Ծնունդ 3–4, Մովսես 4–5

Ճիշտ է, որ Ադամի և Եվայի ընտրությունը հանգեցրեց այն դժվարություններին, որոնք մենք ապրում ենք մահկանացու կյանքում: Բայց դա չի նշանակում, որ մենք ափսոսում ենք նրանց ընտրության համար: Երբ կարդում եք Ծնունդ 3 և Մովսես 4 գլուխները, կարող եք ինքներդ ձեզ հարցնել՝ ինչո՞ւ էր Անկումը կարևոր Աստծո ծրագրի համար:

Համաձայն Մովսես 5.9–12 հատվածների, ինչպե՞ս էին Ադամն ու Եվան վերաբերվում Անկմանը: Ինչպե՞ս կարող եք կիրառել նրանց խոսքերը այս ընկած աշխարհում ձեր փորձառությունների վերաբերյալ։ Ուրիշ ի՞նչ եք սովորում 2 Նեփի 2.19–25 հատվածներից:

Տես նաև Մոսիա 3․19, Ալմա 12․21–37 և Վարդապետություն և Ուխտեր 29․39–43։

Ադամի և Եվայի պատմությունը` Հիսուս Քրիստոսի միջոցով հույսի և փրկագնման պատմություն է: Տեսնելու համար, թե ինչու, կարող եք սկսել՝ ուսումնասիրելով Անկման հետևանքները Ծնունդ 3.1–7, Մովսես 4․22–31 հատվածներում և նշելով կամ գրի առնելով ձեր գտածը։ Ինչպե՞ս են այդ հետևանքները ազդում ձեզ վրա: Այնուհետև կարող եք ուսումնասիրել Մովսես 5․4–15 հատվածները՝ փնտրելով Աստծո ծրագիրը՝ փրկագնելու մեզ այդ հետևանքներից: Ինչո՞ւ Ադամն ու Եվան «ուրախացան», երբ հրեշտակը այցելեց նրանց։ Ի՞նչ եք սովորում նրանցից Երկնային Հոր ծրագրի մասին։

Տես նաև «Because of Him» (տեսանյութը), Gospel Library։

2:44

Սուրբ գրությունների այս հատվածը երբեմն սխալ է ընկալվել՝ իբրև այն նշանակում է, որ ամուսինը արդարացվում է կնոջը անբարյացակամորեն վերաբերվելու համար: Մեր օրերում Տիրոջ մարգարեներն ուսուցանել են, որ ամուսինն ու կինը պետք է միմյանց դիտարկեն որպես հավասար գործընկերներ ընտանիքում՝ իրենց աստվածային պարտականությունները կատարելու համար (տես «Ընտանիք՝ Հայտարարություն աշխարհին» [Gospel Library]): Երեց Դեյլ Գ. Ռենլանդը և քույր Ռութ Լիբերթ Ռենլանդը բացատրել են, որ արդար ամուսինը «կձգտի ծառայել, նա կճանաչի սխալը և ներում կփնտրի. նա արագ կլինի գովելիս, նա ուշադրություն կդարձնի ընտանիքի անդամների նախասիրություններին. նա կզգա ծանրակշիռ պատասխանատվություն՝ ապահովելու «կյանքի կարիքները և պաշտպանություն» իր ընտանիքի համար, նա իր կնոջը կվերաբերվի առավելագույն հարգանքով և մեծարանքով: … Նա կօրհնի իր ընտանիքը» (Մելքիսեդեկյան Քահանայություն. Հասկանալ վարդապետությունը, ապրել սկզբունքներով [2018], 23):

Երեց Դեյլ Գ. Ռենլանդն է ուսուցանել է․ «Դաստիարակելիս մեր Երկնային Հոր նպատակն այն չէ, որ Իր զավակներն անեն այն, ինչը ճիշտ է, այլ որ Իր զավակներն ընտրեն անել այն, ինչը ճիշտ է և, ի վերջո, դառնան Իր նման» («Ընտրեք այս օրը», Լիահոնա, նոյ․ 2018, 104)։ Ինչո՞ւ է այդքան կարևոր Երկնային Հոր ծրագրում, որ մենք ընտրենք անել այն, ինչ ճիշտ է:

Մովսես 4․1–4 հատվածները կարդալիս փնտրեք, թե ինչ են արել Երկնային Հայրը և Հիսուս Քրիստոսը, որպեսզի պաշտպանեն ձեր ընտրության իրավունքը՝ ձեր կամքի ազատությունը: Դուք ինչպե՞ս կարող եք ստանալ Նրանց պաշտպանող զորությունը: Գաղափարների համար կարող եք կարդալ «Կատարեք ոգեշնչված ընտրություններ» բաժինը Երիտասարդներին զորացնելու համար. ուղեցույց ընտրություն կատարելու համար ձեռնարկում (4–5)։

Կարող եք նաև կարդալ, թե ինչ է ուսուցանել Լեքին կամքի ազատության մասին 2 Նեփի 2․11–20, 25–30։ Ինչո՞ւ է հակադրությունը անհրաժեշտ կամքի ազատության համար։ Ինչպե՞ս կարող եք ցույց տալ ձեր երախտագիտությունը Հիսուս Քրիստոսի հանդեպ՝ ձեզ «ընտրելու ազատություն» տալու համար: (2 Նեփի 2․27)։

Տես նաև Դալլին Հ. Օուքս, «Հակադրություն բոլոր բաներում», Լիահոնա, մայիս 2016, 114–17, Թեմաներ և հարցեր, «Կամքի ազատություն», Gospel Library, «Choose the Right», Hymns, հմր. 239։

