IGenesisi 12–17; Abrahama 1–2

IGosa uNeil L. Andersen wasifundisa wathi, “Sonke sifundiswa yimindeni namasiko ethu futhi nokho ngikholwa wukuthi kukhona indawo ngaphakathi kwethu esikwazi ukuyilawula nokuyidala ngokwehlukile futhi umuntu ngamunye. … Ekugcineni, izifiso zethu zangaphakathi zinikwa ukuphila futhi zibonakala ekukhetheni kwethu nasezenzweni zethu” (“Educate Your Desires, Elder Andersen Counsels,” ChurchofJesusChrist.org Cabanga indlela u Abrahama 1:1–9 akukhombisa ngayo lokho okwafundiswa yiGosa u-Andersen. Imibuzo efana nalena ingakusiza:

• Wayefisani u-Abrahama? Zazibonakala kanjani ezenzweni zakhe izifiso zakhe? Wazisekela kanjani isifiso zakhe uNkulunkulu?

• Yiziphi izifiso zakho? Zibonakala kanjani ezenzweni zakho? Ukusekela kanjani uNkulunkulu?

• Yimuphi umyalezo oqukethwe yilamavesi kubantu abanamalungu omndeni angakufisi ukulunga?

Esinye sezifiso ezinkulu zika-Abrahama noSara—sokuba nomntwana—asizange sigcwaliseke iminyaka eminingi (bheka IGenesisi 15:1–6). Ufundani kumaHeberu 11:8–13 mayelana nendlela u-Abrahama noSara ababhekana ngayo nalolu vivinyo? Ukusiza kanjani uMsindisi ukuba “wamukele” izithembiso Zakhe, noma “zikude”?

Bheka futhi (ividiyo) i“Deliverance of Abraham”, UMtapo woLwazi weVangeli

1:38

Kubaluleke ngani kuwe ukuba wazi ngesivumelwano uNkulunkulu asenza no-Abrahama? Ngoba uNkulunkulu ufuna ukwenza isivumelwano esifanayo nawe. Wathembisa ukuthi lesi sivumelwano sasizoqhubeka esizukulwaneni sika-Abrahama, noma “imbewu,” nokuthi “bonke abemukela leliVangeli kuzaku… thiwa yinzalo yakho” (bheka ku Abrahama 2:10–11). Ngamanye amazwi, isivumelwano siyaqhubeka kuwe—lapho ubhabhadiswa futhi ngokuphelele lapho wenza izivumelwano ethempelini (bheka KwabaseGalathiya 3:26–29.; IMfundiso neziVumelwano 132:30–32).

Ngaleso sizathu, ungahle ukuthande ukufunda u-Abrahama 2:6–11 bese wenza uhlu lwalokho, kanye, uNkulunkulu akwethembisa u-Abrahama noSara (bheka futhi UGenesise 12:1–3; 13:15–16; 15:1–6; 171–8, 15–22). Zingasebenza kanjani lezi zibusiso Kuwe

Ezinye zalezi zethembiso zinokwaphakade okuhambisana nazo. Izethembiso ezifana nezwe eliyifa noma isizukulwane esikhulu zigcwaliseke kanjani phakade? (bheka IMfundiso neziVumelwano 131:1–4; 132:20–24, 28–32).

Ngaphandle kokwethembisa izibusiso, uNkulunkulu watshela u-Abrahama ukuba “abe yisibusiso” (IGenesisi 12:2; kwengezwe ukugcizelela). Ucabanga ukuthi kusho ukuthini lokho? Uzoba kanjani wena yisibusiso? (bheka u-Abrahama 2:11).

Ukuze afundise ngezivumelwano, iGosa uDale G. Renlund wakhuluma ngamagagasi eMfuleni i-Amazon, noMongameli Emily Belle Freeman wakhuluma ngokuhamba endleleni enamatshe neqakala elephukileyo (bheka ku- “Accessing God’s Power through Covenants,” ILiyahona, ngoMeyi 2023, 35–37; “Walking in Covenant Relationship with Christ,” ILiyahona, ngoNov. 2023, 7–79). Cinga owodwa noma yomibili yalemiyalezo ukuze uthole imisho ezosiza ukuphendula umbuzo “Kungani uNkulunkulu efuna ngenze izivumelwano Naye?”

Bheka futhi iziHloko nemiBuzo, “IsiVumelwano no-Abrahama,” Umtapo woLwazi weVangeli; “Imicabango Okumele Uyigcine Emqondweni,” kulensiza.

