ኦሪት ዘፍጥረት 12-17፤ አብርሃም 1–2

ሽማግሌ ኒል ኤል አንደርሰን እንዲህ አስተምረዋል፥ “ሁላችንም በቤተሰቦቻችን [እና] በባህላችን ተጽዕኖ ይደረግብናል፣ ነገር ግን በልዩ ሁኔታ እና በግል የምንቆጣጠረው እና የምንፈጥረው ነገር በውስጣችን እንዳለ አምናለሁ። … በጊዜ ሂደት፣ የውስጣችን ምኞት ህይወት በመዝራት በምርጫችን እና በድርጊታችን ውስጥ ይታያል።” (“Educate Your Desires, Elder Andersen Counsels,” ChurchofJesusChrist.org). አብርሃም 1፡1–19 ሽማግሌ አንደርሰን ያስተማሩትን እንዴት እንደሚያሳይ አስቡ። እንደነዚህ ያሉ ጥያቄዎች ሊረዱ ይችላሉ:

• አብርሃም ምን ፈለገ? ፍላጎቱ በድርጊቶቹ ይገለጡ የነበረው እንዴት ነበር? እግዚአብሔር ፍላጎቱን የደገፈው እንዴት ነው?

• ፍላጎቶቻችሁ ምን ምን ናቸው? በድርጊታችሁ ውስጥስ እንዴት ይታያሉ? እግዚአብሔር እንዴት ይደግፋችኋል?

• የቤተሰብ አባላቶቻቸው ጽድቅን ለማይፈልጉ እነዚህ ጥቅሶች ምን መልዕክት ይዘዋል?

ከአብርሃም እና ከሣራ ታላቅ ፍላጎቶች መካከል አንዱ የሆነው—ልጅ መውለድ—ለብዙ ዓመታት ሳይሳካ ቀርቶ ነበር (ዘፍጥረት 15፡1–6 ይመልከት)። አብርሃምና ሣራ ይህን ፈተና እንዴት እንደተቋቋሙ ከዕብራውያን 11:8–13 ምን ትማራላችሁ? አዳኙ የገባው ቃል “ሩቅ” ቢሆንም እንኳን “[እንድትቀበሉት]” የሚረዳችሁ እንዴት ነው?

በተጨማሪም “Deliverance of Abraham” (ቪዲዮ)፣ የወንጌል ላይብረሪ ይመልከቱ።

1:38

እግዚአብሔር ከአብርሃም ጋር ስለገባው ቃል ኪዳን ማወቅ ለእናንተ አስፈላጊ የሚሆነው ለምንድነው? ምክንያቱ እግዚአብሔር ከእናንተ ጋር ተመሳሳይ ቃል ኪዳን ማድረግ ስለሚፈልግ ነው። ይህ ቃልኪዳን በአብርሃም ትውልድ ወይም “ዘር“ ውስጥ እንደሚቀጥል እና “ይህን ወንጌል የተቀበሉት ሁሉ…እንዳንተ ዘር ይቆጠራሉ“ ሲል ቃል ገብቷል (አብርሃም 2፥10–11)። በሌላ አነጋገር፣ ስትጠመቁ እና የበለጠ በሙላት በቤተመቅደስ ውስጥ ቃል ኪዳን ስትገቡ ቃል ኪዳኑ በእናንተ ውስጥ ይቀጥላል ማለት ነው (ገላትያ 3፡26–29፤ ትምህርት እና ቃል ኪዳኖች 132፡30–32 ይመልከቱ)።

በዚህ ምክንያት፣ አብርሃም 2፡6–11ን በማጥናት እግዚአብሔር በእርግጥ ለአብርሃምና ለሣራ የሰጠውን የተስፋ ቃል ዝርዝር ጻፉ (በተጨማሪም ዘፍጥረት 12፡1–3፤ 13፡15–16፤ 15፡1–6፤ 17፡1–8፣ 15–22 ተመልከቱ) እነዚህ በረከቶች ለእናንተም ሊሆኑ የሚችሉት እንዴት ነው?

