Mose 7

Ngesikhathi uMphrofethi uJoseph Smith efunda kokuqala ngo-Enoke neDolobha lakhe lobuNgcwele, wagqugquzeleka. “Wayazi ukuthi usuku lwase lufikile lapho iNkosi yayizobuyisa futhi iSiyoni emhlabeni” (Saints, 1:108–9), futhi waqala indlela yempilo yakhe yonke yokwakha iSiyoni. Ukufunda uMose 7 kungakugqugquzela ukuthi uqhubeke lowomzamo namuhla.

Ungaqala ngokuhlola imibuzo ethi “Iyini iSiyoni?” nokuthi “Ihluke ngani kumhlaba wonke?” Cabanga ukubhala izimpendulo ezifikayo kuwena ngesikhathi ufunda uMose 7, ikakhulukazi amavesi 16–21, 27, 53, 62–69.

Izimpendulo zakho kulemibuzo zingenza kucace ukuthi sisanomsebenzi omningi okumele siwenze ukwakha iSiyoni. Ngakho-ke singakwenza kanjani lokho? Kungase kusize ukucabanga ngezikhathi lapho uzizwe unomuzwa wokuthi “unhliziyonye nengqondo eyodwa” nothize (uMose 7:18). Mhlawumbe bekusewadini, emndenini, noma eqenjini emsebenzini noma esikoleni. Abantu benzani ukuze bakhe ubunye obulungile?

Nazi ezinye izinsiza ongazihlola ukuze uthole amasu nokugqugquzeleka. Khetha okukodwa noma ngaphezulu ozokufunda, bese ubhala phansi lokho ozizwa ugqugquzeleka ukuthi ukwenze ukwakha iSiyoni:

• KwabaseFilipi 2:1–4; 4 Nefi 1:15–18; IMfundiso neziVumelwano 97:21; 105:5.

• Ngu-Ulisses Soares, “Brothers and Sisters in Christ,” iLiyahona, Nov. 2023, 70–73.

• NguD. Todd Christofferson, “One in Christ,” iLiyahona, ngoMeyi 2023, 77–80.

Ngabe kusho ukuthini kuwe ukuba noJesu Kristu njengeNkosi yakho na? Qaphela ezinye izibongo zikaJesu Kristu kuleli vesi. Ngabe bakufundisani Ngaye na? Ucabanga ukuthi kusho ukuthini “ukungena ngesango futhi [ukhuphuke] ngaKuye”?

Bheka futhi “Come, O Thou King of Kings,” Amaculo, no. 59

Abanye abantu uNkulunkulu bambona njengomuntu okude ongathinteki emizweni Yakhe ngalokho okwenzeka kithi. U-Enoke waba nombono ohlukile ngoNkulunkulu embonweni olotshwe ku Mose 7. Wafundani ngoNkulunkulu—futhi ufundani wena— kumavesi 28–40? Ucabanga ukuthi kungani u-Enoke wamangala ukubona uNkulunkulu ekhala? Kungani kubalulekile kuwena ukwazi ukuthi uyakhala?

Njengoba umbono uqhubeka, u-Enoke naye wakhala. Kepha uNkulunkulu wamtshela nezizathu zokuthokoza. Zibheke kuMose 7:41–69. Yini oyifundayo embonweni ka-Enoke engakusiza “uphakamise inhliziyo yakho, ujabule,” naphezu “komunyu” empilweni yakho (uvesi 44)?

Bheka futhi kuJeffrey R. Holland, “The Grandeur of God,” iLiyahona, Nov. 2003, 70–73.

Umbono ka-Enoke, ikakhulukazi olotshwe kuMose 7:59–67, ungesinye seziphrofetho zokuqala zomlando wokuZa kwesiBili koMsindisi. Yini ekuhlaba umxhwele ngendlela lamavesi achaza ngayo izinsuku zokugcina? Isibonelo, cabanga ngokuthi uzwa ukuthi iziphrofetho ezivela ku vesi 62 zifezeka kanjani. Ngabe lemishwana ikufundisani ngomsebenzi kaNkulunkulu ezinsukwini zokugcina na?

Bheka futhi uHenry B. Eyring, “Sisters in Zion,” iLiyahona, Nov. 2020, 67–69.

• Ukusiza abantwana bakho bafunde ngo-Enoke neSiyoni, ungasebenzisa“U-Enoke uMhprofethi” kwiZindaba zeTestamente EliDala (19–21) noma ivesi lesibili le “Follow the Prophet” (Amaculo Abantwana, 110–11). Ngemva kwalokho ungacela abantwana bakho ukuthi bakusize baphinde baxoxe indaba ngamazwi abo. Izithombe zika-Enoke ezikuloluhlaka zingase zisize.

• Nansi enye yezindlela ongasiza ngayo abantwana bakho ukuba baqonde ukuthi kusho ukuthini ukuba “nhliziyonye futhi babe mqondomunye” (uMose 7:18): Yenza inhliziyo yephepha bese uyisika ibe yizicucu, ezanele ukuba umntwana ngamunye abe naso. Bayeke babhale igama labo ocezwini labo lwenhliziyo bese besebenzisana ukuyihlanganisa leyo inhliziyo. Ngesikhathi benza njalo, ungase ukhulume ngezinto ozithandayo ngomntwana ngamunye.

• Siza abantwana bakho babale ukuthi igama elithi “Siyoni” livela kangaki kuMose 7:18–21, 62–63, 68–69. Ngaso sonke isikhathi lapho bethola igama, basize bathole ukuthi ivesi lithini ngeSiyoni (bheka futhi iziHloko zemiBhalo eNgcwele, “Siyoni,” Umtapo woLwazi weVangeli). Singafana kanjani nabantu abachazwe kulamavesi na?

• Ukwethula uMose 7:32–33 ebantwaneni bakho, ungase ukhulume nabo mayelana nokukhetha obekufanele bakwenze kamuva nje. Bese nifunda amavesi ndawonye ukuze nithole ukuthi uBaba oseZulwini ufuna ukuthi sikhetheni. Yiziphi izinqumo esingazenza ukukhombisa ukuthi sikhetha Yena? Mhlawumbe abantwana bakho bangashintshana ngokulingisa enye yalezi zinqumo lapho ezinye ziqagela ukuthi isenzo simeleni.

• Ku Mose 7:59, u-Enoke ubuza iNkosi umbuzo. Mema abantwana bakho ukuthi bawuthole, futhi bese uyacela ukuthi bathole impendulo kwivesi 60. Ungase futhi uxoxe nabo ngesikhathi lapho babelindele ukuthi othize abuyele ekhaya. Babuze ukuthi bazizwa kanjani nokuthi benzeni ukuzilungiselela. Singakulungiselela kanjani ukubuya kukaJesu na?

• Cabanga ngokubonisa izithombe zezikhathi lapho uMsindisi ebonakala kubantu (njenge Gospel Art Book, nos. 60, 82, 83, and 84). Benzani abantu ezithombeni? Bazizwa kanjani abantu lapho behlangana noJesu? Ungakwazi futhi ukucula iculo mayelana nokuZa kwesiBili kukaMsindisi, njenge lithi “When He Comes Again” (Amaculo Abantwana, 82–83), bese ubuza abantwana ukuthi bacabanga ukuthi kuyoba njani lapho uJesu ebuya futhi. Vumela abantwana babelane ngokuthi bazizwa kanjani ngokubona uJesu lapho Ebuya futhi.