Zicabange ngokuthi ubuwethula uMelkisedeki kumuntu ongamazi. Ubuzothini? Bheka imibono kwi Ukuhumusha okwenziwa nguJoseph Smith, IGenesisi 14:26–27, 33–38 (esithasiselweni semiBhalo engcwele); Alima 13:13–19; IMfundiso neziVumelwano 107:1–4. Yiziphi izimfanelo ezifana nezika Kristu ozithola kulezi zincazelo ngoMelkisedeki? Ukufunda kwakho ngempilo kaMelkisedeki kuyithinta kanjani indlela obuka ngayo ubuPhristi bukaMelkisedeki?

Ufundani ngendlela u-Abrahama abuka ngayo izinto maqondana nengcebo kwiGenesisi 14:18–24 naku Ukuhumusha okwenziwa nguJoseph Smith, IGenesisi 14:36–40 (KwisithasiselosemiBhalo eNgcwele) ? Isibonelo, qaphela impendulo yakhe enkosini yaseSodoma kwiGenesisi 14:23. Ngabe ukulalela uMthetho wokweshumi kuyithinte kanjani indlela obuka ngayo imali?

Njengoba ufunda incwadi ka Genesisi 16, ungahle ucabange ngesikhathi lapho wawunomuzwa wokuthi wawuphethwe ngendlela engafanele, njengoba kwenza uHagari. Qaphela ukuthi igama u “Ishmayeli” lisho ukuthi “uNkulunkulu uyezwa.” Ukukhombise kanjani uNkulunkulu ukuthi ukuzwile?

Bheka futhi iculo elithi “ Secret Prayer,“ Isihlabelelo, no. 144.

• Njengoba wena nabantwana bakho nifunda u-Abrahama 1:18 no 2:8, ungabamema ukuba balalele ingxenye ethile yomzimba okukhulunywa ngayo kuwo womabili amavesi. Mhlawumbe ningadlala umdlalo lapho umntwana evala khona amehlo akhe bese wena umholela endaweni ethile ngesandla. Ningabe senikhuluma ngokuthi kuzwakala kanjani ukuba uJesu Kristu asihole ngesandla noma asivikele na?

• Abantwana bakho bangahle bakuthokozele ukulingisa indaba ekuGenesise 13:5–12, bezenza u-Abrahama, uLoti, kanye nabelusi bezinkomo. Singasilandela kanjani isibonelo sika-Abrahama sokuba ngumenzi wokuthula emindenini yethu noma kubangane? Zama ukulingisa impendulo yabo.

• Cabanga ngokukhombisa abantwana bakho isitsha esinesihlabathi, izinkanyezi esibhakabhakeni sasebusuku, noma isithombe esisekugcineni kwalesi sifundo. Lokhu kungabasiza baqonde izithembiso zikaNkulunkulu ezikuGenesisi 13:16; 15:1–6. Khuluma ngokuthi ufunde kanjani ukwethemba izithembiso zikaNkulunkulu, nalapho zibonakala zingenakwenzeka khona.

• Ukufundisa abantwana bakho ngezivumelwano, bacele bakutshele ngesikhathi lapho benza khona isethembiso noma lapho kukhona owenza khona isethembiso kubo. Uma kungasiza, yabelana nabo ngezibonelo zakho—okubalwa kuzo izivumelwano ozenze noNkulunkulu ngesikhathi ubhabhadiswa noma usethempelini. Zibuthinte kanjani ubudlelwane bakho noNkulunkulu izivumelwano zakho na? Khetha imishwana embalwa kuGenesise 15:1–6; 17:1–8; Abrahama 2:9–11 ukuze nabelane ngezinye zezibusiso uNkulunkulu azethembisa u-Abrahama noSara.

• Ukusiza abantwana bakho balungiselele ukwenza isivumelwano noNkulunkulu lapho sebebhabhadiswa, ungasebenzisa amasu okwenziwayo kwi sithasiselo A noma Isithasiselo B.

• Lapho impilo ka-Abrahama yayisengozini, wabiza uNkulunkulu. Lapho uHagari eyedwa ehlane, wafunda ukuthi uNkulunkulu wamuzwa. Cabanga ngokwabelana nabantwana bakho ngalezi zindaba ezimbili: “Abrahama and Sarah” nethi ”UHagari” kwi zindaba zeTestamente eliDala, 28–31, 32–33. Sifundani ngoNkulunkulu kulezi zindaba? Ningabe senabelana ke futhi omunye nomunye ngesikhathi lapho nezwa khona ukuthi uNkulunkulu wayenizwile. Iculo elifana no “A Child’s Prayer” (Amaculo Abantwana, 12–13) lingabasiza ukuqinisa lesi simiso.

2:20

1:23