ሙሴ 7

ነቢዩ ጆሴፍ ስሚዝ ስለ ሄኖክ እና ስለ ቅድሱ ከተማው ለመጀመሪያ ጊዜ ባወቀ ጊዜ ተነሳስቱ ነበር። “እግዚአብሔር ጽዮንን በምድር ላይ የሚመሠርትበት ቀን እንደ ደረሰ አወቀ” (Saints፣ 1፡108–9) እንዲሁም ጽዮንን ለመገንባት የዕድሜ ልክ ጥረትን ጀመረ። ሙሴን 7 ማንበብ ጥረቱን ዛሬም እንድትቀጥሉ ሊያነሳሳችሁ ይችላል።

“ጽዮን ምንድናት?” እና “ከሌላው አለም የምትለየው እንዴት ነው?” የሚሉትን ጥያቄዎች በመመርመር መጀመር ትችላላችሁ። ሙሴን 7ን በተለይም ቁጥር 16–21፣ 27፣ 53፣ 62–69 ስታጠኑ ወደ እናንተ የሚመጡ መልሶችን ለመዘርዘር አስቡ።

ለእነዚህ ጥያቄዎች የምትሰጧቸው መልሶች ጽዮንን ለመገንባት ገና ብዙ ሥራ እንደሚጠብቀን ግልጽ ሊያደርግልን ይችላል። ታዲያ ያንን እንዴት ማድረግ እንችላለን? ከአንድ ሰው ጋር “አንድ ልብ እና አንድ አዕምሮ” እንደሆናችሁ የተሰማችሁን ጊዜ ማሰብ ሊረዳችሁ ይችላል (ሙሴ 7፡18)። ምናልባት በቅርንጫፍ፣ በቤተሰብ ወይም በቡድን ስራ ወይም በትምህርት ቤት ውስጥ ሊሆን ይችላል። ሰዎች የጽድቅ አንድነትን ለመፍጠር ምን አደረጉ?

ሃሳቦችን እና መነሳሳትን ለማግኘት ማሰስ የምትችሏቸው አንዳንድ ሌሎች ግብዓቶች እነዚህ ናቸው። ለማጥናት አንድ ወይም ከዚያ በላይ የሆኑትን ምረጡ እና ጽዮንን ለመገንባት ያነሳሳችሁን ፃፉ፡

• በተጨማሪም ፊልጵስዩስ 2፥1–4፤ 4 ኔፊ 1፥15–18፤ ትምህርት እና ቃል ኪዳኖች 97፥21፤ 105፥5ን ይመልከቱ።

• ዩሊሲስ ሶሬስ “Brothers and Sisters in Christ,” ሊያሆና፣ ህዳር 2023 (እ.አ.አ)፣ 70-73።

• ዲ ቶድ ክርስቶፈርሰን “One in Christ,” ሊያሆና፣ ግንቦት 2023፣ 77–80።

ኢየሱስ ክርስቶስ ንጉሳችሁ መሆኑ ለእናንተ ምን ማለት ነው? በዚህ ጥቅስ ውስጥ ያሉትን የኢየሱስ ክርስቶስን ሌሎች የማዕረግ ስሞች ተመልከቱ። ስለ እርሱ ምን ያስተምሯችኋል? “በበሩ ገብተው ወደ [እርሱ] የሚወጡት” ሲባል ምን ማለት ነው ብላችሁ ታስባላችሁ?

በተጨማሪም “Come, O Thou King of Kings፣” መዝሙሮች፣ ቁ. 59. ይመልከቱ።

አንዳንድ ሰዎች እግዚአብሄር በእኛ ላይ የሚሆነው ነገር ስሜታዊ ተጽዕኖ እንደማያሳድርበት እሩቅ አካል አድርገው ያዩታል፡፡ በሙሴ 7 ላይ ከተጻፈው ራእይ ሄኖክ ስለ እግዚአብሔር የተለየ እይታን አግኝቷል። በቁጥር 28-40 ስለ እግዚአብሔር ምን ተማረ—እናንተስ ምን ተማራችሁ? ሄኖክ እግዚአብሔር ሲያነባ አይቶ የተገረመው ለምን ይመስላችኋል? እርሱ ይህን እንደሚያደርግ ማወቃችሁ ለእናንተ ለምን የሚያስፈልግ ይመስላችኋል?

ራእዩ ሲቀጥል ሄኖክም እንዳነባ እናያለን። እግዚአብሔር ግን እሱ ደስ ሊሰኝ የሚችልበትን ምክንያት ነግሮታል። በሙሴ 7፡41–69 ፈልጓቸው። በህይወታችሁ ውስጥ “[ምሬት]” ቢሰማችሁም “[ልባችሁን እናድታነሱ እና እንድትደሰቱ]” የሚረዳችሁን ከሄኖክ ራእይ ምን ተማራችሁ (ቁጥር 44)?

በተጨማሪም ዮሐንስ 17፤ ጄፍሪ አር. ሆላንድ “The Grandeur of God፣” ሊያሆና፣ ህዳር 2003 (እ.አ.አ)፣ 70–73 ይመልከቱ።

የሄኖክ ራዕይ፣ በተለይም በሙሴ 7፡59–67 ላይ የተመዘገበው፣ ስለ አዳኙ ምጽአት በታሪክ የመጀመሪያ ከሆኑ ትንቢቶች መካከል አንዱ ነው። እነዚህ ጥቅሶች የኋላኛውን ቀን ስለሚገልጹበት መንገድ የሚያስደንቃችሁ ምንድን ነው? ለምሳሌ፣ በቁጥር 62 ላይ ያሉት ትንቢቶች እየተፈጸሙ ስለመሆናቸው የሚሰማችሁን አስቡ። እነዚህ ሃረጎች ስለኋለኛው ቀናት የእግዚአብሔር ሥራ ምን ያስተምሯችኋል?

በተጨማሪም ሔንሪ ቢ. አይሪንግ፣ “Sisters in Zion,” ሊያሆና፣ህዳር 2020 (እ.አ.አ)፣ 67–69 ይመልከቱ።

• ልጆቻችሁ ስለ ሄኖክ እና ጽዮን እንዲማሩ ለመርዳት በየብሉይ ኪዳን ታሪኮች (19-21) ላይ “ነቢዩ ሄኖክ” ወይም “Follow the Prophet” (Children’s Songbook፣ 110–11) ሁለተኛውን አዝማች መጠቀም ትችላላችሁ። ከዚያም ልጆቻችሁ ታሪኩን በራሳቸው አገላለጽ እንደገና እንድትናገሩ እንዲረዷችሁ መጠየቅ ትችላላችሁ። በዚህ ዝርዝር ውስጥ ያሉት የሄኖክ ሥዕሎች ሊረዱ ይችላሉ።

• ልጆቻችሁ “አንድ ልብና አንድ አእምሮ” (ሙሴ 7፡18) ማለት ምን ማለት እንደሆነ እንዲረዱ የምታግዙበት አንዱ መንገድ እዚህ ይገኛል፡ ለእያንዳንዱ ልጅ ከወረቀት ላይ የልብ ቅርጽ ቆርጣችሁ በማውጣት ስጡ። በወረቀታቸው ላይ ስማቸውን እንዲጽፉ እና ልቦቹን አንድ ላይ እንዲያያይዙ በአንድነት ይስሩ። ይህን በሚያደርጉ ጊዜ፣ ስለእያንዳንዱ ልጅ የምትወዱትን ነገሮች ማውራት ትችላላችሁ።

• በሙሴ 7፡18–21፣ 62–63፣ 68–69 ላይ “ጽዮን” የሚለው ቃል ስንት ጊዜ እንደተገለጸ ልጆቻችሁ እንዲቆጥሩ እርዷቸው። ቃሉን ባገኙ ቁጥር ጥቅሱ ስለ ጽዮን የሚናገረውን እንዲያውቁ አግዟቸው (በተጨማሪም የቅዱሳን ጽሑሃፍት መመሪያ፣ “ጽዮን”፣ የወንጌል ላይብረሪ ይመልከቱ)። በእነዚህ ጥቅሶች ውስጥ እንዳሉት ሰዎች ይበልጥ እንዴት መሆን እንችላለን?

• ሙሴ 7፡32–33ን ለልጆቻችሁ ለማስተዋወቅ፣ በቅርቡ ማድረግ ስለነበረባቸው ምርጫ ልታናግሯቸው ትችላላችሁ። ከዚያም የሰማይ አባት እንድንመርጥ የሚፈልገውን ለማወቅ ጥቅሶቹን በአንድነት ማንበብ ትችላላችሁ። እርሱን እንደምንመርጥ ለማሳየት ምን ምርጫዎችን ማድረግ እንችላለን? ምናልባት ልጆቻችሁ ከእነዚህ ምርጫዎች ውስጥ አንዱን በምልክት ሊያሳዩ፣ ሌሎቹ ደግሞ ድርጊቱ ምን እንደሚወክል ሊገምቱ ይችላሉ።

• በሙሴ 7፡59 ሄኖክ ጌታን አንድ ጥያቄ ጠይቆት ነበር። ልጆቻችሁን እንዲያገኟቸው ጋብዟቸው እንዲሁም መልሱን ቁጥር 60 ላይ እንዲያገኙ ጠይቋቸው። በተጨማሪም አንድ ሰው ወደ ቤት እስኪመለስ ጠብቀው ስለነበረበት ጊዜ ከእነሱ ጋር መነጋገር ትችላላችሁ። ምን እንደተሰማቸው እና ለመዘጋጀት ምን እንዳደረጉ ጠይቋቸው። ለኢየሱስ ምጽአት እንዴት መዘጋጀት እንችላለን?

• አዳኙ ለሰዎች የተገለጠበትን ጊዜ (እንደ የወንጌል አርት መጽሐፍ፣ ቁጥር 60፣ 82፣ 83፣ እና 84 ያሉትን) ምስሎችን ለማሳየት አስቡ። በምስሎቹ ላይ ሰዎች ምን እያደረጉ ነው? ኢየሱስን ሲያገኙት ሰዎቹ ምን ተሰምቷቸው ሊሆን ይችላል? እንዲሁም ስለ አዳኙ ምጽአት ለምሳሌ “When He Comes Again” (የልጆች መዝሙር መጽሃፍ 82–83) የመሰሉ መዝሙሮችን ዘምሩ፣ ልጆቻችሁ ኢየሱስ ዳግም ሲመጣ ምን ሊመስል እንደሚችል ያላቸውን ሃሳብ ጠይቋቸው። ልጆች ኢየሱስ ዳግም ሲመጣ ማየት ምን አይነት ስሜት ሊያሳድርባቸው እንደሚችል እንዲያካፍሉ አድርጓቸው።