ኦሪት ዘፍጥረት 3-4፤ ሙሴ 4–5

የአዳም እና ሔዋን ምርጫ በምድራዊ ህይወታችን ውስጥ የሚያጋጥሙንን ብዙ ችግሮች ማስከተሉ እውነት ነው። ነገር ግን በምርጫቸው እንቆጫለን ማለት አይደለም። ዘፍጥረት 3 እና ሙሴ 4ን ስታነቡ፣ ውድቀት ለእግዚአብሔር እቅድ ለምን አስፈገ? በማለት ራስችሁን ትጠይቁ ይሆናል።

በሙሴ 5፡9-12 መሠረት አዳምና ሔዋን ስለ ውድቀት ምን ተሰምቷቸው ነበር? ቃላቶቻቸውን በዚህ በወደቀ ዓለም ውስጥ ባላችሁ ልምድ እንዴት ተግባራዊ ማድረግ ትችላላችሁ? ከ2 ኔፊ 2፡19–25 ሌላ ምን ተማራችሁ?

በተጨማሪም ሞዛያ 3:19፤ አልማ 12:21–37 እና ትምህርት እና ቃልኪዳኖች 29:39–43ይመልከቱ።

የአዳም እና ሔዋን ታሪክ በኢየሱስ ክርስቶስ የሆነ የተስፋ እና የቤዛነት ታሪክ ነው። ምክንያቱን ለመረዳት በዘፍጥረት 3፡1-7፤ሙሴ 4፡22-31 ላይ ውድቀት ያስከተለውን በመፈለግ መጀመር ትችላላችሁ እንዲሁም ያገኛችሁት ላይ ምልክት አድርጉ ወይም ዝርዝር አውጡ። እነዚህ ውጤቶች በእናንተ ላይ እንዴት ተጽዕኖ ያሳድራሉ? ከዚያም ሙሴ 5፡4-15ን ስታነቡ ከእነዚህ ውጤቶች እኛን ለማዳን እግዚአብሔር የነበረውን እቅድ ፈልጉ። አዳምና ሔዋን መልአኩ ከጎበኛቸው በኋላ “ደስተኛ” የሆኑት ለምንድነው? ስለ ሰማይ አባት እቅድ ከእነሱ ምን ትማራላችሁ?

በተጨማሪም “Because of Him” (ቪዲዮ)፣ የወንጌል ላይብረሪ ይመልከቱ።

2:44

ይህ የቅዱስ ጽሁፍ ምንባብ አንዳንድ ጊዜ አንድ ባል ሚስቱን ደግነት በጎደለው ሁኔታ ቢይዝ ተገቢ ነው የሚል የተሳሳተ ግንዛቤ ሲወሰድበት ቆይቷል። በእኛ ጊዜ፣ የጌታ ነቢያት ባል እና ሚስት በቤተሰብ ውስጥ ያላቸውን መለኮታዊ ሀላፊነት ለመወጣት እርስ በርሳቸው እንደ እኩል አጋሮች መተያየት እንዳለባቸው አስተምረዋል (ቤተሰብ: ለአለም የተላለፈ አዋጅ” [የወንጌል ላይብረሪ] ይመልከቱ)። ሽማግሌ ዴል ጂ. ረንላንድ እና እህት ሩት ላይበርት ረንላንድ ጻድቅ ባል “ማገልገል ይሻል፤፤ስህተቶችን ይቀበላል እንዲሁም ይቅርታን ይሻል፤ምስጋና ለማቅረብ ፈጣን ነው፤የቤተሰብ አባላት ምርጫዎችን ከግምት የሚያስገባ ይሆናል፤ለህይወት አስፈላጊ የሆኑትን ነገሮች ለማቅረብ እና ቤተሰቡን ለመጠበቅ ታላቅ የሃላፊነት ሸክም ይሰማዋል፤ሚስቱን በከፍተኛ ክብር እና ትህትና ይይዛታል። … ቤተሰቡን ይባርካል”(የመልከጼዴቅ የክህነት ስልጣን: ትምህርቱን መገንዘብ፣ መርሆዎቹን መኖር [2018(እ.አ.አ)]፣ 23)።

ሽማግሌ ዴል ጂ. ሬንሉድ “የሰማዩ አባታችን የወላጅነት አላማው ልጆቹ ትክክለኛውን ነገር እንዲያደርጉ ማድረግ አይደለም፤ ይልቁንስ የእርሱ ልጆች ትክክለኛውን ነገሮች እንዲመርጡ ማድረግ ነው” በማለት አስተምረዋል። (ዴል ጄ. ረንለንድ “Choose You This Day [ይህንን ቀን ምረጡ]፣” ሊያሆና፣ ህዳር 2018፣ (እ.አ.አ) 104) በሰማይ አባት እቅድ ውስጥ ትክክለኛውን ነገር ለማድረግ መምረጣችን በጣም አስፈላጊ የሆነው ለምንድነው?

