IGenesisi 3–4; Mose 4–5

Kuyiqiniso ukuthi isinqumo sika-Adamu no-Eva saholela ebunzimeni obuningi esibhekana nabo enyameni. Kodwa lokho akusho ukuthi siyasisola isinqumo sabo. Ngesikhathi ufunda IGenesisi 3 kanye noMose 4, ungahle uzibuze, kungani uKuwa kwakubalulekile ohleweni lukaNkulunkulu?

Ngokuka Mose 5:9–12, u-Adamu no-Eva bazizwa kanjani ngoKuwa? Ungawasebenzisa kanjani amazwi abo kulokho ohlangabezana nakho kulomhlaba owile? Yikuphi okunye esikufundayo ku 2 Nefi 2:19–25?

Futhi bheka uMosiya 3:19; Alima 12:21–37; futhi IMfundiso neziVumelwano 29:39–43.

Indaba ka-Adamu no-Eva iyindaba yethemba kanye nokuhlengwa uJesu Kristu. Ukubona ukuthi kanjani, ungaqala ngokubheka imiphumela yoKuwa ku IGenesisi 3:1–7; Mose 4:22–31 futhi ngokungamaka noma ukubhala uhlu ngokutholayo. Ngabe lemi phumela ikuthinta kanjani? Bese ungacinga kuMose 5:4–15, ubheka isu likaNkulunkulu lokusihlenga kulezi zehlakalo. Kungani u-Adamu no-Eva “babejabulile” emuva kokuba bavakashelwe ingelosi? Ufundani kubo ngesu likaNkulunkulu?

Futhi bheka “Because of Him” (ividiyo), Umtampo woLwazi weVangeli.

2:44

Lendinyana yombhalo ongcwele ngesinye isikhathi ayiqondwa kahle ngoba abaningi bacabanga ukuthi isho ukuthi kulungile ukuba umyeni aphathe kabi umkakhe. Kulesi sikhathi esiphila kuso, abaphrofethi beNkosi bafundise ukuthi umyeni nonkosikazi kumele babonane njengabalingani ekufezeni izibopho zabo ezingcwele emndenini (bheka “Umndeni: Isimemezelo Emhlabeni Wonke” [Umtapho woLwazi weVangeli]). IGosa uDale G. Renlund noDade uRuth Lybbert Renlund bachaza ukuthi umyeni olungile “uzofuna ukusiza; uzowavuma amaphutha, acele uxolo; uzoshesha ukuthi ancome; uyawacabangela amalungu omndeni wakhe ngezinto abazithandayo; uzozibona enesibopho esinkulu sokuba ahlinzeke umndeni wakhe ‘ngezidingo zempilo kanye nokubavikela’; uzophatha umkakhe ngenhlonipho yonke enokuthoba. … Uzowubusisa umndeni wakhe” (The Melchizedek Priesthood: Understanding the Doctrine, Living the Principles [2018], 23).

IGosa uDale G. Renlund wafundisa, “Umphokophelo kaBaba wethu oseZulwini ngokuba umzali akukona ukuba enze abantwana bakhe benze okulungileyo; kepha ukwenza abantwana bakhe bakhethe ukwenza okulungileyo ukuze ekugcineni bafane Naye” (“Choose You This Day,” iLiyahona, ngoNovemba 2018,104). Kungani kubaluleke kangaka kwisu likaBaba oseZulwini ukuba sikhethe ukwenza okulungileyo?

Ngesikhathi ufunda uMose 4:1–4, bheka ukuthi uBaba oseZulwini kanye noJesu Kristu benzani ukuvikela ilungelo lakho lokuzikhethela—ukukhetha kwakho. Ungafinyelela kanjani emandleni abo okuvikela? Ukuze uthole imibono, cabanga ngokufunda isigaba “Make inspired choices” kwi-For the Strength of Youth: A Guide for Making Choices 4–5.)

Cabanga futhi ngokufunda okwafundiswa nguLehi ngelungelo lokukhetha ku-2 Nefi 2:11–20, 25–30. Kungani ukuphikiswa kudingekile kwilungelo lokukhetha? Ungakubonisa kanjani ukubonga kwakho kuJesu Kristu ngokukwenza “ukhululeke ukukhetha”? (2 Nefi 2:27).

Futhi bheka uDallin H. Oaks, “Opposition in All Things,” ILiyahona, ngoMeyi 2016, 114–17; IziHloko nemiBuzo, “Ilungelo lokukhetha,” Umtapo Wolwazi weVangeli; “Choose the Right,” Amahubo, no. 239.

Ngesikhathi ufunda uMose 4:4–12; 5:13–33, cabanga ngokubhala uhlu lwezindlela uSathane azama ngazo ukulinga u-Adamu no-Eva nabantwana babo. Ngabe uzizama kanjani lezizinto namuhla? Ukusiza kanjani uBaba oseZulwini ukuba uzivikele kwizinkohliso zikaSathane?

Emva kokuba badle isithelo esasingavunyelwe, u-Adamu kanye no-Eva bazama ukufihla ubunqunu babo. Kamuva, iNkosi yanikela ukubagqokisa. Ngesikhathi ufunda uMose 4:13–16, cabanga ngalokhu okulandelayo:

• Zindla ngokuthi ubunqunu kanye nezembatho zingamelani emibhalweni engcwele (bheka, isibonelo, ISambulo 7:9, 13–15; 2 Nefi 9:14; IMfundiso neziVumelwano 109:22–26, 76). Ufundani kulokho okwenzeka ku-Adamu no-Eva ngobunqunu kanye nezembatho?

• Uma usuwembathisiwe ethempelini, cabanga ngalokho u-Adamu no-Eva abangakusho kuwe ngokubaluleka kwesembatho sakho sasethempelini nokuthi simele ini.

Futhi Bheka “Sacred Temple Clothing” (ividiyo), Umtapo Wolwazi weVangeli­­.

4:12

Ngesikhathi ufunda uMose 5:4–9, 16–26, ake ucabange ngesimo sengqondo sika-Adamu kanye no-Eva namadodana abo uKhayini no-Abela uma ubhekisa kumnikelo. Ngabe kungani iNkosi yemukela umnikelo ka-Abela kodwa yawenqaba okaKhayini?

Yikuphi lokho iNkosi ecela unikele ngako? Ngabe kukhona yini okufundayo kulamavesi okuguqula indlela ocabanga ngayo ngaleyomnikelo?

• Ukuze usize abantwana bakho baqonde kangcono ngoKuwa kuka-Adamu kanye no-Eva, ungakopisha izithombe kwindaba “U-Adamu kanye no-Eva” (encwadini Izindaba zeTestamente eliDala, 13–16) bese uyazisika uzikhiphe. Ngemva kwalokho ningasebenza ndawonye ukuhlela izithombe ngokulandelana kwazo njengoba nixoxa ngalokho u-Adamu no-Eva abadlule kukho. Njengoba wenza, khuluma ngokuthi kungani kwakubalulekile, ohlelweni lukaBaba oseZulwini, ukuba u-Adamu no-Eva bashiye insimu yase-Edene.

• Abantwana bakho bangaba nomuzwa wokuthokozela iNhlawulo kaJesu Kristu njengoba beqonda ukuthi Wayinqoba kanjani imiphumela yoKuwa. Ngesikhathi nifunda ndawonye uMose 4:25; 6:48; KwabaseRoma 5:12; 2 Nefi 2:22–23, siza abantwana bakho ukuba bathole izindlela zokuqedela lomusho: “Ngenxa yoKuwa, ngi…” Bese, ngesikhathi nifunda ndawonye uMose 5:8–11, 14–15; 6:59; Alima 11:42, bangaqedela lona umusho: “Ngenxa yaJesu Kristu, ngi…” Yabelana ngokubonga kwakho ngoJesu Kristu komunye nomunye.

• Cabangela isifundo esilula sokwethula isimiso selungelo lokukhetha: mema abantwana bakho ukuthi badwebe ekhasini lomsebenzi waleli sonto, kodwa ubanikeze umbala owodwa kuphela abazowusebenzisa. Kungani kungabangcono ukuthi ukwazi ukukhetha? Bese ningafunda ndawonye uMose 4:1–4 nixoxe ngokuthi kungani uNkulunkulu efuna sikwazi ukuzikhethela phakathi kokulungile nokungalunganga. Basisiza kanjani uBaba oseZulwini kanye noJesu Kristu ekukhetheni izinqumo ezilungileyo?

• Siza abantwana bakho bacabange futhi badwebe izithombe zezinqumo ezinhle abangazenza ukuze balandele uJesu Kristu. Noma ningase nicule ndawonye iculo elimayelana nokwenza izinqumo ezilungileyo, njengokuthi “Choose The Right” (Children’s Songbook, 160–61). Ningase nitshele omunye nomunye ngesikhathi enenza isinqumo esihle futhi nixoxe ngendlela enazizwa ngayo ngemva kwalokho.

• Ngenkathi u-Adamu no-Eva kumele baphume eNsimini yase-Edeni, babengasakwazi ukuba noBaba oseZulwini. Funda uMose 5:4, 8 nabantwana bakho, futhi ubasize bathole ukuthi u-Adamu no-Eva benzani ukuze bazizwe besondele Kuye futhi nokuthi baMuzwe. Yiziphi ezinye izinto esingazisho kuBaba oseZulwini emikhulekweni yethu?