Jenèz 37–41

Tan apre tan, bòn chans te sanble l te abandone Jozèf, men, Senyè a pa t janm abandone l. Pandan w ap li istwa Jozèf la, medite sou kesyon tankou sa yo: Kisa Jozèf te fè pou l rete pwòch Senyè a? Kijan Senyè a te ”avèk li”? (gade Jenèz 39; 40:1–19; 41:9–45). Kisa ou aprann nan istwa Jozèf la ki ta ka ede w rekonèt prezans Senyè a nan lavi ou?

Ou ta ka poze menm kalite kesyon sa yo apwopo lavi w tou. Ki prèv ki fè w wè ke Senyè a pa abandone w nan peryòd eprèv ou yo? Konsidere kijan w ka pataje eksperyans ou avèk manm fanmi ou ak jenerasyon k ap vini yo (gade 1 Nefi 5:14).

Natirèlman, w ap gen lòt eprèv alavni. Kisa w ka fè kounyea pou ede asire ke eprèv sa yo pa rale ou ale lwen Senyè a? Konsidere ekri yon lèt pou ankouraje pwòp tèt ou pou w rete pwòch Li kèlkeswa sa k rive. Ou gen dwa mete ladan l ide ke w jwenn nan lavi Jozèf oswa nan mesaj Èldè D. Todd Christofferson nan ”Relasyon nou avèk Bondye” (Liahona, Me 2022, 78–81).

Gade tou Jan 14:18; Women 8:28; Alma 36:3; Doktrin ak Alyans 121:7–8; ”Rete avèk mwen!” Hymns, non. 166.

Jozèf te gen yon don pou l te ka disène mesaj Senyè a atravè rèv. Kisa w ka aprann nan Jenèz 37:5–11; 40:5–8; 41:14–25, 37–38 konsènan resevwa ak konprann revelasyon nan men Senyè a? Paregzanp, kisa w ka aprann nan egzanp Jozèf la lè revelasyon sanble l difisil pou w konprann? (gade nan Jenèz 40:8; 41:16).

Medite sou fason Senyè a revele ou volonte L. Kisa w ap fè pou w aji selon revelasyon Senyè a ba ou? Kijan w ap chèche direksyon adisyonèl nan men L?

Si Jozèf t ap bay konsèy sou fason pou reziste anba tantasyon pou komèt peche seksyèl, ki sa w panse li t ap di? Panse sou sa pandan w ap li konsènan eksperyans li a nan Jenèz 39. Paregzanp, konsidere fason Jozèf te ka reyaji devan pwoblèm tankou sa yo:

• Si pa gen lòt moun ki konnen sa m ap fè, ki pwoblèm ki gen nan sa? (gade vèsè 8–9).

• Mwen eseye reziste, men tantasyon an jis pa sanble l sispann (gade vèsè 10).

• Kisa m ta dwe fè lè m nan yon sitiyasyon kote tantasyon an fò? (gade vèsè 12).

Kijan w t ap esplike poukisa w obeyi lwa chastete a enpòtan? (gade Pou Fòs Jèn yo: Yon gid pou fè Chwa, 23–28).

Natirèlman, egzanp Jozèf la kapab aplike pou lòt kalite tantasyon. Avèk egzanp Jozèf la nan lespri w, panse pou w fè yon plan pou w evite ak reziste anba tantasyon. Pou egzanp, ou ta ka panse a yon tantasyon epi ekri sitiyasyon pou w evite ak kijan ou pral ”kouri” lè tantasyon an rive.

Men kèk lòt ekriti ki ka ede nan plan w lan. Kisa ou aprann nan yo chak sou fason Sovè a ka ede w reziste anba tantasyon? Matye 4:1–11; 1 Korentyen 10:13; 1 Nefi 15:23–24; 3 Nefi 18:17–18.

Pandan w ap fè plan w lan, sa ta ka ede w si w ta panse a moman nan lepase kote w te evite tantasyon oswa w te reziste anba tantasyon. Kijan Sovè a te ede ou? (gade 2 Nefi 4:18–33).

