bihainim lo bilong klinpela pasin olsem wanem? (lukim For the Strength of Youth: A Guide for Making Choices, 23–28).
Samting Josep i soim yumi, yumi ken mekim long taim bilong ol kainkain traim. Tingim samting i kamap long Josep, na mekim plen bilong abrusim na daunim ol traim. Kain olsem, yu ken tingim wanpela traim, na yu ken raitim go daun ol samting bilong abrusim na wanem rot yu bai “ranawei” taim dispela traim i kamap.
|
Traim | |
|
Ol samting bilong abrusim | |
|
Bai mi daunim olsem wanem? |
Hia em sampela ol sapta na ves bilong strongim plen bilong yu. Yu lainim wanem samting insait long wan wan ol dispela ves, long wanem rot Bikpela bai helpim yu daunim ol traim? Matyu 4:1–11; 1 Korin 10:13; 1 Nifai 15:23–24; 3 Nifai 18:17–18.
Taim yu mekim plen bilong yu, yu ken tingting long ol taim yu abrusim o daunim ol traim. Dispela bai helpim yu. Bikpela i helpim yu olsem wanem? (lukim 2 Nifai 4:18--33).
Stat 41:15–57
Bikpela bai helpim mi long redi long ol taim nogut bai kamap.
Josep i tokim king bilong Isip long as bilong driman bilong em, na insait long dispela, ol i toktok long ol gutpela rot bilong stap laip long taim bilong nogat kaikai na bikpela hangre (lukim Stat 41:15–57). Skelim, wanem ol toktok Bikpela laik tokim yu insait long dispela stori? Yu pilim olsem Em laik rediim yu long ol taim nogut bai kamap bihain olsem wanem?
Lukim tu David A. Bednar, “We Will Prove Them HerewithLiahonaNov. 2020, 8–11.
Long kisim sampela moa tingting, lukim Liahona na For the Strength of Youth megesin bilong dispela mun.
Ol Sampela Tingting bilong Lainim ol Pikinini
Stat 37
Mi ken mekim gut long famili bilong mi.
-
Taim yupela i ritim stori bilong ol tingting nogut insait long famili bilong Josep, yupela i ken toktok long wanem pasin yumi mas mekim long ol famili memba bilong yumi. Taim yu laik stori long stori bilong Josep na ol brata bilong em long Stat 37, yu ken yusim ol piksa i stap insait long hia o long “Joseph’s Inspired Dreams” (insait long Old Testament Stories, 47–51). Larim ol pikinini bilong yu toktok long wanem samting ol save long dispela stori. Yu ken askim ol pikinini bilong yu long tingim olsem ol famili bilong Josep. Ol bai tok, o mekim wanem samting long kirapim bel isi na gutpela sindaun insait long famili? Kain olsem, wanem as bilong “toktok wantaim bel isi” insait long famili bilong yumi? (ves 4). Jisas Krais em man bilong mekim bel isi na gutpela sindaun long famili bilong God olsem wanem?
2:17Joseph’s Inspired Dreams
Stat 37:18–28; 39:20–23; 41:38
God i ken helpim mi taim ol samting nogut i kamap.
-
Taim ol pikinini bilong yu stap insait long taim nogut, ol mas save olsem Bikpela bai stap wantaim ol, kain olsem Em stap wantaim Josep. Ating yu ken mekim lista bilong ol samting nogut i kamap long Josep (lukim Stat 37:23–28; 39:20; o “Joseph’s Inspired Dreams” and “Joseph in Egypt,” insait long Old Testament Stories, 47–51, 52–56). Bihain long ol painim ol samting nogut i kamap long Josep, askim ol long tok, “Bikpela i stap wantaim Josep” (Stat 39:2).
2:17Joseph’s Inspired Dreams
2:50Joseph in Egypt
-
Ating ol pikinini bilong yu i ken ritim Stat 39:1–3, 20–23 long painim dispela tok “Bikpela i stap wantaim Josep” na tok wankain olsem. Larim ol toktok long tingting bilong ol long as bilong dispela tok em wanem. Yumi save Bikpela i stap wantaim yumi olsem wanem? Tokim yupela yet long taim yu pilim olsem God i stap wantaim yu long wanpela taim nogut bilong yu.
Joseph of Egypt in Prison, Jeff Ward i mekim (detail)
Stat 39:7–12
Bikpela i ken helpim mi long abrusim ol traim.
-
Long soim as bilong dispela tok long pikinini bilong yu, long bihainim piksa Josep i soim taim em ranawei long meri bilong Potifar, yusim tupela magnet long makim Jisas Krais na Setan. Yusim wanpela liklik samting ol mekim wantaim ain long makim yumi ol manmeri. Bihain, soim ol pikinini bilong yu magnet i save pulim ol ain samting go pas wantaim em taim ol putim go klostu olsem wanem. Samting i kamap long Josep, long Stat 39:7--12 i soim dispela tok tru olsem wanem? Yumi ken mekim wanem long go longwe long sin na go klostu moa long Jisas? Dispela vidio “Temptation Fades as We Seek Christ in Every Thought” (Gospel Library) na wanpela song olsem “I Need Thee Every Hour” (Hymns, no. 98) ken helpim yupela long toktok long ol dispela samting.
2:58Temptation Fades as We Seek Christ in Every Thought
Yusim musik. “Ol singsing bilong lotu, na ol narapela singsing holi i ken helpim ol pikinini long pilim laikim bilong God, pilim Spirit, na lainim ol tok tru bilong gutnius. Ol musik, na toktok bilong dispela song i ken helpim ol pikinini tingim ol tok tru bilong gutnius long nau na ol yia bai kam long en. Taim yu singsing wantaim ol pikinini, helpim ol long painimaut na save gut long ol bikpela samting dispela song i laik skulim” (Teaching in the Savior’s Way, 32).
-
Helpim ol pikinini tingim ol sampela traim ol ting bai kamap long ol. Ol i ken mekim drama bilong wanem rot ol ken “ranawei” long ol dispela traim.
Long kisim sampela moa tingting, lukim Friend piksa buk bilong dispela mun.