“ 9–15 Maj. ‘Hae God I Stap Wetem Josef’: Jenesis 37–41,” Kam Folem Mi—Blong Hom mo Jos: OlTesteman 2026 (2026)
“9–15 Maj. ‘Hae God I Stap Wetem Josef’,” Kam Folem Mi: 2026
Josef mo Ol Brata blong Hem, i kam long Sam Lawlor
9–15 Maj: “Hae God I Stap Wetem Josef”
Jenesis 37–41
Yumi save se God i stap blesem ol pipol we oli trastem Hem mo kipim ol komanmen blong Hem. Be samting hemia i no hapen long wei ia. Samtaem man o woman we i trastem God, ol memba blong famli blong hem oli no tritim gud hem mo sapotem hem. Samtaem man o woman we i stap strong blong no akseptem blong brekem loa blong Jastiti, ol man oli go agensem hem mo giaman nomo se hem i bin brekem loa ia. Taem ol samting olsem oli hapen long yumi, maet bae yumi kasem temtesen ia blong kros long God. Maet bae yumi stap tingting se, “?Wanem nao poen blong stap mekem samting we i raet sapos hemia i jes mekem laef i kam moa had?”
Josef, boe blong Jekob, maet i bin save gat tingting ia. Wanwan taem, fetful man ia i bin mekem gud tumas, mo i luk olsem se, moa hem i stap fetful, moa hem i fesem ol hadtaem. Be Josef i neva livim Lod, mo Lod ia i neva livim hem. Hemia i no minim se Lod bae i stopem ol nogud samting blong stap hapen long Josef, be long evri samting “Lod i stap wetem hem” (Jenesis 39:3).
Ol aedia blong Stap Lanem Samting long Hom mo long Jos
Jenesis 37:1–28, 39, 41:9– 45
Lod bae i stap wetem mi taem oli agensem mi.
Bakegen mo bakegen, gud samting i stap kamaot long Josef, be Lod i neva lego hem. Taem yu stap ridim stori blong Josef, tingting hevi long ol kwestin olsem ia: “Wanem nao Josef i bin mekem blong stap kolosap long Lod? ?Olsem wanem nao Lod i bin stap “wetem hem”? (luk long Jenesis 39; 40:1–19; 41:9–45). ?Wanem nao yu lanem aot long stori blong Josef we i save helpem yu blong luksave taem we Lod i stastap long laef blong yu?
Yu save askem ol semmak kwestin abaot laef blong yu. ?Wanem pruf nao yu bin luk, we i soem se Lod i no bin lego yu long taem we yu stap fesem hadtaem? Tingting long hao yu save serem ol eksperiens blong yu wetem ol memba blong famli mo ol fiuja jeneresen (luk long 1 Nifae 5:14
I tru, bae yu gat ol narafala tes blong laef, long fiuja. ?Wanem nao yu save mekem naoia blong helpem mekemsua se ol tes blong laef ia, bae oli no pulumaot yu long Lod? Tingting blong stap raetem wan leta blong leftemap tingting blong fiuja blong yuwan, blong stap kolosap long Hem nomata wanem i hapen. Maet yu save tekem tu sam niu tingting aot long laef blong Josef o long mesej blong Elda D. Todd Christofferson “Rilesensip blong Yumi Wetem God” (Liahona, Mei 2022, 78–81).
Luk tu long Jon 14:18; Rom 8:28; Alma 36:3; Doktrin mo Ol Kavenan 121:7–8; “Abide with Me!,” Hym, namba 166.
Jenesis 37:5–11; 40; 41:1–38
Sapos mi stap fetful, Lod bae i lidim mi mo bae i givim insperesen long mi.
Josef i bin gat wan presen blong stap luksave wanem i haed insaed long ol mesej we i kam long Lod tru ol drim. ?Wanem nao yu save lanem aot long Jenesis 37:5–11; 40:5–8; 41:14–25, 37–38 abaot fasin blong stap kasem mo andastanem revelesen we i kam long Lod? Eksampol: ?Wanem nao yu save lanem aot long eksampol blong Josef taem i had blong andastanem revelesen? (Luk long Jenesis 40:8; 41:16).
