Jenèz 18–23

Senyè a fè moun ki fidèl yo bèl pwomès, men, pafwa sikonstans lavi nou kapab lakoz nou mande kijan pwomès sa yo ap ka akonpli an reyalite. Abraram ak Sara kapab te siman santi yo konsa. Kisa w aprann apati eksperyans yo? Li ta ka bon si w ta kòmanse etid ou a nan repase sa Senyè a te pwomèt Abraram yo nan Jenèz 17:4, 15–22. Kijan Abraram ak Sara te reyaji? (gade Tradiksyon Joseph Smith, Jenèz 17:23 [nan Jenèz 17:17, referans b]; Jenèz 18:9–12). Kijan Senyè a te reponn pou te ede yo gen pi gwo lafwa nan pwomès Li yo? (gade Jenèz 18:14).

Kisa w jwenn nan vèsè sa yo ki bati lafwa ou? Ki lòt eksperyans—nan lavi w oubyen nan lavi yon lòt moun—ki te fòtifye lafwa w ke Senyè a ap akonpli pwomès Li nan pwòp moman ak fason pa Li? Ou ka medite tou konsènan fason ou ka soutni lafwa w lè w pa resevwa benediksyon yo pwomèt ou yo nan lavi sa a. Ki konsèy ou jwenn nan Ebre 11:8–13 ak nan mesaj Prezidan Russell M. Nelson an ”Kris la Leve; Lafwa nan Li Pral Deplase Montay”? (Lyawona, Me 2021, 101–4).

Gade tou Doktrin ak Alyans 88:68.

Ki leson w aprann sou kouri lwen mechanste pandan w ap li konsènan Lòt ak fanmi l la? Pa egzanp, kisa ki enpresyone w nan sa zanj yo te di ak fè pou te ede Lòt ak fanmi li chape anba destriksyon? (gade Jenèz 19:12–17). Kijan Senyè a ede oumenm ak fanmi w kouri oubyen jwenn pwoteksyon kont enfliyans mal ki nan mond lan? Reflechi konsènan sitiyasyon kote ou ka tante pou w ”[gade] dèyè” (vèsè 26) lè ou ta dwe tann avèk lafwa nan Sovè a. Kisa Lik 9:62 ajoute sou konpreyansyon w de konsèp sa a?

Gade tou Tradiksyon Joseph Smith, Jenèz 19:9–15 (nan apendis Bib la).

Èldè Jeffrey R. Holland te anseye:

“Aparaman, pwoblèm madanm Lòt sete ke li pa t jis ap gade dèyè; nan kè l, li te vle retounen dèyè. Ta sanble ke anvan menm li te depase limit vil la, li te deja sonje sa Sodòm ak Gomò te ofri l yo. …

“Li posib ke mandanm Lòt la te gade dèyè avèk move santiman kont Senyè a poutèt sa Li te mande li pou l kite dèyè yo. … Donk, se pa sèlman gade li te gade dèyè, li te gade dèyè avèk nostalji. An brèf, atachman li nan pase a te depase konfyans li nan lavni. Sa, aparaman, te sanble se te omwen fè pati peche l la.

“… Mwen sipliye w pou w pa ni panse a jou ki pase deja yo ni atache pou granmesi a bagay yè yo, kèlkeswa jan bagay yè kapab te bon. Moun dwe aprann de pase yo men yo pa dwe viv nan lepase. Nou gade dèyè pou nou retire chabon dife yo nan eksperyans gloriye yo men pa nan sann yo. Epi lè nou aprann sa nou bezwen aprann nan epi nou vini avèk pi bon eksperyans nou te fè yo, lèsa a nou gade devan epi nou sonje ke lafwa toujou gade nan direksyon lavni. …

“… Demere nan lavi pase yo, enkli erè ki pase yo, tou senpleman pa bon! Sa se pa levanjil Jezikri a. …

“Pou tout [moun] nan chak jenerasyon, m ap di, ‘Sonje madanm Lòt’ [Lik 17:32]. Lafwa se pou lavni. Lafwa bati sou lepase, men, li pa sipoze rete ladan l. Lafwa gen konfyans ke Bondye gen gwo bagay an rezèv pou nou chak epi ke Kris la se vrèman ‘gran prèt bon bagay k ap vini yo’ (Ebre 9:11)” (“Sa k pi Bon an Ankò nan Wout,” Ensign, Jan. 2010, 26–27).