ከእነዚህ ተስፋዎች አንዳንዶቹ ዘላለማዊ ተመሳሳይነት አላቸው። እንደ ውርስ ምድር ወይም ብዙ ዘር ያሉ ተስፋዎች ለዘላለም የሚፈጸሙት እንዴት ነው? (ትምህርት እና ቃል ኪዳኖች 131፡1–4፤ 132፡20–24፣ 28–32ተመልከቱ)

የበረከቶችን ተስፋ ከመስጠቱም በተጨማሪ እግዚአብሔር አብርሃምን “ለበረከት ሁን” ብሎታል (ዘፍጥረት 12፡2፤ አጽንዖት ተጨምሯል)። ይህ ምን ማለት ነው ብላችሁ ታስባላችሁ? እናንተ በረከት መሆን የምትችሉት እንዴት ነው? (አብርሃም 2፡11 ይመልከቱ)።

ስለ ቃል ኪዳኖች ለማስተማር፣ ሽማግሌ ዴል ጂ. ሬንሉድ በአማዞን ወንዝ ውስጥ ስላለው ማዕበል፣ ፕሬዘደንት ኤሚሊ ቤሌ ፍሪማን ደግሞ በተሰበረ ቁርጭምጭሚት ድንጋያማ መንገድ ላይ ስለመራመድ ተናግረዋል (“Accessing God’s Power through Covenants,”ሊያሆና፣ ግንቦት 2023 (እ.አ.አ)፣ 35–37ይመልከቱ፤ “Walking in Covenant Relationship with Christ,” ሊያሆና፣ ህዳር 2023 (እ.አ.አ)፣ 76–79)። “እግዚአብሔር ከእርሱ ጋር ቃል ኪዳን እንዳደርግ የሚፈልገው ለምንድነው?” የሚለውን ጥያቄ ለመመለስ የሚረዱትን አንድ ወይም ሁለት ዓረፍተ ነገሮች ከመልዕክቶቹ ፈልጉ።

እንዲሁም ርዕሶች እና ጥያቄዎችን፣ “የአብርሃም ቃል ኪዳን”፣ የወንጌል ላይብረሪ፤ በዚህ የመረጃ ምንጭ ውስጥ ”ልናስታውሳቸው የሚገቡን ሃሳቦች፡ ቃል ኪዳኑ” ተመልከቱ።

መልከ ጼዴቅን ከማያውቀው ሰው ጋር እያስተዋወቃችሁ እንደሆነ አድርጋችሁ አስቡ። ምን ልትሉ ትችላላችሁ? በየጆሴፍ ስሚዝ ትርጉም፣ ዘፍጥረት 14፡26–27፣ 33–38 (በመጽሐፍ ቅዱስ አባሪ) ውስጥ ያሉትን ሃሳቦች ፈልጉ፤ አልማ 13፡13–19፤ ትምህርት እና ቃል ኪዳኖች 107፡1–4። በእነዚህ የመልከጼዴቅ ገለጻዎች ውስጥ ምን ዓይነት የክርስቶስ ዓይነት ባሕርያትን ታገኛላችሁ? የመልከ ጼዴቅን ህይወትን ማጥናታችሁ የመልከ ጼዴቅን ክህነትን በምትመለከቱበት መንገድ ላይ ምን ተጽእኖ ያሳድራል?

ከዘፍጥረት 14፡18–24 እና የጆሴፍ ስሚዝ ትርጉም፣ ዘፍጥረት 14፡36–40 (በመጽሐፍ ቅዱስ አባሪ) አብርሃም ስለ ሀብት ስላለው አመለካከት ምን ተማራችሁ? ለምሳሌ በዘፍጥረት 14፡23 ላይ ለሰዶም ንጉሥ የሰጠውን ምላሽ ልብ በሉ። የአሥራትን ሕግ ማክበር ለገንዘብ ባላችሁ አመለካከት ላይ ተጽዕኖ ያሳደረው እንዴት ነው?

ዘፍጥረት 16ን ስታነቡ በአጋር እንደደረሰው ፍትሃዊ ባልሆነ መንገድ እየተስተናገዳችሁ እንደሆነ የተሰማችሁን ጊዜ ታስቡ ይሆናል። “እስማኤል” ማለት “እግዚአብሔር ይሰማል” ማለት እንደሆነ አስተውሉ። እግዚአብሔር እንደ ሰማችሁ ያሳያችሁ እንዴት ነው?