Tingting hevi long olsem wanem Lod i stap talemaot tingting blong Hem long yu tru long revelesen. ?Wanem nao yu stap mekem blong tekem aksen folem revelesen we Hem i bin givim long yu? ?Olsem wanem nao yu stap askem moa blong Hem i soem rod long yu?’
Josef i stap talem mining blong drim blong man blong lukaot waen mo man blong mekem bred blong king, i kam long François Gérard
Jenesis 39:1–20
Wetem help blong Lod, Mi save ronwe long temtesen.
Sapos we Josef i givim kaonsel long saed blong olsem wanem blong stap longwe long temtesen blong mekem sin long saed blong seks, ?wanem nao yu ting se bae hem i talem? Tingbaot hemia taem yu stap rid abaot eksperiens blong hem long Jenesis 39. Eksampol, tingting long olsem wanem Josef i save ansa long ol wari olsem olgeta ia:
-
Sapos i no gat wan bakegen we i save wanem we mi stap mekem, ?from wanem oli ting se i impoten tumas (luk long ol ves 8–9).
-
Mi traem blong stap longwe, be temtesen ia i no save stop nomo (luk long ves 10).
-
?Wanem nao bae mi mekem taem mi stap long wan situesen blong temtesen we i strong tumas? (luk long ves 12).
?Olsem wanem nao bae yu eksplenem, from wanem i impoten blong obei loa blong jastiti? (luk long Blong Ol Yut Oli Kam Strong: Wan Gaed Buk blong Stap Mekem Ol Joes, 23–28).
Yes, eksampol blong Josef, yumi save yusum long ol narafala kaen blong temtesen. Wetem eksampol blong Josef long maen blong yu, tingting blong mekem wan plan blong stap longwe mo stanap agensem temtesen. Eksampol, yu save tingting long wan temtesen mo raetemdaon ol situesen blong stap longwe mo olsem wanem bae yu “ronwe” taem ol temtesen oli kam.
|
Temtesen | |
|
Ol situesen blong stap longwe long olgeta | |
|
Plan blong folem |
Hemia sam narafala skripja we i save mekem gud plan blong yu. ?Wanem nao yu lanem aot long wanwan, abaot olsem wanem Sevya i save helpem yu blong stap longwe long temtesen? Matiu 4:1–11; 1 Korin 10:13; 1 Nifae 15:23–24; 3 Nifae 18:17–18.
Taem yu mekem plan blong yu, maet bae i help tu blong tingbaot ol taem we i pas we yu bin winim o stap longwe long temtesen. ?Olsem wanem nao Sevya i helpem yu? (luk long 2 Nifae 4:18–33).
Jenesis 41:15–57
Lod bae i helpem mi blong rere from ol hadtaem we oli save kam.
Mining blong drim blong Farao we Josef i talem, i lid i go long sam kaonsel we oli waes mo we man i save yusum blong stap laef yet taem i gat hadtaem blong kasem kaekae (luk long Jenesis 41:15–57). Tingting long wanem ol mesej long saed blong spirit we maet Lod i gat blong yu insaed long stori ia. ?Wanem nao yu filim we Hem i wantem long yu blong rere from blong ol hadtaem blong fiuja blong yu?
Luk tu long David A. Bednar, “Bae Yumi Testem Olgeta long Wei Ia,” Liahona, Novemba 2020, 8–11.
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Jenesis 37
Mi save stap kaen long famli blong mi.
