Մովսես 7

Երբ Մարգարե Ջոզեֆ Սմիթը առաջին անգամ իմացավ Ենովքի և նրա Սուրբ քաղաքի մասին, նա ոգեշնչվեց: Նա «գիտեր, որ եկել է այն օրը, երբ Տերը կրկին հաստատելու է Սիոնը երկրի վրա» (Սրբեր, 1․108–9), և նա սկսեց Սիոնի կառուցման որոնումը ողջ կյանքում: Մովսես 7 գլուխը կարդալը կարող է ոգեշնչել ձեզ շարունակել այդ ջանքերն այսօր:

Կարող եք սկսել՝ ուսումնասիրելով «Ի՞նչ է Սիոնը» և «Ինչո՞վ է այն տարբերվում մնացած աշխարհից»: Կարող եք գրել այն պատասխանները, որոնք գալիս են ձեզ Մովսես 7 գլուխը՝ մասնավորապես հատվածներ 16–21, 27, 53, 62–69 ուսումնասիրելիս։

Այս հարցերի ձեր պատասխաններից ձեզ համար կարող է պարզ դառնալ, որ մենք դեռ շատ աշխատանք ունենք անելու Սիոնը կառուցելու համար: Եվ այսպես, ինչպե՞ս ենք մենք անում դա։ Հիշեք դեպքեր, երբ դուք զգացել եք, որ «մեկ սրտի և մեկ մտքի» եք որևէ մեկի հետ (Մովսես 7.18)։ Գուցե դա եղել է ծխում, ընտանիքում կամ խմբում՝ աշխատավայրում կամ դպրոցում: Ի՞նչ արեցին մարդիկ՝ արդարակյաց միասնություն ստեղծելու համար:

Ահա մի քանի այլ նյութ, որ դուք կարող եք ուսումնասիրել՝ գաղափարներ և ոգեշնչում գտնելու համար: Ընտրեք մեկը կամ մի քանիսը՝ ուսումնասիրելու համար, այնուհետև գրեք, թե ինչ ոգեշնչվեցիք անել Սիոնը կառուցելու համար.

• Փիլիպպեցիս 2.1–4, 4 Նեփի 1.15–18, Վարդապետություն և Ուխտեր 97.21, 105.5:

• Ուլիսես Սոարես, «Եղբայրներ և քույրեր Քրիստոսում», Լիահոնա, նոյ. 2023, 70–73:

• Դ. Թոդ Քրիստոֆերսոն, «Մեկ լինենք Քրիստոսում», Լիահոնա, մայիս 2023, 77–80:

Ի՞նչ է նշանակում՝ ունենալ Հիսուս Քրիստոսին որպես ձեր Թագավոր: Ուշադրություն դարձրեք Հիսուս Քրիստոսի մյուս տիտղոսներին այս հատվածում: Ի՞նչ են դրանք ուսուցանում ձեզ Նրա մասին: Ձեր կարծիքով, ի՞նչ է նշանակում «մտնել դարպասից ներս և [բարձրանալ] [Նրա] միջոցով»:

Տես նաև «Come, O Thou King of Kings», Hymns, no. 59։

Որոշ մարդիկ տեսնում են Աստծուն որպես հեռվում գտնվող էակի, ով զգացմունքորեն չի ազդվում նրանից, ինչ պատահում է մեզ հետ: Մովսեսի 7 բաժնում նկարագրված տեսիլքում Ենովքը Աստծո վերաբերյալ այլ տեսանկյուն ստացավ: Ի՞նչ իմացավ նա Աստծո մասին, և ի՞նչ եք դուք իմանում հատվածներ 28–40-ից: Ձեր կարծիքով, ինչո՞ւ Ենովքը զարմացավ՝ տեսնելով, որ Աստված լաց է լինում: Ինչո՞ւ է ձեզ համար կարևոր իմանալ դա:

Տեսիլքի ժամանակ Ենովքը նույնպես լաց եղավ։ Բայց Աստված նաև ուրախանալու պատճառներով կիսվեց նրա հետ։ Փնտրեք դրանք Մովսես 7․41–69 հատվածներում: Ի՞նչ եք սովորում Ենովքի տեսիլքից, որը կարող է օգնել ձեզ «բարձրացնել ձեր սիրտը և ուրախանալ», չնայած ձեր կյանքում առկա «դառնությանը» (հատված 44):