በተጨማሪም “Secret Prayer,” መዝሙር፣ ቁጥር. 144 ይመልከቱ።

• እናንተ እና ልጆቻችሁ አብርሃም 1:18 እና 2:8ን ስታነቡ በሁለቱም ጥቅሶች ላይ የተጠቀሰውን የአካል ክፍል እንዲያዳምጡ ልትጋብዟቸው ትችላላችሁ። ምናልባት አንድ ልጅ ዓይኖቹን የሚጨፍንበት ከዚያም የልጁን እጅ ይዛችሁ አንድ ቦታ የምትመሩበትን ጨዋታ ልትጫወቱ ትችላላችሁ። ከዚያም ኢየሱስ ክርስቶስ እጃችንን ይዞ ሲመራን ወይም ሲጠብቀን ምን እንደሚሰማን መናገር ትችላላችሁ።

• ልጆቻችሁ በዘፍጥረት 13፡5-12 የሚገኘውን ታሪክ አብርሃምን፣ ሎጥን እና እረኞቹን መስለው መተወን ያስደስታቸው ይሆናል። ለቤተሰባችን ወይም ለጓደኞቻችን አስታራቂ በመሆን ረገድ የአብርሃምን ምሳሌ መከተል የምንችለው እንዴት ነው? መልሶቻቸውን ተራ በተራ ለመተወን ሞክሩ።

• ልጆቻችሁን በእቃ ውስጥ ያለን አሸዋ፣ በሌሊት የሰማይ ከዋክብትን ወይም በዚህ ዝርዝር መጨረሻ ላይ ያለውን ምስል ለማሳየት አስቡ። ይህ በዘፍጥረት 13፡16፤ 15፡1–6 የእግዚአብሔርን ተስፋዎች እንዲገነዘቡ ሊረዳቸው ይችላል። የእግዚአብሔር ተስፋዎች የማይቻሉ በሚመስሉበት ጊዜ እንኳን እንዴት ማመንን እንደተማራችሁ ተናገሩ።

• ልጆቻችሁን ስለ ቃል ኪዳኖች ለማስተማር፣ ቃል ስለገቡበት ወይም አንድ ሰው ቃል ስለገባላቸው ጊዜ እንዲነግሯችሁ ጠይቋቸው። የሚረዳችሁ ከሆነ፣ ከእግዚአብሄር ጋር በጥምቀት ወቅት ወይም በቤተመቅደስ ውስጥ የገባችሁትን ቃል ኪዳን ጨምሮ የራሳችሁን አንዳንድ ምሳሌዎችን አካፍሉ። ቃል ኪዳኖቻችሁ ከእግዚአብሔር ጋር ባላችሁ ግንኙነት ተጽዕኖ ያሳደሩት እንዴት ነው? ከዘፍጥረት 15፡1–6፤ 17:1–8፤ አብርሃም 2፡9–11 የተወሰኑ ሀረጎችን በመምረጥ እግዚአብሔር ለአብርሃም እና ለሣራ የገባላቸውን አንዳንድ በረከቶች አካፍሉ።

• ልጆቻችሁ ሲጠመቁ ከእግዚአብሔር ጋር ቃል ኪዳን ለመግባት እንዲዘጋጁ ለመርዳት፣ በአባሪ ሀ ወይም አባሪ ለ ላይ ከተጠቆሙት የተወሰኑ የአክቲቪቲ ሀሳቦችን መጠቀም ትችላላችሁ።

• የአብርሃም ሕይወት አደጋ ላይ በነበረበት ጊዜ፣ እግዚአብሔርን ጠራ። አጋር ደግሞ ብቻዋን በምድረ በዳ በነበረች ጊዜ እግዚአብሔር እንደ ሰማት አወቀች። እነዚህን ሁለት ታሪኮች ለልጆቻችሁ ለማካፈል አስቡ፡- “አብርሃም እና ሳራ” እና “አጋር” የብሉይ ኪዳን ታሪኮች፣ 28–31፣ 32–33። ከእነዚህ ታሪኮች ስለእግዚያብሄር ምን እንማራለን? ከዚያም እግዚአብሔር እንደሰማችሁ የተሰማችሁን ጊዜ ልምድ አንዳችሁ ለሌላችሁ ልታካፍሉ ትችላላችሁ። እንደ “A Child’s Prayer” (የልጆች መዝሙር መጽሐፍ፣ 12–13) ያለ መዝሙር ይህን መርሆ ያጠናክራል።

2:20

1:23