ኦሪት ዘፍጥረት 5፤ ሙሴ 6

ሙሴ 6፥26–36ን ስታጠኑ፣ ስለሚያስከትላቸው ውጤቶች ምን ተማራችሁ? እነዚህን ውጤቶች እንዴት አያችሁ? ሄኖክ እነዚህን ውጤቶች እንዲያሸንፍ ያገዙት የትኞቹ ባሕርያት ነበሩት? በዚህም ምክንያት እግዚአብሄር እንዴት ባረከው?

ጌታ እንድትሰሩ በጠራችሁ ነገር ከተጨነቃችሁ ብቻችሁን አይደላችሁም። ጌታ ነቢይ እንዲሆን በጠራው ጊዜ ሄኖክም እንደዛ ተሰምቶት ነበር። ሙሴ 6፥26–36፣ ን ስታነቡ ኢዮብ ለምን የመጨነቅ ስሜት እንደተሰማው እና ጉብዝና እንዲሰማው ጌታ ምን እንዳለው ፈልጉ።

በቁጥር 37–47 ውስጥ ጌታ ሄኖክን የረዳበትን እና ስራውን እንዲሰራ ሃይል የሰጠበትን መንገዶች መፈለግ ትችላላችሁ (በተጨማሪም ሙሴ 7፥13ን ይመልከቱ)። የሄኖክን ተሞክሮዎች እንደሙሴ ( ዘጸአት 4፥10–16ን ይመልከቱ)፣ ኤርሚያስ ( ትንቢተ ኤርሚያስ 1፥4–10ን ይመልከቱ)፣ ኔፊ ( 2 ኔፊ 33፥1–4ን ይመልከቱ)፣ እና ሞሮኒ ( ኤተር 12፥23–29ን ይመልከቱ)ካሉ ብቃት እንደሌላቸው ከተሰማቸው ከሌሎች ነቢያት ጋር ልታነጻጽሩ ትችላላችሁ። ከነዚህ ቅዱሳን ጽሁፎች እግዚያብሄር እንድትሰሩት ስለሰጣችሁ ስራ ምን እንድትማሩ የሚፈልግ ሆኖ ይሰማችኋል?

ብዙ የዘመናችን ሐዋርያት እና ነቢያት ጥሪያቸውን ሲቀበሉ የተሰማቸው ስሜት ሄኖክ ከተሰማው ጋር የሚመሳሰል እንደሆነ ገልጸዋል። ለምሳሌ፣ “Prophets Speak by the Power of the Holy Spirit (ሊያሆና፣ ግንቦት 2018፣ 98–99) ውስጥ የሽማግሌ ዩሊሰስ ሶሬስን ምስክርነት ተመልከቱ።

ከእነዚህ ነቢያትና ሐዋርያት ስለ እናንተ ብቁ ያለመሆን ስሜት ምን ትማራላችሁ? ከባድ ነገሮችን እንድታደርጉ ሲጠይቃችሁ የአዳኙ እርዳታ የተሰማችሁ መቼ ነው? ወደፊት በአዳኙ እርዳታ መታመን ሊያስፈልጋችሁ የሚችልበትን ጊዜ ጥቂት ሁኔታዎችን መጻፍን አስቡ። እነዚህን ሁኔታዎች በኢየሱስ ክርስቶስ በማመን መጋፈጥ የምትችሉት እንዴት ነው?

በተጨማሪም ዴቪድ ኤ. ቤድናር “Abide in Me, and I in You; Therefore Walk with Me,” ሊያሆና 2023 (እ.አ.አ)፣ 123–25 ይመልከቱ፤ “I’ll Go Where You Want Me to Go,” መዝሙሮች ቁ.270።

የሙሴ መጽሃፍ ስላለን እግዚያብሄር ልጆቹን ከመጀመሪያው ጀምሮ ደህንነትን እንዴት እንደሚያገኙ ሲያስተምር እንደነበረ እናውቃለን። ሙሴ 6፥48–68ን ስታጠኑ፣ ለመቤዠት ምን ማወቅ እና ማድረግ እንዳለብን ፈልጉ? በክፍል 53 ላይ ያለውን የአዳምን ጥያቄ አስተውሉ። ይህን አስባችሁ ታውቃላችሁ? በቁጥር 53–65 ካለው የጌታ መልስ ምን ተማራችሁ? እነዚህን ጥቅሶች በአዳም የጥምቀት አገልግሎት ላይ እንደ ጌታ መልእክት አድርጋችሁ ልታስቡ ትችላላችሁ። ከመልእክቱ ስለ ጥምቀት ምን ትማራላችሁ? ጥምቀትን “በድጋሚ [ከ]መወለድ” (ቁጥር 59) ጋር ያነጻጸረው ለምን ይመስላችኋል? በህይወታችሁ ሙሉ “በድጋሚ መወለድ” እንድትቀጥሉ ምን ማድረግ ትችላላችሁ?

በሙሴ 6፡51-63 ላይ ጌታ አዳምን የኢየሱስ ክርስቶስን ወንጌል እውነት ካስተማረ በኋላ ለቀጣይ ትውልድ እንዲያስተምር ነገረው። የእነዚህን እውነቶች ዝርዝር ማዘጋጀትን አስቡ። (ጽሁፉን ወደ ትንንሽ ቁጥሮች መከፋፈል ሊረዳችሁ ይችላል፣ ለምሳሌ ቁጥር 51–52፣ 53–57፣ 58–60፣ 61–63)። ዛሬ በማደግ ላይ ላለው ትውልድ እነዚህ እውነቶች ጠቃሚ የሚሆኑት ለምንድን ነው? በሞዛያ 4፡14–15 እና ትምህርት እና ቃል ኪዳኖች 68፡25–28፤ 93፡40–50 ከጌታ ለወላጆች ከሰጠው መመሪያ ሌላ ምን መማር ትችላላችሁ?

የአዳም እና ሄዋን ቤተሰብ ያዘጋጀውን “የመታሰቢያ መጽሃፍ“ ማንበብ የራሳችሁን ወይም የቤተሰባችሁን የመታሰቢያ መጽሃፍ እንድታዘጋጁ ሊያነሳሳ ይችላል። ጌታ ምን እንድታካትቱ የሚፈልግ መስሎ ይሰማችኋል? ከመታሰቢያ መጽሃፋችሁ መረጃዎችን ወደ FamilySearch.orgለማከል አስቡ።

በተጨማሪም ዲተር ኤፍ. ኡክዶርፍን፣ “ኢየሱስ ክርስቶስ የወላጆች ብርታት ነው፣” ሊያሆና፣ ግንቦት 2023 (እ.አ.አ)፣ 55-59፤ “Parenting: Touching the Hearts of Our Youth,” “But Why?” (ቪዲዮ)፣ የወንጌል ላይብረሪ ይመልከቱ።

• ሄኖክ ወንጌልን ለመስበክ በተጠራበት ጊዜ ሳይሳካለት እንዳይቀር ሰግቶ ነበር። ነገር ግን እግዚአብሔር ረዳው። ይህንን ታሪክ በአንድነት በሙሴ 6፡26–34 ውስጥ አንብቡ (በተጨማሪም “ነቢዩ ሄኖክ” በብሉይ ኪዳን ታሪኮች፣ 19–21 ይመልከቱ)። ሄኖክ ወንጌልን መስበክ እንደማይችል ሆኖ የተሰማው ለምንድን ነው? (ሙሴ 6፡31 ይመልከቱ)። እግዚአብሔር ሄኖክን የረዳው እንዴት ነው? (ሙሴ 6:32–34፤ 7:13 ይመልከቱ)።

• ልጆቻችሁ ሰዎች አስቸጋሪ ነገሮችን እንዲያደርጉ እግዚአብሔር የረዳቸውን ሌሎች ምሳሌዎችን በማካፈል ወይም በመተወን ሊደሰቱ ይችላሉ—ለምሳሌ ኖኅ፣ ዳዊት፣ አሞን፣ ወይም ላማናዊው ሳሙኤል (የወንጌል አርት መጽሐፍ፣ ቁ. 7፣ 19፣ 78፣ 81)። በተጨማሪም የራሳችሁን ተሞክሮ ማካፈል እና ልጆቻችሁ ከባድ ነገሮችን እንዲያደርጉ እግዚአብሔር እንዴት እንደሚረዳቸው እንዲናገሩ ማድረግ ትችላላችሁ።

• እግዚአብሔር ወደ እርሱ ለመመለስ ምን ማድረግ እንዳለብን አዳምን አስተምሮታል—በኢየሱስ ክርስቶስ ማመን፣ ንስሀ መግባት፣ መጠመቅ እና የመንፈስ ቅዱስን ስጦታ መቀበል። ልጆቻችሁ በሙሴ 6፡52፣ 57 ውስጥ እነዚህን መርሆች እንዲያገኙ እርዷቸው። ከዚያም ስለ አንዱ መርህ አጭር ንግግር እንዲጽፉ መርዳት ትችላላችሁ። እያንዳንዱ ንግግር የሙሴ 6ን ጥቅስ፣ ልምድ እና ምስክርነት ሊያካትት ይችላል። ንግግራቸውን አንዳቸው ለሌላው ያካፍሉ።

• እንዲሁም የመጀመሪያ የወንጌል መርሆችን የሚወክሉ ሥዕሎችን ማሳየት ትችላላችሁ (አራተኛ የእምነት አንቀጽ ይመልከቱ)። ወደ ኢየሱስ ክርስቶስ ሥዕል በሚወስድ መስመር ላይ አስቀምጧቸው። ሙሴ 6:52ን ስታነቡ ልጆቻችሁ ሥዕሉን የሚወክሉትን ቃላት ሲሰሙ ከሚዛመደው ሥዕል አጠገብ መቆም ይችላሉ።

• ልጆቻችሁ በሙሴ 6፡52 ውስጥ ያሉትን መርሆችን የሚያስተምሩ እንደ “Faith [እምነት],” “When I Am Baptized,” እና “The Holy Ghost” (የልጆች የመዝሙር መጽሐፍ፣ 96–97፣ 103፣ 105) ያሉ መዝሙሮችን በመዘመር ሊደሰቱ ይችላሉ። በሙሴ 6፡52 ውስጥ እነዚህን መርሆች እንዲያገኙ እርዷቸው።

• ልጆቻችሁ የወንጌል አስተማሪዎች የሆኑትን ወላጆቻቸውን እንዲደግፉ ለማበረታታት፣ አንድ ልጅ ሙሴ 6፡58 እንዲያነብ እና እግዚአብሔር ለወላጆች የሰጠውን ትዕዛዝ እንዲለዪ ጠይቁ። ከዚያም አዳምና ሔዋን ልጆቻቸውን ሲያስተምሩ የሚያሳይ ሥዕል (በዚህ ጽሑፍ መጨረሻ ላይ እንዳለው) በማስየት ልጆቻችሁ በሥዕሉ ላይ ስለሚያዩት ነገር እንዲናገሩ ማድረግ ትችላላችሁ። ልጆቻችሁ ከቤተሰቦቻቸው ጋር አብረው ቅዱሳት መጻህፍት ሲያነቡ፣ ሲጸልዩ ወይም ሲጫወቱ የሚያሳይ ስዕል መሳል ይችላሉ።