Entèpretasyon Jozèf te fè pou rèv Farawon an te mennen nan kèk konsèy trè saj ak pratik pou siviv anba yon grangou (gade Jenèz 41:15–57). Konsidere ki mesaj espirityèl Senyè a te ka genyen pou ou nan istwa sa a. Kijan w santi ke Li vle w prepare pou difikilte nan lefiti yo?

Gade tou David A. Bednar, “Nou Pral Pase yo Aleprèv,” Lyawona, Nov. 2020, 8–11.

• Lekti sou santiman difisil nan fanmi Jozèf yo ta ka mennen yon konvèsasyon sou fason nou ta dwe trete manm fanmi nou. Pou rakonte istwa Jozèf ak frè l yo nan Jenèz 37 la, ou ta ka itilize foto yo ki nan plan leson sa a oswa nan ”Rèv Enspire Jozèf” (nan Istwa Ansyen Testaman yo, 47–51). Envite timoun yo pou yo pataje sa yo konnen apwopo istwa a. Ou ka mande pitit ou pou yo imajine ke yo te nan fanmi Jozèf. Ki sa yo t ap di oswa fè pou yo ta vin yon moun k ap fè lapè nan fanmi an? Pa egzanp, ki sa sa vle di pou nou ”pale ak lapè” nan fanmi nou? (vèsè 4). Kijan Jezikri se yon patizan lapè nan fanmi Bondye a?

  

  2:17

• Lè pitit ou yo ap fè fas ak moman difisil, yo bezwen konnen ke Senyè a ap avèk yo, menm jan Li te avèk Jozèf la. Petèt ou ta ka ede pitit ou yo fè yon lis bagay difisil ki te rive Jozèf (gade Jenèz 37:23–28; 39:20; oswa ”Rèv Enspire Jozèfla” ak ”Jozèf nan peyi Lejip la,” nan Istwa Ansyen Testaman yo, 47–51, 52–56). Apre chak difikilte yo jwenn, envite pitit ou yo pou yo repete, ”Senyè a te avèk Jozèf” (Jenèz 39:2).

  

  2:17

  

  2:50

• Petèt pitit ou yo te kapab chèche Jenèz 39:1–3, 20–23 pou chak egzanp sou fraz ”Senyè a te avèk Jozèf” la ak fraz similè. Kite yo pataje sa yo panse fraz sa a vle di. Kijan nou fè konnen Senyè a avèk nou? Pale youn ak lòt konsènan fason w te santi Bondye te avèk ou nan yon moman difisil.

• Men yon leson objè ki ka ede pitit ou suiv egzanp Jozèf ki ap sove ale lwen madanm Potifa: Itilize de leman pou reprezante Jezikri ak Satan. Itilize yon ti objè metal, tankou yon klips papye, pou reprezante nou. Apre sa, kite pitit ou wè kijan enfliyans yon leman sou objè metal la pi solid lè yo deplase objè a vin pi pre l. Kijan eksperyans Jozèf la nan Jenèz 39:7–12 la ilistre verite sa a? Kisa nou ka fè pou nou kouri lwen peche epi vin pi pwòch Jezi? Videyo “Temptation Fades as We Seek Christ in Every Thought (Tantasyon Febli lè Nou Chèche Kris la nan Chak Panse)” (Bibliyotèk Levanjil) ak yon kantik tankou “I Need Thee Every Hour” (Hymns, no. 98) ka ede avèk diskisyon sa a.

  

  2:58

  Itilize mizik. “Kantik yo ak lòt chan sakre yo kapab ede timoun yo santi lanmou Bondye, santi Lespri a, ak aprann verite levanjil yo. Melodi yo, rit yo ak mo senp yo kapab ede timoun yo sonje verite levanjil yo pandan dèzane. Lè w ap chante avèk timoun yo, ede yo dekouvri ak konprann prensip ki anseye nan chante yo” (Anseye nan Fason Sovè a, 32).

• Ede pitit ou yo panse a tantasyon yo ka rankontre. Kite yo wòl-jwe sou ki fason yo ta kapab ”kouri” lwen tantasyon sa yo.