Մովսես 4․4–12, 5․13–33 հատվածները կարդալիս կարող եք դուրս գրել այն եղանակները, որոնցով սատանան փորձեց գայթակղել Ադամին և Եվային և նրանց երեխաներին: Նա ինչպե՞ս է նույնը փորձում անել այսօր։ Ինչպե՞ս է Երկնային Հայրն օգնում ձեզ դիմակայել սատանայի խաբեություններին։

Արգելված պտուղը ճաշակելուց հետո Ադամն ու Եվան փորձեցին ծածկել իրենց մերկությունը: Հետագայում Տերն առաջարկեց հագուստ հագցնել նրանց։ Մովսես 4․13–16, 27 հատվածները կարդալիս կարող եք անել հետևյալը․

• Խորհեք, թե ինչ կարող են խորհրդանշել մերկությունն ու հագուստը սուրբ գրություններում (տես, օրինակ՝ Հայտնություն 7․9, 13–15, 2 Նեփի 9․14, Վարդապետություն և Ուխտեր 109․22–26, 76): Ի՞նչ եք սովորում Ադամի և Եվայի մերկության և հագուստի փորձառությունից:

• Եթե դուք օժտված եք տաճարում, մտածեք, թե ինչ կարող էին ձեզ ասել Ադամն ու Եվան ձեր տաճարային հանդերձների նշանակության և այն մասին, թե ինչ է այն խորհրդանշում:

Տես նաև «Sacred Temple Clothing» (տեսանյութ), Gospel Library։

4:12

Երբ ուսումնասիրեք Մովսես 5.4–9, 16–26 հատվածները, մտածեք Ադամի ու Եվայի և նրանց որդիների՝ Կայենի ու Աբելի՝ զոհաբերության հանդեպ վերաբերմունքի մասին։ Ինչո՞ւ Տերն ընդունեց Աբելի զոհաբերությունը, այլ ոչ թե Կայենի:

Ի՞նչ է խնդրում Տերը, որ դուք զոհաբերեք: Կա արդյո՞ք որևէ բան այս հատվածներում, որը ձևավորում է ձեր վերաբերմունքը այդ զոհաբերությունների հանդեպ:

• Որպեսզի օգնեք ձեր երեխաներին ավելի լավ հասկանալ Ադամի ու Եվայի անկումը, կարող եք պատճենել նկարները «Ադամն ու Եվան» նյութից (Հին Կտակարանի պատմություններում, 13–16) և կտրել դրանք: Ապա կարող եք միասին աշխատել` դնելով նկարները ըստ հերթականության և քննարկելով Ադամի ու Եվայի փորձառությունները: Դա անելիս՝ խոսեք այն մասին, թե ինչու էր Երկնային Հոր ծրագրում կարևոր Ադամի և Եվայի հեռանալը Եդեմի պարտեզից:

• Ձեր երեխաները երախտագիտություն կզգան Հիսուս Քրիստոսի Քավության համար, երբ հասկանան, թե ինչպես է Նա հաղթահարում Անկման հետևանքները: Երբ միասին կարդաք Մովսես 4․25, 6․48, Հռոմեացիներին 5․12, 2 Նեփի 2․22–23 հատվածները, օգնեք ձեր երեխաներին եղանակներ գտնել հետևյալ նախադասությունն ավարտելու համար. «Անկման հետևանքով ես …» Ապա, երբ միասին կարդաք Մովսես 5․8–11, 14–15, 6․59, Ալմա 11․42 հատվածները, նրանք կարող են ավարտել հետևյալ նախադասությունը. «Հիսուս Քրիստոսի շնորհիվ ես …» Կիսվեք միմյանց հետ ձեր երախտագիտությամբ Հիսուս Քրիստոսի հանդեպ:

• Անցկացրեք մի պարզ առարկայական դաս, որպեսզի ցուցադրեք կամքի ազատության սկզբունքը. առաջարկեք երեխաներին գունավորել այս շաբաթվա վարժությունների էջը, բայց ներկելու համար նրանց տվեք միայն մի գույնի ներկ: Ինչո՞ւ ավելի լավ կլինի, եթե ընտրության հնարավորություն ունենաք։ Այնուհետև կարող եք միասին կարդալ Մովսես 4․1–4 հատվածները և խոսել այն մասին, թե ինչու է Աստված ցանկանում, որ մենք կարողանանք ընտրել ճշտի և սխալի միջև: Երկնային Հայրն ու Հիսուս Քրիստոսը ինչպե՞ս են օգնում մեզ ճիշտ ընտրություններ կատարել։

• Օգնեք ձեր երեխաներին մտածել և նկարներ նկարել ճիշտ ընտրությունների մասին, որ իրենք կարող են կատարել՝ Հիսուս Քրիստոսին հետևելով: Միասին երգեք ճիշտ ընտրություններ կատարելու մասին մի երգ, օրինակ՝ «Choose the Right Way» (Children’s Songbook, 160–61)։ Պատմեք միմյանց այն դեպքերի մասին, երբ դուք ճիշտ ընտրություն եք կատարել և նկարագրեք, թե ինչպես եք ձեզ զգացել դրա արդյունքում:

• Երբ Ադամն ու Եվան ստիպված եղան թողնել Եդեմի պարտեզը, նրանք այլևս չէին կարող լինել Երկնային Հոր հետ: Կարդացեք Մովսես 5․4, 8 հատվածները ձեր երեխաների հետ և օգնեք նրանց գտնել, թե ինչ արեցին Ադամն ու Եվան, որպեսզի իրենց մոտ զգան Նրան և լսեն Նրան: Մենք ի՞նչ կարող ենք ասել Երկնային Հորը մեր աղոթքներում։