የብሉይ ኪዳን መግቢያ

በብሉይ ኪዳን ውስጥ የበለጸገ መንፈሳዊ ምግብ ማግኛ አንዱ መንገድ የሕይወት እንጀራ የሆነውን ኢየሱስ ክርስቶስን በመፈለግ ነው (ዮሐንስ 6፡48 ይመልከቱ)። ለምሳሌ፣ በሚከተለው ውስጥ አዳኙን እንዴት ታዩታላችሁ?

• መና (ዘጸአት 16:4፣ 11–15፤ ዮሐንስ 6:35)

• የመሥዋዕቱ በግ (ዘጸአት 12፡3–5፤ ዮሐንስ 1፡29)

• የነሃስ እባብ (ዘኁልቁ 21፥4–10፤ ዮሐንስ 3፥14)

• ዮናስ (ዮናስ 1:4–17፤ ማቴዎስ 12:38–41)

እነዚህ ምሳሌዎች ስለ እርሱ ምን ያስተምራሉ? በብሉይ ኪዳን ውስጥ ኢየሱስ ክርስቶስ የተጠቀሰባቸውን የትኞቹን ሌሎች ማጣቀሻዎች አስቀድማችሁ ታውቃላችሁ?

“Jesus Christ Is the Treasure,” በተሰኘው መልእክታቸው፣ ሽማግሌ ዳሌ ጂ ሬንሉድ “ኢየሱስ ክርስቶስን እንድናስታውስ እና በእርሱ ላይ እንድናተኩር” (ሊያሆና፣ ህዳር 2023፣ 98) አበረታተውናል። ኢየሱስ ክርስቶስን በብሉይ ኪዳን ብቻ ሳይሆን በሕይወታችሁም ጭምር ለማግኘት ልታደርጉ የምትችሏቸውን ነገሮች በመፈለግ መልእክቱን ለማንበብ አስቡ።

በተጨማሪም “Types or Symbols of Christ” በቅዱሳን መጻህፍት መመሪያ፣ “ኢየሱስ ክርስቶስ”፣ የወንጌል ላይብረሪ፤ “Seek the Lord Early,” የልጆች የመዝሙር መጽሃፍ፣ 108 ተመልከቱ።

“አብ አንድያ ልጁን ኢየሱስ ክርስቶስን እንደ አዳኛችን እና ቤዛችን አስተዋወቀ እንዲሁም ‘እርሱን [እንድንሰማው]’ ትእዛዝ ሰጠን። ከዚህ አቅጣጫ በመነሳት ‘እግዚአብሄር’ ወይም ‘ጌታ’ የተናገራቸው የቅዱሳን ጽሑፎች መዛግብት ሁልጊዜ የያህዌ፣ ከሞት የተነሣው ጌታችን የኢየሱስ ክርስቶስ ቃል ናቸው ማለትም ይቻላል” (“The Teachings of Jesus Christ,” ሊያሆና፣ ግንቦት 2023 (እ.አ.አ) 102)።

14:6

የአይሁድ መሪዎች ኢየሱስን ስለ ማንነቱ ሲሞግቱት፣ “አብርሃም ሳይወለድ እኔ አለሁ” በማለት ተናግሯል። እነዚህ ቃላት ኢየሱስን የሰሙትን ሰዎች አስደንግጠው ስለነበር ሊወግሩት ተዘጋጅተው ነበር (ዮሐንስ 8፡58–59 ይመልከቱ)። አንዳንድ አይሁዶች ኢየሱስ በተናገረው ነገር የተቆጡበትን ምክንያት ለማወቅ Exodus 3:13–15፤ 6:3–5ን ለማንበብ አስቡ።

ኢየሱስ ክርስቶስ ያህዌ መሆኑን ማወቁ አስፈላጊ የሚሆነው ለምንድን ነው?

