Ծնունդ 5, Մովսես 6

Ուսումնասիրելով Մովսես 6.26–36 հատվածները, ինչ եք սովորում մեղքի հետևանքների մասին: Ինչպե՞ս եք դուք զգացել այդ հետևանքները: Ի՞նչ հատկանիշներ ուներ Ենոքը, որոնք օգնեցին նրան հաղթահարել այդ հետևանքները: Ինչպե՞ս Աստված օրհնեց նրանց դրա համար:

Եթե դուք երբևէ ձեզ անվստահ եք զգացել, երբ Տերը կանչել է ձեզ, դուք միայնակ չեք։ Նույնիսկ Ենոքն այդպես զգաց, երբ Տերը կանչեց նրան մարգարե լինել: Մովսես 6.26–36 հատվածները կարդալիս փնտրեք, թե ինչու Ենոքը անվստահ զգաց իրեն, և ինչ ասաց Տերը՝ նրան քաջություն տալու համար:

Հատվածներ 37–47-ում փնտրեք այն եղանակները, որոնցով Տերն աջակցեց Ենոքին և արտոնեց նրան կատարել Իր աշխատանքը (տես նաև Մովսես 7.13): Կարող եք համեմատել Ենոքի փորձառությունը այլ մարգարեների հետ, որոնք իրենց անհամապատասխան զգացին, ինչպես օրինակ՝ Մովսեսը (տես Ելք 4.10–16), Երեմիան (տես Երեմիա 1.4–10), Նեփին (տես 2 Նեփի 33.1–4) և Մորոնին (տես Եթեր 12.23–29): Ձեր կարծիքով, ինչ է Աստված ուզում, որ դուք սովորեք այդ սուրբ գրություններից այն աշխատանքի վերաբերյալ, որը Նա է տվել ձեզ կատարելու:

Մեր օրերի բազմաթիվ առաքյալներ և մարգարեներ, ինչպես Ենոքը, արտահայտել են մտահոգություններ, երբ նկարագրել են այն զգացողությունները, որ ունեցել են իրենց կոչումները ստանալիս։ Օրինակ՝ տես երեց Ուլիսես Սոարեսի վկայությունը «Մարգարեները խոսում են Սուրբ Հոգու զորությամբ» ելույթում (Լիահոնա, մայիս 2018, 98–99)։

Ի՞նչ կարող եք սովորել այս մարգարեներից և առաքյալներից ձեր անհամապատասխանության զգացումների մասին: Ե՞րբ եք զգացել, որ Փրկիչն օգնել ձեզ, երբ պատվիրել է ձեզ դժվար գործեր կատարել: Կարող եք գրել մի քանի փորձառություններ ձեր ապագայում, երբ դուք պետք է ապավինեք Փրկչի օգնությանը: Ինչպե՞ս կարող եք այդ իրադարձություններին վերաբերվել հավատքով առ Հիսուս Քրիստոս:

Տես նաև Դեյվիդ Ա. Բեդնար, «Մնա ինձ հետ, և ես՝ քեզ հետ. հետևաբար, քայլիր ինձ հետ» Լիահոնա, մայիս 2023, 123–25, «Կգնամ, ուր կուզես, Դու, Տեր», Հիմներ և Մանկական Երգեր, հմր. 46։

Քանի որ մենք ունենք Մովսեսի Գիրքը, մենք գիտենք, որ Աստված՝ Ադամից և Եվայից սկսած ուսուցանում էր Իր զավակներին, թե ինչպես փրկագնում գտնեն: Երբ այսօր ուսումնասիրեք Մովսես 6.48–68 հատվածները, հետազոտեք, թե ինչ պետք է իմանանք և անենք փրկագնվելու համար: Ուշադրություն դարձրեք Ադամի հարցին հատված 53-ում։ Երբևէ մտածե՞լ եք այդ մասին: Ի՞նչ եք սովորում Տիրոջ պատասխանից հատվածներ 53–65-ում։ Կարող եք դիտարկել այս հատվածները որպես Տիրոջ ուղերձը՝ տրված Ադամի մկրտության ծառայության ժամանակ: Ի՞նչ եք իմանում մկրտության մասին Նրա ուղերձից: Ձեր կարծիքով, ինչո՞ւ է Նա համեմատել մկրտությունը «վերստին ծնվելու» հետ (հատված 59): Ի՞նչ կարող ենք անել` «վերստին ծնված» մնալու համար մեր ողջ կյանքում:

Ադամին Հիսուս Քրիստոսի ավետարանի ճշմարտություններն ուսուցանելուց հետո` Մովսես 6.51–63 հատվածներում Տերը Ադամին պատվիրեց ուսուցանել դրանք ապագա սերունդներին: Կարող եք կազմել այդ ճշմարտությունների ցանկը: (Դա կարող է օգնել ամբողջ հատվածը բաժանել հատվածների փոքր խմբերի, օրինակ՝ հատվածներ 51–52, 53–57, 58–60, 61–63): Ինչո՞ւ են այդ ճշմարտությունները կարևոր այսօրվա աճող սերնդի համար։ Ուրիշ ի՞նչ կարող ենք սովորել ծնողներին ուղղված Տիրոջ ցուցումներից, որոնք ներկայացված են Մոսիա 4․14–15 և Վարդապետություն և Ուխտեր 68․25–28, 93․40–50 հատվածներում։

Ադամի ու Եվայի ընտանիքի կողմից պահված «հիշատակի գրքի» մասին կարդալով, դուք կամ ձեր ընտանիքը կարող է ոգեշնչվել՝ պատրաստելու ձեր սեփական հիշատակի գիրքը: Ձեր կարծիքով, Տերը ի՞նչ կցանկանար, որ դուք ներառեք այդ գրքում: Ձեր հիշատակի գրքի տեղեկությունները կարող եք պահպանել FamilySearch.org կայքում։

Տես նաև Դիտեր Ֆ. Ուխդորֆ, «Հիսուս Քրիստոսը ծնողների ուժն է», Լիահոնա, մայիս 2023, 55–59, «Parenting: Touching the Hearts of Our Youth», «But Why?» (տեսանյութեր), Gospel Library։

• Երբ Ենոքը կանչվեց քարոզելու ավետարանը, նա անհանգստացավ, որ իրեն չի հաջողվի անել դա: Բայց Աստված օգնեց նրան։ Միասին կարդացեք այս պատմությունը Մովսես 6.26–34 հատվածներում (տես նաև «Ենոք Մարգարեն» Հին Կտակարանի պատմություններում, 19–21): Ենոքն ինչո՞ւ էր համարում, որ ինքը չի կարող քարոզել ավետարանը (տես Մովսես 6.31): Աստված ինչպե՞ս օգնեց Ենոքին (տես Մովսես 6.32–34, 7.13):

• Ձեր երեխաների համար կարող է հետաքրքիր լինել պատմել կամ դերախաղով ներկայացնել այլ օրինակներ, երբ Աստված օգնել է մարդկանց անել դժվար բաներ, օրինակ՝ Նոյին, Դավիթին, Ամմոնին կամ Սամուել Լամանացուն (տես Ավետարանի պատկերագիրք, հմր. 7, 19, 78, 81): Կարող եք նաև կիսվել ձեր սեփական փորձառությամբ և հնարավորություն տալ ձեր երեխաներին խոսել այն մասին, թե ինչպես է Աստված օգնում իրենց դժվար գործեր անել:

• Աստված ուսուցանեց Ադամին, թե մենք ինչ պետք է անենք, որպեսզի վերադառնանք Նրա մոտ. հավատք ունենանք առ Հիսուս Քրիստոս, ապաշխարենք, մկրտվենք և ստանանք Սուրբ Հոգու պարգևը: Օգնեք ձեր երեխաներին գտնել այս սկզբունքները Մովսես 6.52, 57 հատվածներում: Ապա կարող եք օգնել նրանց գրել կարճ ելույթ սկզբունքներից մեկի մասին: Յուրաքանչյուր ելույթ կարող է ընդգրկել որևէ սուրբ գրություն Մովսես 6 բաժնից, փորձառություն և վկայություն: Խնդրեք նրանց միմյանց հետ կիսվել իրենց ելույթներով։

• Կարող եք նաև ցուցադրել նկարներ, որոնք ներկայացնում են ավետարանի առաջին սկզբունքները (տես հավատո չորրորդ հանգանակը): Նկարները դասավորեք մի գծով, որը տանում է դեպի Հիսուս Քրիստոսի նկարը: Երբ դուք կարդում եք Մովսես 6․52 հատվածը, ձեր երեխաները կարող են կանգնել ճիշտ նկարի մոտ՝ լսելով տվյալ նկարը նկարագրող խոսքերը:

• Երեխաները կարող են երգել երգեր, որոնք ուսուցանում են Մովսես 6․52 հատվածի սկզբունքները, օրինակ՝ «Faith», «When I Am Baptized» և «The Holy Ghost» (Children’s Songbook, 96–97, 103, 105)։ Օգնեք նրանց գտնել այդ սկզբունքները Մովսես 6.52 հատվածներում:

• Որպեսզի խրախուսեք ձեր երեխաներին աջակցել իրենց ծնողներին ավետարանի ուսուցիչների նրանց դերում, խնդրեք որևէ երեխայի կարդալ Մովսես 6․58 հատվածը և նշել այն պատվիրանը, որը Աստված տվել է ծնողներին: Այնուհետև կարող եք ցուցադրել Ադամի ու Եվայի նկարը, որտեղ նրանք ուսուցանում են իրենց երեխաներին (ինչպես այս նյութի վերջում) և հնարավորություն տալ ձեր երեխաներին խոսել այն մասին, թե ինչ են տեսնում նկարում: Երեխաները կարող են նկարել իրենց ընտանիքների նկարները՝ սուրբ գրությունները միասին կարդալիս, միասին աղոթելիս կամ միասին խաղալիս: