Vini, Suiv Mwen
16–22 Mas. “Bondye Fè Sa Tounen Yon Byen”: Jenèz 42–50

“16–22 Mas. ‘Bondye Fè Sa Tounen Yon Byen’: Jenèz 42–50,” Vini, Suiv Mwen—Pou Lakay ak Legliz: Ansyen Testaman 2026 (2026)

“16–22 Mas. ‘Bondye Fè Sa Tounen Yon Byen”, Vini non, Suiv Mwen: 2026

Jozèf k ap padone frè l yo

Padon, pa Megan Rieker

16–22 Mas: “Bondye Fè Sa Tounen Yon Byen”

Jenèz 42–50

Li te gen anviwon 22 an depi frè Jozèf yo te vann li nan esklavaj. Jozèf te soufri anpil eprèv, san wete fo akizasyon ak prizon. Lè l te vin finalman wè frè l yo ankò, Jozèf te gouvènè tout Lejip, li te nan dezyèm pozisyon apre Farawon an. Li te ka fasilman pran revanj sou frè l yo, epi konsideran sa yo te fè Jozèf, sa ta ka parèt jistifyab. Men, Jozèf te padone frè l yo. Non sèlman sa, li te ede yo wè objektif divin nan soufrans li yo. Li te di yo “Bondye Fè Sa Tounen Yon Byen” (Jenèz 50:20), paske sa te mete l nan pozisyon pou l te sove “tout fanmi papa l yo” (Jenèz 47:12) anba grangou.

Nan plizyè domèn, Jozèf te tankou Jezikri. Malgre peche nou te lakoz anpil soufrans pou Li, Sovè a ofri padon, Li delivre nou tout anba yon fatalite ki plis pase grangou. Keseswa nou bezwen resevwa padon oubyen bay padon—nan yon pwen kèlkonk, nou tout bezwen fè toude—egzanp Jozèf pwente nou sou Sovè a, vrè sous gerizon ak rekonsilyasyon an.

senbòl etid

Ide pou Aprantisaj nan Fwaye a ak nan Legliz la

Jenèz 45:5–7; 47:12

“Bondye te voye m vini devan pou ras nou an pa t fini.”

Èske w remake resanblans ant lavi Jozèf ak misyon ekspyasyon Jezikri a? Pou wè kèk egzanp sou resanblans sa yo, eseye konpare:

  • Jenèz 37:3 avèk Matye 3:17.

  • Jenèz 37:26–28 avèk Matye 26:14–16.

  • Jenèz 45:5–7 avèk Lik 4:18.

  • Jenèz 47:12 ak Jan 6:35.

Ki enpresyon w genyen konsènan Sovè a ak misyon Li pandan w ap li pasaj sa yo?

Jenèz 45; 50:15–21

senbòl seminè
Padon pote gerizon.

Li konsènan jan Jozèf te padone frè l yo bagay tèrib yo te fè l yo, sa ka pouse w panse de yon moun ke w gen difikilte pou w padone kounyea. Kesyon sa yo kapab ede pandan w ap fè efò pou w aplike prensip sa a:

  • Poukisa li te gendwa difisil pou Jozèf padone frè l yo? (pou repase sa yo te fè l, gade Jenèz 37). Ki eksperyans oubyen atitid ki te kapab bay Jozèf fòs pou l te padone yo? (Gade, pa egzanp, nan Jenèz 45:1–15 oubyen 50:15–21).

  • Ki benediksyon ki te soti nan padon Jozèf te ofri frè l yo? Pa egzanp, konpare relasyon fanmi Jakòb nan kòmansman istwa a (gade, pa egzanp, nan Jenèz 37:3–11) avèk eta relasyon yo nan fen istwa a (gade nan Jenèz 45:9–15; 50:15–21). Kijan bagay yo te gendwa fini nan yon fason ki diferan si Jozèf pa t dispoze pou l te padone?

  • Konsidere ekri non yon moun ki ka bezwen padon ou—san wete si wi o non yo te mande padon. Kisa ou ka fè pou envite pouvwa gerizon Sovè a nan sitiyasyon sa a? Si padone yon moun sanble li twò difisil, konsidere revize konsèy Èldè Gerrit W. Gong nan dènye sis paragraf mesaj li nan “Kontan e Ajamè” (Lyawona, Nov. 2022, 85). Ki sa w twouve ki ba ou espwa pou w ka padone?

Gade touu Doktrin ak Alyans 64:9-11; “Forgiveness: My Burden Was Made Light [Padon: Fado M yo Te Vin Lejè]” (videyo), Liberi Levanjil.

8:24

Forgiveness: My Burden Was Made Light

Jenèz 49

Jakòb te bay fanmi l benediksyon pwofetik.

Benediksyon Jakòb pou posterite li yo gen imaj klè ladann, men yo pa fasil pou konprann. Erezman, levanjil retabli an ba nou konpreyansyon adisyonèl. Lè w li benediksyon Jozèf la nan Jenèz 49:22–26lan, li vèsè sa yo tou, epi gade ki refleksyon yo ofri: 1 Nefi 15:12; 2 Nefi 3:4–5; Jakòb 2:25; Doktrin ak Alyans 50:44.

Pandan w ap li konsènan benediksyon Jida a nan Jenèz 49:8–12, sonje ke Jezikri sete yon desandan Jida. Kisa ou jwenn nan vèsè sa yo ki raple ou de Sovè a? (gade nan Revelasyon 5:5–6, 9; 1 Nefi 15:14–15; Doktrin ak Alyans 45:59; 133:46–50).

Lekti benediksyon sa yo ka enspire ou pou w revize benediksyon patriyakal ou a—oswa, si ou pa gen youn, pou w resevwa youn. Ki pawòl ak fraz nan benediksyon ou an vire panse ou bay Jezikri?

Gade Randall K. Bennett tou, “Benediksyon Patriyach ou—Direksyon Enspire Papa nou ki nan Syèl la,” Lyawona, Me 2023, 42–44.

Jenèz50:19–21

Bondye kapab ede nou jwenn sans nan eprèv nou yo.

Menm si sa kapab pa t klè pou li lè l tap andire eprèv difisil yo, alafen Jozèf te vin kapab fè yon ti koudèy an aryè sou advèsite l yo an Ejip epi wè ke “Bondye fè sa tounen yon byen” (Jenèz 50:20). Si nou te ka vizite Jozèf pandan l te nan twou a oubyen nan prizon an, kijan nou t a ka ba l rekonfò? Kijan Jenèz 50:19–21 kapab ede w nan tan eprèv ou yo?

Gade Doktrin ak Alyans 122; “Quels fondements fermes,” Cantiques, non. 42.

Jozèf peyi Lejip k ap fè yon vizyon Joseph Smith k ap resevwa plak lò yo nan men zanj Mowoni an.

Joseph Smith among the Prophets [Joseph Smith pami Pwofèt yo], pa Paul Mann (detay)

Jenèz 50:24–25

“Senyè Bondye m nan pral voye yon vwayan.”

Pandan w ap li Jenèz 50:24–25 ak Tradiksyon Joseph Smith, Jenèz 50:24–38 (nan apendis Bib la), reflechi poukisa li ta enpòtan pou Jozèf konnen detay sou Moyiz ak Joseph Smith anpil syèk alavans. Ki jan Joseph Smith te akonpli pwofesi Jozèf te fè sou li yo? (gade Doktrin ak Alyans 1:17–23; 20:7–12; 39:11; 135:3).

Pou plis ide, gade piblikasyon revi Liahona mwa sa a ak Pou fòs jèn yo .

senbòl 01 seksyon timoun yo

Ide pou Anseye Timoun yo

Jenèz 42–44; 45:4–15

M ka montre fanmi m lanmou ak padon.

  • Li ta ka amizan pou timoun ou yo rekreye istwa Jozèf k ap reyini ak fanmi li (gade Jenèz 42–44). Oswa yo te kapab itilize “Jozèf ak Grangou a” (nan Istwa Ansyen Testaman, 57–60) oswa foto nan chema sa a pou anseye youn lòt an. Men kèk kesyon ki kapab ede timoun ou yo aprann de istwa an:

    • Ki sa Jozèf te fè pou l demontre lanmou pou fanmi l? (gade Jenèz 45:4–15).

    • Poukisa ou santi Jozèf te padone frè l yo?

    • Kijan w panse frè Jozèf yo te santi yo lè yo te aprann Jozèf te padone yo? Kiyès nan lavi w bezwen padon w? Kijan w kapab montre yo lanmou ak padon?

    2:26

    Joseph and the Famine

Pandan w ap prepare w pou anseye, mande, “Kisa pitit mwen yo ap fè pou yo aprann?” Pa egzanp, nan aktivite sa a timoun ou yo ap rekreye oswa rakonte yon istwa. Lè yo fè sa, sa ap ede yo sonje ni sa k te pase a ak prensip levanjil ki nan istwa a.

  • Ou menm oswa timoun ou yo gendwa vle pataje yon eksperyans kote yo te padone yon moun oswa lè yon moun te padone yo. Apresa, ou ta ka chante yon chan tankou “Aimez vos frères” (Chants pour les enfants, 74) oswa “Aide-moi, Père (le Repentir)” (Chants pour les enfants, 52).

Jenèz 48:8-9.

Senyè a ede m atravè benediksyon pretriz yo.

  • Oumenm ak timoun ou yo te kapab gade foto Jakòb k ap beni pitit gason l yo nan fen leson sa a epi pale sou sa k ap pase (gade Jenèz 48:8–9). Si sa nesesè, esplike jakòb, papa Jozèf, te vle bay fanmi l benediksyon pretriz yo. Petèt ou ta ka pataje youn ak lòt nenpòt eksperyans kote nou te resevwa èd nan men Bondye atravè yon benediksyon pretriz. Ki kèk rezon ki fè nou te ka mande pou yon benediksyon pretriz?

jènfi k ap resevwa yon benediksyon

Jenèz 45:5–11

Pè Selès la te voye Jezikri sove mwen.

  • Kijan w ka ede timoun ou yo wè Sovè a nan istwa Jozèf k ap sove fanmi l anba grangou? Ann konsidere fè yon tablo ak de kolòn ki make Jozèf ak Jezikri. Ede timoun yo chèche nan pè ekriti sa yo epi ekri sou tablo a sa Jozèf ak Jezi genyen en komen: Jenèz 37:3 ak Matye 3:17; Jenèz 37:26–28 ak Matye 26:14–16; Jenèz 45:5–7 ak Lik 4:18; ak Jenèz 47:12 ak Jan 6:35.

  • Mande timoun ou yo kisa sove oubyen sekouri yon moun vle di. Si gen nan yo ki te fè yon eksperyans kote yon moun te sove yo oubyen pote yo sekou anba danje, envite yo pou yo vin pataje sa. Kijan Jozèf te sove frè l yo? (gade nan Jenèz 42:1–3; 45:5–7). Lè sa a, ou ta ka gade yon foto Sovè a ansanm epi mande timoun ou yo pou yo pale sou kijan Jezi sove nou.

Pou plis ide, gade piblikasyon revi Zanmi mwa sa a.

Izrayèl k ap bay pitit gason l lan yon benediksyon

Jakòb k ap Beni Joseph (Jakòb k ap Beni Pitit Gason l yo), by Harry Anderson

Paj aktivite Primè: M ka padone