የመጽሐፍ ቅዱስን መምጣት “ብዙ ግልጽ እና የከበሩ ነገሮች” ከእሱ እንደሚወሰዱ በማብራራት ጌታ ለኔፊ በራእይ አሳይቶታል። ጌታ እንዴት “የተወሰዱትን ግልጽ እና የከበሩ ነገሮችን እንዲታወቁ” እንዳቀደ በመፈለግ 1 ኔፊ 13፡21–29፣ 38–42ን ለማንበብ አስቡ። በ2 ኔፊ 3፡12 መሰረት፣ መጽሐፍ ቅዱስ እና መጽሐፈ ሞርሞን እንዴት አብረው ይሰራሉ?

በዚህ ዓመት ብሉይ ኪዳንን በምታጠኑበት ጊዜ፣ ኔፊ አስቀድሞ ያያቸውን አንዳንድ “ሌሎች መጽሃፍትን” ልታጠኑ ትችላላችሁ። እነዚህም የሚከተሉትን ያካትታሉ፦

• የጆሴፍ ስሚዝ የመጽሐፍ ቅዱስ ትርጉም አካል የሆነውን የሙሴ መጽሐፍ። አሁን ላይ ባለው በዘፍጥረት 1-6 ላይ የማይገኙ እውነቶችን እና ዘገባዎችን ይመልሳል።

• ጆሴፍ ስሚዝ የጥንቱን የግብፅ ፓፒረስ ሲመረምር የተገለጠለት የአብርሃም መጽሐፍ (ርዕሶች እና ጥያቄዎች፣ “የአብርሃም መጽሐፍ፣ የወንጌል ላይብረሪ ይመልከቱ)።

• የጆሴፍ ስሚዝ ትርጉም የተለያዩ ጽሁፎች፣ አንዳንዶቹ በግርጌ ማስታወሻዎች፣ በመጽሐፍ ቅዱስ አባሪ እና የቅዱሳን መጻህፍት መመሪያ ውስጥ ይገኛሉ።

በጆሴፍ ስሚዝ በኩል የተመለሱት የብሉይ ኪዳን ዘገባዎች አንዳንድ ምሳሌዎች እነዚህ ናቸው፡ የሄኖክ ጽዮን ከተማ (ሙሴ 7፥18–19)፣ በሰማይ ስላለው ምክር የአብርሃም ራእይ (Abraham 3:22–28) እና የመልከ ጼዴቅ አገልግሎት (የጆሴፍ ስሚዝ ትርጉም፣ ዘፍጥረት 14፡25–40)። እነዚህ ዘገባዎች ለእናንተ “ግልጽና የከበሩ” የሆኑት ለምንድን ነው?

ብሉይ ኪዳን እግዚአብሔር በቃል ኪዳን በኩል “የተመረ[ጥን] ርስት” ሊያደርገን እንደሚፈልግ የሚያሳይ ታሪክ ነው (ዘጸአት 19፡5)። በዚያም ምክንያት፣ ብሉይ ኪዳንን ለማንበብ ለመዘጋጀት ስለ ቃል ኪዳኖች መማር የተሻለ መንገድ ነው—በተለይም እግዚአብሔር ለቀደሙት ነቢያት እንደ አብርሃም፣ ይስሐቅ፣ ያዕቆብ እና ለትውልዳቸው ያቀረበውን ዘላለማዊ ኪዳን። እንዲሁም ስለ ቃል ኪዳኖች ለመማር ጥሩ መንገድ የፕሬዘደንት ራስል ኤም. ኔልሰን “The Everlasting Covenant” ሊያሆና፣ ህዳር 2022 (እ.አ.አ)፣ 4-11) መልእክት ማጥናት ነው።

በምታነቡበት ወቅት፣ ቃል ኪዳኖች ለእኔ ለምን አስፈላጊ ናቸው? በማለት ራሳችሁን ጠይቁ። ከእርሱ ጋር የገባሁትን ቃል ኪዳኔን ስጠብቅ ከእግዚአብሔር ምን አይነት “ልዩ የሆነ ፍቅር እና ምህረት” እቀበላለሁ? በዚህ ዓመት ብሉይ ኪዳንን ስታነቡ፣ ከእርሱ ጋር ስላላችሁ የቃል ኪዳን ግንኙነት እግዚአብሔር ሊያስተምራችሁ የሚፈልጋቸውን ነገሮች አስተውሉ።

በተጨማሪም ኤርምያስ 31፡31–34 ተመልከቱ።

• የብሉይ ኪዳን ቃላቶች እንዲሁም ባሕል ለልጆች ለመረዳት አስቸጋሪ ሊሆን ይችላል፣ ነገር ግን በምልክቶች እና በታሪኮች ውስጥ ኢየሱስ ክርስቶስን እንዲያዩት መርዳት ትችላላችሁ። ምናልባት እናንተ እና ልጆቻችሁ ነቢዩ ኢሳይያስ የክርስቶስን ልደት በትንቢት ተናገረ የሚለውን ከታች ያለውን ምስል መመልከት ትችላላችሁ። ልጆቻችሁ የሚያዩትን ነገር ዝርዝር እንዲጠቁሙ አድርጉ። በተለይም ትኩረታቸው ሕፃኑ ኢየሱስ ላይ እንዲሆን አድርጉ። ከዚያም ኢሳይያስ ስለ አዳኙ ልደት በኢሳይያስ 7፡14፤ 9፡6 የጻፈውን ከእነርሱ ጋር ማንበብ ትችላላችሁ። በዚህ አመት በብሉይ ኪዳን ውስጥ አዳኙን ስለመገለግ የሚሰማችሁን ለልጆቻችሁ አካፍሉ።

  

• እናንተ እና ልጆቻችሁ መዝሙር 23ን ወይም ኢሳያስ 53፡3–9ን ማንበብ እና ኢየሱስ ክርስቶስን የሚያስታውሱ ቃላትን ማግኘት ትችላላችሁ። እነዚህ ቃላት ስለ ህይወቱ እና ስለኃጢያት ክፍያው ምን ያስተምሩናል?

• ቃል ኪዳኖች በብሉይ ኪዳን ውስጥ ዋና ጭብጥ ናቸው። ይህንን ጭብጥ ለልጆቻችሁ ለማስተዋወቅ፣ ለቤተሰብ ወይም ለጓደኞቻቸው ስለሚገቡትና ስለሚጠብቁት ቃል እንዲሁም የገቡትን ቃል መጠበቃቸው ለምን አስፈላጊ እንደሆነ መነጋገር ትችላላችሁ። ከዚያም የጥምቀትን ምስል መመልከት እና ስንጠመቅ ከእግዚአብሔር ጋር ስለምንገባው ቃል ወይም ቃል ኪዳን መነጋገር ትችላላችሁ (ሞዛያ 18፡10፣ 13 ይመልከቱ)። በተጨማሪ የቤተመቅደስን ምስል በማሳየት እዚያ ስለምንገባቸው ቃል ኪዳኖች ያላችሁን ስሜት ማካፈል ትችላላችሁ።

• የዚህ ሳምንት የአክቲቪቲ ገጽ ልጆቻችሁ ከሰማይ አባት ጋር ቃል ኪዳን ለመግባት እና ለመጠበቅ እንዲጓጉ ሊረዳቸው ይችላል። እንዲሁም ቃል ኪዳኖችን ስለመግባት እንደ “When I Am Baptized” (የልጆች መዝሙር መጽሃፍ፣ 103) ያለ መዝሙር መዘመር ትችላላችሁ።

• ልጆቻችሁ በተለያዩ ቦታዎች በተለያየ ስም የሚጠሩት ሰዎችን ያውቃሉ? ምናልባት አንድ ወላጅ ወይም አስተማሪ በሥራ ቦታ፣ በቤት እና በቤተ ክርስቲያን ውስጥ በተለያየ መንገድ ሊጠራ ይችላል። ስለ እነዚያ ስሞች ተነጋገሩ፣ ከዚያም ዘፀአት 6፡3ን አብራችሁ ስታነቡ ኢየሱስ ክርስቶስ ከመወለዱ በፊት የሚታወቅባቸውን ስሞች እንዲያገኙ ልጆቻችሁን ጋብዟቸው (በተጨማሪም የጆሴፍ ስሚዝ ትርጉም በግርጌ ማስታወሻ ሐ ይመልከቱ)።