-
Blong stap rid abaot ol nogud filing long famli blong Josef, i save givim insperesen blong gat wan toktok raon abaot olsem wanem yumi mas tritim ol memba blong famli. Blong talem stori blong Josef wetem ol brata blong hem long Jenesis 37, yu save yusum ol pikja long aotlaen ia o long “Ol Drim blong Josef we Oli Kam Tru long Insperesen” (long Ol Stori long OlTesteman, 47–51). Letem ol pikinini blong yu blong serem ol infomesen we oli save abaot stori ia. Maet yu save askem ol pikinini blong yu blong pikjarem long maen, se olgeta, oli pat long famli blong Josef. ?Wanem nao oli save talem o mekem blong stap wan man o woman blong mekem pis long famli? Eksampol, ?wanem i minim blong “toktok gud [long wan kwaet wei]” insaed long famli blong yumi? (ves 4). ?Olsem wanem nao Jisas Kraes i stap wan Man blong mekem pis long famli blong God?
2:17Joseph’s Inspired Dreams
Jenesis 37:18–28; 39:20–23; 41:38
God i save helpem mi taem ol nogud samting i hapen.
-
Taem ol pikinini blong yu oli fesem ol hadtaem, oli nid blong save se Lod bae i stap wetem olgeta, olsem we Hem i bin stap wetem Josef. Maet yu save helpem ol pikinini blong yu blong mekem wan lis blong ol had samting we i hapen long Josef (luk long Jenesis 37:23–28; 39:20; o “Ol Drim blong Josef we Oli Kam Tru long Insperesen” mo “Josef long Ijip,” long Ol Stori long OlTesteman, 47–51, 52–56). Afta long evri hadtaem we oli faenem, invaetem ol pikinini blong yu blong ripitim toktok ia, “Hae God I Stap Wetem Josef” (Jenesis 39:2).
2:17Joseph’s Inspired Dreams
2:50Joseph in Egypt
-
Maet ol pikinini blong yu oli save lukaotem Jenesis 39:1–3, 20–23 blong faenem evri eksampol blong toktok ia “Hae God I Stap Wetem Josef” mo ol toktok we kolosap i semmak. Letem olgeta oli serem wanem oli ting se, toktok ia i minim. ?Olsem wanem nao yumi save se Lod i stap wetem yumi? Talem long yufala wanwan abaot wanem yu bin filim taem God i bin stap wetem yu, long wan taem we i gat ol jalenj.
Josef blong Ijip insaed long Kalabus, i kam long Jeff Ward (ditel)
Jenesis 39:7–12
Wetem help blong Lod, Mi save ronwe long temtesen.
-
hemia i wan lesen we yu save yusum ol samting we oli save helpem ol pikinini blong yu blong folem eksampol blong Josef, blong stap ronwe long waef blong Potifa: Yusum tu magnet [stil] blong ripresentem Jisas Kraes mo Setan. Yusum wan smol aean samting olsem wan pepa klip blong ripresentem yumi. Afta, letem ol pikinini blong yu oli luk olsem wanem paoa blong wan magnet [stil] long smol aean klip ia i strong tumas taem oli muvum smol aean klip ia i kam moa kolosap long hem. ?Olsem wanem nao eksperiens blong Josef long Jenesis 39:7–12 i soemaot trutok ia? ?Wanem nao yumi save mekem blong muv i go longwe long sin mo kam moa kolosap long Jisas? Vidio ia “Temptation Fades as We Seek Christ in Every Thought” (Gospel Library) mo singsing olsem “Mi Nidim Yu Oltaem” (STSP, namba 98) I help long toktok raon ia.
2:58Temptation Fades as We Seek Christ in Every Thought
Yusum miusik. “Ol hym mo ol narafala tabu singsing oli save helpem ol pikinini blong filim lav blong God, filim Spirit mo lanem ol trutok blong gospel. Ol tiun, ol bit mo ol simpol saon oli save helpem ol pikinini blong tingbaot ol trutok blong gospel blong ol yia we i stap kam. Taem yu singsing wetem ol pikinini, helpem olgeta blong faenemaot mo andastanem ol prinsipol we ol singsing oli stap tokbaot” (Tij Folem Wei blong Sevya, 32).
-
Helpem ol pikinini blong tingting long ol temtesen bae oli save fesem. Letem olgeta oli mekem wan drama long olsem wanem blong “ronwe” long ol temtesen ia.
Blong kasem moa aedia, luk long magasin blong Fren blong manis ia.