ሙሴ 4፡1–4ን ስታነቡ የሰማይ አባት እና ኢየሱስ ክርስቶስ የመምረጥ መብታችሁን—ነጻ ምርጫችሁን ለመጠበቅ ያደረጉትን ፈልጉ። የእነሱን የጥበቃ ኃይል እንዴት ማግኘት ትችላላችሁ? ሃሳብ ለማግኘት “Make inspired choices” የሚለውን በለወጣቶች ጥንካሬ፦ ምርጫዎችን ለማድረግ መመሪያ (4-5።) ማጥናት ትችላላችሁ።

በተጨማሪ በ2 ኔፊ 2፡11–20፣ 25–30 ላይ ሌሂ ስለ ነጻ ምርጫ ያስተማረውን ለማንበብ አስቡ። ለነጻ ምርጫ ተቃውሞ የሚያስፈልገው ለምንድነው? ኢየሱስ ክርስቶስ “ለመምረጥ… ነፃ” ስላደረጋችሁ አድናቆታችሁን ማሳየት የምትችሉት እንዴት ነው? (2 ኔፊ 2፥27)።

በተጨማሪም ዳለን ኤች. አኦክስ፣ “Opposition in All Things፣” ሊያሆና፣ ህዳር 2016 (እ.አ.አ)፣ 114-17፤ Topics and Questions [ርዕሶች እና ጥያቄዎች]፣ “Agency,” የወንጌል ላይብረሪ፤ “Choose the Right,” መዝሙሮች፣ ቁ. 239።

ሙሴ 4፡4–12፤ 5፡13–33ን ስታነቡ ሰይጣን አዳምና ሔዋንን እንዲሁም ልጆቻቸውን ሊፈትናቸው የሞከረባቸውን መንገዶች ለመዘርዘር አስቡ። ዛሬም እነዚህን ተመሳሳይ ነገሮች የሚሞክረው እንዴት ነው? የሰማይ አባት የሰይጣንን ማታለያዎች እንድትቋቋሙ የሚረዳችሁ እንዴት ነው?

አዳምና ሔዋን የተከለከለውን ፍሬ ከበሉ በኋላ ራቁታቸውን ለመሸፈን ሞክረዋል። በኋላ ላይ፣ ጌታ አለበሳቸው። ሙሴ 4:13–16፣ 27ን ስታነቡ የሚከተለውን አስቡ።

• በቅዱሳት መጻሕፍት ውስጥ ታቁት መሆን እና ልብስ ምን ሊወክሉ እንደሚችሉ አስቡ (ለምሳሌ፣ ራዕይ 7፡9፣ 13–15፤ 2 ኔፊ 9፡14፤ ትምህርት እና ቃል ኪዳኖች 109፡22–26፣ 76 ይመልከቱ)። አዳምና ሔዋን ከራቁትነት እና ከመልበስ ጋር ካጋጠማቸው ነገር ምን ትማራላችሁ?

• የቤተመቅደስ ቡራኬ ተቀብላችሁ ከሆነ አዳምና ሔዋን ስለ ቤተ መቅደስ ልብሳችሁ አስፈላጊነትና ስለሚወክሉት ነገር ምን ሊሏችሁ እንደሚችሉ አስቡ።

በተጨማሪም “Sacred Temple Clothing” (ቪዲዮ)፣ የወንጌል ላይብረሪ ይመልከቱ።

4:12

ሙሴ 5፥4–9፣ 16–26ን ስታጠኑ አዳምና ሔዋን እንዲሁም ልጆቻቸው ቃየን እና አቤል በመሥዋዕት ዙሪያ የነበራቸውን አመለካከት ልብ በሉ። ጌታ የአቤልን መስዋዕት ተቀብሎ የቃየን ሳይቀበል የቀረው ለምንድን ነው?

ጌታ መሥዋዕት እንድታደርጉ ምን እየጠየቃችሁ ነው? በእነዚህ ጥቅሶች ውስጥ ስለእነዚያ መስዋዕቶች ያላችሁን አመለካከት የሚቀርጽ ነገር አለ?

• ልጆቻችሁ የአዳምን እና የሔዋንን ውድቀት በተሻለ ሁኔታ እንዲረዱ ለመርዳት፣ ከ“አዳም እና ሔዋን” (በብሉይ ኪዳን ታሪኮች፣ 13-16) ያሉትን ሥዕሎች ኮፒ ማድረግ እና መቁረጥ ትችላላችሁ። ከዚያም የአዳም እና የሄዋንን ተሞክሮዎች ስትወያዩ ምስሎቹን በቅደም ተከተል ለማስቀመጥ አብራችሁ መስራት ትችላላችሁ። ይህን ስታደርጉ፣ በሰማይ አባት እቅድ አዳምና ሔዋን ከኤደን ገነት መውጣታቸው ለምን አስፈላጊ እንደነበር ተናገሩ።

• ልጆቻችሁ የውድቀትን ውጤት እንዴት እንደሚያሸንፉ ሲረዱ ለኢየሱስ ክርስቶስ የኃጢያት ክፍያ ምስጋና ሊሰማቸው ይችላል። በአንድነት ሙሴ 4:25፤ 6:48፤ ሮሜ 5:12፤ 2 ኔፊ 2፡22–23፣ ስታነቡ፣ ልጆቻችሁ ይህንን ዓረፍተ ነገር የሚያጠናቅቁባቸውን መንገዶች እንዲያገኙ እርዷቸው፡ “በውድቀት ምክንያት፣ እኔ…” ከዚያም ሙሴ 5፡8–11፣ 14–15፤ 6:59፤ አልማ 11፡42 አብራችሁ ስታነቡ፤ ይህንን ዓረፍተ ነገር ሊያጠናቅቁ ይችላሉ፡- “በኢየሱስ ክርስቶስ ምክንያት፣ እኔ…።” ለኢየሱስ ክርስቶስ ያላችሁን ምስጋና አንዳችሁ ለሌላችሁ አካፍሉ።

• የነጻ ምርጫን መርህ ለማስተዋወቅ አንድ ቀላል የተግባራዊ ምሳሌያዊ ነገር ትምህርትን አስቡ፡ ልጆቻችሁ የዚህን ሳምንት የአክቲቪቲ ገጽ እንዲቀቡ ጋብዟቸው ነገር ግን አንድ ቀለም ብቻ እንዲጠቀሙ አድርጓቸው። ምርጫዎች ቢኖሩ የተሻለ የሚሆነው ለምድነው? ከዚያም ሙሴ 4፡1–4ን አብራችሁ አንብባችሁ እግዚአብሔር ለምን ትክክለኛውን ትክክል ካልሆነው መምረጥ እንድንችል እንደሚፈልግ መነጋገር ትችላላችሁ። የሰማይ አባት እና ኢየሱስ ክርስቶስ ጥሩ ምርጫዎችን እንድናደርግ የሚረዱን እንዴት ነው?

• ልጆቻችሁ ኢየሱስ ክርስቶስን ለመከተል ሊያደርጉ የሚችሉትን መልካም ምርጫዎች እንዲያስቡ እና እንዲስሉ እርዷቸው። ወይም እንደ “Choose the Right Way” (የልጆች የመዝሙር መጽሐፍ፣ 160–61) አይነት ጥሩ ምርጫዎችን ስለማድረግ አንድ መዝሙር አብራችሁ መዘመር ትችላላችሁ። ጥሩ ምርጫ ስላደረጋችሁበት ጊዜ፣ ከዚያም በኋላ ምን እንደተሰማችሁ እርስ በርሳችሁ ተነጋገሩ።

• አዳምና ሔዋን ከኤደን ገነት ከወጡ ጊዜ ጀምሮ ከሰማይ አባት ጋር መሆን አልቻሉም ነበር። ሙሴ 5:4፣ 8ን ከልጆቻችሁ ጋር አንብቡ እና አዳምና ሔዋን ወደ እርሱ ለመቅረብ እና እሱን ለመስማት ያደረጉትን ነገር እንዲያገኙ እርዷቸው። በጸሎታችን ውስጥ ለሰማይ አባት ልንነግረው የምንችላቸው አንዳንድ ነገሮች ምንድን ናቸው?