Տես Ջեֆրի Ռ․ Հոլլանդ, «Աստծո վեհությունը», Լիահոնա, նոյեմբեր 2003, 70–73։

Ենովքի տեսիլքը, հատկապես այն, ինչ գրված է Մովսես 7.59–67 հատվածներում, պատմության մեջ առաջին մարգարեություններից մեկն է Փրկչի Երկրորդ Գալուստի մասին: Ի՞նչն է ձեզ առավել տպավորում նրանում, թե ինչպես են այս հատվածները նկարագրում վերջին օրերը: Օրինակ, մտածեք, թե ինչից եք զգում, որ հատված 62 մարգարեությունները կատարվում են: Ի՞նչ են ձեզ ուսուցանում հետևյալ արտահայտությունները` Աստծո աշխատանքի մասին վերջին օրերին:

Տես նաև Հենրի Բ. Այրինգ, «Սիոնի քույրերը», Լիահոնա, նոյեմբեր 2020, 67–69:

• Որպեսզի օգնեք ձեր երեխաներին սովորել Ենովքի և Սիոնի մասին, կարող եք օգտագործել «Ենովք մարգարեն» նյութը Հին Կտակարանի պատմություններից (19–21) կամ «Follow the Prophet-ի երկրորդ հատվածը (Children’s Songbook, 110–11): Այնուհետև կարող եք խնդրել ձեր երեխաներին օգնել ձեզ վերաշարադրել պատմությունը իրենց բառերով: Այս նյութում ներկայացված Ենովքի նկարները կարող են օգտակար լինել:

• Ահա մի եղանակ, որը կօգնի ձեր երեխաներին հասկանալ, թե ինչ է նշանակում լինել «մեկ սրտի և մեկ մտքի» (Մովսես 7.18)․ Թղթից սիրտ պատրաստեք և կտրտեք այն բավարար քանակությամբ կտորների՝ յուրաքանչյուր երեխայի համար։ Խնդրեք նրանց գրել իրենց անունը իրենց կտորի վրա և միասին աշխատել՝ միացնելու կտորները և սիրտը ամբողջական դարձնելու համար: Երբ նրանք դա անելիս լինեն, խոսեք այն մասին, ինչը ձեզ դուր է գալիս յուրաքանչյուր երեխայի մեջ:

• Օգնեք ձեր երեխաներին հաշվել, թե քանի անգամ է «Սիոն» բառը գրված Մովսես 7.18–21, 62–63, 68–69 հատվածներում։ Ամեն անգամ, երբ նրանք գտնում են այդ բառը, օգնեք նրանց հասկանալ, թե ինչ է ասում այդ հատվածը Սիոնի մասին (տես նաև Սուրբ գրքերի ուղեցույցը, «Սիոն» նյութը, Gospel Library)։ Ինչպե՞ս կարող ենք ավելի նմանվել այս հատվածներում նկարագրված մարդկանց:

• Մովսես 7.32–33 հատվածները ձեր երեխաներին ներկայացնելու համար կարող եք նրանց հետ խոսել որևէ ընտրության մասին, որը նրանք կատարել են վերջերս: Այնուհետև կարող եք միասին կարդալ հատվածները՝ պարզելու, թե Երկնային Հայրն ինչ է ուզում, որ մենք ընտրենք: Ի՞նչ ընտրություն կարող ենք անել՝ ցույց տալու համար, որ ընտրում ենք Նրան: Ձեր երեխաները կարող են հերթով՝ դերախաղի միջոցով ներկայացնել այդ ընտրություններից մեկը, իսկ մյուս երեխաները կարող են կռահել, թե ինչ է ներկայացվում:

• Մովսես 7․59, Ենովքը հարց է տալիս Տիրոջը։ Առաջարկեք ձեր երեխաներին գտնել այն, ապա առաջարկեք նրանց գտնել պատասխանը հատված 60-ում: Նրանց հետ նաև կարող եք խոսել մի դեպքի մասին, երբ իրենք սպասել են, որ որևէ մեկը վերադառնա տուն: Հարցրեք նրանց, թե ինչ էին իրենք զգում և ինչ արեցին պատրաստվելու համար: Ինչպե՞ս կարող ենք պատրաստվել Հիսուսի վերադարձին։

• Ցույց տվեք նկարներ, որոնք պատկերում են այն դեպքերը, երբ Փրկիչը հայտնվեց ժողովրդին (տես Ավետարանի պատկերագիրք, հ. 60, 82, 83 և 84): Ի՞նչ են մարդիկ անում այդ նկարներում։ Մարդիկ ի՞նչ կարող էին զգալ, երբ հանդիպեցին Հիսուսին։ Կարող եք նաև երգել որևէ երգ Փրկչի Երկրորդ Գալուստի մասին, օրինակ՝ «When He Comes Again» (Children’s Songbook, 82–83), և հարցրեք, թե ըստ իրենց, ինչպիսին կլիներ Հիսուսի Երկրորդ Գալուստը: Խնդրեք երեխաներին կիսվել, թե իրենք ի՞նչ կզգային Հիսուսին տեսնելիս, երբ Նա կրկին գար: