ኦሪት ዘፍጥረት 6–11፤ ሙሴ 8

የኖኅ ዘመን ገለጻ ውስጥ በእኛ ዘመን ካሉት ሁኔታዎች ጋር የሚመሳሰል ነገር ይታያችኋል? በተለይ በሙሴ 8፡15–24፣ 28 ላይ ተመልከቱ። ምን ገጽታዎች ሲደጋገሙ ታያላችሁ?

እናንተ ልታዩት የምትችሉት አንድ አስፈላጊ ተመሳሳይነት እግዚአብሔር ኖኅን ነቢይ አድርጎ እንደጠራው እና ዛሬም ነቢይ እንደሚጠራ ነው። ከሙሴ 8፡13–30 ስለ ነቢያት የተማራችሁትን እውነት ዝርዝር ለማውጣት አስቡ። በህይወት ያሉት ነቢያችን እንደ ኖህ የሆኑት እንዴት ነው? እርግጥ ነው፣ በዛሬው ጊዜ ያሉት የጌታ ነቢይ ስለ ጥፋት ውሃ እያስጠነቀቁን ወይም መርከብ እንድንሠራ እየጋበዙን አይደለም። ነገር ግን የሚያስጠነቅቁን ስለምንድን ነው? ምንስ እንድናደርግ እየጋበዙን ነው? እነዚህን ጥያቄዎች ለመመለስ በወንጌል ላይብረሪ ከቤተክርስቲያን ፕሬዚዳንቶች ትምህርቶች ውስጥ በተለይ “ግብዣዎች እና ተስፋ የተሰጡ በረከቶች” የሚለውን ክፍል መከለስ ትችላላችሁ። ምናልባት ለእናንተ በጣም አስፈላጊ የሚመስል አንድ ማስጠንቀቂያ እና አንድ ግብዣ መምረጥ ትችላላችሁ።

ሽማግሌ አለን ዲ. ሃይኒ እንዲህ አስተምረዋል፣ “ፍፁም እና አፍቃሪ የሆነው በሰማይ ያለው አባት እውነትን በነቢይ በኩል ለልጆቹ የሚገልጥበትን መንገድ መርጧል።” (“A Living Prophet for the Latter Days,” ሊያሆና፣ ግንቦት 2023 (እ.አ.አ)፣ 25)። የነቢይ መኖር የሰማይ አባት ፍቅር ምልክት ስለመሆኑ ምክንያቶችን በመፈለግ የሽማግሌ ሃይኒን መልእክት ለማጥናት አስቡ። የጌታን ነቢይ መከተል በኋላኛው ቀን ስለመኖር ደህንነት እንዲሰማችሁ የረዳችሁ እንዴት ነው?

እንዲሁም በርዕሶች እና ጥያቄዎች “ነቢያት፣”ን የወንጌል ላይብረሪ፤ “Why Do We Have Prophets?” (ቪዲዮ) በወንጌል ላይብረሪ ውስጥ ይመልከቱ።

1:37

አንዳንድ ሰዎች የጥፋት ውሃን “ሰው[ን] [ለማጥፋት]” በመላኩ ምክንያት ስለ እግዚአብሔር ፍትሃዊነት ይጠራጠራሉ (ዘፍጥረት 6፡7)። ሽማግሌ ኔል ኤ. ማክስዌል በጥፋት ውሃው ጊዜ፣ “የሃቀኝነት መጥፋት መንፈሶች በፍትህ ወደዚህ ሊላኩ ወደማይችሉበት ደረጃ ማድረሱን” ገልጸዋል (We Will Prove Them Herewith [1982]፣ 58)። በተጨማሪም የጥፋት ውኃው እንዴት የምሕረት ተግባር እንደሆነ ልታስቡ ትችላላችሁ። በዘፍጥረት 6፡5-13 ላይ የጌታን ርኅራኄ እና ለሰዎች ያለውን ፍቅር የሚያሳይ ምን ታገኛላችሁ?

በ ዘፍጥረት 9፥8–17መሰረት፣ ቀስተ ደመና ምን እንድታስታውሱ ሊያደርጋችሁ ይችላል? የጆሴፍ ስሚዝ ትርጉም፣ኦሪት ዘፍጥረት 9፥21–25 (በመጽሃፍ ቅዱስ ተጨማሪ ገጽ) ምን ግንዛቤ ይጨምርላችኋል? እንዲሁም ቃል ኪዳኖቻችሁን እንድታስታውሱ እግዚአብሔር የሰጣችሁን የሌሎች ነገሮች (እንደ ምልክቶች፣ ቁሶች ወይም ሌላ ማንኛውም ነገር) ዝርዝር ለማውጣት ልታስቡ ይችላሉ። እነዚህ ነገሮች ምን ያስተምሯችኋል? ለማስታወስ የሚረዷችሁስ እንዴት ነው?

እንዲሁም ጌሪት ደብሊው ጎንግ፣ “Always Remember Him,” ሊያሆና, ግንቦት 2016(እ.አ.አ)፣ 108-11 ይመልከቱ፤ “Reverently and Meekly Now,” መዝሙሮች, ቁ. 185.

የባቢሎን ሰዎች ግንብ የገነቡበት ታሪክ ባለፈው ሳምንት ካጠናችሁት ሄኖክ እና ወገኖቹ ጽዮንን የገነቡበት ታሪክ ጋር ትኩረት የሚስብ ተቃርኖ አለው። ሁለቱም ቡድኖች በተለያየ መንገድ ወደ ሰማይ ለመድረስ እየሞከሩ ነበር። የጽዮን ሰዎች ሰማያትን እንዴት አገኙ? (ሙሴ 7፡18–19፣ 53፣ 62–63፣ 69ን ይመልከቱ)። ከዘፍጥረት 11፡1–9 እና ሔለማን 6፡26–28 ስለ ባቢሎን ሰዎች ምን ተማራችሁ? ይህ ወደ እግዚአብሔር መገኘት ለመመለስ ስለምናደርገው ጥረት ምን ያስተምረናል? “ወደ ሰማይ [እንድንደርስ]” ይረዳን ዘንድ እግዚአብሔር ምን አዘጋጅቶልናል? (ዘፍጥረት 11:4፣ በተጨማሪም ዮሓንስ 3:16 ይመልከቱ)።

• አብዛኞቹ ልጆች የኖህን እና የመርከቧን ታሪክ ይወዳሉ። ልጆቻችሁ ስለዚህ የሚያውቁትን እንዲያካፍሉ እድል ለመስጠት አስቡ። እነሱን ለመርዳት፣ በዚህ ዝርዝር ውስጥ የሚገኙትን ሥዕሎች፣ “ኖኅ እና ቤተሰቡ” በ የብሉይ ኪዳን ታሪኮች (22–25)፣ “Follow the Prophet” (የልጆች የመዝሙር መጽሐፍ፣ 110–11) ሦስተኛውን አዝማች መጠቀም ትችላላችሁ። ልጆቻችሁ የታሪኩን ክፍሎች መተወን ያስደስታቸው ይሆናል፤ ለምሳሌ፡- መርከቡን ለመሥራት መሣሪያ እየተጠቀሙ እንደሆነ በማስመሰል ወይም ወደ መርከቡ ውስጥ እንደሚገቡ እንስሳት በመራመድ።

• በአንድነት ስለ ኖህ ስታወሩ ልጆቻችሁ ዛሬ ላይ የእግዚአብሔር ነቢይ መኖሩ ምን ያህል በረከት እንደሆነ እንዲያዩ እርዷቸው። የጌታ ነቢያት ዛሬም የሚያስተምሩትን ኖህ ያስተማራቸውን ነገሮች ለማግኘት ልጆቻችሁ ሙሴ 8፡16-24 ላይ እንዲፈልጉ እርዷቸው። እነዚህን ትምህርቶች ስንታዘዝ እንዴት እንባረካለን?

• እናንተ ምን እንደሚወክል ስትነጋገሩ ትንንሽ ልጆች ቀስተ ደመና መሳል ወይም ማቅለም ሊያስደስታቸው ይችላል (በተጨማሪም የጆሴፍ ስሚዝ ትርጉም፣ኦሪት ዘፍጥረት 9፥21–25 [የመጽሃፍ ቅዱስ ተጨማሪ ገጽ] ይመልከቱ)። እግዚአብሔር፣ ኖኅና ቤተሰቡ ቀስተ ደመና በተመለከቱ ቁጥር ምን እንዲያስቡ ፈልጎ ነበር?

• በህይወታችሁ ውስጥ አንድ አስፈላጊ ነገርን የሚያስታውሷችሁን ለምሳሌ እንደ የጋብቻ ቀለበት፣ ስዕል ወይም ማስታወሻ ደብተር ያሉ ነገሮችን ለልጆቻችሁ ማሳየት ትችላላችሁ። ልጆቻችሁ የራሳቸውን ምሳሌዎች እንዲያካፍሉ አድርጉ። ይህም ቃል ኪዳኖቻችንን እንድናስታውስ ስለሚረዱን ነገሮች፣ ኢየሱስ ክርስቶስን ለመከተል የጥምቀት ቃል ኪዳናችንን እንድናስታውስ ስለሚረዳን እንደ ቅዱስ ቁርባን ያለ ነገር ውይይት ሊመራ ይችላል (ትምህርት እና ቃል ኪዳኖች 20፥75–79ይመልከቱ)።

• ከልጆቻችሁ ጋር ከብሎኮች ወይም ከሌሎች ነገሮች ግንብ መገንባት አስደሳች ሊሆን ይችላል። ይህን ስታደርጉ የባቢሎን ሰዎች ረጅም ግንብ በመገንባት ወደ መንግሥተ ሰማያት መድረስ እንደሚችሉ አስበው እንደነበር አስረዱ። ከዚያም የአዳኙን ሥዕል በአንድነት መመልከት እና ወደ መንግሥተ ሰማያት እንድንገባ እንዴት እንደሚረዳን ልጆቻችሁን መጠየቅ ትችላላችሁ። ከዚያም አዳኙን ለመከተል ልታደርጉ ስለምትችሏቸው ነገሮች እርስ በርስ መነጋገር ትችላላችሁ።

• በዘፍጥረት 11፡1-9 ላይ ያለውን የባቢሎን ግንብ ታሪክ ከማንበብ በተጨማሪ፣ እናንተ እና ልጆቻችሁ ሄለማን 6፡28ን ማንበብ ትችላላችሁ። በዚህ ጥቅስ መሠረት የባቢሎን ሰዎች ግንብ የገነቡት ለምንንድነው? ይህንን ግንብ መገንባት ወደ ሰማይ ለመድረስ የተሳሳተው መንገድ የነበረው ለምን ነበር? ከዚያም ወደ መንግሥተ ሰማያት ለመድረስ ትክክለኛውን መንገድ ለማግኘት 2 ኔፊ 31፡20–21ን እና ሔለማን 3፡28ን ማንበብ ትችላላችሁ። ለባቢሎን ሰዎች ምን አይነት ምክር ትሰጣላችሁ?