Byenke nou pa konn tout rezon yo Bondye te kòmande Abraram pou ofri Izarak kòm yon sakrifis la, nou konnen ke sete yon tès sou lafwa li nan Bondye. Nou konnen tou ke sete “yon similitid sou Bondye ak Sèl Pitit Gason Byenneme L la” (Jakòb 4:5). Pandan w ap li Jenèz 22:1-19, ou ta ka chèche senbòl oswa resanblans ant ofrann Abraram nan Izarak la ak ofrann Papa a te bay nan Pitit Li a, Jezikri. Konsidere ekri sa w jwenn yo nan yon tablo tankou sa a:

Ki senbòl oswa resanblans nan sakrifis ekspyatwa Sovè a ou twouve ki gen plis sans? Konsidere chante oswa li pawòl yo nan yon kantik ki montre lanmou Papa nou ki nan Syèl la pou nou, tankou ”Bondye Renmen Nou, Se konsa Li Te Voye Pitit Li a,” Kantik, no. 187. Ou ka ekri tou sa w santi konsènan Papa nou ki nan Syèl la ak Jezikri ak sakrifis Yo a pou ou.

Si ou vle etidye plis konsènan sakrifis Sovè nou an, konsidere li mesaj Prezidan Jeffrey R. Holland lan ”Gade Timouton Bondye a” (Liahona, Me 2019, 44–46). Poukisa yon timouton se yon senbòl puisan konsa sou Pitit Gason Bondye a? Kisa Prezidan Holland te anseye ki ogmante reverans ou pou kado Papa nou ki nan Syèl la?

Gade tou “Akedah (The Binding)” (videyo), Bibliyotèk Levanjil.

12:57

• Pou aprann konsènan konfyans Abraram ak Sara nan pwomès Bondye yo, oumenm ak timoun ou yo te ka pale de yon epòk kote yo te oblije tann yon bagay yo te vle reyèlman. Apresa, nou ta ka gade foto Sara ak Izaak la nan kòmansman plan leson sa a epi pale konsènan pwomès Bondye te fè li ak Abraram (gade tou ”Abraram ak Sara,” nan Istwa Ansyen Testaman yo, 28-31). Ede timoun ou yo reflechi sou kèk bagay Bondye pwomèt nou si nou rete fidèl. Ankouraje yo pou yo gen pasyans ak konfyans ke Bondye ap kenbe pwomès Li yo.

  

  2:20

• Pou ede timoun ou yo aprann verite enpòtan nan Jenèz 18:14 la, ou ta ka ekri chak mo nan premye fraz la nan vèsè sa a sou moso papye separe. Apre sa melanje papye yo, epi envite timoun ou yo pou ranje mo sa yo nan bon lòd la. Apresa, oumenm ak timoun ou yo te kapab li Jenèz 17:15–21; 21:1–7 pou jwenn yon egzanp sou yon bagay Senyè a te fè ki te parèt enposib. Pataje avèk timoun ou yo lafwa ou ke Senyè a ap akonpli pwomès Li yo, menm si yo sanble enposib oswa yo pran anpil tan.

• Poze timoun ou yo kesyon konsènan sitiyasyon kote yon moun ta ka envite yo fè yon bagay yo konnen ki pa bon. Kijan nou t ap “kouri” pou sitiyasyon sa a? Rezime Jenèz 19:15–26 la pou eksplike ke fanmi Lòt t ap viv nan yon vil ki te kowonpi anpil, epi zanj te avèti yo pou yo te kite vil la. Pandan ou ak timoun ou yo ap li ansanm vèsè 15–17, 26, mande yo kisa sa ka vledi pou nou jodi a pou nou ”chape” anba mal epi ”pa gade dèyè” ((vèsè 17).

• Itilize foto Abraram ak Izaak ak Krisifiksyon an (gade nan Liv Ilistrasyon Levanjil la,nos. 9, 57) kapab ede timoun yo konpare istwa ki nan Jenèz 22 a avèk sakrifis Sovè a (gade Matye 27:26–37). Kisa nou ka aprann osijè Pè Selès la ak Jezikri nan istwa Abraram ak Izarak ak Krisifiksyon an? (Gade tou ”Abraram ak Izaak,” nan Istwa Ansyen Testaman yo, 34–37.)

  

  2:0

• Èske ou ka panse a yon jwèt senp pou w jwe ak timoun ou yo ki mande pou yo suiv direksyon? Petèt direksyon yo ka mennen nan yon foto Sovè a ki kache. Jwèt la te kapab ankouraje yon konvèsasyon sou bagay Papa nou ki nan Syèl la kòmande nou fè pou nou ka viv avèk Li ak Jezikri ankò. Chante ansanm yon kantik tankou “Pour trouver la paix” (Chants pour les enfants, 68-69). Paj aktivite semèn sa a ka ede tou.